नेपथ्यलाई दर्शकको साथ
नेपथ्यले बुटवलमा दर्शकको भव्य उपस्थितिमा सानदार प्रस्तुति दिएको छ । देशव्यापी यात्रामा रहेको नेपथ्यको यो दोस्रो कन्सर्ट हो । बुटवल अन्तर्राष्ट्रिय सम्मेलन केन्द्रमा आयोजित कन्सर्टमा मुख्य गायक अमृत गुरुङको प्रस्तुतिमा सुरुदेखि अन्तिमसम्मै तालमा ताल मिलाएर दर्शकले साथ दिएका थिए ।
श्रेष्ठलाई अन्तर्राष्ट्रिय पत्रकारिता सम्मान
भारतको नयाँ दिल्लीस्थित भारतीय विद्यापीठ र सार्क जर्नालिस्ट फोरम इन्डिया चाप्टरले नेपालका नृपेन्द्रलाल श्रेष्ठलाई युगल किशोर शुक्ला अन्तर्राष्ट्रिय पत्रकारिता पुरस्कार प्रदान गरेको छ ।
विद्युत् उत्पादन घट्दै आयातमा चाप
सुक्खायामको मध्य समय लाग्दै गर्दा नेपालका जलविद्युत् आयोजनाबाट विद्युत् उत्पादन न्यूनतम सीमातर्फ ओरालो लागेको छ । वर्षा पनि नभएको र हिउँ पग्लने समय पनि नआएकाले नदीमा जलप्रवाह घट्दा विद्युत् उत्पादन न्यूनतम सीमातर्फ लागेको हो । हिँउदमा विशेषतः जलप्रवाही आयोजनाको विद्युत् उत्पादन क्षमतामा अत्यधिक कमी आउने गर्छ । खास गरी
ग्यास छ सहज छैन आपूर्ति
सरकारको संयुक्त बजार अनुगमन टोलीले उपत्यकाका बजारमा खाना पकाउने ग्यास सहज रूपमा नपाएको जनाएको छ । अनुगमनका क्रममा बजारमा ग्यास हुँदै नभएको नभई सहज रूपमा तुरुन्तै पाउन सक्ने अवस्था भने नरहेको पाइएको छ ।
इजरायल जाने बढ्दै
इजरायलमा युद्धको त्रास कम भएसँगै दीर्घकालीन स्याहार केन्द्रमा सहायक श्रमिक (केयर गिभर) का लागि जान तयार दुई हजार ११२ जनामध्ये माघ १५ गतेसम्म एक हजार तीन सय नेपाली युवा इजरायल प्रवेश गरेका छन् । दोस्रो चरण रोस्टरमा रहेका दुई हजार ११२ जनामध्ये त्यो सङ्ख्याका युवा इजरायल प्रवेश गरेका हुन् ।
७० प्रतिशत आयातकै भर
आगामी शनिबार मनाइने प्रणय दिवस (भ्यालेन्टाइन डे) मा साढे पाँच करोड रुपियाँ बराबरको चार लाख ५० हजार स्टिम गुलाफ खपत हुने अनुमान गरिएको छ । प्रत्येक वर्ष १४ फेब्रुअरीमा मनाइने प्रणय दिवसमा बजारमा गुलाफको माग धेरै हुने भएकाले यो वर्ष पाँच करोड ६२ लाख रुपियाँ बराबरको कारोबार हुने अनुमान गरिएको नेपाल फ्लोरिकल्चर एसोसिएसन (फ्यान) ले जनाएको छ ।
लगानीकर्तासँग छैन लगानीको योजना
गत भदौ २३ र २४ गतेको जेनजी आन्दोलनका क्रममा निजी सम्पत्तिमाथि पनि अर्बौंको क्षति भएपछि लगानीकर्तासँग नयाँ लगानीको योजना नरहेको पाइएको छ । त्यति मात्र होइन कतिपयले लगानीको योजना नै स्थगित गरेका छन् भने कोही पलायनको मनस्थितिमा पुगेका छन् ।
अन्तर्राष्ट्रिय विमान सेवाको सहभागिता खोजी
संस्कृति, पर्यटन तथा नागरिक उड्डयनमन्त्री अनिलकुमार सिन्हाले पोखरा अन्तर्राष्ट्रिय विमानस्थल र गौतम बुद्ध अन्तर्राष्ट्रिय विमानस्थल पूर्ण क्षमतामा सञ्चालनका लागि अन्तर्राष्ट्रिय विमान सेवाको सक्रिय सहभागिताका आवश्यक हुने बताउनुभएको छ ।
भेडाबाख्रामा बढी खाएर हुने रोग पुष्टि
सल्यानमा मरेका भेडाबाख्रामा बढी खाएर हुने रोग (ओभर इटिङ रोग) पुष्टि भएको छ । जिल्लाको छत्रेश्वरी गाउँपालिकामा मरेका बाख्रा र भेडाबाट सङ्कलन गरिएको नमुना परीक्षण गर्दा ‘एन्टेरोटोक्सेमिया टाइप डी पोजेटिभ’ देखिएको हो ।
विधेयकको नाममा मतभेद
विधेयकका नाममा सहमति नभएपछि राष्ट्रिय सभाको विधायन व्यवस्थापन समितिले अभौतिक सांस्कृतिक सम्पदाको संरक्षण गर्ने सम्बन्धमा बनेको विधेयक मसौदाको प्रतिवेदन पारित हुन सकेको छैन । संस्कृति, पर्यटन तथा नागरिक उड्डयन मन्त्रालयले विधेयकमा प्रस्तावित नाम नै राख्नुपर्ने र समितिले नाम परिवर्तन गर्नुपर्ने अडान लिएपछि प्रतिवेदन पारित हुन सकेन ।
उपराष्ट्रपति यादवसँग जापानी राजदूतको भेट
उपराष्ट्रपति रामसहायप्रसाद यादवसँग सोामबार नेपालका लागि जापानका राजदूत मायदा तोरूले भेट गर्नुभएको छ ।
उल्टियो ‘गोरे’ को मुद्दा, थप १० वर्ष कैद सजायको फैसला
बहुचर्चित ३३ किलो सुन तस्करी र मोरङको उर्लाबारीका सनम शाक्य हत्या प्रकरणमा उच्च अदालत विराटनगरले मुख्य अभियुक्त ‘गोरे’ भनिने चूडामणि उप्रेतीलाई थप १० वर्ष कैद सजाय सुनाएको छ । जिल्ला अदालत मोरङको यसअघिको फैसलालाई आंशिक रूपमा उल्ट्याउँदै उच्च अदालतले उप्रेतीलाई अपहरण तथा शरीर बन्धक मुद्दामा थप कैदको फैसला सुनाएको हो ।
सत्तारूढ दललाई अब्बल जनादेश
जापानी प्रधानमन्त्री साने ताकाइचीको पार्टीलाई दुई तिहाइ बहुमत प्राप्त भएको छ । आइतबार सम्पन्न संसदीय आमनिर्वाचनमा उहाँको सत्तारूढ दल लिबरल डेमोक्रेटक पार्टी (एलडिपी) ले दुई तिहाइ बहुमत प्राप्त गरेको अमेरिकी समाचार संस्था एपीले जनाएको हो ।
कार्यान्वयनको विषयमा चिन्ता
नेपालको संविधान २०७२ जारी भएयता एक हजार १३० वटा ऐन, नियम, गठन आदेश, निर्देशिका र कार्यविधि बनेका छन् । कानुन, न्याय तथा संसदीय मामिला मन्त्रालयका अनुसार सङ्घीयता अनुरूप र समयसापेक्ष बनाउन सङ्घीय संसद्मा १२१ वटा विधेयकको प्राथमिकताक्रमसहित सूची पेस गरिएको छ ।
फागुन ३ देखि देशैभरका मतदातालाई शिक्षा
कुनै पनि निर्वाचनमा जित र हारका लागि एक मतको मूल्य अत्यधिक रहन्छ । निर्वाचन आयोगले हरेक पल्ट भएका मतदानमा पाँचदेखि १५ प्रतिशतसम्म मत बदर भएर खेर गयो भन्ने तथ्य दिने गरेको छ । आयोगले देशैभर मतदाता शिक्षा दिने तयारी थालेको छ । फागुन २१ गते हुने प्रतिनिधि सभाको निर्वाचन नजिकिँदै गर्दा मतदातामा भने मत कसरी नबिगारी दिने भन्ने चिन्ता बढेको छ ।
भ्रामक तथा गलत सूचनामाथि निगरानी
कृत्रिम बौद्धिकता (एआई) लगायत विविध प्रविधिको दुरुपयोग गरी सामाजिक सञ्जालबाट बाहिरिने भ्रामक, गलत र नियोजित दुष्प्रचारको बिगबिगी रोकी संलग्नलाई कानुनी दायरामा ल्याउन प्रहरीले थप सक्रियता बढाउन लागेको छ ।
पर्यटक बढाउन नेपाल प्रवर्धन कार्यक्रम
नेपाल पर्यटन बोर्डले अन्तर्राष्ट्रिय पर्यटन समुदायमा नेपालको छविलाई स्थापित गर्ने उद्देश्यसहित नेपाल प्रवर्धनका कार्यक्रममा जोड दिएको छ । आर्थिक वर्ष २०८२/८३ को कुल बजेटको ७० प्रतिशत पर्यटन प्रवर्धनमा खर्च गर्ने गरी प्रवर्धनको अभियान चलाएको बोर्डले युरोप, अमेरिका, एसियाली र आसियान मुलुकबाट १५ प्रतिशत पर्यटक बढाउने लक्ष्यसहित नेपाल प्रवर्धनका कार्यक्रम गरिरहेको जनाएको छ ।
जाँचबुझ आयोगको म्याद थपियो
सरकारले गत भदौ २३ र २४ गतेको जेनजी प्रदर्शनमा भएको भौतिक एवं मानवीय क्षतिको यथार्थ छानबिन गर्न गठित जाँचबुझ आयोगको समयावधि २५ दिन थप गर्ने निर्णय गरेको छ । प्रधानमन्त्री तथा मन्त्रीपरिषद्को कार्यालय सिंहदरबारमा सोमबार बसेको मन्त्रीपरिषद् बैठकले गत असोज ५ गते पूर्वन्यायाधीश गौरीबहादुर कार्की नेतृत्वमा गठन भएको आयोगको म्याद थप गर्ने निर्णय भएको गृहमन्त्री ओमप्रकाश अर्यालले जानकारी दिनुभयो ।
कोइरालाकै अडानमा बन्यो संविधान
बहुआयामिक, सादगी जीवनशैली र निष्ठावान् राजनीतिज्ञ सुशील कोइरालाले २०७२ असोज ३ गते संविधान घोषणा गर्दा साझा राष्ट्रिय दृष्टिकोण निर्माण गर्नुभयो । ‘हलिउडको नायक बन्ने’ बाल्यकालको सपना पूरा नभए पनि पूर्वप्रधानमन्त्री एवं नेपाली कांग्रेसका पूर्वसभापति कोइरालाले नेपालको संविधान घोषणाका लागि नायकत्व प्रदान गर्नुभयो ।
समावेशी सवाल : अधिकार हो कि दयाको व्यवहार
नेपाल आदिबासी ज्ञान सम्मेलन २०८२ मा सङ्घीयता कार्यान्वयनका विभिन्न सवालमा बहस भएका छन् । नेपाल आदिवासी जनजाति उत्थान राष्ट्रिय प्रतिष्ठानद्वारा आयोजित कार्यक्रममा राजनीतिशास्त्री एवम् प्राध्यापक कृष्ण खनालले बहुजातीय राज्य व्यवस्थापनका लागि सङ्घीयता एक उपयुक्त राजनीतिक संयन्त्र भएको बताउनुभयो ।
नदीमा रमाउँदै आकर्षक पानीहाँस
राप्ती सोनारी गाउँपालिकास्थित अगैया पुलनजिकै राप्ती नदीमा माछा खोज्दै रमाइरहेका एक बथान पानी हाँस । स्वच्छ पानीमा पौडिँदै खाद्यान्न खोज्ने यी हाँसहरूले नदी किनारको प्राकृतिक सौन्दर्य अझ आकर्षक बनाएका छन् । तस्बिरः सन्तोष दहित
३५५ ऐनसहित सङ्घीय स्तरमा १ हजार १ सय ३० कानुन निर्माण
सङ्घीय स्तरमा हालसम्म १ हजार १ सय ३० वटा ऐन, कानुन, नियमावली तथा निर्देशिका निर्माण भएका छन् ।
‘अमर नेम्वाङ स्मृति साहित्य पुरस्कार’बाट तीन स्रष्टा पुरस्कृत
लेखक साहित्यकार तथा पाँचथरको फाल्गुनन्द गाउँपालिकाका तत्कालीन अध्यक्ष स्वर्गीय अमर नेम्वाङको स्मृतिमा स्थापित ‘अमर नेम्वाङ स्मृति साहित्य पुरस्कार’ तीन जना स्रष्टालाई प्रदान गरिएको छ ।
निर्वाचनमा प्राथमिक उपचारक खटाइँदै
आगामी फागुन २१ गते हुने प्रतिनिधि सभाको निर्वाचनमा नेपाल रेडक्रस सोसाइटिले एक हजार जना प्राथमिक उपचारक खटाउने भएको छ ।
गुल्मीमा मानव कङ्काल फेला
गुल्मीमा मानव कङ्काल फेला परेको छ। यस जिल्लाको कालीगाण्डकी गाउँपालिका वडा-४ स्थित कालीगण्डकी नदीको किनार (घुमाउने) भन्ने स्थानमा ढुङ्गाको कपेरोमा मानव कङ्काल फेला परेको हाे ।
