भ्रष्टाचार गर्ने कर्मचारी २४ घण्टामा तानिन्छ सामान्य प्रशासनमन्त्री मोदी
सङ्घीय मामिला तथा सामान्य प्रशासनमन्त्री अमनलाल मोदीले मुलुकमा सुशासन कायम गर्न राष्ट्रसेवक कर्मचारीले जनताका काममा तीब्रगतिमा लाग्नुपर्ने बताउनुभएको छ । कपिलवस्तुको विजयनगर गाउँपलिका अनुगमन तथा भेटघाट गर्ने क्रममा उहाँले सुशासन कायम गर्न भ्रष्टाचार मुक्त बनाउने धारणा राख्नुभयो । कर्मचारीले भ्रष्टाचार गरेको सुन्न् आएमा २४ घन्टा भित्र मन्त्रालयमा तानी फेरबदल गर्ने चेतावनी दिनुभएको छ ।
विद्यार्थीलाई अनुशासित बनाउन स्काउट
दुई दशकदेखि निष्क्रिय रहेको स्काउटको गतिविधि बढेसँगै पाल्पाका विद्यार्थी अनुशासनसँगै सामाजिक क्रियाकलापमा सक्रिय भएका छन् । जिल्लाका विभिन्न विद्यालयमा स्काउटको गठनसँगै विद्यार्थीमा अनुशासनको भावनामा अभिवृद्धि भई सामाजिक कार्यमा सक्रिय हुन प्रेरणा मिलेको हो ।
भारतीय पर्यटकको रोजाइमा कालीदह–ककरहवा नाका
रुपन्देहीको कालीदह–ककरहवा नाका पछिल्लो समय भारतीय पर्यटकले वैकल्पिक मार्गका रूपमा बढी प्रयोगमा ल्याउन थालेको देखिएको छ । बेलहिया–सुनौली नाकाभन्दा कालीदह–ककरहवा हुँदै लुम्बिनी आउजाउ गर्न सहज भएपछि भारतीय पर्यटकले यही नाका प्रयोग गर्न थालेको लुम्बिनीका पर्यटन व्यबसायीको दावी छ ।
हिन्दु–मुस्लिम एकताको धार्मिक मेला सुरु
हिन्दु–मुस्लिम समुदायबीच एकता तथा प्रगाढ सम्बन्ध बढाउने प्रतीकका रूपमा लाग्ने प्रसिद्ध धार्मिक मेला बाँकेको नरैनापुरमा सुरु भएको छ । प्रसिद्ध मुस्लिम सुफिसन्त हजरत खलिफा नुर अहमद शाहको समाधि स्थलमा प्रत्येक वर्ष सो मेला आयोजना हुने गरेको छ । धार्मिक मेला शुक्रबार रातिबाट सुरु भएको हो । धार्मिक तथा सामाजिक सद्भावको अद्भूत नमुना बनेको यस धार्मिक मेलाको उद्घाटन लुम्बिनी प्रदेशका बिनाविभागीयमन्त्री कृष्णा केसी र नरैनापुर गाउँपालिकाका अध्यक्ष इस्तियाक अहमद शाहले गर्नुभयो ।
कुसुन्डा भाषाकी एक्ली वक्ता कमला
तीन वर्षअघिसम्म ४७ वर्षीया कमला सेन कुसुन्डाले आफ्नी दिदीसँग मातृभाषा कुसुन्डा भाषामा कुरा गर्नुहुन्थ्यो । दिदीबहिनीको भेटमा सुखदुःख तथा पारिवारिक कुराकानी साटासाट आफ्नै भाषा हुन्थ्यो तर २०७७ माघ १९ गते दिदी ज्ञानुमैयाँको निधन भएपछि कमलासँग कुसुण्डा भाषामा संवाद गर्ने कोही छैन । बोल्ने दोस्रो व्यक्ति नहुँदा कमलाले समेत अब आफ्नो भाषासमेत बिर्सिन थाल्नुभएको छ ।
संघीयताको खारेजी असम्भव : प्रदेश प्रमुख शेरचन
लुम्बिनी प्रदेश सभा स्थापना भएको छ वर्ष पुगेको छ। स्थापनाको छ वर्षमा लुम्बिनी प्रदेश सभाले महत्वपूर्ण उपलब्धिको रुपमा प्रदेशको नाम र राजधानी टुंगो लगाएको छ।
कर्तव्य ज्यान मुद्दामा दम्पती पक्राउ
जिल्ला प्रहरी कार्यालय गुल्मीले एक दम्पतीलाई कर्तव्य ज्यान मुद्दामा प्रक्राउ गरी सार्वजनिक गरेको छ ।
ट्रकको ठक्करबाट एक जनाको मृत्यु
जिल्लाको तिनाउ–५, चौबिस माइलमा ट्रकको ठक्करबाट एक जनाको मृत्यु भएको छ । सिद्धार्थ राजमार्ग हुँदै पाल्पाबाट बुटवलतर्फ गइरहेको लु २९ प ३२९७ नम्बरको मोटरसाइकललाई सोही दिशातर्फ गइरहेको ल. २ ख ८४३ नम्बरको ट्रकले ठक्कर दिँदा मोटरसाइकल चालकको मृत्यु भएको हो ।
आगामी आर्थिक वर्षदेखि बजेट रकमान्तर रोकिन्छ : अर्थमन्त्री पौडेल
उपप्रधानमन्त्री एवम् अर्थमन्त्री विष्णुप्रसाद पौडेलले बजेट रकमान्तर गर्ने परिपाटी आगामी आर्थिक वर्षदेखि पूर्णरूपमा रोक्ने गरी बजेट नीति तथा कार्यक्रम ल्याउन लागेको बताउनुभएको छ ।
पाल्पामा ट्याक्टरको ठक्करबाट आमा–छोराको मृत्यु
पाल्पामा ट्याक्टरको ठक्करबाट आमा–छोराको मृत्यु भएको छ । लु. २ त. ९८८४ नम्बरको ट्याक्टरले लु.५३ प.७५७१ नम्बरको स्कुटरलाई शनिबार बिहान ठक्कर दिँदा आमा–छोराको मृत्यु भएको प्रहरीले जनाएको छ ।
राष्ट्रिय थारु साहित्य सम्मेलन सुरु
थारू साहित्य तथा इतिहास अभिलेख गर्ने उद्देश्यका साथ बाँकेमा सातौँ थारू राष्ट्रिय साहित्य सम्मेलन शुक्रबारबाट सुरु भएको छ। बाँकेको राप्तीसोनारी गाउँपालिका–६, सिधनवामा सुरु भएको थारू राष्ट्रिय साहित्य सम्मेलनको उद्घाटन नेपाल सरकारका सङ्घीय मामिला तथा सामान्य प्रशासनमन्त्री अमनलाल मोदीले गर्नुभयो। मन्त्री मोदीले साहित्य र संस्कृतिको जगेर्ना र विकासका लागि सरकार गम्भीर रहेको जनाउँदै सबैको कला संस्कृति र साहित्यको संरक्षणमा सरकारको सहयोग रहने बताउनुभयो।
सङ्घीयता अनुभूत हुने गरी काम गर्न सुझाव
लुम्बिनी प्रदेश सभाका सदस्यले सङ्घीयताको अनुभूति दिलाउने गरी काम गर्न प्रदेश सरकारलाई आग्रह गरेका छन् । शुक्रबारको प्रदेश सभा बैठकमा सदस्यले सरकार गठन भएको लामो समयसम्म पूर्णता प्राप्त गर्न नसकेको भन्दै अविलम्ब सरकार विस्तार गर्नसमेत आग्रह गर्नुभएको थियो ।
प्रयोगविहीन बर्थिङ सेन्टर
गुणस्तरीय पूर्वाधारसहित तालिम प्राप्त जनशक्ति भए पनि घरमा बच्चा जन्माउने क्रम घटेको छैन । स्थानीय तहको लगानीमा व्यवस्थित पूर्वाधार र जनशक्तिसहित बर्थिङ सेन्टर स्थापना भए पनि घरमै सुत्केरी हुने क्रम नघटेको हो । जिल्लाका अधिकांश स्थानीय तहले घरमा जन्म हुने शिशुको सङ्ख्या शून्यमा झार्न बर्थिङ सेन्टरको स्थापना गर्ने क्रम बढेको छ तर बच्चा भने बर्थिङ सेन्टरमा होइन, घरमै जन्मिने गरेका छन् । पाल्पाका १० स्थानीय तहमा हाल ४५ वटा बर्थिङ सेन्टर सञ्चालनमा छन् । ती बर्थिङ सेन्टरमा तालिम प्राप्त स्वास्थ्यकर्मी भए पनि घरमा जन्म हुने शिशुको सङ्ख्यामा कमी आउन सकेको छैन ।
अनुदानमा कृषि औजार वितरण
गुल्मीमा ५० प्रतिशत अनुदानमा कृषकहरूलाई यान्त्रीकरण औजार वितरण गरिएको छ । प्रधानमन्त्री कृषि आधुनिकीकरण परियोजना, परियोजना कार्यान्वयन एकाइ गुल्मीले सूचीकृत, कृषक समूह, सहकारी र निजी फार्महरूलाई पचास प्रतिशत अनुदानमा वितरण गरेको हो ।
सहकारीका बचतकर्ताको रकम जोखिममा
रुपन्देहीका केही सहकारी संस्था सङ्कटमा रहेको पाइएको छ । बुटवलमा रहेको शिवशिखर, सुप्रिम र आगन्तुक सहकारीका बचतकर्ताले रकम निकाल्न नपाएको गुनासो सार्वजनिक भएपछि सहकारीहरू सङ्कटमा रहेको पाइएको हो । लुम्बिनी प्रदेश सहकारी विकास बोर्डको उपाध्याक्ष टीकाराम पोखरेलले प्रदेशमा सञ्चालनमा रहेका केही सहकारी संस्थामा समस्या देखिएकाले सरकारले कानुुनी प्रक्रिया अगाडि बढाएको बताउनुभयो ।
दाङमा खुमबहादुर खड्का स्मृति भलिबल प्रतियोगिता सुरु
घोराहीमा लुम्बिनी प्रदेशकै सर्वाधिक राशीको ‘दोस्रो खुमबहादुर खड्का स्मृति पुरुष भलिबल प्रतियोगिता’ सुरु भएको छ । नेपाली कांग्रेसका नेता एवं पूर्वमन्त्री स्वर्गीय खुमबहादुर खड्काको स्मृतिमा नेपाली कांग्रेस दाङको आयोजनामा भलिबल प्रतियोगिता सुरु भएको हो ।
बाँकेमा दादुरा नियन्त्रण हुँदै
बाँकेमा दादुरा महामारी फैलिएको करिब एक महिनाको अवधीमा एकजनाको मृत्यु भएको छ भने ३१३ जनामा दादुरा सङ्क्रमण देखिएको छ ।
नागरिक उनमुक्ति पार्टीको अवरोधपछि प्रदेश सभा बैठक स्थगित
लुम्बिनी प्रदेशको पाँचौ प्रदेश सभा बैठक नागरिक उन्मुक्ति पार्टीको अवरोधका कारण स्थगित भएको छ।
सडकका खाल्डाखुल्डी पुर्दै सडक डिभिजन
सडक डिभिजन कार्यालय पाल्पाले सडकका खाल्डाखुल्डी पुर्ने काम सुरु गरेको छ । सिद्धार्थ राजमार्गअन्तर्गतका पाल्पा–बुटवल खण्डको सडकमा परेका खाल्टाखुल्टी पुर्ने काम सुरु गरिएको सडक डिभिजन कार्यालय पाल्पाले जनाएको छ ।
नेपालगञ्जमा स्वास्थ्य प्रवर्द्धन प्राथमिकता
सर्नेभन्दा नसर्ने रोगको समस्या धेरै भएकाले नेपालगञ्ज उपमहानगरपालिकाले स्वास्थ्य प्रवर्द्धनात्मक कार्यक्रमलाई प्राथमिकता दिएको प्रमुख प्रशासकीय अधिकृत शिवप्रसाद रिजालले जानकारी दिनुभयो ।
स्रोत नखुलेको २१ लाख भारतीय रुपियाँसहित तीन पक्राउ
कपिलवस्तु प्रहरीले स्रोत नखुलेको २१ लाख सात हजार एक सय भारतीय रुपियाँसहित तीन जनालाई पक्राउ गरेको छ । स्रोत नखेलेको भारतीय रुपियाँ ओसारपसार भइरहेको भन्ने गोप्य सूचनाका अधारमा उनीहरुलाई पक्राउ गरिएको हो ।
च्याउखेतीबाट मनग्य आम्दानी
गैँडाकोट नगरपालिका–५ मा रहेको छत्राक एग्रो फार्मका सञ्चालक ६१ वर्षीय कर्णलाल श्रेष्ठ विगत दुई वर्षदेखि च्याउखेतीमा नै रमाइरहनुभएको छ । “केही गर्छु भन्ने इच्छाशक्ति भयो भने न त पैसाले रोक्दो रहेनछ, न त उमेरले नै छेक्दो रहेछ, मात्र काम गर्ने जोश, जाँगर चाहिँदो रहेछ”, श्रेष्ठले भन्नुभयो ।
कालिदह नाकामा बढ्यो चहलपहल
पछिल्लो समय नेपाल–भारत सीमाक्षेत्र कालिदह–ककरहवा नाकामा चहलपहल बढ्दै गएको छ । भारतीय पर्यटक ककरहवा–कालिदह नाका हुँदै लुम्बिनी आउने क्रम बढेपछि सीमा क्षेत्र गुल्जार बनेको हो ।
टङ्कप्रसाद आचार्यको जन्मघरलाई सङ्ग्रहालय बनाइने
नेपाली इतिहासको पहिलो राजनैतिक पार्टी प्रजा परिषद्का अध्यक्ष टङ्कप्रसाद आचार्यको नवलपरासी स्थित जन्म घरलाई संग्राहलय बनाइने भएको छ ।
दिवा खाजाको पैसा अभिभावकलाई
नवलपरासीका कतिपय विद्यालयले विद्यार्थीलाई उपलब्ध गराइएको दिवा खाजाको पैसा अभिभावकलाई दिने गरेको पाइएको छ। सरकारले सामुदायिक विद्यालयमा विद्यार्थीको आकर्षण बढाउन कक्षा ६ सम्मका विद्यार्थीलाई दिवा खाजा दिने व्यवस्था गरेको छ।
