रेसुङ्गालाई पर्यटकसँग जोड्न प्रदेशस्तरबाट लागेका छौं : मन्त्री कार्की
लुम्बिनी प्रदेशका आर्थिक मामिला तथा योजना मन्त्री धनेन्द्र कार्कीले रेसुङ्गालाई पर्यटकसँग जोड्न प्रदेशस्तरबाट लागिएको बताउनुभएको छ ।
दैलेख उद्योग वाणिज्य सङ्घको अध्यक्षमा थापा निर्वाचित
निजी क्षेत्रको छाता संस्था दैलेख उद्योग वाणिज्य सङ्घको ११ औँ साधारण सभा तथा दशौं अधिवेशनबाट अध्यक्षमा नरेन्द्रबहादुर थापा निर्वाचित हुनुभएको छ ।
पाकिस्तानमा भारतको ड्रोन हमलामा १ जनाको मृत्यु, ५ जना घाइते
काठमाडौँ, वैशाख २६ गते । बिहीबार बिहानदेखि पाकिस्तानका धेरै स्थानलाई लक्षित गरी भारतले गरेको शृङ्खलाबद्ध ड्रोन हमलामा एक जना नागरिकको मृत्यु भएको छ । चार जना सैन्य कर्मचारीसहित पाँच जना घाइते भएको पाकिस्तानी सेनाले बिहीबार जनाएको छ । पाकिस्तानी सेनाको मिडिया शाखा इन्टर–सर्भिसेज पब्लिक रिलेशन्सले एक विज्ञप्तिमा भनेको छ कि तनाव सुरु भएदेखि इलेकट्रोनिक काउन्टरमेजर र काइनेटिक फायरको संयोजन प्रयोग गरेर २५ वटा हारोप ड्रोनहरू खसालिएको छ । यसअघि मिडिया ब्रिफिङमा आइएसपिआरका महानिर्देशक लेफ्टिनेन्ट जनरल अहमद सरिफ चौधरीले पूर्वी पन्जाब प्रान्तको राजधानी लाहोर नजिकैको सैन्य प्रतिष्ठानमा एउटा ड्रोनले आंशिक रूपमा प्रहार गरेको बताउनुभएको थियो । जसमा चार जना कर्मचारी घाइते भएका थिए र उपकरणमा सामान्य क्षति पुगेको थियो । एउटा छुट्टै घटनामा सिन्ध प्रान्तको मियानो क्षेत्रमा एक जना नागरिकको मृत्यु भएको छ र अर्का एक जना घाइते भएका छन् ।सिन्ह्वाको सहयोगमा
नेपाल भारत नाकामा परिचय खुलेमा मात्र प्रवेश
दक्षिण एसियाका दुई शक्तिशाली देशहरू भारत र पाकिस्तानबिच द्वन्द्व चर्किँदै गएपछि नेपाल र भारत दुवै देशका सुरक्षाकर्मीहरूले नेपालगन्ज सीमा नाकामा कडाइ बढाउँदै लगेका छन् ।
चार करोड लागतको पुल नीलगिरी कन्स्ट्रक्सनले दश वर्षदेखि अलपत्र पार्यो
संविधानसभा निर्वाचनको बेला यहाँका ठुला राजनीतिक दलले चुनावी एजेन्डा बनाएको मोरङको सुनवर्षी नगरपालिका वडा नं. १ को जोगीधाप –केचना जोड्ने मरिया बक्राहा खोलाको पुल १० वर्ष बितिसक्दा पनि निर्माण हुन सकेको छैन ।
एसिसी मेन्स यू–१६ इस्ट जोन कप क्रिकेट प्रतियोगिता आजदेखि सुरु
केशवराज भट्टबैतडी, वैशाख २६ गते । एसिसी मेन्स यू–१६ इस्ट जोन कप क्रिकेट २०२५ को बैतडी छनौटको खेल तालिका सार्वजनिक भएको छ । शुक्रवारदेखि सुरु हुने प्रतियोगितामा जिल्लाका सात टिमको सहभागिता रहने बैतडी जिल्ला क्रिकेट सङ्घका सचिव सिद्धराज बोकटीले जानकारी दिनुभयो । टि–२० फरम्याटमा सञ्चालन हुने यो प्रतियोगितामा सहभागी टिमलाई दुई समूहमा विभाजन गरिएको छ । समूह ए मा महारुद्र क्रिकेट क्लब, बैतडी क्रिकेट एकेडेमी, दशरथचन्द क्रिकेट एकेडेमी र बैतडी युनाइटेड एकेडेमी छन् ।समूह बी मा पाटन भ्याली क्रिकेट क्लब, निङ्गलाशैनी क्रिकेट क्लब र पाटन क्रिकेट क्लबलाई राखिएको छ । दशरथचन्द क्रिकेट मैदान सुन्दरखालीमा वैशाख २६ गते शुक्रबार आज हुने उद्धघाटन खेलमा महारुद्र क्रिकेट क्लब र बैतडी क्रिकेट एकेडेमी भिड्ने छन् । वैशाख २७ गते हुने पहिलो खेलमा बैतडी क्रिकेट एकेडेमी र बैतडी युनाइटेड एकेडेमी तथा दोस्रोमा महारुद्र क्रिकेट क्लब र दशरथचन्द क्रिकेट एकेडेमी खेल्नेछन् ।वैशाख २८ गते महारुद्र क्रिकेट क्लब र बैतडी युनाइटेड एकेडेमी तथा दोस्रोमा पाटन भ्याली र निङ्गलाशैनी आमनेसामने हुनेछन् । वैशाख २९ गते पहिलोमा दशरथचन्द एकेडेमी र बैतडी युनाइटेड तथा दोस्रोमा निङ्गलाशैनी र पाटन क्रिकेट प्रतिस्पर्धा गर्नेछन् ।वैशाख ३० गते पहिलो खेलमा पाटन क्रिकेट र पाटन भ्याली तथा दोस्रोमा बैतडी क्रिकेट र दशरथचन्द एकेडेमीबिच भिडन्त हुनेछ । प्रतियोगिता अन्तर्गत वैशाख ३१ गते सेमिफाइनलका खेलहरू सञ्चालन हुनेछन् । पहिलो सेमिफाइनलमा समूह ए को विजेता र समूह बी को उपविजेता तथा दोस्रोमा समूह बी को विजेता र समूह ए को उपविजेता टोली भिड्नेछन् । फाइनल भिडन्त जेठ १ गते हुनेछ ।छनौट प्रतियोगितामा उत्कृष्ट प्रदर्शन गर्ने खेलाडीलाई जिल्लाको टोलीमा समावेश गरिने बैतडी जिल्ला क्रिकेट सङ्घका अध्यक्ष विनोदबहादुर चन्दले बताउनुभयो । एसियन क्रिकेट काउन्सिलको कार्यक्रमअनुसार नेपाल क्रिकेट सङ्घले एसिसी मेन्स यू–१६ इस्ट जोन कप २०२५ को छनोटका लागि आगामी जेठमा राष्ट्रिय प्रतियोगिता गर्दैछ ।
एउटै प्रतिष्ठानको पटक पटक शिलान्यास
मन्त्रीपरिषद्को बैठकले २०७५ साल पुस १६ गते सप्तरीको राजविराजमा रामराजाप्रसाद सिंह स्वास्थ्य विज्ञान प्रतिष्ठान स्थापना गर्ने निर्णय ग¥यो । २०७८ जेठ २१ मा मन्त्रीपरिषद्कै बैठकबाट राजविराज नगरपालिकाले उपलब्ध गराएको वडा नम्बर १० स्थित ६२ बिघा जग्गा प्रतिष्ठानका नाममा ३० वर्षका लागि भाडामा दिने निर्णय भयो ।
चीन–रसिया सहकार्यले अन्तर्राष्ट्रिय न्यायको रक्षा गर्ने
काठमाडौं, बैसाख २६ गते । रूसी राष्ट्रपति भ्लादिमिर पुटिनसँग भेटवार्ता गर्दै चिनियाँ राष्ट्रपति सी जिनपिङले चीन र रसियाले विश्वका प्रमुख राष्ट्रका रूपमा विशेष जिम्मेवारी बहन गर्न तयार रहेको बताउनुभएको छ।उहाँले हालको विश्व परिदृश्यमा एकपक्षीयता, शक्तिको राजनीति र दादागिरीजस्ता प्रवृत्तिको विरोध गर्दै, दुवै देशले अन्तर्राष्ट्रिय न्याय, निष्पक्षता र संयुक्त राष्ट्रसंघको अधिकारको संरक्षण गर्न मिलेर काम गर्ने बताउनुभयो।सीले चीन–रसिया सम्बन्धलाई इतिहासमा आधारित गहिरो मित्रता भएको भन्दै यसलाई नयाँ युगमा अझ सशक्त, स्थिर र दीर्घकालीन बनाइने बताउनुभयो।उहाँले द्वितीय विश्वयुद्धको ८०औं वार्षिकोत्सवको सन्दर्भमा ऐतिहासिक तथ्यको रक्षा, विकासशील देशहरूको अधिकारको संरक्षण र समावेशी तथा समान विश्व व्यवस्था निर्माणमा चीन–रसिया मिलेर काम गर्ने प्रतिबद्धता जनाउनुभयो।सीले ऊर्जा, व्यापार, कृषि, अन्तरिक्ष, कृत्रिम बौद्धिकता जस्ता क्षेत्रमा सहकार्य विस्तार गर्नुपर्नेमा जोड दिँदै, बेल्ट एण्ड रोड पहल र यूरेशियन आर्थिक संघबीच सहकार्यमार्फत उच्चस्तरीय पूर्वाधार विकास गर्नुपर्ने बताउनुभयो।साथै, शिक्षा, संस्कृति, पर्यटन, चलचित्र, खेलकुदजस्ता जनस्तरका आदानप्रदान बढाएर दुई देशबीचको सम्बन्ध अझ बलियो बनाइने उल्लेख गर्नुभयो।चीन चाहे जस्तोसुकै अन्तर्राष्ट्रिय परिस्थिति आए पनि आफ्ना कार्यहरू दृढताका साथ अघि बढाउने र रसियासँग मिलेर अन्तर्राष्ट्रिय प्रणाली सुधार गर्ने दिशामा काम गर्नेछ। रासस
घर घरमा धारा आएपछि स्थानीय हर्षित
चुरेको विकट क्षेत्रमा पर्ने सर्लाहीको हरिवन नगरपालिका–१, डुम्रीघारीमा घर घरमै खानेपानीको धारा पुगेपछि स्थानीय दङ्ग परेका छन् । बर्सौंदेखि हरिवन राईखोलाको पानी पिउँदै
लेक पसे भेडाबाख्रा
मङ्सिर लागेसँगै चिसो बढ्दा बेँसी झरेका भेडाबाख्रा तथा चौँरी अचेल लेक उक्लिन थालेका छन् । चरनका लागि लेकमा घाँस पलाउन थालेको तथा बेँसीमा गर्मी हुन थालेपछि मनाङका भेडाबाख्राका बथान लेक उक्लिन थालेका छन् ।
आत्मनिर्भर अर्थतन्त्र निर्माण प्रतिबद्ध
धादिङबेँसी, वैशाख २६ गते सङ्घीय सरकारका वन तथा वातावरणमन्त्री ऐनबहादुर शाही ठकुरीले सरकारले आत्मनिर्भर अर्थतन्त्र निर्माणमा ध्यान केन्द्रित गरेको बताउनुभएको छ ।
सीमा सुरक्षामा कडाइ
भारत–पाकिस्तान विवाद बढ्दै जाँदा ८३ किलोमिटर खुला सीमा भएको बर्दिया जिल्लाको सीमा सुरक्षा व्यवस्था कडा पारिएको छ ।
विद्युतीकरणको काम अलपत्र
सल्यानको शारदा नगरपालिका वडा नं. ७ मा करिब एक वर्षअघि नै विद्युत् पोल झारिएको थियो ।
भत्किएको पुल भएन पुनर्निर्माण
मदन भण्डारी राजमार्गको धरान उपमहानगरपालिका–८ स्थित अरुण टोलमा रहेको तीनढ्वाङ्गे–खहरे पुल भत्किएको वर्ष दिन हुन लाग्दासमेत पुनर्निर्माण भएको छैन । नेपा
दुबईमा दीपकराजलाई उद्धारको आवश्यकता
रोजगारीका लागि दुबई पुगेका दीपकराज भण्डारी विदेशमा अलपत्र परेपछि उहाँका परिवार यहाँ शोकमा परेको छ ।
विपत् जोखिम व्यवस्थापन प्रभावकारी बनाउन आग्रह
दैलेखका राजनीतिक दलले स्थानीय सरकारलाई विपत् व्यवस्थापनलाई प्रभावकारी बनाउन आग्रह गरेको छ ।
गिट्टी नकुटे चुनमतीको चुलोमा बल्दैन आगो
मुगु छायानाथ रारा नगरपालिका–७, पिनागाउँका चुनमती शाहीको घरखर्च गिट्टी कुटेर चलिरहेको छ ।
गाउँपालिका अध्यक्षसहितको भ्रष्टाचार मुद्दा सर्वोच्चमा
विनय कर्णसप्तरी, वैशाख २६ गते । सप्तरीको विष्णुपुर गाउँपालिकाका अध्यक्ष उमेशप्रसाद यादवसहितका तीन जना उपर सर्वोच्च अदालतमा पुगेको छ । भ्रष्टाचार गरेको भन्दै अख्तियार दुरुपयोग अनुसन्धान आयोगले मुद्दालाई सर्वोच्च अदालतमा पुनरावेदनका लागि दर्ता गरेको हो । यता यस मुद्दामा विशेष अदालतले सफाइ दिएको थियो । अधिकांश मुद्दा विशेष अदालतले चित्तबुझ्दो फैसला नगरेको भन्दै अख्तियार सर्वोच्च पुग्ने गरेका छन् । आधार प्रमाण र प्रलोभनमा परेर मुद्दा फैसला हुने गरेको आरोप पीडित पक्षको रहेको छ । गाउँपालिका अध्यक्ष यादव सहित लेखापाल टेकनारायण यादव र एमआईएस अपरेटर वीरेन्द्रकुमार यादव विरुद्ध आयोगले पाँच लाख रुपैयाँ बिगो तथा जरिवाना सजायको दाबीसहित विशेष अदालतमा मुद्दामा दायर गरेको थियो ।२०८० चैत २३ मा विशेष अदालतले अध्यक्ष यादव तीनै जनालाई सफाइ दिएपछि सो फैसला त्रुटिपूर्ण रहेको उल्लेख गर्दै बिहीबार सर्वोच्चमा पुनरावेदन गरेको अख्तियारले जारी गरेको प्रेस विज्ञप्तिमा उल्लेख छ । आर्थिक वर्ष ०७९-०८० मा भएको २५ लाखको सोलार बत्ती जडान कार्यको भुक्तानी दिन सेवाग्राहीबाट विष्णुपुर गाउँपालिकाका लेखापाल टेकनारायण यादव र एमआईएस अपरेटर वीरेन्द्र कुमार यादवले घुस मागेका थिए । अख्तियारको इटहरी कार्यालयबाट खटिएको टोलीले २ लाख नगद र ३ लाख रुपैयाँको चेकसहित २०८०साउन ३१ मा उहाँहरूलाई पक्राउ गरेको थियो । अख्तियारका अनुसार यो प्रकरणमा गाउँपालिका अध्यक्ष यादवले आफ्नै घरमा बोलाएर घुसबारे बार्गेनिङ गरेको अडियो÷भिडियो सहितका प्रमाण अख्तियारले प्राप्त गरेपछि अध्यक्ष यादवको पनि संलग्नता रहेको भन्दै पाँच लाख रुपैयाँ बिगो सहित बिगो बमोजिम जरिवाना सजायसमेतको माग दाबी गरी विशेष अदालत, काठमाडौँमा उहाँहरूविरुद्ध आरोप पत्र दायर गरिएको थियो ।
सुदूरपश्चिम प्रदेशमा त्रिचालिस मूल कानुन निर्माण
सुदूरपश्चिम प्रदेशमा आठ वर्षको अवधिमा ४३ वटा मूल कानुन निर्माण भएका छन् ।
समावेशीकरणको दिशामा नयाँ फड्को : गोरखापत्रद्वारा प्रकाशित ताजपुरिया भाषा
समावेशीकरणको दिशामा नयाँ फड्को : गोरखापत्रद्वारा प्रकाशित ताजपुरिया भाषा
विपत् प्रतिकार्य अभ्यास गर्दै नेपाली सेना
नेपाली सेनाको श्रीबक्स गुल्मले बिहीबार बैतडीमा संयुक्त मनसुन प्रतिकार्य अभ्यास सञ्चालन गरेको छ ।
समावेशीकरणको दिशामा नयाँ फड्को : गोरखापत्रद्वारा प्रकाशित भोजपुरी भाषा
समावेशीकरणको दिशामा नयाँ फड्को : गोरखापत्रद्वारा प्रकाशित भोजपुरी भाषा
सडकमा आमूल सुधार भएको छ
कर्णाली प्रदेशका मुख्यमन्त्री यामलाल कँडेलले प्रदेश सरकारको नेतृत्व गर्नुभएको एक वर्ष पुगेको छ ।
गौरवका आशालाग्दा आयोजना
कर्णाली प्रदेशमा भएका विकास तथा मानक प्राकृतिक छटाभन्दा पनि अनावश्यक भाष्यबाट परिचित गराइने प्रचलनको अन्त्य अझै हुन सकेको छैन ।
आज ७३औँ कानुन दिवस
काठमाडौँ, वैशाख २६ गते । आज वैशाख २६ गते अर्थात् ७३औँ कानुन दिवस । न्यायपालिकाप्रतिको जनविश्वासलाई अझ बलियो बनाउन तथा न्यायमा सबैको पहुँच सुनिश्चित गर्दै न्यायिक सुशासनको प्रवद्र्धनमा जोड दिँदै आज कानुन दिवस मनाइँदै छ । कानुन र न्यायको क्षेत्रमा चासो राख्नेहरूका लागि यो विशेष दिन हो । विसं २००७ मा प्रजातन्त्र स्थापनापश्चात् २००८ सालमा प्रधान न्यायालय ऐन जारी भई २००९ साल वैशाख २६ गते राजा त्रिभुवनबाट लालमोहर लगाएको दिनको स्मरणमा यो दिनलाई कानुन दिवसका रूपमा मनाउन प्रारम्भ भएको हो । उक्त ऐन २००९ साल पुस ८ गतेको गजेटमा प्रकाशन भई प्रधान न्यायालय गठन भएको र त्यसैको जगमा हालको सर्वोच्च अदालतको स्थापना भएको हो । न्यायपालिकालाई कार्यपालिकाबाट पृथक राखी स्वतन्त्र, निष्पक्ष र तटस्थ न्यायपालिकाको स्थापना, विधिको शासन र आधुनिक न्याय प्रणालीको श्रीगणेश सोही दिनदेखि भएको मानिन्छ । राष्ट्रपति रामचन्द्र पौडेलको प्रमुख आतिथ्य तथा विशिष्ट अतिथि प्रधानमन्त्री केपी शर्मा ओलीको उपस्थितिमा सर्वोच्च अदालतको आयोजनामा आज अपराह्न यहाँ विशेष कार्यक्रम गरी यो दिवस मनाइँदै छ ।
.jpg)