रैथाले बीउ जोगाउन ‘बीज बैंक’ योजना
बागलुङको बरेङ् गाउँपालिकाले स्थानीय रैथाने बालीको बीउ संरक्षणका लागि ‘बीज बैंक’ स्थापना गर्ने योजना सार्वजनिक गरेको छ । रैथाले बाली लोप हुँदै गएपछि गाउँपालिकाले आगमी आर्थिक बर्षदेखि ‘हाम्रो बिउ, हराउन नदिउँ’ अभियान सञ्चालन गर्ने कार्यक्रम सार्वजनिक गरेको हो । बिउ जोगाउने अभियान हरेक वडामा सञ्चालन गर्ने गाउँपालिका अध्यक्ष कृष्णप्रसाद शर्माले बताउनुभयो ।
भृकुटी कागज कारखाना : स्थानान्तरणको माग
चीन सरकारको सहयोगमा पूर्वी नवलपरासीको गैंडाकोटमा ४२ वर्षअघि सञ्चालनमा आएको नेपालको सबैभन्दा ठूलो कागज कारखाना भृकुटी कागज कारखाना बन्द भएको करिब १२ बर्ष हुुनलाग्दा पनि सञ्चालनमा आउन नसक्दा कारखाना खण्डहर बन्दैगएको छ ।
‘हाम्रो धनगढी हामी बनाउँछौं’
धनगढी उपमहानगरपालिकाले ‘हाम्रो धनगढी हामी बनाउँछौं’ भन्ने नीति अवलम्बन गर्नेभएको छ । सो उपमहानगरपालिकाले आगामी आर्थिक वर्ष २०७९–८० बाट ‘हाम्रो धनगढी हामी बनाउँछौं’, नीतिलाई अभियानकै रुपमा अगाडि बढाउने नीति अबलम्बन गर्न लागिएको हो ।
चिकित्सकको प्रेस्क्रिप्सन बिना औषधि बेच्ने फार्मेसी सञ्चालक पक्राउ
लागूऔषध दूर्व्यसनमा परेका व्यक्तिहरुलाई चिकित्सकको प्रेस्क्रिप्सन बिना औषधि बेचबिखन गर्ने फार्मेसी सञ्चालकसहित चारजनालाई प्रहरीले पक्राउ गरेको छ ।
हाजिर गरेरै तलब गाडीबिना नै ड्राइभर
अठार वर्षदेखि कागजमा सीमित काठमाडौँ उपत्यकाको बाहिरी चक्रपथ आयोजना कर्मचारी भर्ती केन्द्र बन्न पुगेको छ । अहिलेसम्म भौतिक प्रगति शून्य रहेको सो आयोजनामा उपसचिवसहित तीन जना स्थायी कर्मचारीले सेवा सुविधा लिँदै आएका छन् । त्यस्तै विभिन्न शक्ति र प्रभावको आडमा भर्ना भएका एक दर्जनभन्दा बढी करार कर्मचारीलाई हाजिरीको भरमा तलब सुविधा खुवाइँदै आइएको छ ।
दुई आयोजनामा अलमल
यसै वर्ष आयोजना निर्माणको थालनी गर्ने तयारीका सरकारी स्वामित्वका दुई जलविद्युत् आयोजनाको ठेक्का प्रक्रिया नै अलमलमा छ । ठेक्कामा ईपीसी मोडेल अपनाउन खोजेका तामाकोसी–५ र माथिल्लो मोदी ‘ए’ जलविद्युत् आयोजनाले ‘ईपीसी माध्यमबाट खरिद गर्नेसम्बन्धी निर्देशिका २०७८’ को बुँदा नम्बर १४ को प्रावधानका कारण बोलपत्र आह्वानको प्रक्रियामा जान सकेका छैनन् ।
बेलायती मन्त्री र नेपाली राजदूतबीच भेटघाट
भूतपूर्व गोर्खाहरूको समस्या समाधानका लागि बेलायती मन्त्रीले मङ्गलबार बेलायतका लागि नेपाली राजदूतलाई भेट्नुभएको छ । गोर्खा वार्ताका लागि नेपाल सरकारको तर्फबाट संयोजक रहनुभएका बेलायतस्थित नेपाली राजदूत ज्ञानचन्द्र आचार्य र बेलायती सरकारका तर्फबाट वार्ता टोलीको संयोजक तोकिनुभएका मन्त्री लिओ डोकर्टीबीच लण्डनस्थित नेपाली दूतावासमा छलफल भएको नेपाली दूतावासले जनाएको छ ।
स्वास्थ्य बीमा आफैँ बिरामी
स्वास्थ्य बीमा आफैँ बिरामी परेको छ । कार्यान्वयनका केही समस्याका कारण अस्पतालहरूले स्वास्थ्य बीमासम्बन्धी सेवा बन्दको घोषणा गर्न थालेका छन् । मध्यम तथा आर्थिक रूपमा विपन्नलाई सो सेवा उपलब्ध गराएबापत प्राप्त गर्नुपर्ने भुक्तानी नपाएपछि हैरान भएर सेवा नै बन्द गर्नुपर्ने अवस्थामा पुगेको अस्पतालका पदाधिकारीको भनाइ छ ।
चौध महिनामा ५३३ अवैध लाइसेन्स
यातायात व्यवस्था कार्यालय एकान्तकुनाका कर्मचारीले १४ महिनामा ५३३ वटा सवारीचालक अनुमतिपत्र गैरकानुनी रूपमा जारी गरेको पाइएको छ । यस कार्यमा कार्यालयका तत्कालीन दुई जना प्रमुखहरू सम्बरबहादुर कार्की र राजुभाइ कुस्मासहित १२ जना कर्मचारी र पाँच जना बिचौलियाको सहयोग रहेको अख्तियारले गरेको अध्ययनबाट पुष्टि भएको छ ।
उडान नरोकिने वार्ता जारी रहने
वायुसेवा सञ्चालक सङ्घ नेपालले बुधबारदेखि गर्ने भनेको उद्धार तथा नियमित उडान बन्दका कार्यक्रम आंशिक रूपमा फिर्ता भएको छ । प्रधानमन्त्री कार्यालय, गृहमन्त्री बालकृष्ण खाण र गृहसचिव टेकनारायण पाण्डेको पहलमा नेपाल नागरिक उड्डयन प्राधिकरण र वायुसेवा सञ्चालक सङ्घ नेपालबीच मङ्गलबार राति अबेर भएको वार्ताबाट बुधबार बिहान ११ बजेपछि देशभरका आन्तरिक उडान सुचारु राख्ने सहमति भएको हो । यद्यपि बुद्ध र यती एयरलाइन्सले भने सबै उडान नियमित हुने जनाएका छन् ।
जयपृथ्वीबहादुर सिंहलाई सरकारले गर्यो राष्ट्रिय विभूति घोषणा
सरकारले जयपृथ्वीबहादुर सिंहलाई राष्ट्रिय विभूति घोषणा गरेको छ।
बाल यौन दुरुपयोग कसुरमा दुई जना जेल चलान
काठमाडौं, असार ७ गते। जिल्ला अदालत काठमाडौंले पुर्पक्षका लागि दुई जनालाई जेल चलान गरेको छ। बाल यौन दुरुपयोग कसुरमा दुई जनालाई पुर्पक्षका लागि मंगलबार कारागार चलान गरिएको हो। कारागार चलान हुनेमा काभ्रेपलाञ्चोकको साविक सापिङ गाउँपालिका–४ घर भइ काठमाडौंको कागेश्वरी मनोहरा–८ बस्ने ४७ वर्षीय जनार्दन अधिकारी र काठमाडौंकै कागेश्वरी मनोहरा–७ का ५१ वर्षीय राजनकुमार पौडेल रहेका छन्।चाबहिलस्थित एउटा कलेजको कोर्ष को–अर्डिनेटर र शिक्षकले नाबालिकामाथि यौन दुर्व्यवहार गरेको अभियोग छ। तीन जना नाबालिकाको तर्फबाट अभिभावकले प्रहरी वृत्त गौशालामा उजुरी दिएका थिए।उजुरीपछि प्रहरीले पीडितहरुको प्रसूति गृह अस्पताल थापाथलीमा स्वास्थ्य परीक्षण गराएको थियो। उक्त घटनालाई प्रहरीले गम्भीरताका साथ लिएर सूक्ष्म तवरले अनुसन्धान सुरु गरेको थियो।महानगरीय प्रहरी परिसरका प्रवक्ता दिनेशराज मैनालीका अनुसार सो कार्यमा संलग्न फरार रहेकाले प्रहरीको विशेष टोलीले पक्राउ गरेको हो।पक्राउ परेका दुवैमाथि मुलुकी अपराध (संहिता) ऐन, २०७४ को परिच्छेद-१८ को दफा २२५ को बाल यौन दुरुपयोग गर्न नहुनेसम्बन्धी कसूरमा मुद्दा चलेको र अनुसन्धान सकिएपछि आज जिल्ला अदालत काठमाडौंले पुर्पक्षका लागि डिल्लीबजार कारागार पठाउन आदेश दिएको हो।
कुलेखानीको पानी काठमाडौंमा ल्याइन्छ : खानेपानी मन्त्री
पानी पोखरी र प्रशोधन केन्द्र १४ सय मिटर अग्लो दरबान डाँडामा बनाइने, दुई वर्षभित्रै लिफ्टिङ गरेर लाने प्रस्ताव
लेवनानका प्रधानमन्त्रीसँग प्रधानसेनापति शर्माको भेट
काठमाडौं, असार ७ गते। लेवनानको औपचारिक भ्रमणमा रहनुभएका प्रधानसेनापति प्रभुराम शर्माले लेवनानका प्रधानमन्त्री नाजीव आदमी मिकातीसँग शिष्टाचार भेट गर्नुभएको छ। नेपाली सेनाको जनसम्पर्क तथा सूचना निर्देशनालयका अनुसार भेटमा लेवनानको शान्ति स्थापनार्थ नेपाली शान्ति सैनिकको भूमिका, नेपाल र लेवनानबीचको सैनिक सम्बन्ध तथा दुई राष्ट्रबीच रहिआएको पारस्परिक सम्बन्ध एवम् हितका विषयमा छलफल भएको छ।लेवनान भ्रमणमा रहनुभएका प्रधानसेनापति शर्माले त्यहाँका रक्षामन्त्री माउरिस स्लिम, सभामुख नाबी बेरी र त्यहाँको आर्मी फोर्सका प्रमुख जोसेफ खलिल औन सँगसमेत शिष्टाचार भेट गर्नुभएको छ। असार ४ गते लेवनान प्रस्थान गर्नुभएका प्रधानसेनापति शर्मा लेवनानबाटै असार १३ गते अमेरिका प्रस्थान गर्नुहुनेछ। अमेरिका भ्रमण सकेर शर्मा असार १९ गते स्वदेश फिर्ता हुनुहुनेछ।
तीन बुँदे सहमति कार्यान्वयन गर्न माग
गृहमन्त्री बालकृष्ण खाणसँग धर्मेन्द्र बास्तोला अध्यक्ष रहेको नेपाल कम्युनिष्ट पार्टी (बहुमत) को टोलीले भेट गरेको छ ।
-original-thumb.jpg)
काठमाडौं भ्यूटावर : ११ तला बन्यो, एक तला बाँकी
पुरानो बसपार्कस्थित निर्माणाधीन काठमाडौं भ्यूटावरको नौ तलाको निर्माण कार्य भइरहेको जानकारी काठमाडौं महानगरपालिकाअन्तर्गतको निजी साझेदारी एकाईले जनाएको छ ।
सय मेगावाट क्षमताको हाइड्रोजन प्लान्ट स्थापनाका लागि अध्ययन गर्न सरकारको आग्रह
ऊर्जाका विभिन्न स्रोतको खोजी गर्ने क्रममा सबैभन्दा राम्रो मानिएको हाइड्रोजन इन्धनको प्रभावकारी प्रयोग गर्न सकिएको खण्डमा त्यसले रणनीतिक बदलावसमेत ल्याउन सक्नेछ ।
नयाँ औषधि दर्ता एवम् गुणस्तर यकिनका लागि ५८ विदेशी कम्पनी छनौट
औषधि व्यवस्था विभागले नयाँ औषधि दर्ता एवम् गुणस्तर यकिनका लागि ५८ वटा विदेशी कम्पनी छनौट गरेको छ ।
-original-thumb.jpg)
तटबन्ध भत्किएपछि रातभर जागै बस्नुपर्ने बाध्यता
विष्णुप्रसाद पोखरेलदमक, असार ७ गते। झापाको दमक ७ स्थित रतुवा पुल उत्तर क्षेत्रमो पक्की तटबन्धन भत्किएपछि स्थानीयहरु रातभर जागै बस्न बाध्य भएका छन्। तत्काल कटान रोक्नका लागि स्थानीयले माग गरेका छन्। दमक नगरपालिकाका प्रमुख रामकुमार थापाका अनुसार खोला किनारको सडक भत्किन थालेको र उक्त सडक भत्किएको जनाउँदै खोला नियन्त्रणका लागि सरोकारवाला निकायसँग समन्वय भइरहेको बताउनुभयो। कटान जारी हुँदा नेपाल रेडक्रस सोसाइटीमा निर्माणाधीन प्रदेशस्तरीय बाल अस्पताल, दमक उद्योग वाणिज्य सङ्घ, रोज गार्डेन लगायतका संरचनामा क्षति पुग्ने र सयौं घरपरिवार प्रभावित बन्ने देखिएको नेपाल रेडक्रस सोसाइटी दमक उपशाखाका अध्यक्ष प्रकाश बुढाथोकीले जानकारी दिनुभयो। ‘हामी स्थानीय पानी नरोकिँदा रातभर निदाउन सकेका छैनौं’, उहाँले भन्नुभयो। कतिखेर पानी पसेर विजोग हुने र संरचना भत्काउने हो भन्ने चिन्ता भएको उहाँको भनाइ छ। खोलाको किनारमा रेक्रस भवनमा नै सर्पदंश उपचार सेवा र रक्त सञ्चार सेवासमेत सञ्चालनमा रहदै आएको छ।नेकपा माओवादी केन्द्रका दमक नगर इन्चार्ज बेदु गौतमका अनुसार कटान भइरहेको क्षेत्र रतुवा पुल र राजमार्गबाट नजिक रहेकाले यसले गम्भीर क्षति गर्नसक्ने नगर प्रमुख थापासहित सरोकारवाला निकायलाई ध्यानाकर्षण गराइएको बताउनुभएको छ। दमक–७ का वडाध्यक्ष भीमप्रसाद पौड्यालका अनुसार करिब रतुवा पुलसम्म तटबन्धन गर्न चार सय मिटर बाँकी रहेकाले तटबन्धनको काम भइरहेको भए पनि वर्षाका कारण काम छिटो गतिमा अघि बढ्न सकेको छैन। कतिपयले तत्काललाई खोला च्यानालाइज अर्थात् अहिले बगेभन्दा अर्को दिशामा लैजान पनि सुझाव दिइरहेकाले यस विषयमा छलफल भइरहेको जनाउनुभयो।
ऊर्जामन्त्री भुसालसँग स्विट्जरल्याण्डका राजदूतको शिष्टाचार भेट
ऊर्जा, जलस्रोत तथा सिँचाइमन्त्री पम्फा भुसालसँग नेपालका लागि स्विट्जरल्याण्डका राजदूत एलिजाबेथ भोन क्यापलरले शिष्टाचार भेट गर्नुभएको छ । मन्त्रालयमा आज भएको भेटमा उहाँहरूबीच द्विपक्षीय सम्बन्ध र सहयोगका विविध विषयमा छलफल भएको छ ।
बर्खामा सधैँ डुब्छ कपन
हरेक वर्ष बर्खा सुरु भएसँगै कपनका विभिन्न स्थान डुबानमा परेको खबर बारम्बार सुन्ने गरिन्छ । वर्षेनी यो समस्या कपनवासीका लागि नियति नै बन्न पुगेको छ ।
कालीगण्डकी करिडोरको बागलुङ खण्ड अवरुद्ध
बागलुङको जैमिनी नगरपालिकामा ठाउँठाउँमा पहिरो खसेपछि कालीगण्डकी करिडोर तीन दिनदेखि ठप्प भएको छ । जै
पुरानालाई सहज नयाँलाई कठिन
स्थानीय तहका नवनिर्वाचित जनप्रतिनिधिलाई पदबहाली गरेसँगै बजेट निर्माणको चटारो थपिएको छ । अधिकांश स्थानीय तहमा नयाँ अनुहार आएका कारण बजेट निर्माण प्रक्रियामा केही जटिलता थपिने देखिएको छ ।
प्राथमिकतामा सूचना प्रविधि क्षेत्र
सञ्चार तथा सूचना प्रविधिमन्त्री ज्ञानेन्द्रबहादुर कार्कीले सूचना प्रविधि क्षेत्रलाई राज्यले उच्च प्राथमिकतामा राख्दै आएको बताउनुभएको छ । सोमबार मन्त्रालयमा भएको नेपाल उद्योग परिसङ्घको प्रतिनिधिमण्डलसँगको भेटमा मन्त्री कार्कीले आवश्यक भए यस क्षेत्रको नीतिगत सुधार गर्न सरकार तत्पर रहेको पनि बताउनुभयो ।
गुणास्तरहीन सडकको नाली भत्काइयो
सिन्धुपाल्चोक, असार ७ गते । जुगल गाउँपालिका–५ बराम्ची सडकको राम्चे खण्डमा निमार्ण गरिएको गुणास्तरहीन नाला जनप्रतिनिधिले भत्काएका छन् । नाला निमार्ण गुणास्तरहीन भएको ब्यापक जनगुनासो बढेपछि उक्त गाउँपालिकाका उपाध्यक्ष हिमालकुमार श्रेष्ठ नेतृत्वको टोलीले उक्त गुणास्तरहीन नाला भत्काएर पुन गुणास्तरयुक्त नाली निमार्ण गर्न ठेकेदारलाई निर्देशन दिइएको छ ।उपाध्यक्ष श्रेष्ठले प्राबिधिक टोली लिएर नाला निमार्णको अनुगमन गर्न पुग्नु भएको थियो । नाला निमार्णमा कंक्रीट आवश्यकता अनुसार प्रयोग नगरिएको, पिपिसि गर्दा सामान्य मापदण्ड समेत पालना नगरेकोले नाला भत्काएर पुन निमार्ण गर्न ठेकेदार पक्षलाई निर्देशन दिएको उपाध्यक्ष श्रेष्ठले जानकारी दिनु भएको छ । एक सय मिटर भन्दा बढी नाला भत्काइएको छ ।नाला निमार्ण गुणास्तरहीन देखिएकोले भत्काएर गुणास्तरयुक्त नाला निमार्ण नगरेसम्म भूत्तानी रोक्ने उहाँले बताउनुभयो । गाउँपालिकाका प्राबिधिक संदेश ढुंगेलले उक्त नाला निमार्णमा प्रयोग भएका सामाग्री गुणास्तरहीन भएको बताउनु भयो ।
