हुम्लामा बोलेरो दुर्घटना
सिमकोट गाउँपालिका– ६ स्थित तीन धारा क्षेत्रमा सदरमुकाम सिमकोट आउदै गरेको बोलेरो जीप दुर्घटना भएको छ। दुर्घटनामा मानवीय क्षति भने नभएको प्रहरी निरीक्षक नरेन्द्र चन्दले जानकारी दिनुभयो।
उपचारको व्यवस्था गर्न हिल्सावासीको माग
उत्तरी सीमा क्षेत्र नाम्खा गाउँपालिका–५ को हिल्सावासीले उपचारको व्यवस्था गर्न माग गरेका छन् । स्थानीय स्वास्थ्य संस्थामा उपचारको व्यवस्था गर्न उनीहरूको माग छ ।
पहिरोले कर्णाली राजमार्गको कालीकोट–जुम्लाखण्ड अवरुद्ध
लगातारको वर्षाले कर्णाली राजमार्ग अवरुद्ध भएको छ । शुक्रबार रातिदेखि राजमार्गको कालीकोट खण्ड पूरै अवरुद्ध भएको हो ।
भूकम्पपीडितका लागि शौचालय निर्माण
गत कात्तिक १७ गते राति जाजरकोट केन्द्रबिन्दु भएर गएको भूकम्पले सल्यानको दार्मा गाउँपालिकामा क्षति गरेका शौचालयको पुनर्निर्माण गरिएको छ । भूकम्पले सल्यान दार्मामा व्यक्ति र सार्वजनिक संस्थाका १ हजार ३७ शौचालयमा क्षति भएको थियो ।
खोला पार गर्दै गरेका चौँरी
जुम्लाको गुठिचौर गाउँपालिका–१ घाटस्थित घाट खोला पार गर्दै गरेका चौँरीहरू । यहाँ पशुपालनका रूपमा चौँरीलाई प्राथमिकता दिइएको छ ।
वन्यजन्तुबाट अन्नबाली जोगाउन मुस्किल
पश्चिम सुर्खेतको चौकुनेका किसानलाई बाँदरबाट अन्नबाली जोगाउन मुस्किल पर्न थालेको छ । खेतबारीमा बाँदरको बिगबिगीपछि वनजङ्गल आसपासका बस्तीका किसान समस्यामा पर्न थालेका छन् । मकै पाक्ने समयमा बाँदर खेतबारीमा पसेर नष्ट पार्न थालेपछि यहाँका किसान चिन्तित हुन थालेका छन् । बाँदर नियन्त्रणका लागि सरकारले उचित विकल्पको खोजी गर्नुपर्ने चौकुने गाउँपालिका–२ की डिल्लीसरा विकले बताउनुभयो । बाँदरको आतङ्क यसरी नै बढ्दै जाने हो भने अबको आठ/१० वर्षमा धेरै बस्ती खाली हुने उहाँको भनाइ छ । बिहान उठ्नेबित्तिकै बाँदर धपाउन भ्याइनभ्याइ हुने गरेको उहाँले सुनाउनुभयो ।
कालीकोटमा स्याउ टिप्न सुरु
कालीकोट जिल्लामा स्याउ टिप्न सुरु भएको छ ।
अस्पतालमा स्वास्थ्य बिमा सेवा
यहाँको कपुरकोट आधारभूत अस्पतालले स्वास्थ्य बिमा सेवा उपलब्ध गराउने भएको छ । जिल्लामै पहिलो पटक पालिकाले सञ्चालन गरेको कपुरकोटमा आधारभूत अस्पतालले स्वास्थ्य बिमा सेवा उपलब्ध गराउने भएको हो ।
लोपोन्मुख घाटु नृत्य संरक्षण गरिँदै
वीरेन्द्रनगर–१ सुर्खेतका गुरुङ समुदायले ऐतिहासिक परम्परागत घाटु नाच संरक्षणमा जुटेका छन् ।गुरुङ समुदायको प्रसिद्ध घाटु नाँच लोपहुँदै गएपछि यसको संरक्षणका लागि गुरुङ समुदायका अगुवाहरु जुट्न थालेका हुन् ।
१३२ केभिए प्रसारण लाइन, छ हजार रुख काट्न स्वीकृति
कोहलपुर–सुर्खेत १३२ केभिए विद्युत् प्रसारण लाइन अन्तर्गत पर्ने रुख कटानको स्वीकृति दिइएको छ । राष्ट्रिय निकुञ्ज तथा वन्यजन्तु संरक्षण विभागले छ हजारभन्दा बढी रुख कटानको स्वीकृति दिएको हो । यसअघि नै राष्ट्रिय निकुञ्जमा पर्ने छ हजार आठ सय रुखमा छपान गरिएको थियो । बाँके र बर्दिया राष्ट्रिय निकुञ्ज क्षेत्रमा पर्ने रुख विद्युत् विस्तार क्षेत्रमा पर्ने भएकाले कटान गर्न लागिएको हो । साउन १६ गते विभागले रुख कटानको अनुमतिपत्र दिएको आयोजना प्रमुख रवि चौधरीले बताउनुभयो । अहिले रुख कटान आदेशको पत्र बाँके र बर्दिया राष्ट्रिय निकुञ्जमा पेस गरिएको छ । अब निकुञ्जले रुख कटानको अनुमति दिएपछि मात्र कटान सुरु हुने छ । यो अनुमतिसँगै विद्युत् विस्तारको काम प्रभावकारी रूपमा अघि बढ्ने छ ।
खलङ्गा–पाँचकाटिया सडक पहिरोले अवरुद्ध
पहिरोले जाजरकोटको खलङ्गा–पाँचकाटिया सडक अवरुद्ध भएको छ । भेरी नगरपालिका–४, गैरीखालीदेखि वडा नं. २ कोटखोलामा गएको पहिरोले चार दिनदेखि सडक अवरुद्ध भएको हो । भूकम्पले चिरा चिरा पारेको जमिनमा पानी परेपछि पहिरो जताततै जाने क्रम जारी रहेको छ । चार दिनदेखि अवरुद्ध भएको सडक खुलाउन नसक्दा किसानले तरकारी दुधदही बजारसम्म लगेर बिक्री गर्न पाएका छैनन् । बाटो अवरुद्ध भएपछि सदरमुकाम खलङ्गास्थित त्रिभुवन माध्यमिक विद्यालय आउने रिसाङ, पोखरा, दारा, च्याउमुरा, फारुल्ला, तिलिङ्गेका बालबालिकाको पढाइ पनि प्रभावित भएको छ भने सर्वसाधारणले आवतजावत गर्न पाएका छैनन् ।
स्याउ खेतीतर्फ किसान
पछिल्लो समय सल्यानका किसानले फलफूल खेतीलाई व्यावसायिक रूपमा लिन थालेका छन् । स्याउ, सुन्तला, किवीलगायतका फलफूल खेतीलाई यहाँका किसानले व्यावसायिक रूप दिई आत्मनिर्भर बन्ने अभियान थालेका छन् । स्याउ खेतीका लागि सल्यानको माटो र हावापानीले साथ दिँदा यहाँका किसान फलफूल खेतीतर्फ आकर्षित भएका छन् । कुमाख गाउँपालिका–३, सापडाँडाका कृषक अतिराम रानाले सुहाउँदो माटो र हावापानीले गर्दा फलफूल खेतीमा किसान आकर्षित भएको बताउनुभयो ।
हुम्लामा तीन दिनदेखि हवाई सेवा अवरुद्ध
हुम्लामा तीन दिनदेखि हवाई सेवा अवरुद्ध छ ।
बालबालिकाको क्षेत्रमा कर्णाली प्रदेश सरकारको लगानी न्यून
बालबालिकाको क्षेत्रमा कर्णाली प्रदेश सरकारको लगानी न्यून रहेको छ ।
सवारी दुर्घटना : तीन वर्षमा २८ जनाको मृत्यु
जुम्लामा पछिल्लो तीन वर्षको अवधिमा ९१ सवारी साधन दुर्घटना भएका छन् । ती दुर्घटनामा परेर २८ जनाको मृत्यु भएको छ ।
कर्णालीको प्रदेश स्वास्थ्य ऐन २०७८ कार्यान्वयनको समीक्षा
कर्णाली प्रदेश सरकारले वि.सं. २०७८ सालमा बनाएको कर्णाली प्रदेश स्वास्थ्य सेवा ऐन २०७८ को उत्तर विधायिकी परीक्षणका लागि सामाजिक विकास समितिको टोली अहिले जिल्ला जिल्लामा पुगेको छ ।
शुक्रबार कर्णाली प्रदेशमा सार्वजनिक बिदा
कर्णाली प्रदेश सरकारले साउन २५ गते शुक्रबार सार्वजनिक बिदा दिने निर्णय गरेको छ ।
जथाभाबी औषधी प्रयोग गरी असुरक्षित गर्भपतन
जिल्लाका अधिकांश भेगमा जथाभाबी औषधी प्रयोग गरी महिला तथा किशोरीमा असुरक्षित गर्भपतन गराउने प्रवृत्ति बढेको छ । चिकित्सकको सल्लाहबिना औषधी तथा औजार प्रयोग गरी असुरक्षित गर्भपतन गराउने कारणले महिलाको ज्यान जानेसम्मको जोखिममा पर्दा धेरै महिला अन्तिम अवस्थामा अस्पताल आउने प्रवृत्ति बढेको हो ।
धमाधम सडक कालोपत्रे गरिँदै
सल्यान जिल्लामा एक वर्षमा ४७ किलोमिटर सडक कालोपत्रे गरिएको छ । आर्थिक वर्ष २०८०÷८१ मा कर्णाली प्रदेश पूर्वाधार विकास कार्यालय सल्यानले १७.२ किलोमिटर र सडक डिभिजन कार्यालय दाङले ३१.५ किलोमिटर सडक कालोपत्रे गरेको जनाएका छन् । पूर्वाधार कार्यालय सल्यान अन्तर्गत बहुवर्र्षीय योजना लुहाम–काभ्रा पाँच किमी, खलङ्गा–बालुवासङ्ग्रही २.५ किमी, थारमारे–बडागाउँ सडक ७.५ किमी, सोलाबाङ–रिम सडक एक किमी कालोपत्रे गरिएको छ । यस्तै सङ्घीय सरकार अन्तर्गतका दाङ सडक डिभिजन कार्यालयले दिएको जानकारी अनुसार राप्ती राजमार्ग पुनस्र्थापना मर्मत नौ किमी, दमाचौर–गुराँसे ४४० मिटर, शङ्खमूल–छत्रेश्वरी मन्दिर १.१ किमी, थारमारे–रातपहरा सडक १.१५ किमी, थारमारे बजार–क्याम्पस सडक २१० मिटर कालोपत्रे गरिएको छ ।
बन्यो गौशाला, कम भए दुर्घटना
केही समय पहिला वीरेन्द्रनगर नगरपालिका क्षेत्रमा सडकमा छाडिने छाडा पशुचौपायाका कारण मानवीय र पशुधन दुर्घटनामा पर्दा हैरानी हुने गरेको छ । गाईले दुध दिन छाडेपछि र गोरुले जोत्न नसक्ने भएपछि स्थानीयले छाडा छोड्दा दुर्घटनाको जोखिमसँगै व्यवस्थापनमा निकै चुनौती नगरपालिकाले खेपिरहेको थियो तर वीरेन्द्रनगर नगरपालिका–११, भेरी नदीस्थित समौजीघाटमा गौशाला निर्माण गरेर छाडा पशुचौपाया राख्न थालेपछि नगर क्षेत्रमा केही हदसम्म दुर्घटनाको जोखिम टरेको छ भने गौशालालाई आयआर्जनमा जोड्ने प्रयासमा नगरपालिका लागेको छ ।
कर्णाली प्रदेश योजना आयोगको उपाध्यक्षमा योगी नियुक्त
कर्णाली प्रदेश योजना आयोगको उपाध्यक्षमा सूर्यनाथ योगी नियुक्त हुनुभएको छ । बुधवार बसेको मन्त्रिपरिषद्को बैठकले वीरेन्द्रनगर योगीलाई प्रदेश योजना आयोगको उपाध्यक्षमा नियुक्त गर्ने निर्णय गरेको हो ।
सुर्खेतमा सडक दुर्घटना, एकको मृत्यु ११ जना घाइते
सुर्खेतमा दुई छुट्टाछुट्टै सडक दुर्घटनामा परी एक जनाको घटनास्थलमै मृत्यु भएको छ भने ११ जना विद्यार्थी घाइते भएका छन्।
मनिचन्द्रलाई उपचारका लागि आर्थिक सहयाेग गर्न अपिल
खाँडाचक्र नगरपालिका ५ ढाणगाउँका मनिचन्द्र चौलागाईं उपचार नपाएर छटपटाइरहेका छन् ।
-original-thumb.jpg)
जाजरकोट जीप दुर्घटना अपडेट : मृतकको सङ्ख्या २ पुग्यो
जाजरकोटमा हिजो भएको बोलेरो जिप दुर्घटनाका मृतकको सङ्ख्या दुई पुगेको छ ।
-original-thumb.jpg)
पहिरोले कर्णाली राजमार्ग अवरुद्ध
हिजोदेखि लगातार परेको अविरल वर्षाका कारण पहिरो जाँदा कर्णाली राजमार्ग अवरुद्ध भएको छ । कालीकोटको शुभकालिका गाउँपालिका –१ गगनलेखोला र एसमोडमा पहिरो जाँदा राजमार्ग अवरुद्ध भएको हो ।
