संरक्षणको पर्खाइमा ऐतिहासिक पुल, बर्सेनि बजेट फ्रिज
तनहुँको भीमादस्थित सेती नदीको पुरानो झोलुङ्गे पुलको संरक्षण हुन सकेको छैन । ऐतिहासिक र पुरातात्विक हिसाबले महत्वपूर्ण मानिए पनि सो पुल संरक्षणका लागि हालसम्म कुनै ठोस पहदकदमी हुन सकेको छैन ।
पाल्पाका दश वटै पालिकाले ल्याए बजेट तथा कार्यक्रम
पाल्पाका दश वटै पालिकाले आव २०७९/०८० का लागि नीति, कार्यक्रम तथा बजेट पेश गरेका छन् । जिल्लाको तानसेन नगरपालिकाले आगामी वर्षका लागि एक अर्ब ३९ करोड रुपियाँको बजेट नीति तथा कार्यक्रम प्रस्ताव गरिएको छ ।
गुल्मीका १२ वटै स्थानीय तहको बजेट सार्वजनिक
गुल्मीका १२ वटै स्थानीय तहहरुले आर्थिक वर्ष २०७९/८० का लागि बजेट प्रस्तुत गरेका छन् । जिल्लाको मुसिकोट नगरपालिकाले कुल ६७ करोड ४७ लाख ५७ हजार बजेट विनियोजन गरेको हो ।
कपिलवस्तुको बनकट्टीमा बस दुर्घटना, आठ जना घाइते
कपिलबस्तुको पूर्व–पश्चिम राजमार्ग अन्तर्गत शिवराज नगरपालिकाको वनकट्टीमा शनिबार बिहान बस दुर्घटनामा परेको छ । काठमाडौंबाट सुर्खेतका लागि छुटेको ना ८ ख १३६ नम्बरको बस दुर्घटना हुँदा आठ जना सामान्य घाइते भएको प्रहरीले जनाएको छ । ४३ जना सवार सो बस दुर्घटना भई सडक छेउमा पल्टिएको छ ।
बाढीले मेलम्चीस्थित फट्टेको पुलमा क्षति
शुक्रबार राति आएको बाढीले मेलम्ची नगरपालिका–११ स्थित फट्टेको अस्थायी पुलमा क्षति पुगेको छ ।
मन्त्री निवास सरेपछि पुरानोबारे अन्यौल कायम
भैँसेपाटीमा निर्माणाधीन रहेको मन्त्री निवासको काम सम्पन्न भएपछि संघीय मन्त्रीलाई उता सार्ने तयारी छ । प्रतिनिधि सभाका उपसभामुख, राष्ट्रिय सभाका अध्यक्ष एवम् उपाध्यक्षको आवास पनि यहिँ बन्ने भएकाले उहाँहरुलाई पनि सार्ने तयारी छ । त्यसपश्चात, ललितपुर हरिहरभवनमा रहेको हालको मन्त्री निवास खाली हुनेछ ।
काष्ठकलाका कालिगड कालो तिरुवा सम्मानित
जुम्ला हिमा गाउँपालिका कालिगड कालो तिरुवा सम्मानित हुनुभएको छ । १२ औँ गाउँसभाको क्रममा तिरुवालाई हिमा गाउँपालिकाले सम्मान गरेको हो । पर्यटकले एक पटक तस्विर खिचेर जाने चिउडी साँघुमा रहेका कलात्मक काष्ठकलाका चित्र बनाउने देखि विभिन्न काठका कलात्मक कामहरु गर्दै आउनुभएका ज्येष्ठ नागरिक कालो तिरुवा सम्मानित हुनुभएको हो ।
बाँकेमा ५४ हजार बालबालिकाले कोभिड खोप लगाए
५ देखि ११ वर्ष उमेर समूहका बालबालिकाका लागि सुरु गरिएको कोभिड विरुद्धको खोप अभियानमा प्रभावकारी भएको स्वास्थ्य कार्यालय बाँकेले जनाएको छ ।
विद्यालयलाई एक रोपनी जग्गा दान
ताप्लेजुङको सिदिङ्वा गाउँपालिकाका एक समाजसेवीले विद्यालयलाई एक रोपनी जग्गा निःशुल्क प्रदान गर्नभएको छ । सिदिङ्वा गाउँपालिका–४ साब्लाखुकी सुकमाया पन्दाक लिम्बूले स्थानीय इन्द्रावती आधारभूत विद्यालयलाई एक रोपनी जग्गा निःशुल्क उपलब्ध गराउनुभएको हो ।
-original-thumb.jpg)
फोहोरको यात्राबारे बनेपावासी चकित
काभ्रेपलाञ्चोक जिल्लाको बनेपा नगरपालिकाको फोहोर चार जिल्ला कटाएर नुवाकोट लगिन्छ भन्ने थाहा पाउँदा बनेपावासी चकित परेका छन् । काभ्रेको सबैभन्दा पुरानो नगरपालिकाबाटै फोहोर व्यवस्थापनमा यस्तो कार्य हुनु निकै दुर्भाग्य भएको पनि स्थानीयवासीले बताएका छन् ।
एकीकृत समाजवादीको केन्द्रीय कमिटीको बैठक बस्दै
नेकपा (एकीकृत समाजवादी) को केन्द्रीय कमिटीको बैठक आज बस्दै छ ।बबरमहलस्थित कार्की बैङ्कटमा बस्ने बैठकमा स्थानीय तह निर्वाचनको समिक्षा, आगामी कार्ययोजना, सङ्गठनात्मक अवस्था, गठबन्धनलाई आगामी निर्वाचनसम्म कायम राख्ने वा नराख्नेलगायत विषयमा छलफल हुने बताइएको छ ।
-original-thumb.jpg)
चार महिनादेखि अलपत्र
प्रधानन्यायाधीश चोलेन्द्रशमशेर जबराविरुद्ध महाभियोगको सूचना दर्ता भएको चार महिना पूरा भइसकेको छ । प्रतिनिधि सभामा सूचना पेस भएको पनि तीन महिनाभन्दा बढी भयो । महाभियोग सिफारिस समिति गठन भइसके पनि प्रस्तावको सैद्धान्तिक छलफल र समितिमा पठाउने प्रक्रिया प्रारम्भ नै भएको छैन । प्रस्तावक दलहरूले प्रस्ताव अघि बढाउन कुनै कार्यसूची पनि बनाएका छैनन् । प्रक्रिया अ
२६ नपा र १९ गापाले ल्याएनन् बजेट
असार १० गतेभित्र आआफ्नो गाउँ-नगर सभामा आगामी वर्षको नीति, कार्यक्रम र बजेट पेस गर्नुपर्ने कानुनी व्यवस्थाअनुसार अधिकांश स्थानीय तहले शुक्रबार बजेट पेस गरेका छन् ।
बनेन सडक, थापियो धराप
काठमाडौँको बूढानीलकण्ठ नगरपालिका–१२, कपन बस्ने भीमलादेवी कोइरालाले शुक्रबार बिहान छोरालाई विद्यालय पठाउन सक्नुभएन । १० बजेसम्म सडकमा भेल घट्ला र छोरालाई विद्यालय पठाउँला भन्ने आशमा उहाँ बस्नुभयो । तर भेल घटेन ।
अब अनलाइनबाटै मतदाता नामावली दर्ता
मतदाता नामावली दर्ताका लागि अब घरबाटै विवरण भर्न सकिनेछ । अनलाइनबाट यस्तो सुविधा प्राप्त गर्न केही दिनको प्रतीक्षा भने गर्नैपर्छ । निर्वाचन आयोगले यस्तो सुविधा उपलब्ध गराएपछि मतदाता नामावली दर्ता तथा अद्यावधिक गर्न जिल्ला निर्वाचन कार्यालय, जिल्ला प्रशासन कार्यालय र इलाका प्रशासन कार्यालयमा पुग्नुपर्ने बाध्यता अन्त्य हुनेछ ।
दुर्घटनामा एक जनाको मृत्यु, तीन घाइते
काभ्रेपलाञ्चोक जिल्लाको बनेपा नगरपालिका–१० जनागालमा कार र यात्रुबाहक बस एक आपसमा जुध्दा एक जनाको मृत्यु भएको छ । तीन जना गम्भिर घाइते भएका छन् ।
प्रशासकीय अधिकृतविरुद्ध डेढ करोडको भ्रष्टाचार मुद्दा
अख्तियार दुरुपयोग अनुसन्धान आयोगले बाराको जितपुरसिमरा उपमहानगरपालिकाका तात्कालीन प्रशासकीय अधिकृत शिवराज सेढाईविरुद्ध एक करोड ६६ लाख ब रुपियाँको भ्रष्टाचार मुद्दा दायर गरेको छ।
ट्रक व्यवसायीको समस्या समाधान गर्ने प्रतिबद्धता
बागमती प्रदेश सरकारका श्रम, रोजगार तथा यातायातमन्त्री घनश्याम दाहालले ट्रक व्यवसायीका समस्या समाधान गर्न आफू प्रतिबद्ध रहेको बताउनुभएको छ । शुक्रबार आयोजित नेपाल ट्रक यातायात व्यवसायी महासंघको १५ औँ साधारणसभा तथा सातौँ महाधिवेशन उदघाटन गर्दै मन्त्री दाहालले सो कुरा बताउनुभयो ।
अबैध सालको गोलिया बरामद
कैलालीमा सात गोरुगाडासहित ३० थान सालको गोलिया बरामद भएको छ । बर्दगोरिया गाउँपालिका ३ रानीकुन्डाबाट शुक्रबार बिहान गोरुगाडामा लोड गरेर ल्याउँदै गरेको २१९.९० क्युफिट काठ बरामद गरिएको वन कार्यालयले जनाएको छ ।
गोरुसिङ्गे–सन्धिखर्क सडकको बेहाल अवस्था : यात्रुलाई सास्ती
अर्घाखाँचीको मुख्य गोरुसिङ्गे–सन्धिखर्क सडक मर्मत हुन नसक्दा बेहाल अवस्था भएको छ । समयमै मर्मत हुन नसक्दा यात्रुलाई यात्रा गर्न सास्ती भएको स्थानीयको भनाई छ ।
गणपूरक सङ्ख्या नपुग्दा नगरसभा स्थगित
विदुर नगरपाालिकको दोस्रो नगरसभाको पहिलो अधिवेशन गणपूरक सङ्ख्या नपुगेपछि स्थगित भएको छ । शुक्रबारका लागि बोलाइएको नगरसभा सुरू हुने समयमा नगरप्रमुख राजनलाल श्रेष्ठले गणपुरक संख्या नपुगेका कारण सभा स्थगित भएको बताउनुभयो ।
विराटनगर महानगरको तीन अर्ब ५० करोड बजेट आउँदै
विराटनगर महानगरपालिकाले आगामी आर्थिक वर्ष २०७९/८० का लागि करिब रु तीन अर्ब ५० करोडको बजेट ल्याउने तयारी गरेको छ ।
सेनाद्वारा निर्मित किरियापुत्री भवन नगर सरकारलाई हस्तान्तरण
जाजरकोटमा नेपाली सेनाद्वारा निर्माण गरिएको किरियापुत्री भवन नगर सरकारलाई हस्तान्तरण गरिएको छ ।
कर्मचारीका लागि प्रतिभा डबली
सङ्घीय मामिला तथा सामान्य प्रशासन मन्त्रालयले प्रतिभा डबली स्थापना गरी निजामती कर्मचारीको क्षमता र प्रतिभालाई सार्वजनिक सेवा प्रवाहमा उपयोग गर्ने भएको छ ।निजामती कर्मचारीसँग भएको क्षमतालाई नीति निर्माण, सेवा प्रवाह, विकास निर्माणलगायत सार्वजनिक सरोकारका विषयमा आफ्नो प्रतिभा उजागर गर्दै उत्तम नतिजा हासिल गर्ने उद्देश्यले प्रतिभा डबलीको स्थापना गर्न लागिएको मन्त्रालयले जनाएको छ ।
न्यायाधीश बनाइदिन फोन आउने गरेको कानुनमन्त्रीको खुलासा
कानुन तथा संसदीय व्यवस्थामन्त्री गोविन्द शर्मा कोइरालाले अब खल्तीबाट न्यायाधीश नबनाइने बताउनुभएको छ । राष्ट्रिय मानव अधिकार आयोगको आयोजनामा बिहीबारबाट सुरु भएको मानव अधिकार रक्षकको तेस्रो सम्मेलनलाई सम्बोधन गर्ने क्रममा उहाँले ‘फलानोलाई न्यायाधीश बनाइदिनू’ भनेर फोन आउने गरेको बताउनुभयो ।
