पूर्व नगर प्रमुखहरूको सम्मानमा मेयर पार्क निर्माण हुँदै
उदयपुरको त्रियुगा नगरपालिकाले पूर्व नगरप्रमुखहरूको सम्मानमा पर्यटन क्षेत्र विकास कार्यक्रम अन्तर्गत वडा ४ बगाहास्थित माटेखाडी सालघारी क्षेत्रमा आईल्याण्डसहितको मेयर पार्क निर्माण सुरु गरेको छ ।
मकालु बेस क्याम्पमा एकको मृत्यु
सङ्खुवासभाको मकालु गाउँपालिका –२ मकालु बेस क्याम्पमा एक जनाको मृत्यु भएको छ ।
नदी कटान संरक्षण सम्पन्न
सप्तकोशीको बहाव गाउँतिर मोडिएपछि नदी कटानको उच्च जोखिममा परेको उदयपुरको बेलका नगरपालिका–८ स्थित मेखबारी क्षेत्रको खेतीयोग्य जमिन र मानव बस्ती जोगाउन ‘रिभेटमेन्ट वाल’ अर्थात् कटान क्षेत्रको भित्तो संरक्षण गरिएको छ ।
भोक्राहामा निःशुल्क स्वास्थ्य बीमाकार्ड वितरण
गरिब तथा विपन्न परिवारको स्वास्थ्य अधिकारलाई ध्यानमा राखेर सुनसरीको भोक्राहा नरसिंह गाउँपालिकाले ३५० जना घरपरिवारका सदस्यलाई निःशुल्क स्वास्थ्य बीमाकार्ड वितरण गरेको छ ।
हावाहुरीले घर र विद्यालयमा क्षति
बिहीबार साँझ वर्षासँगै आएको हावाहुरीले खोटाङमा घर तथा विद्यालयको छानामा क्षति पुगेको छ । हावाहुरीले दिप्रुङ चुईचुम्मा गाउँपालिका –४ बतासेस्थित महेन्द्रतारा आधारभुत विद्यालयको दुईवटा भवनको छाना उडाएको छ ।
हावाहुरीबाट विद्यालयमा क्षति, पठनपाठन प्रभावित
वर्षासँगै आएको हावाहुरीले खोटाङको दिप्रुङ चुइचुम्मा गाउँपालिका–४ बतासेस्थित महेन्द्रतारा आधारभूत विद्यालयको छाना उडाएको छ ।
अमेरिका जान अस्वीकार गर्नुहुने सक्कली भुटानी शरणार्थी : डम्बरकुमारी
हातमा एउटा लौरो, पछाडिपट्टि हातले बुनेको एउटा झोला, निधारमा चन्दनको टिका र एउटा हरे राम लेखिएको साना गाम्चा लगाएर यताउता हिँडडुल गर्दैमा उहाँको दिन बित्छ । उहाँ हुनुहुन्छ, सक्कली भुटानी शरणार्थी महिला डम्बरकुमारी काफ्ले । अहिले नक्कली भुटानी बनेर विदेश जान खोजेको र करोडौँको चलखेल भइरहेको विषय उहाँलाई जानकारी छैन ।
उत्पादनमूलक क्षेत्रमा सरकारको सहयोग रहन्छ : मन्त्री सिटौला
कोशी प्रदेशका उद्योग, कृषि तथा सहकारी मन्त्री भक्तिप्रसाद सिटौलाले उत्पादनमूलक क्षेत्रमा सरकारले आवश्यक सहयोग गर्ने बताउनु भएको छ ।
सुरक्षा व्यवस्था सुदृढ गर्न निर्देशन
जिल्ला सुरक्षा समिति सुनसरीका सुरक्षा अधिकारीले बिहीबार सीमाबाट हुने अवैध चोरी तस्करी नियन्त्रण गर्न मातहतका प्रहरी चौकीहरूलाई निर्देशन दिएका छन् । केही दिनअघि मात्रै सीमावर्ती क्षेत्र र सीमा स्तम्भको अनुगमन तथा निरीक्षण गरेका अधिकारीले बिहीबार हरिनगरको रामनगर भुटाहा प्रहरी चौकी, घुस्की प्रहरी चौकी, देवानगन्जको इलाका प्रहरी कार्यालय, छोटी भन्सार कार्यालय कौवाखोचको अनुगमन गर्नुभएको थियो ।
पैसा खाने सडक : छ सय मिटर मर्मतमै तीन करोड
ऐँसेलुखर्क गाउँपालिका जोड्ने छ सय मिटर सडकमा हालसम्म तीन करोड रुपियाँभन्दा बढी रकम खर्च भएको छ। २०७२ सालमा ट्र्याक खोलिएको कच्ची सडक मर्मतका लागि मात्र तीन करोड २८ लाख रुपियाँ खर्च भएको हो। ऐँसेलुखर्क गाउँपालिका–७, माक्पा र रावा बेँसी गाउँपालिका–५, दुबेकोलको सिमानामा पर्ने भिरपानी कच्ची सडक मर्मतका लागि मात्र त्यति धेरै रकम खर्च भएको हो। भिरपानी सडक त्यही बाटो हो, जहाँ हरेक वर्ष बर्खा लागेसँगै गाडी फस्ने तथा थुनिने गर्छ। ग्रेड नमिलाई खनिएको भिरपानी सडक ट्र्याक खोल्ने व्रmममा ठुलो चुनौती मोलिएको सडक निर्माणमा संलग्नहरू बताउँछन्।
सत्र वर्षदेखि थन्कियो २० मेट्रिकटन रक्तचन्दन
सत्र वर्षअघि झापाको विभिन्न स्थानमा तस्करबाट बरामद गरिएको २० मेट्रिकटन बहुमूल्य रक्तचन्दन [काठ] जिल्ला वन कार्यालयको दुईवटा कोठामा थन्किएको छ ।
स्कारपियो दुर्घटना हुँदा बालकको मृत्यु
ताप्लेजुङमा बिहीबार बिहान स्कारपियो जिप दुर्घटना हुँदा एक बालकको मृत्यु भएको छ । प्रहरीका अनुसार सदरमुकामस्थित फुङ्लिङ नगरपालिका –६ मा मे १ च ७३५३ नम्बरको स्कारपियो दुर्घटना हुँदा पाँच वर्षीय बालकको मृत्यु भएको हो ।
हिउँदका लागि बर्खामै पानीको जोहो
मोरङ पाटीगाउँको थामडाँडाकी कल्पना राईलाई अहिले दैनिक करिब दुई सय लिटर पानी आवश्यक पर्छ । हिउँदसम्म बर्खाको पानीले जसोतसो धाने पनि अहिले भने उहाँले घण्टौँ हिँडेर टाढाबाट पानीको जोहो गर्नुपर्ने अवस्था छ । अहिले उहाँका घर वरिपरि करिब दुई हजार खाली बोतल फालिएका छन् । बर्खामा आएको पानी उहाँले त्यही बोतलमा हिउँदका लागि जोहो गर्नुभएको थियो । हिउँदमै ती बोतलको पानी रित्तिएपछि उहाँको दिनचर्या पानी ओसारेरै बित्ने गरेको छ । आफूलाई खान मात्र नभई बस्तुभाउलाई खुवाउन घरधन्दा गर्नसमेत पानी ओसार्नुपर्छ । “पानी लिन करिब दुई घण्टा टाढा जानुपर्छ, घरको एक जनाको समय प्रत्येक दिन पानीको जोहो गर्दै बित्ने गरेको छ,” राईले भन्नुभयो ।
चार वटा सटर फोडी चोरी गर्ने व्यक्ति पक्राउ
झापामा एकै रातामा चार वटा सटर फोडी चोरी गर्ने एक व्यक्तिलाई प्रहरीले पक्राउ गरेको छ । यही जेठ ३ गते राति झापा शिवसताक्षी नगरपालिका–६ शिवगञ्ज बजारमा लगातार श्रृङ्खलाबद्ध रूपमा चार वटा सटर फोडी चोरी भएको थियो ।
भवन अलपत्र, ठेकेदार बेपत्ता
निर्माण कम्पनीको लापरबाहीका कारण हलेसी तुवाचुङ नगरपालिका–१, बाहुनीडाँडा स्वास्थ्य चौकी भाडाको साँघुरो कोठामा सञ्चालन हुँदै आइरहेको छ। स्वास्थ्य चौकीको आफ्नै भवन ठेकेदार कम्पनीले अलपत्र अवस्थामा छाडिदिएपछि यो अवस्था आएको हो। गौरी पार्वती न्यू टेक्निकल जेभीले २०७८ फागुन २७ गतेभित्र सम्पन्न गर्ने गरी २०७७ मङ्सिर ११ गते बाहुनीडाँडा स्वास्थ्य चौकीको भवन निर्माणको सम्झौता गरेको थियो। सम्झौता भएको मितिमा काम सम्पन्न नभएपछि दोस्रो पटक थप भएको म्याद पनि २०७९ माघ २ गते सकिएको छ। एक वर्षयता भवन अलपत्र अवस्थामा छ। अझै म्याद थप गर्न कम्पनीले माग गरिरहेको सघन सहरी विकास तथा भवन निर्माण आयोजनाको कार्यालय ओखलढुङ्गाका इन्जिनियर सुशील चौधरीले बताउनुभयो। ठेकेदारका प्रतिनिधिले काम गर्नुको सट्टा हाकिमको सरुवा गरेपछि मात्र काम
स्रोत तथा प्रतिनिधि शिक्षकलाई तालिम
ताप्लेजुङमा ग्रामीण शिक्षा तथा वातावरण विकास केन्द्र (रिड) नेपालले स्रोत तथा प्रतिनिधि शिक्षकलाई तालिम प्रदान गरेको छ ।
नगर स्तरीय परीक्षामा प्रथम हुने विद्यालयलाई दुई लाख पुरस्कार
हलेसी तुवाचुङ नगरपालिकाले सञ्चालन गरेको नगर स्तरीय वार्षिक परीक्षामा प्रथम हुने विद्यालयलाई नगद दुई लाख पुरस्कार प्रदान गरिने भएको छ।
सगरमाथा आरोही शेर्पालाई आइएफआरसीका महासचिव चापागाईँद्वारा बधाई
सोलुखुम्बु सोलुदूधकुण्ड नगरपालिका–१ टैकुब निवासी मिङमार शेर्पाले विश्वको सर्वोच्च शिखर सगरमाथाको सफल आरोहण गर्नुभएको छ ।
हामीले उल्लेख्य काम गरेका छौँ
– महानगरको नेतृत्व गर्नुभएको एक वर्ष पूरा भएको छ। यस अवधिमा महानगरबाट भएका प्रमुख काम के हुन् ? यो एक वर्षको अवधिमा हामीले उल्लेख्य काम गरेका छौँ। सहरी सौन्दर्य, वातावरणीय सुधार, ट्राफिक व्यवस्थापन र पार्किङ स्थलको व्यवस्था, डुबान नियन्त्रणका लागि नाला सफाइ तथा व्यवस्थापन गर्ने जस्ता काम प्राथमिकतामा राखेर गरिरहेका छौँ। उज्यालो विराटनगर अभियानमार्फत सहरका सडक उज्यालो बनाइएको छ। सडकमा लत्रिएका तारको व्यवस्थापन गरिएको छ। छोटै समयमा हामीले आन्तरिक प्रशासनमा उल्लेख्य सुधार गरेका छौँ। आन्तरिक आय वृद्धि गर्न कर सङ्कलन अभियान चलाइएको छ। सार्वजनिक स्थलमा सुर्तीजन्य पदार्थको सेवन र बेचबिखनमा रोक लगाइएको छ। खुला रूपमा हुँदै आएको माछामासुको बिक्रीलाई व्यवस्थित बनाउने अभियान अहिले पनि जारी राखिएको छ। विकास निर्माणतर्फ ऐतिहासिक रानीपोखरी, मण्ठापोखरी, विराट राजाको दरबार र सङ्ग्रहालय, प्रधानमन्त्री पार्क, हृदयेन्द्र पार्क, सन्ध्याकालीन आरती स्थल, महानगरको प्रशासनिक भवन, वीरेन्द्र सभा गृहको पुनर्निर्माण, सडक, महानगरको बहुप्राविधिक विद्यालयलगायतका दर्जनौँ विकास निर्माणमा हामीले ध्यान दिएर काम अगाडि बढाएका छौँ। स्थानीय पाठ्यक्रम तयार पारिएको छ। जनस्वास्थ्यतर्फ पनि हामीले धेरै काम गरेका छौँ। – सुशासनको पक्षमा महानगरले केही काम गर्न खोजेको देखिन्छ तर एकै पटक धेरैतिर हात हाल्दा परिणाम नआउने समस्या हुँदैन ? हामीले केही काम थालेका छौँ। नयाँ नियम लागु गर्ने जमर्को गरेका छौँ। यी कामलाई नियमित अनुगमन गर्ने, फलोअप गर्ने र व्यवस्थित गर्दै लैजानेतर्फ प्रतिबद्ध छौँ। – कर्मचारीको व्यापक सरुवा भयो। त्यसले महानगर सञ्चालनमा कस्तो फरक पाउनुभएको छ ? म जनप्रतिनिधि भएर महानगरमा प्रवेश गर्दै गर्दा यहाँका फाँटमा हुने आर्थिक तथा अन्य अनियमिततासँग जोडेर मलाई थुप्रै प्रश्न गरिन्थ्यो। कर्मचारीले रकम मागेकोदेखि अरू थुप्रै गुनासो मैले सुनेको छु। त्यसमा सुधार गर्नकै लागि हामीले कर्मचारीको व्यापक सरुवा ग-यौँ। वर्षौं एउटै फाँटमा बसेका कर्मचारी अहिले नितान्त भिन्न जिम्मेवारीमा पुगेका छन्। यसले सुशासनमा निकै सुधार आएको छ। नयाँ जिम्मेवारीमा पुगेकाले काममा परिणाम दिनुपर्ने भएकाले उनीहरूको कार्यदक्षता पनि बढेको पाएको छु। – महानगरले राजस्व सङ्कलनमा केही सुधार गरेको देखियो तर पूरा हुनै नसक्ने राजस्व अनुमान अर्धवार्षिक समीक्षामार्फत फेरि किन बढाउन आवश्यक भयो ? राजस्व लक्ष्य पूरा गर्न छुटेका धेरै करदातालाई करको दायरामा ल्याएका छौँ। उठ्न नसकेका केही राजस्व उठाउन सफल भयौँ। राजस्व अभिवृद्धि गर्ने कार्यमा महानगरले एउटा सफलता पाएको छ। अघिल्लो वर्षभन्दा यस वर्ष २० करोड रुपियाँ बढी राजस्व परिचालन हुने विश्वास छ। पुरानो दुई अर्ब रुपियाँभन्दा बढी दायित्व भएकाले समस्या भने अझै छ। अझै केही समय लक्ष्य अनुसार राजस्व सङ्कलन हुने देखिँदैन। तर पनि विकास योजना अगाडि बढाउन पछिल्लो समय राजस्वको लक्ष्य बढाउनुपर्ने हाम्रो बाध्यता हो।
जनप्रतिनिधिको एक वर्ष : आशाको सञ्चार गराउँदै विराटनगर
स्थानीय तहको निर्वाचनबाट प्रमुख नागेश कोइरालासहितका जनप्रतिनिधिले विराटनगर महानगरपालिकाको नेतृत्व सम्हालेको आज मङ्गलबार एक वर्ष पूरा भएको छ । वर्ष दिनको यो अवधिमा विराटनगर महानगरका प्रमुख नागेश कोइराला नेतृत्वको टिम महानगरवासीमा आशा जगाउँदै सुधारका केही काम थालनी गरेर सकारात्मक परिवर्तनको सञ्चार गर्न सफल देखिएको छ। एक वर्षअघि जिम्मेवारी वहन गर्दै गर्दा करको दर घटाएर नगरवासीलाई राहत दिने निर्णय गरेका कोइरालाले चालु आर्थिक वर्षको बजेटमार्फत कतिपय सेवाको महसुल, शुल्क र करको दर घटाएर जनतासँग गरेको वाचा पूरा गर्ने प्रयास गर्नुभयो। त्यसपछि सेवा प्रवाहमा सुधार र सुशासन स्थापना गर्ने कार्यमा महानगरले काम गरिरहेको छ।
संरक्षण गर्न किसानलाई याक वितरण
ताप्लेजुङको मिक्वाखोला गाउँपालिकाले पशुपालनको प्रवर्द्धनका लागि स्थानीय पशुपालक किसानलाई याकको बाच्छा वितरण गरेको छ ।
बुधबारे हटियामा नगरपालिकाले चलायो डोजर
बिर्तामोड नगरपालिकाले बुधबारे हटियाका टहरामा डोजर चलाएको छ । नगरपालिकाले १ बिगाह २ कठ्ठा क्षेत्रमा रहेका करिब दुई सय वटा टहरा हटाउन सुरु भएको हो । नगरपालिकाले पूर्वपट्टिबाट टहरा हटाउन सुरु गरेको छ ।
-(3)-original-thumb.jpg)
प्रदेश सांसदलाई ल्यापटप दिने योजनाप्रति एमालेको विरोध
कोशी प्रदेशका हरेक सांसदहरूलाई ल्यापटप वितरण गर्ने योजनाको चौतर्फी विरोध भएपछि सत्तारुढ दल नेकपा एमालेले पनि उक्त योजना स्थगित गर्न प्रदेश सभालाई आग्रह गरेको छ ।
मिटर ब्याजीविरुद्ध दुई सयभन्दा बढी उजुरी
सुनसरी जिल्ला प्रशासन कार्यालयमा मिटरब्याजी विरुद्ध दुई सय ४९ उजुरी दर्ता भएका छन् । सरकारले मिटरब्याजीविरुद्ध उजुरी दिन आह्वान गरेसँगै दुई सय ४९ जनाले उजुरी दिएको जिल्ला प्रशासन कार्यालयले जानकारी दिएको हो ।
संसार देख्न पाउँदा बालक खुसी
ऐँसेलुखर्क गाउँपालिकामा सञ्चालित निःशुल्क आँखा शिविरमा एक बालकको मोतियाबिन्दुको शल्यव्रिmया सफल भएको छ। मोतियाबिन्दुले जन्मैदेखि आँखा नदेख्ने ऐँसेलुखर्क गाउँपालिका–३, ऐँसेलुखर्क भोक्तेनीका १० वर्षीय लालकुमार खुलाल शल्यव्रिmयापछि अहिले आँखा देख्ने भएका छन्।
