सुन्तला हेर्न आए बङ्गलादेशका व्यवसायी
सुन्तलाबारे अध्ययन गर्न बङ्गलादेशका व्यवसायीको टोली स्याङ्जा आइपुगेको छ । निकै रसिलो र स्वादिलोको पहिचान बनाएको स्याङ्जाको सुन्तलाले नेपालीलाई मात्रै होइन, विदेशीलाई पनि आकर्षण गरेको छ । स्याङ्जाका अधिकांश भागमा सुन्तला उत्पादन हुँदै आएको छ । देशका विभिन्न ठाउँ सहजै पुग्ने यहाँको सुन्तला अब विभिन्न देशमा लैजाने तयारी भएको छ ।
झापाका दुई उद्योगमा आगलागी
यहाँको बिर्तामोड नगरपालिका–४ मा सञ्चालित दुई उद्योगमा आज बिहान आगलागी भएको छ ।
नयाँ वर्षमा धनकुटाका पर्यटकीय स्थलमा पर्यटकको भीड
नयाँ वर्षको सुरुवातसँगै धनकुटाका पर्यटकीय स्थलहरूमा वैशाखको पहिलो दिन बिहानैदेखि आन्तरिक तथा बाह्य पर्यटकको घुइँचो लागेको छ।
राष्ट्रपति शैक्षिक सुधारअन्तर्गत विद्यालय भवन शिलान्यास
राष्ट्रपति शैक्षिक सुधार कार्यक्रमअन्तर्गत सुनसरीको जगन्नाथ डेडराज जनता माध्यमिक विद्यालयमा आठकोठे पक्की भवन बन्ने भएको छ। वराहक्षेत्र नगरपालिकामार्फत निर्माण हुने दुईतले आरसिसी भवनको शिलान्यास गरिएको छ।
उपल्लो मुस्ताङमा एक वर्षमा ४ हजारभन्दा बढी विदेशी पर्यटक
एक वर्षको अवधिमा उपल्लो मुस्ताङमा ४ हजारभन्दा बढी विदेशी पर्यटकले भ्रमण गरेका छन्। अन्नपूर्ण संरक्षण क्षेत्र आयोजना (एक्याप)अन्तर्गत इलाका संरक्षण कार्यालय लोमान्थाङको क्षेत्राधिकारमा पर्ने वारागुङ मुक्तिक्षेत्र गाउँपालिका–३ छुसाङ, लोमान्थाङ तथा लो–घेकर दामोदरकुण्ड गाउँपालिकाका विभिन्न पर्यटकीय स्थलमा विसं २०८२ वैशाखदेखि चैतसम्म चार हजार ८१ जना विदेशी पर्यटक प्रवेश गरेका छन्।
नेपालगञ्जमा राष्ट्रिय झण्डा दिवस मनाइयो
विक्रम संवतको पहिलो दिन वैशाख १ गते नेपालगञ्जमा नेपाली राष्ट्रिय झण्डा महोत्सव गरी राष्ट्रिय झण्डा दिवस मनाइएको छ।
धमाधम सरकारी कार्यालयको पुनर्निर्माण
भूकम्पका कारण क्षतिग्रस्त जाजरकोटका सरकारी कार्यालयको पुनर्निर्माण थालिएको छ । तीन वर्षअघि भूकम्पका कारण क्षतिग्रस्त भएका जिल्ला प्रशासन, जिल्ला समन्वय समितिसहित २२ वटा सरकारी भवन सघन सहरी तथा भवन निर्माण आयोजनाले पुनर्निर्माण थालेको हो । सघन सहरी तथा भवन निर्माण आयोजनाद्वारा जिल्ला समन्वय समितिको भवन, जाजरकोट अस्पताल, भेरी नगरपालिका–१, मैदे सामुदायिक क्लिनिक, जिल्ला समन्वय समितिको कार्यालय, कृषि विकास कार्यालय, जिल्ला कारागार, कुसे गाउँपालिका–४ स्थित स्वास्थ्य चौकी, जिल्ला प्रशासन कार्यालय आवास, जिल्ला हुलाक कार्यालयका भवन धमाधम पुनर्निर्माण भइरहेका छन् ।
सडक निर्माण अवरुद्ध
कर्णाली कोरिडोर अन्तर्गत सिमकोट–हिल्सा सडकखण्डको लाक्नामा तीन दिनदेखि निर्माण अवरुद्ध भएको छ । सिमकोट गाउँपालिका–७, डाँडाफया ग्लालेखोरका स्थानीय नागरिकले गत शनिबारदेखि लाक्नामा निर्माणाधीन सडक अवरुद्ध गरेका हुन् ।
कैलाली–बर्दिया जोड्ने तेस्रो पुल समयअगावै निर्माण सकिँदै
कैलाली–बर्दिया जोड्न सनकट्टीस्थित कर्णाली नदीमा निर्माणाधीन पुल सम्पन्न लागेको छ । टीकापुर नगरपालिका र गेरुवा गाउँपालिका जोडिने यो पुल २०८३ असोजमा सक्ने गरी २०७९ पुसमा ठेक्का लागेको थियो । २०८२ फागुन मसान्तसम्ममा ९२ प्रतिशत काम सम्पन्न भइसकेको र असारभित्र पुल प्रयोग गर्न मिल्ने गरी काम भइरहेको निर्माण कम्पनी रसुवा कन्स्ट्रक्सनका इन्जिनियर धीरेन्द्र सहनीले बताउनुभयो ।
रोकायावाडा पुल मुआब्जा विवादले अझै सञ्चालनमा आएन
नाग्म–गमगढी सडकअन्तर्गत सिँजाको रोकायावाडा खोलामा निर्माण गरिएको पक्की पुल मुआब्जा विवादका कारण अझै सञ्चालनमा आउन सकेको छैन।
विपतका लागि आश्रयस्थल तयार
विपत् प्रभावित समुदायलाई सुरक्षित वासस्थानका लागि आश्रयस्थल तयार भएको छ । कैलालीको जानकी गाउँपालिका–९, खैरीफाँटमा आश्रयस्थल बनेको हो । बहुउद्देश्यीय समावेशी सुरक्षित आश्रयस्थल नाम दिइएको भवन दुई तलाको छ । कर्णाली र कुलरिया नदीमा आउने बाढीबाट प्रभावित २०४ घरधुरीलाई लक्षित गरी बनाएको भवनबाट ६८ परिवारले प्रत्यक्ष र १३६ परिवारले अप्रत्यक्ष रूपमा लाभ पाउने अपेक्षा गरिएको छ ।
राष्ट्रियसभाको अध्यक्ष इस्तानबुल प्रस्थान
राष्ट्रियसाभका अध्यक्ष नारायणप्रसाद दाहाल अन्तर–व्यवस्थापिका सङ्घ(आइपियु)को १५२ औँ महासभामा सहभागी हुन संसदीय प्रतिनिधिमण्डलको नेतृत्व गर्दै आज टर्कीको इस्तानबुल प्रस्थान गर्नुभएको छ ।
बाजुरामा दलित समुदायभित्रै जातीय विभेद अझै कायम
बाजुरामा दलित समुदायभित्रै जातीय विभेद अझै कायम रहेको पाइएको छ। यहाँ सार्की, विक, सुनार, मिजार, चँदारा, कामी, लुहार, दमाई, बादी, गन्धर्व, कुमाल, ओड, तिरुवा, परी लगायतका दलित जातजातिको बसोबास रहेको छ।
बिसुपर्व मनाइँदै
हरेक वैशाख १ गते सुदूरपश्चिमका विभिन्न पहाडी जिल्लामा विष मार्ने पर्वका रूपमा ‘बिसु’ पर्व धुमधामसाथ मनाइने गरिन्छ । मानिसको शरीरमा वर्षभरि रहेको रोग, विभिन्न खानेकुराबाट जम्मा भएका विषालु तत्व नष्ट गर्ने पर्वका रूपमा दार्चुला, बैतडी, डडेलधुरा, बझाङलगायतका पहाडी जिल्लामा बिसुपर्व मनाउने गरिन्छ ।
कार्यालय सार्ने निर्णयको विरोधमा स्थानीय
कार्यालय सार्ने निर्णयको विरोधमा सप्तरीको हनुमाननगर कङ्कालिनी नगरपालिकाका स्थानीयले सोमबार नगरपालिका कार्यालयको प्रशासनिक भवनमा तालाबन्दी गरेका छन् । नगरपालिकाको शुक्रबार सम्पन्न १६ औँ नगर सभाको बहुमतले हाल वडा नम्बर १२ मा सञ्चालनमा रहेको कार्यालयलाई वडा नम्बर ५ स्थित नवनिर्मित पशु अस्पतालको भवनमा सार्ने निर्णयको विरोधमा स्थानीयले नगरपालिकाको कार्यालयमा तालाबन्दी गरेका हुन् । नगरपालिकाको कार्यालयमा तालाबन्दी गर्नुअघि सोमबार बिहानै मूलगेटमा धर्ना बसेका स्थानीयले हनुमाननगर बजारसमेत बन्द गराएका छन् ।
‘सुशासन र विकासको अनुभूति हुने गरी काम गर्छु’
राजनीतिक बेथिति र सुशासनको अभाव देखेर राष्ट्रिय स्वतन्त्र पार्टी (रास्वपा) सँग स्थापनाकालदेखि जोडिएकी निशा मेहता हालै सम्पन्न प्रतिनिधि सभाको निर्वाचनमा समानुपातिकतर्फ सांसद हुनुभएको छ । स्थापनादेखि पार्टीको साधारण सदस्य हुँदै केन्द्रीय सदस्यसम्म बन्नुभएकी मेहता विसं २०७९ को निर्वाचनमा समानुपातिक सूचीमा समावेश भए पनि सांसद हुन पाउनुभएको थिएन । नवनिर्वाचित सरकारको स्वास्थ्य तथा जनसङ्ख्या र खानेपानीमन्त्रीका रूपमा उहाँले यतिबेला मन्त्रालय हाँकी रहनुभएको छ ।
दमौली–देवघाटमा स्नानार्थीको ओइरो
नयाँ वर्षको पहिलो दिन मङ्गलबार तनहुँको पवित्र तीर्थस्थल देवघाटधाम र व्यासभूमिको रूपमा परिचित दमौलीस्थित व्यास गुफा क्षेत्रमा स्नान तथा पूजा गर्ने भक्तजनको घुइँचो लागेको छ ।
‘स्वास्थ्यमा नागरिकको पहुँच बढ्दै’
बागमती प्रदेशका स्वास्थ्यमन्त्री किरण थापामगरले देश सङ्घीयतामा गएसँगै नागरिकको स्वास्थ्य सेवामाथिको पहुँच बढ्दै गएको बताउनुभएको छ । उहाँले बागमती प्रदेश सरकारले स्वास्थ्य क्षेत्रमा नयाँ नीतिको कार्यान्वयनसँगै विगतका जिल्ला अस्पताल रिफर अस्पतालका रूपमा रहेकोमा प्रादेशिक अस्पताल बनेपछि विशेषज्ञ सेवा प्रदान गर्ने अस्पतालमा परिणत भएको भन्दै नागरिकले सहज रूपमा स्वास्थ्य सेवा पाउन थालेको बताउनुभयो ।
मूल्यवृद्धिले विकासका काम प्रभावित
पछिल्लो समय निर्माण सामग्रीमा लगातार भइरहेको मूल्यवृद्धिले सिन्धुली जिल्लामा विकास निर्माणका काम प्रभावित भएका छन् । इन्धनको मूल्य बढेसँगै निर्माण सामग्रीको अभाव र महँगी बढ्दा अधिकांश आयोजना प्रभावित बनेका हुन् । निर्माण व्यवसायी सङ्घ सिन्धुलीका अध्यक्ष उद्धव दाहालका अनुसार दैनिक जसो निर्माण सामग्रीको मूल्य बढ्दै जाँदा काम सञ्चालन गर्नै कठिन भएको छ । “आज किनेको सामान भोलि त्यही मूल्यमा पाइँदैन,” उहाँले भन्नुभयो, “पहिले प्रतिबोरा सात सय रुपियाँमा पाइने सिमेन्ट अहिले ८५० रुपियाँ पुगेको छ । डन्डी (रड) प्रतिकेजी ९२/९३ रुपियाँबाट बढेर १०७ रुपियाँ पुगेको छ ।”
नयाँ वर्षले प्रेरणा देओस् : प्रदेश प्रमुख देवकोटा
बागमती प्रदेश प्रमुख दीपक प्रसाद देवकोटाले विगतका अनुभवबाट शिक्षा लिँदै नयाँ उत्साह र उमङ्गका साथ अघि बढ्न नयाँ वर्षले सबैलाई प्रेरणा दिने विश्वास व्यक्त गर्नुभएको छ।
विभागद्वारा एकैदिन ५४ फर्ममा अनुगमन
बजार अनुमगन तथा निरीक्षणमा वाणिज्य, आपूर्ति तथा उपभोक्ता संरक्षण विभागले थप सक्रियता देखाएको छ । एकैदिन ५४ वटा व्यापारिक प्रतिष्ठान र फर्ममा विभागले अनुमगन गरेको हो ।
‘कर्णाली उत्सवः कुडा कर्नालीका’ सम्पन्न
‘कर्णाली उत्सवः कुडा कर्नालीका’को सातौँ संस्करण सोमबार सम्पन्न भएको छ । ऋति फाउण्डेसन सुर्खेतले गत चैत २८-३० गतेसम्म सञ्चालन गरेको उत्सवमा कर्णालीका विभिन्न आयामका विविध विषयमा छलफल भएको हो ।
नव वर्षले एकता र आपसी सद्भाव कायम राख्नेः मुख्यमन्त्री बानियाँ
बागमती प्रदेशका मुख्यमन्त्री ईन्द्रबहादुर बानियाँले नव वर्षले एकता र आपसी सद्भाव कायम राख्न सहयोग पुग्ने बताउनुभएको छ ।
बाँकेलाई पूर्ण खोप जिल्ला घोषणा गरिने
बाँके जिल्लामा विभिन्न प्रकारका नियमित खोप लगाउन छुटेका बालबालिकाको खोजी गरी खोप लगाएर आगामी वैशाख महिनामा जिल्लालाई पूर्ण खोप सुनिश्चित जिल्ला घोषणा गर्ने निर्णय गरिएको छ।
सुदूरपश्चिममा आज बिसु पर्व मनाइँदैः टाढिएका सम्बन्ध जोड्ने
‘वर्ष दिनकी एकै बिसुः बिसुकी घरै नाई’ भन्ने सुदूरपश्चिममा प्रचलित लोककथनले बिसु पर्वको सामाजिक, सांस्कृतिक र भावनात्मक महत्वलाई स्पष्ट रूपमा झल्काउँछ ।
