गठबन्धनले सार्वजनिक ग-यो प्रतिबद्धतापत्र
नेपाली कांग्रेस, नेकपा (माओवादी केन्द्र)सहितको लोकतान्त्रिक–वाम गठबन्धनले बुधबार चितवन निर्वाचन क्षेत्र नं. ३ को साझा प्रतिबद्धतापत्र सार्वजनिक गरेको छ। निर्वाचन क्षेत्र नं. ३ को प्रतिनिधि सभा र प्रदेश सभा सदस्यको निर्वाचनलाई लक्षित गरी जारी गरिएको प्रतिबद्धतापत्रमा विकासलाई पहिलो प्राथमिकतामा राखिएको छ। कांग्रेस र माओवादी केन्द्रले केन्द्रमा जारी गरेको प्रतिबद्धतापत्रको झझल्को दिने विकासे अभियानलाई प्रतिबद्धतापत्रमा प्राथमिकतामा राख्दै सत्ता गठबन्धनका उम्मेदवारलाई मत दिन भनिएको छ।
सबै वडामा महिला सञ्जाल गठन गर्ने काठमाडौं महानगरपालिकाको निर्णय
काठमाडौं महानगरपालिकाले सबै वडामा महिला सञ्जाल गठन गर्ने निर्णय गरेको छ। काठमाडौं महानगरपालिकाकी उपप्रमुख सुनिता डंगोलले सो निर्णय गरिएको औपचारिक जानकारी गराउनु भएको हो।
गोरखाबाट जिताएर संसारलाई देखाउनुपर्छ : अध्यक्ष दाहाल
काठमाडौं, कात्तिक १६ गते। नेकपा (माओवादी केन्द्र) का अध्यक्ष पुष्पकमल दाहालले गोरखाबाट माओवादीलाई जिताएर संसारलाई देखाउनुपर्ने बताउनुभएको छ। बुधबार गोरखा–काठमाडौं सम्पर्क समन्वय समितिले आयोजना गरेको ‘निर्वाचन विशेष राजनीतिक वैचारिक प्रशिक्षण कार्यक्रम’मा बोल्नुहुँदै अध्यक्ष दाहालले गोरखाबाट माओवादीलाई जिताएर संसारलाई देखाउनुपर्ने बताउनुभएको हो। उहाँले गोरखामा माओवादी पार्टीलाई रेकर्डसहित विजय गराउनुपर्ने बताउनुभयो। उहाँले रेकर्डसहित जितेको नेता भनेपछि केन्द्रमा भूमिका खेल्ने शक्ति आर्जन हुने उल्लेख गर्नुभयो। अध्यक्ष दाहालले चुनाव जितिहालिन्छ भन्नेर ढुक्कसँग नबस्न नेता र कार्यकर्तालाई निर्देशन दिनुभयो। एक-एक मतको संरक्षण गर्न र मतलाई मतपेटिकासम्म पुर्याउन ध्यान दिन उहाँको आग्रह छ। उहाँले गोरखाबाट माओवादी देश र दुनियाँमा देखिनुपर्ने बताउनुभएको छ।उहाँले भन्नुभयो, ‘‘जितिहालिन्छ भन्नुभयो भने हाम्रो लागि आत्मघाती कुरा अरू हुँदैन। जितिहालिन्छ भन्ने त सोच्नै हुँदैन। ब्याटलमा जाने, यो ब्याटल नै हो। बुलेटको माध्यमबाट ब्याटल नै लड्ने हो हामीले’’, अध्यक्ष दाहालले भन्नुभयो, ‘‘गोरखाबाट संसारमा माओवादी देखियोस्। अरू ठाउँमा कति जित्छौँ तपाईँहरूले धेरै टेन्सन नलिनुस्। त्यो टेन्सन मैले लिएको छु। तपाईँहरू गोरखाबाट संसारलाई माओवादी देखाइदिने यो सङ्कल्प सबैले लिनुपर्यो। साझा सङ्कल्प। यो असम्भव बिल्कुलै छैन, सम्भव छ। रेकर्ड बन्छ। गोरखा संसारमा फेरि नयाँ ढङ्गले देखिन्छ।’अध्यक्ष दाहालले जनताको घर–घरमा गएर मतदाता शिक्षा दिन आग्रह गर्नुभयो। उहाँले आफू गोरखामा चुनाव लड्न आउनु गोरखावासीका लागि चुनौती भएको बताउनुभयो। आफू कहाँ जान्छु र बस्छु भन्ने कुरा माइक्रोस्कोपबाट हेरिने गरेको भन्दै दाहालले यो कुरा गोरखावासीका लागि चुनौती भएको बताउनुभएको हो। अध्यक्ष दाहालले मनोनयन दर्ता गर्न जाँदा बाजा बजाएको सम्बन्धमा निर्वाचन आयोगले स्पष्टीकरण सोधेको विषय उल्लेख गर्दै आफ्नो बाजा बजाउने योजना नभएको प्रष्ट पार्नुभएको छ। उहाँले भन्नुभयो, ‘प्रचण्ड आउनु भनेको त अवसर भन्नुभयो धेरैले यहाँ। अवसर मात्रै होइन, चुनौती पनि हो। मलाई अस्ति थाहा नै थिएन, बाजा बज्छ भन्ने। नोमिनेशनको दिन पञ्चे बाजा आउँछ भन्ने। जाँदा तलैबाट देखेँ मैले जनता स्वतःस्फूर्त खुसी भएर आए। त्यो मेरो योजना पनि होइन। मेरो निर्णय पनि होइन। तर निर्वाचन आयोगले स्पष्टीकरण सोध्यो मैले स्पष्टीकरण दिएँ।’’अध्यक्ष दाहालले मनोनयन दर्ता गर्न जाँदा २५ जना मात्रै गएको जवाफ दिए पनि यहाँ माइक्रोस्केप लगाएर हेरेको बताउनुभयो। ‘आज आएको छ प्रचण्डको स्पष्टीकरण चित्तबुझ्दो छैन, त्यो बाजा कहाँबाट आएको हो ? अनुसन्धान गर भनेर निर्देशन दिएको छ। माइक्रोस्कोप लगाएर हेरेका छन्। प्रचण्ड कता कता जान्छ के के गर्छ। कहाँ बस्छ ? यो तपाईँहरूको लागि चुनौती भएन त ! यसको रक्षा त हामी सबैले मिलेर गर्नुपर्यो। सुरक्षा चुनौती पनि हुनसक्छ। नेतृत्वको रक्षा गर्ने चुनौती तपाईंहरुलाई थपियो’’, उहाँले थप्नुभयो।अध्यक्ष दाहालले राष्ट्रिय एकताको सन्देश दिनका लागि आफू गोरखामा गएर चुनाव लडेको प्रष्ट पार्नुभएको छ।
मतदाताले भविष्य बोक्नसक्ने उम्मेदवारलाई रोज्नुपर्छ : नेता केसी
नेपाली कांग्रेसका नेता तथा नुवाकोट क्षेत्र नम्बर २ का नेपाली कांग्रेसका प्रतिनिधिसभा सदस्य उम्मेदवार अर्जुननरसिंह केसीले निर्वाचनमा इतिहास र भविष्य बोक्नसक्ने उम्मेदवारलाई मतदाताले रोज्नुपर्ने बताउनुभएको छ। विदुर नगरपालिका अन्तर्गत ऐतिहासिकस्थल नुवाकोट दरबार परिसरमा आयोजित चुनावी कार्यक्रम तथा भेटघाटलाई सम्बोधन गर्नुहुँदै उहाँले यस्तो बताउनुभएको हो।
नेवाः देय् दबूकाे १३ बुँदे साझा मुद्दा सार्वजनिक
बाग्मती प्रदेशमा भाषा आयोगको सिफारिसअनुसार नेपालभाषा र तामाङ भाषालाई प्रदेशमा सरकारी कामकाजी भाषाको रुपमा लागू गर्नुपर्ने, नेवाः बाहुल्यता भएको क्षेत्रलाई स्वायत्त क्षेत्र, संरक्षित क्षेत्र र विशेष क्षेत्र घोषणा गर्नुपर्ने, प्रादेशिक भाषाको हिसाबले १२ कक्षासम्म नेपालभाषा र तामाङ भााषा मध्ये एकलाई एच्छिक वा अनिवार्य विषयको रुपमा समावेश गर्नुपर्ने लगायतका मुद्दा रहेको छ ।
पुराना र नयाँ उम्मेदवारबीच मुख्य प्रतिस्पर्धा
काठमाडौँ क्षेत्र नं ६ को प्रतिनिधिसभा तथा प्रदेशसभा निर्वाचनमा नयाँ र पुराना उम्मेदवारबीच मुख्य प्रतिस्पर्धा हुने देखिएको छ । आगामी मङ्सिर ४ गते हुन लागेको प्रतिनिधिसभा तथा प्रदेशसभा निर्वाचनमा प्रतिनिधिसभाका लागि नेपाली कांग्रेसका भीमसेनदास प्रधान र नेकपा ९एमाले०बाट सर्वेन्द्र खनाल चुनावी मैदानमा छन् । उक्त क्षेत्रमा प्रधान दुईपटक सांसदमा निर्वाचित उम्मेदवार हुनुहुन्छ । खनाल भने पहिलोपटक उक्त क्षेत्रबाट प्रतिस्पर्धा गर्दै हुनुहुन्छ ।
प्रत्यक्ष प्रतिस्पर्धामा महिला उम्मेदवार बाह्र प्रतिशत
आसन्न प्रतिनिधि सभा तथा प्रदेश सभा सदस्य निर्वाचनमा पहिलो हुने निर्वाचन प्रणालीमा प्रतिस्पर्धा गर्ने महिला उम्मेदवारको सङ्ख्या कम रहेको छ। संविधानले प्रतिनिधि सभा तथा प्रदेश सभामा महिलाको प्रतिनिधित्व ३३ प्रतिशत गर्ने सुनिश्चित गरेको छ। तर आगामी मङ्सिर ४ गते हुने निर्वाचनमा प्रत्यक्षतर्फ प्रतिस्पर्धा गर्न उम्मेदवार दर्ता गराएका महिलाको सङ्ख्या निकै कम रहेको निर्वाचन आयोग नेपालको तथ्याङ्कमा छ।
समानुपातिकको मतपत्र व्यवस्थापन हुँदै
आगामी मङ्सिर ४ गते हुने प्रतिनिधि सभा तथा प्रदेश सभा सदस्य निर्वाचनको मिति नजिकिएसँगै निर्वाचन अधिकृतका कार्यालयका कामहरू निर्वाचन केन्द्रित भएका छन्।
तिहारमा एउटै किसानले बेचे सात लाखको सयपत्री
तिहार पर्वमा चितवनका एउटै किसानले सात लाख रुपियाँको सयपत्री फूल बेच्नुभएको छ । भरतपुर महानगरपालिका–२६ दिव्यनगरका ६२ वर्षीय किसान दीपक पाख्रिनले यस वर्षको तिहारमा सात लाख रुपियाँको फूल बेच्नुभएको हो ।
तारकेश्वरमा ३५ दिनभित्र व्यवसाय दर्ता नगरे कारबाही
काठमाडौँको तारकेश्वर नगरपालिकाले ३५ दिनभित्र अनिवार्य व्यवसाय दर्ता नगरे त्यस्ता व्यवसायीलाई कारबाही गर्ने भएको छ ।
जनताको अवस्था बदल्न उम्मेदवार बनेको हुँ : वरिष्ठ नेता पौडेल
नेपाली कांग्रेसका वरिष्ठ नेता तनहुँ-१ का प्रतिनिधि सभा सदस्यका उम्मेदवार रामचन्द्र पौडेलले जनताको अवस्था बदल्नको लागि उम्मेदवार बनेको बताउनु भएको छ।
संवेदनशील क्षेत्रमा सुरक्षाको जिम्मा सेनालाई
जिल्लाका संवेदनशील क्षेत्रको सुरक्षाको जिम्मा नेपाली सेनाले लिएको छ । सुरक्षाका दृष्टिले संवेदनशील मानिएका क्षेत्रमा कालिबहादुर गणले सुरक्षाको जिम्मा लिएको हो ।
ढुङगा खानी ओझेलमा पर्दा स्थानीय थामी समुदाय चिन्तित
पुर्खौदेखि जीवन जिउन सञ्चालनमा आएको दोलखाको बिगु गाउँपालिका –६ आलम्पुस्थितको ढुङ्गा (स्लेट) खानी राजनीतिक दलले खासै चासो नदिँदा ओझेलमा पर्दै आउन थालेपछि थामी समुदाय चिन्तित बनेका छन् । चुनाबताका घर–घरमा आएर खानीलाई व्यवस्थित गरी रोजगारी दिलाउने आश्वासन बाँड्ने तर जितेपछि वास्ता नगरिदिनाले खानी ओझेलमा पर्न थालेपछि चिन्तित हुनुपरेको थामी समुदायको गुनासो रहेको छ ।
घाँस बिक्रीबाट वार्षिक २५ लाख रुपियाँसम्म आम्दानी
वैदेशिक रोजगारीबाट राम्रो कमाउन आसमा बिदेशिएका युवाहरू अहिले स्वदेश फर्केर कृषि पेसामा रमाउन थालेका छन् । पूर्वी नवलपरासीबाट वैदेशिक रोजगारमा जाने अधिकांश युवाहरू पछिल्लो समय स्वदेशमा विदेशकोजस्तै परिश्रम गर्ने हो भने राम्रो कमाउन सकिन्छ भन्ने जोस र जाँगर बोकेर कृषिमुखी व्यवसायमा रमाउन थालेका छन् ।
भक्तपुरमा राजनीतिक अङ्क गणित : गठबन्धन र एमालेबीच प्रतिस्पर्धा
प्रतिनिधिसभा र प्रदेशसभाका लागि मङ्सिर ४ गते घोषित निर्वाचन नजिकिएसँगै आन्तरिक जोड घटाउको गृहकार्यमा जुटेको नेकपा (एमाले)ले भक्तपुर क्षेत्र नं २ लाई आफूले जित्ने क्षेत्रका रूपमा लिएको छ ।
दोलखाका उम्मेदवार घरदैलो भेटघाटमा
प्रतिनिधिसभा र प्रदेशसभाको चुनाव नजिकिएसँगै उम्मेदवार घरदैलो र मतदाता भेटघाटमा केन्द्रित हुनुभइको छ । मतदातालाई आकर्षित गर्न ठूला सभा र कोणसभाभन्दा पनि अनौपचारिक भेटघाट र छलफललाई प्राथमिकता दिन थाल्नुभएको छ ।
प्रसूति सेवा हुनु त यस्तो पो !
आफू अन्यत्र अस्पतालमा कार्यरत रहेका यहाँका चिकित्सकले आफ्नो श्रीमती र आफन्तका लागि प्रसूति सेवाका लिन भरतपुर अस्पताल रोज्ने गर्दछन् । सर्वसाधारणको पहिलो रोजाइ त छँदैछ धनाढ्य पनि यहीको प्रसूति सेवा लिन रुचाउँछन् ।
मैयाँदेवीको त्याग र बलिदानको सबैले सम्मान गर्नुपर्छ : पौडेल
नेपाली काँग्रेसका वरिष्ठ नेता रामचन्द्र पौडेलले समाजसेवी मैयाँदेवी श्रेष्ठबाट त्याग, निष्ठा र बलिदान सबैले अनुकरण गर्नुपर्ने बताउनु भएको छ ।
-original-thumb.jpg)
तीन हजार एक सय कर्मचारी खटिने
आसन्न प्रतिनिधि सभा तथा प्रदेश सभा सदस्य निर्वाचनका लागि जिल्लामा तीन हजार ११२ कर्मचारी खटिने भएका छन् । जिल्ला निर्वाचन कार्यालयका अनुसार जिल्लाको १९० मतदान स्थलमा रहेका छन् । ३८९ मतदान केन्द्रमा ३८९ जना मतदान अधिकृत र ३८९ सहायक मतदान अधिकृत खटाइनेछ ।
उम्मेदवार घरमा, मतदाता खेतमा
आगामी मङ्सिर ४ गतेको निर्वाचन नजिकिँदै गर्दा उम्मेदवारहरू भोट माग्न घरघरमा पुग्न थालेका छन् भने मतदाता खेतीपाती भित्र्याउन थालेका छन् । यो वर्षको दशैँ, तिहार सकिएलगत्तै किसानलाई धानबाली भित्र्याउने चटारो छ । त्यसैले किसान धान काट्न खेतमा व्यस्त छन् । उम्मेदवारहरू भोट माग्न घरदैलो अभियानलाई तीव्र बनाई घरमा पुग्दा धेरैजसो घर रित्तै हुने गरेको छ ।
उम्मेदवार कार्यकर्ता भेलामा सीमित
आसन्न प्रतिनिधि तथा प्रदेश सभा सदस्य निर्वाचनका उम्मेदवार भएका व्यक्ति र सहभागी दलहरूले निर्वाचनको प्रचारप्रसारलाई तीव्र पार्नुपर्ने समयमा यस पटक दल र उम्मेदवारहरू कार्यकर्ता र समर्थकको भेलामा सीमित भएका छन् ।
डा. कार्कीको उम्मेदवारी खारेज विवादमा
ललितपुर क्षेत्र नं. ३ मा राष्ट्रिय स्वतन्त्र पार्टीबाट प्रतिनिधि सभा सदस्यका उम्मेदवार डा. तोसिमा कार्कीको मनोनयन रद्द विवादमा परेको छ। निर्वाचन आयोगले लाभको पदमा रहेको भन्दै शनिबार कार्कीको उम्मेदवारी खारेज गरेको थियो।
युवाले विकासको ढोका खोल्न सक्छन् : नरहरि आचार्य
नेपाली कांग्रेसका नेता नरहरि आचार्यले युवाले मात्र विकासको ढोका खुलाउन सक्ने बताउनुभयो।
प्रधानमन्त्री को बन्ने टुङ्गो लागेको छैन : प्रवक्ता महत
नेपाली कांग्रेसका प्रवक्ता डा. प्रकाशशरण महतले भावी प्रधानमन्त्रीका बारेमा अहिलेसम्म गठबन्धनका बीचमा कुनै टुङ्गो नभएको बताउनुभएको छ ।
ललितपुरको कुपण्डोलमा छठपूजा (फोटो फिचर)
उपत्यकामा कुपण्डोलबाहेक कमलपोखरी, गौरीघाट, मनोहरा, टेकु लागायत क्षेत्रमा पूजापाठ गरेर छठपर्व मनाइएको छ।
