लिम्बूहरुको ऐतिहासिक निशान नाच प्रदर्शन
छिमेकी जिल्ला पाँचथरको थर्पूमा लिम्बू समुदायको इतिहास बोकेको ऐतिहासिक निशान नाच प्रदर्शन गरिएको छ । मङ्गलबार याङ्वरक गाउँपालिका –४ थर्पूस्थित कालिका भगवती मन्दिर परिसरमा निशान नाच प्रदर्शन गरिएको हो ।
-original-thumb.jpg)
फिदिममा पशुबलिविरुद्व बृहत् र्याली
दशैंको नवौं दिन अर्थात महानवमी पर्वका दिन नेपालीले अधिक मात्रामा पशुको बलि दिन्छन् । देवी देवताका नाममा बलीभोग दिनुहुन्न भन्ने कोणबाट पनि बहश शुरु भएको छ । यसैवीच पाँचथरको फिदिममा पशुबलीबिरुद्व सन्देश दिन भन्दै प्रदर्शन गरिएको छ ।
खोला किनारमा गाडी राखेर नुहाउन गएका बाबुछोरा बेपत्ता
जिल्लाको खाँदबारी नगरपालिका ९ मा पर्ने सभाखोलामा नुहाउन गएका बाबु छोरा बेपत्ता भएका छन् । बेपत्ता हुनेहरूमा खाँदबारी ७ का करिब ४० वर्षका तारानाथ काफ्ले र उहाँको छोरा १५ वर्षका सनम काफ्ले रहेको सङ्खुवासभा जिल्ला प्रहरी प्रमुख डिएसपी वीरेन्द्र गोदारले जानकारी दिनुभयो ।
आईएमईमा लुटपाट मच्चाउनेमाथि अनुसन्धान सुरु
ताप्लेजुङको सदरमुकाम फुङ्लिङमा एक आईएमईमा लुटपाट मच्चाउनेमाथि प्रहरीले अनुसन्धान सुरु गरेको छ । आईएमईमा लुटपाट मच्चाउने समूहमध्येका शंकास्पद एकजनालाई पक्राउ गरी प्रहरीले अनुसन्धान सुरु गरेको हो ।
सुकेडाँगी फुटबलको उपाधि खुदुनाबारीलाई
झापाको कनकाई नगरपालिका २ सुकेडाँगीमा आयोजित नकआउट फुटबल प्रतियोगिताको उपाधि खुदुनावारीले हात पारेको छ । फाइनल खेलमा डाँगीबारी फुटबल क्लवलाई ४—० गोल अन्तरले पराजित गर्दै खुदुनावारी विजयी बनेर नगद ५० हजार रुपियाँ प्राप्त गरेको हो ।
नगर प्रमुखद्वारा कैदीबन्दीलाई खसी प्रदान
चन्द्र पन्दाकताप्लेजुङ, असोज १७ गते। ताप्लेजुङको फुङ्लिङ नगरपालिकाका प्रमुख अमिर मादेनले कैदीबन्दीलाई खसी उपलब्ध गराउनुभएको छ। नगर प्रमुख मादेनले ताप्लेजुङका कारागारका कैदीबन्दीलाई दुई वटा खसी उपलब्ध गराउनुभएको हो। कारागार कार्यालयका प्रमुख (जेलर) कुलेन्द्र खवासका अनुसार नगरप्रमुख मादेनले शनिबार दशैंको फूलपातीको दिन खसी उपलब्ध गराउनुभएको हो। कैदीबन्दीहरुको दशैं चाड रमाइलो बनाउनका लागि नगर प्रमुख मादेनले खसी उपलब्ध गराउनुभएको उहाँका स्वकीय सचिव अञ्चल गुरुङले जानकारी दिनुभयो।ताप्लेजुङ कारागारमा हाल एकसय ४० जना कैदीबन्दी रहेका छन्। उक्त सङ्ख्यामध्ये कैदी ९८ जना र थुनुवा ४२ जना रहेका छन्।
सन्थाल समुदायको नृत्य प्रतियोगिता (फोटो फिचर)
बडादशैंको अवसर पारेर लोपोन्मुख सन्थाल जातिहरुको सांस्कृतिक झाँकीसहितको नृत्य प्रतियोगिताको आयोजना गरिएको छ । कनकाई खेलकुद प्रतिष्ठानको आयोजनामा झापाको कनकाई माध्यमिक विद्यालयको खेल मैदानमा भएको सन्थाल नृत्यमा झापा र मोरङ जिल्लाका १८ सन्थाल टोलीको सहभागिता रहेको थियो ।
विशेष प्रहरी भएको बताउने दुई ठग पक्राउ
उदयपुरमा आफूलाई विशेष प्रहरी भएको बताउँदै ठगी गर्ने दुई जना ठगलाई प्रहरीले पक्राउ गरेको छ । आपूहरु सिभिल (सादा पोसाकका) प्रहरी भएको भन्दै सर्वसाधारणलाई धम्की दिएर जवरजस्ती रकम मागेर ठगी गरेको अभियोगमा दुई जना ठगलाई पक्राउ गरिएको प्रहरीले जनाएको छ ।
खुदुनाबारी महिला गोल्डकपको उपाधि धनकुटालाई
प्रदेश १ स्तरीय महिला फुटबल प्रतियोगिताको फाइनलमा टाईब्रेकरमा आयोजक टिम जुनतारा महिला फुटबल क्लब झापालाई ३–० गोल अन्तरले पराजित गर्दै गोल्डकपको उपाधी धनकुटाले जितेको हो ।
पाथीभरा माताको दर्शनमा भक्तजनहरुको भीड
ताप्लेजुङस्थित प्रसिद्ध तीर्थस्थल पाथीभरा (मुक्कुमलुङ) मा भक्तजनको भीड लागेको छ । दशैँको नवरात्रपछि पाथीभरामा भक्तजनको भीड लागेको हो ।
ढलका लागि भत्केको सडक पिच नहुँदा दमक बजार धुलाम्य
ढलमार्फत प्रशोधन गरेर विद्युत् तथा मल उत्पादन गर्ने योजना अन्तरगत पाइप बिछ्याउने क्रममा भत्काइएको दमक बजार तथा चोक आसपासका सडक पानी पर्दा हिलाम्मे र पानी नपर्दा धुलाम्य बनेको भन्दै स्थानीयले गुनासो गरेका छन्।
चाडबाड लागेपछि मन भक्कानिन्छ
मोरङको पथरीशनिश्चरे–१० स्थित भुटानी शरणार्थी शिविरका ५१ वर्षीय दीपक गिरीलाई दशैँ नआए पनि हुन्थ्यो जस्तो लाग्छ । शरणार्थीसम्बन्धी उच्चस्तरीय आयोग (यूएनएचसीआर)ले भुटानी शरणार्थीलाई तेस्रो देशमा पुनर्बास गराउन थालेपछि उहाँका सबै आफन्त परदेशिए । श्रीमती र छोराछोरी अमेरिकामा बस्छन् । बुवाआमा, बहिनीज्वाइँ र भाइको परिवार अस्ट्रेलियामा छ ।
२० वर्षीय युवाले गरे आमा र काकाको हत्या
झापाको कमल गाउँपालिकामा वडा नं. २ सिमल डाँगीका एक युवाले नाटकीय रूपमा आफ्नै आमा र काकाको बीभत्स रूपमा हत्या गरेपछि खुकुरी लिएर प्रहरी सामु आत्मसमर्पण गरेको बताइएको छ ।
निर्वाचन निष्पक्ष बनाउन पाँचथरका राजनीतिक दल एकमत
पाँचथर जिल्लाका प्रमुख राजनीतिक दलले मंसिर ४ गते हुने प्रदेश र प्रतिनिधि सभाको निर्वाचनमा स्वस्थ प्रतिस्पर्धा गर्दै अगाडि बढ्ने प्रतिबद्धता जनाएका छन्।
ताप्लेजुङमा मुख्य निर्वाचन अधिकृतको कार्यालय स्थापना
ताप्लेजुङमा प्रतिनिधिसभा तथा प्रदेशसभा सदस्य निर्वाचनका लागि मुख्य निर्वाचन अधिकृतको कार्यालय स्थापना गरिएको छ। आगामी मङ्सिर ४ गते हुने प्रतिनिधि तथा प्रदेशसभा सदस्य निर्वाचनका लागि ताप्लेजुङ जिल्ला अदालत परिसरमा मुख्य निर्वाचन अधिकृतको कार्यालय स्थापना गरिएको हो।
दमक भ्यु टावर
गौरादह, झापाको दमक ३ मा निर्माण भइरहेको दमक भ्यु टावर ।
ताप्लेजुङ पर्यटन महोत्सव सम्पन्न
चन्द्र पन्दाकताप्लेजुङ, असोज १४ गते। ताप्लेजुङमा तीन दिने ‘ताप्लेजुङ म्याराथन तथा पर्यटन महोत्सव २०७९’ सम्पन्न भएको छ। जिल्लाको पर्यटन प्रवर्द्धन तथा धार्मिकस्थल पाथीभरा (मुक्कुमलुङ) को प्रचारप्रसार गर्ने उद्देश्यले आयोजित महोत्सव बिहीबार सम्पन्न भएको हो। सदरमुकाम फुङ्लिङमा मङ्गलबार, बुधबार र बिहीबार तीन दिन आयोजना गरिएको पर्यटन महोत्सव हर्षोल्लासका साथ सम्पन्न भएको छ। पाथीभरा क्षेत्र विकास समिति, पाथीभरा मन्दिर क्षेत्र संरक्षण तथा सम्वद्र्धन समिति र जिल्लास्थित नेपाली सेनाको भीमकाली गुल्मले संयुक्त रूपमा आयोजना गरेको महोत्सवमा खेलकुद, मनोरञ्जनलगायत विविध कार्यक्रमका सम्पन्न भएको छ। महोत्सव मूल आयोजक समारोह समितिका संयोजक एवं पाथीभरा मन्दिर क्षेत्र संरक्षण तथा सम्वद्र्धन समितिका अध्यक्ष तारानाथ घिमिरेले विगतमा भन्दा यसपटक अझ बढी गतिविधिका साथमा महोत्सव सम्पन्न गरिएको बताउनुभयो। उहाँकाअनुसार यस वर्ष साहसिक तथा खेलकुद गतिविधिमा साइक्लिङ, रक क्लाइबिङजस्ता गतिविधि थप गरिएका थिए। बाँकी विगतमा झैँ खुला तथा महिला हाफ म्याराथन (दौड), खाद्य परिकार महोत्सव, औद्योगिक प्रदर्शनी मेला, फोटो प्रदर्शनी लगायतका स्टलहरू राखिएका थिए। यस्तै महोत्सवकै अवसरमा अन्तरपालिकास्तरीय मेयरकप भलिबल प्रतियोगिता र खुला बुद्धिचाल प्रतियोगिता आयोजना गरिएको थियो। यता महोत्सवको तीनै दिन स्थानीय तथा राष्ट्रिय कलाकारको साङ्गीतिक प्रस्तुति रहेको आयोजक समिति सदस्य एवं पाथीभरा क्षेत्र विकास समितिका अध्यक्ष रक्की थेबेले जानकारी दिनुभयो। महोत्सवमा सहभागी पाहुना तथा पर्यटकले प्रसिद्ध तीर्थस्थल पाथीभराको दर्शन गर्नुका साथै मिक्वाखोला गाउँपालिकामा रहेको फुङफङ्गे झरनासमेतको अवलोकन गरेका आयोजकले जनाएको छ। यता यस वर्षको महोत्सव अवधिभर करिब एक लाखले सहभागिता जनाएका बताइएको छ।
दमक बसपार्क आकर्षक बनाइँदै
केही दिन अघिसम्म अस्तव्यस्त रहेको दमक बसपार्क अहिले स्थानीयहरुको प्रयासमा आकर्षक बनेको छ । चाडपर्वलाई लक्षित गरी साथीभाइ नामक समूहले बसपार्कको स्वरुप नै परिवर्तन गरेको हो ।
वर्षाले दिक्तेलमा एउटा घर ढल्यो, विभिन्न ठाउँमा क्षति
भारी वर्षाका कारण खोटाङको दिक्तेल रुपाकोट मझुवागढी नगरपालिका–१ दिक्तेलका कुलबहादुर बस्नेतको घर भत्किएको छ । गए राति परेको वर्षाका कारण बस्नेतको ढुङ्गामाटो प्रयोग गरेर बनाइएको तीनतले घर भत्किएको हो ।
स्थानीय तहमा सबैभन्दा बढी भ्रष्टाचार
अख्तियार दुरुपयोग अनुसन्धान आयोगमा पछिल्लो समय सबैभन्दा बढी स्थानीय तह र शैक्षिक संस्थासँगै सम्बन्धित मुद्दा र उजुरी अधिक पर्ने गरेका छ । प्रदेश १ का ११ जिल्ला र मधेश प्रदेशको सप्तरीसमेत कार्य क्षेत्र रहेको आयोगको इटहरी कार्यालयमा विशेषगरी स्थानीय तह र शिक्षा क्षेत्रसँग सम्बन्धित निकायविरुद्ध उजुरी र मुद्दा अधिक मात्रमा पर्ने गरेको हो ।
-original-thumb.jpg)
मयुङमा चर्दै गरेका भेडाका बथान
खोटाङ र भोजपुरको सिमानामा पर्ने पर्यटकीयस्थल मयुङडाँडाको फाँटमा चर्दै गरेका भेंडाका बथान ।
ताप्लेजुङ खुला म्याराथनको उपाधि जुम्लाका कुँवरलाई
चन्द्र पन्दाकताप्लेजुङ, असोज १३ गते । ताप्लेजुङ खुला म्याराथन (दौड) को उपाधि दलबहादुर कुँवरले जित्नुभएको छ। बिहीबार सम्पन्न ताप्लेजुङ खुला म्याराथनको उपाधि जुम्लाका कुँवरले जित्नुभएको हो। ताप्लेजुङ म्याराथन तथा पर्यटन महोत्सवको अवसरमा आयोजित खुला म्याराथनको विजेता कुँवरले निर्धारित ४२ किलोमिटर दूरी चार घण्टा १२ मिनेट २७ सेकेण्डमा पूरा गर्नुभएको थियो। कर्णाली रिपोर्टिङ क्लबमा आबद्ध कुँवरले खुला म्याराथनको उपाधिसहित एक लाख ५१ हजार १११ रुपियाँ नगद पुरस्कार प्राप्त गर्नुभएको छ। यस्तै नेपाल आर्मीको गजुरी धादिङस्थित शिवदल गणमा कार्यरत खगेन्द्रबहादुर भाट म्याराथनको उपविजेता बन्नुभएको छ। भाटले निर्धारित उक्त दूरी चार घण्टा १२ मिनेट ५७ सेकेण्डमा पार गर्नुभएको थियो। म्याराथनका तृतीय भने पाँचथरस्थित रणशेर गणमा कार्यरत नपाली सेनाका राजन मेयोङ्बा चार घण्टा १२ मिनेट ५८ सेकेण्डमा उक्त दूरी पार गर्दै तृतीय बन्नुभएको छ। उपविजेता र तृतीयले क्रमशः एक लाख ११ हजार १११ र ५१ हजार १११ रुपियाँ नगद पुरस्कार पाउनुभएको छ। यस्तै महिला हाफ म्याराथनतर्फ ताप्लेजुङको मैवाखोला गाउँपालिका–५ फाकुम्बाकी समपाल्मु शेर्पाले उपाधि जित्नुभएको छ। निर्धारित २१ किलोमिटर दूरी तीन घण्टा १३ मिनेट ९ सेकेण्डमा पार गर्दै शेर्पाले उपाधि जित्नुभएको हो। उहाँले उपाधि जितेसँगै ८१ हजार १११ रुपियाँ नगद पुरस्कार पाउनुभएको छ। यस्तै भोजपुर जिल्लाकी छेन्वीमाया राईले चार घण्टा ९ मिनेट ५३ सेकेण्डमा निर्धारित दूरी पार गर्दै महिला हाफ म्याराथनको द्वितीय र ताप्लेजुङकै मिक्वाखोला गाउँपालिका–३ लिबाङकी पेम्बाल्हामु शेर्पा चार घण्टा ३१ मिनेट ५४ सेकेण्डमा दूरी पार गरी तृतीय बन्नुभएको छ। द्वितीय बन्न सफल राई र तृतीय शेर्पाले क्रमशः ५१ हजार १११ र ३१ हजार १११ रुपियाँ नगद राशीको पुरस्कार प्राप्त गर्नुभएको छ। खुला म्याराथनका लागि सदरमुकाम फुङ्लिङ बजारदेखि तीन हजार ७९४ मिटरको उचाइ रहेको पाथीभरा धाम पुगेर पुनः फुङ्लिङ बजार आइपुग्नुपर्ने गरी दौडस्थल कायम गरिएको थियो। त्यस्तै महिला हाफ म्याराथनतर्फ फुङ्लिङ बजारदेखि पाथीभरा क्षेत्रको काफ्लेपाटी पुगेर पुनः फुङ्लिङ बजार आइपुग्ने स्थल कायम थियो। म्याराथनको खुलातर्फ एक सय ३५ र महिला हाफतर्फ २४ जनाले सहभागिता जनाएका थिए।मङ्गलबार सुरु भएको तीन दिने ‘ताप्लेजुङ म्याराथन तथा पर्यटन महोत्सव २०७९’ बिहीबार सम्पन्न भएको हो। महोत्सव पाथीभरा क्षेत्र विकास समिति, पाथीभरा मन्दिर क्षेत्र संरक्षण तथा सम्बन्धन समिति र नेपाली सेनाको भीमकाली गुल्म ताप्लेजुङले संयुक्त आयोजना गरेका हुन्।
आर्मीका बस्नेतलाई रोड रेस उपाधि
धनकुटामा सम्पन्न रोड रेस प्रतियोगिताको खुला तर्फको उपाधि नेपाल आर्मीका देवराज बस्नेतले जित्नु भएको छ । विश्व मुटु दिवसको अवसर पारेर बिहीबार धनकुटामा आयोजना गरिएको प्रतियोगितामा बस्नेतले १५ किलोमिटर दुरी दौड एक घण्टा एक मिनेट १९ सेकेण्डमा पूरा गर्दै उपाधि जित्नुभएको हो ।
सकियो गर्ज्याङ–नयाँ खिम्ती प्रसारण लाइन निर्माण कार्य
खिम्ती र लिखू नदी जलाधार क्षेत्रका जलविद्युत आयोजनाबाट उत्पादित विद्युत प्रवाहका लागि रामेछाप (गर्ज्याङ)–नयाँ खिम्ती १३२ किलोभोल्ट (केभी) डबल सर्किट प्रसारण लाइन आयोजनाको निर्माण सम्पन्न भएको छ ।
पहिचानको आधारमा प्रदेश नामकरण गर्न फोनिजको सुझाव
नेपाल आदिवासी जनजाति पत्रकार महासङ्घ (फोनिज) प्रदेश १ को तेस्रो प्रादेशिक भेला ताप्लेजुङमा सम्पन्न भएको छ । हाल भइरहेका पहिचान र अस्तित्वका मुद्दालाई सफल बनाउन सहयोगी भूमिका निर्वाह गर्नेसहितका १२ बुँदे ताप्लेजुङ घोषणापत्र जारी गर्दै प्रादेशिक भेला सदरमुकाम फुङ्लिङमा बुधबार सम्पन्न भएको हो । सो अवसरमा फोनिज भेलाले प्रदेश १ को नामकरण गर्दा पहिचान र ऐतिहासिक महत्वका आधारमा गर्न सुझाव दिएको छ ।
