पाँच सय मेट्रिक टन क्षमताको शितभण्डार निर्माण हुँदै
धनुषाको छिरेश्वरनाथ नगरपालिका–७, सखुवा बजार नजिक पाँच सय मेट्रिक टन क्षमताको शीतभण्डारको निर्माण कार्य तीव्र गतिमा अघि बढेको छ ।
गुल्मीमा औषधी व्यवसायी सङ्घको भवन उद्घाटन
नेपाल औषधी व्यवसायी सङ्घ गुल्मी शाखाको नवनिर्मित भवनको उद्घाटन गरिएको छ ।
वाईसिएल नेपाल सिरिजङ्घाको अध्यक्षमा लिम्बू चयन
योङ कम्युनिष्ट लिग (वाइसिएल) नेपाल सिरिजङ्घा गाउँपालिका कमिटीको अध्यक्षमा अशाेक लिम्बू दावा चयन हुनुभएको छ ।
धनेवा खोलाको तटबन्ध मर्मत गरिँदै
नवलपरासी पश्चिमको सरावल गाउँपालिकाले डुबान नियन्त्रण गर्न धनेवा खोलाको तटबन्ध मर्मत कार्य अगाडि बढाएको छ । बर्सेनि झेल्दै आएको सरावल गाउँपालिका –६ मा रहेको धनेवा खोलाबाट बस्ती डुबान र कटानको समस्यालाई नियन्त्रण गर्न तटबन्ध मर्मतको काम अघि बढाइएको हो ।
युपिआरबारे प्रदेशस्तरीय कार्यशाला नेपालगन्जमा
मानव अधिकारको विश्वव्यापी आवधिक समीक्षा (युपिआर)बारे प्रदेशस्तरीय कार्यशाला नेपालगन्जमा सम्पन्न भएको छ ।
प्रहरी निरीक्षकबिच कुटाकुट
विराटनगरस्थित एक होटलमा नेपाल प्रहरीका तीन जना बहालवाला प्रहरी निरीक्षकबिच कुटाकुट भएको घटना सार्वजनिक भएको छ ।
बागमतीमा प्रदेश युवा सम्मेलन हुने
बागमती प्रदेश युवा परिषदले आगामी वैशाख २८ गतेदेखि ३० गतेसम्म ‘प्रदेश युवा सम्मेलन २०८२’ आयोजना गर्ने भएको छ । गत २०८० सालदेखि निरन्तर आयोजना हुँदैआएको यो सम्मेलन परिषदको तेस्रो शृङ्खला हो ।
पाहुना कुर्दै रेमी सामुदायिक होमस्टे
उत्तरमा सेता हिमाल छ । समथर रेमी गाउँमा टम्म परेको घर छन् । शान्तिपुर बजारबाट निस्कएपछि नजिकैको रेमी गाउँ पुगिन्छन् । रेमीको थाप्लोमा आर्कषक टिमुरे ताल छ ।
प्रतापपुर गाउँपालिकाको प्रशासनिक भवन निर्माण
१२ करोड रुपियाँको लागतमा पश्चिम नवलपरासीको प्रतापपुर गाउँपालिकाको निर्माणाधीन मुख्य प्रशासनिक भवन अन्तिम चरणमा पुगेको छ ।
असिना पानीले तरकारी बालीमा क्षति
बिहीबार परेको असिना पानीले रोल्पाको त्रिवेणी गाउँपालिकामा लगाइएको तरकारी बालीमा क्षति पुर्याएको छ ।
प्युठानमा रक्तदान गर्नेको सङ्ख्या बढ्दै
जिल्लामा पछिल्लो समय रक्तदान गर्ने व्यक्ति बढ्दै गएका छन् । विभिन्न सामाजिक सङ्घ संस्थाहरूले विभिन्न अवसरमा रक्तदान कार्यक्रम गर्न थालेका हुन् ।
गाःबहालमा रातो मत्स्येन्द्रनाथको दर्शन गर्नेको भीड
काठमाडौँ, वैशाख १९ गते । रातो मत्स्येन्द्रनाथ (मच्छिन्द्रनाथ) को रथको पूजाआजा गर्नेको भीड लागेको छ ।रथलाई पुलचोकबाट तानेर बिहीबार गाःबहाल पुर्याइएको थियो । आज बिहान गाःबहालमा रातो मत्स्येन्द्रनाथको पूजा गर्नेको भीड रहेको छ । रथलाई पाटनका विभिन्न स्थानमा परिक्रमा गराइन्छ । पुलचोक, गाःबहाल, सुनधारातर्फ महाबौद्ध र चाकु बहाल हुँदै लगनखेल, पोडे टोल र जावलाखेलमा परिक्रमा गराइन्छ । मत्स्येन्द्रनाथको जात्राका क्रममा नरिवल खसाल्ने जात्रा र भोटो देखाउने जात्रा पनि पर्छन् । जावलाखेल पुर्याएपछि रथबाट भोटो देखाएर जात्रा समाप्त गरिन्छ । हरेक दिन रथ तानेर पुर्याइएका ठाउँमा जात्रा मनाइन्छ । रातो मत्स्येन्द्रनाथको दर्शन गरेमा सुख शान्ति र समृद्धि मिल्ने विश्वास छ । यो नेपालकै सबैभन्दा लामो जात्रा पनि हो । मत्स्येन्द्रनाथलाई अवलोकेत्श्वर, बुङ्गद्धया लगायत नामले पनि पुकारिन्छ । ललितपुरको पुल्चोकमा तयार पारिएको ३२ हात अग्लो रथमा रातो मत्स्येन्द्रनाथलाई रथारोहण गराइएको चौथो दिनबाट रथयात्रा सुरु गरिएको हो । आज शुक्रवार बिहानै गाःबहालमा रातो मत्स्येन्द्रनाथको दर्शन र पूजा गर्ने दर्शनार्थीको भीड छ ।
नीति तथा कार्यक्रमका लागि संसदमा पूर्वाभ्यास सम्पन्न, तयारी पूरा
काठमाडौँ, वैशाख १९ गते । आर्थिक वर्ष २०८२–०८३ को लागि सरकारबाट प्रस्तुत हुने नीति तथा कार्यक्रमको तयारी पूरा भएको छ ।शुक्रवार दिउँसो ३ बजे राष्ट्रपति रामचन्द्र पौडेलले आगामी आर्थिक वर्षको नीति तथा कार्यक्रम वाचन गर्ने कार्यक्रम छ । संसद्को दुवै सदनको संयुक्त बैठकलाई सम्बोधन गर्ने कार्यक्रमका लागि आज बिहान संसद् भवन नयाँ बानेश्वरमा पूर्वाभ्यास गरिएको हो । तयारी कार्यक्रममा सभामुख देवराज घिमिरे, राष्ट्रिय सभा अध्यक्ष नारायणप्रसाद दाहाल लगायत संसद् सचिवालयका कर्मचारीको उपस्थिति रहेको थियो । नीति तथा कार्यक्रमका लागि सम्पूर्ण तयारी पूरा भएको संसद् सचिवालयले बताएको छ ।
पुस्तकालयले ल्याएको परिवर्तन
मलाई पुस्तकालय जानका लागि कुनै विशेष कारण चाहिँदैन । यो मेरो जीवनको दैनिकी हो ।
पुस्तकालयको अनुभव
विभिन्न किसिमका पुस्तकको सङ्ग्रह भएको ठाउँलाई पुस्तकालय भनिन्छ ।
ज्ञानको भण्डार पुस्तकालय
पुस्तकालय भनेको ज्ञानको भण्डार हो ।
दक्षिण कोरियाका कार्यवाहक राष्ट्रपति तथा प्रधानमन्त्री हानद्वारा राजीनामा
काठमाडौँ, वैशाख १९ गते । दक्षिण कोरियाका कार्यवाहक राष्ट्रपति तथा प्रधानमन्त्री हान डक–सूले बिहीबार राष्ट्रलाई टेलिभिजन सम्बोधन गर्दै राजीनामाको घोषणा गर्नुभएको छ । हानले देशले सामना गरिरहेको सङ्कटको समयमा आफूले गर्न सक्ने र गर्नुपर्ने काम गर्न पद त्याग्ने निर्णय गरेको बताउनुभयो । चरम राजनीति त्यागिएको छैन र सहयोगको जग स्थापित भएको छैन तबसम्म सत्तामा जो भए पनि विभाजन र द्वन्द्व दोहोरिने उहाँको भनाइ छ । भन्नुहुन्छ, यस क्षणमा र भविष्यमा अन्त्यसम्म दक्षिण कोरियाको लागि उत्तम बन्ने सबै तरिकाले जानेछु । हानको राजीनामासँगै उपप्रधानमन्त्री तथा अर्थ तथा वित्तमन्त्री चोई साङ–मोकले कार्यवाहक राष्ट्रपतिको रूपमा काम गर्नुहुनेछ । हानले शुक्रवार जुन ३ मा हुने तत्काल राष्ट्रपति चुनावको लागि आफ्नो दाबी घोषणा गर्ने अनुमान गरिएको छ । पूर्व राष्ट्रपति युन सुक–योललाई उनको असफल मार्सल ल लागूका कारण पदबाट हटाइएपछि उनी रूढिवादी मतदाताहरूका लागि मन पर्ने राष्ट्रपति उम्मेदवारहरूमध्ये एक हुन् । हालै गरिएको एक सर्वेक्षणले हानले १३ प्रतिशतको समर्थन दर प्राप्त गरेको देखाएको छ । जसले रूढिवादी पिपुल पावर पार्टीका राष्ट्रपतिका उम्मेदवारहरूको अनुमोदन स्कोरलाई उछिन्यो । यो बहुमत उदारवादी डेमोक्रेटिक पार्टीका राष्ट्रपतिका उम्मेदवार ली जे–म्युङको लागि ४२ प्रतिशत समर्थनभन्दा धेरै कम थियो । सिन्ह्वाको सहयोगमा
शालिग्राम लोप हुने अवस्थामा
वारागुङ मुक्तिक्षेत्र गाउँपालिका–४, का वडाध्यक्ष कर्मा ग्याछो गुरुङ कागबेनीमा आउने भक्तजनलाई घरायसी प्रयोजनबाहेक शालिग्राम नलैजान अनुरोध गर्नुहुन्छ ।
प्रभावकारी भएन स्वास्थ्य सेवा
ढोरपाटन उपत्यकामा रहेको सामुदायिक स्वास्थ्य एकाइमा २०७६ सालदेखि ‘बर्थिङ सेन्टर’ स्थापना गरेर सेवाप्रवाह भए पनि अहिलेसम्म प्रभावकारी बन्न सकेको छैन । यहाँका बिरामीले सामान्य उपचार मात्रै पाउने गरेका छन् ।
सञ्चालनमा आएनन् विद्युतीय बस
लुम्बिनी विकास कोष अन्तर्गतका विद्युतीय सवारीसाधनको नम्बर प्लेट परिवर्तन गरी सञ्चालन गर्न अदालतले आदेश दिएको एक महिनाभन्दा बढी भइसक्दा पनि ती विद्युतीय बस र भ्यान अझै सञ्चालनमा आउन सकेका छैनन् ।
एउटै कम्पनीलाई चार पुलको ठेक्का, समयमै पुल बन्नेमा आशङ्का
एउटै निर्माण व्यवसायीले धेरै कामको ठेक्का लिएर समयमै काम नसक्ने गरेको नौलो कुरा होइन । यो विषयमा नियामक निकाय जानकार हुँदाहुँदै पनि पहुँचका आधारमा ठेक्का हत्याउने गरेका छन् ।
बुबाआमा टुङ्गो नभएका इन्द्रबहादुरलाई ३६ वर्षमा नागरिकता
“तीन वर्षको निरन्तर प्रयासपछि म पनि नेपाली नागरिक बनेको छु । नागरिकता पाएपछि अहिले मलाई संसार जितेको महसुस भएको छ”, दिक्तेल रुपाकोट मझुवागढी नगरपालिका–३ बाम्राङ बस्दै आउनुभएका ३६ वर्षीय इन्द्रबहादुर थापाले भन्नुभयो, “अब सबैभन्दा पहिले दुई छोराको जन्मदर्ता गरिदिन्छु, त्यसपछि उनीहरूको पढ्ने बाटो खुल्छ ।
सडक विस्तार योजनामा सूर्योदय
इलामको सूर्योदय नगरपालिकाका प्रत्येक वडामा एक÷एक वटा ‘अल वेदर’ (बाह्रमासे) सडक निर्माण गरिएको छ । वडा र नगरपालिकाको केन्द्रसम्म सहज सडक सञ्जालको पहुँचका लागि निर्माण गरिएका बाह्रमासे सडक यतिबेला कालोपत्रेको चरणमा पुगेका छन् । गाउँका सडक धमाधम कालोपत्रे हुन थालेपछि यहाँका स्थानीय उत्साहित बन्न थालेका छन् ।
भासियो कोदारी लोकमार्ग
केही दिनयताको सामान्य बर्सातले पनि कोदारी लोकमार्ग भासिन थालेकाले पटक पटक सडक अवरुद्ध हुन थालेको छ । सडक अवरुद्ध हुन थालेपछि तातोपानी नाकाबाट आउने मालवाहक गाडी, यात्रुवाहक गाडी, सानाठुला सवारीसाधन बिच बाटोमै रोकिन थालेका छन् ।
बेसहारा आमाको सहारा वृद्धाश्रम
ढल्कँदै गएको उमेरसँगै विलीन हुँदै गएको चेतना र स्मृतिकै कारण सामाजिक विभेदमा परेका वृद्धाहरूको सहारा बन्दै आएको छ रामजानकी शान्ति वृद्धाश्रम । बुढ्यौली उमेरसँगै शरीर अशक्त हुँदै जाँदा आफ्नोसम्म ख्याल राख्न नसक्ने अवस्थामा पुगेका वृद्धाहरूको सहारा रामजानकी शान्ति वृद्धाश्रम बनेको हो ।
