पाँच दिनदेखि विष्णु सज्याल सम्पर्कविहीन
कालीकोटको रास्कोट नगरपालिका–४ का एक वृद्ध पाँच दिनदेखि सम्पर्कविहीन भएका छन् । पाँच दिन अघि घरबाट निस्कनुभएका ६८ वर्षीय विष्णु सज्याल सम्पर्कविहीन हुनुभएको हो ।
सङ्घीयताका सात वर्ष : चार मुख्यमन्त्री, एकाउन्न मन्त्री
भौगोलिक विकटताका कारण विकास हुन नसकेको क्षेत्र भन्ने उपमा पाएको कर्णाली प्रदेशमा सङ्घीयता आएको सात वर्षमा खासै विकासले फड्को मार्न सकेको छैन । यद्यपि यो अवधिमा चार मुख्यमन्त्री र ५१ जना मन्त्री भएका छन् । सङ्घीयताको कार्यान्वयनसँगै गठन भएका प्रदेश सरकार केन्द्रीय राजनीतिको वरिपरि घुमेपछि सरकार बनाउने र ढलाउने कामले प्राथमिकता पाएको जस्तो देखिएको छ भने विकासले ठिक उल्टो ढङ्गले प्रभावित भएको छ । प्रदेश स्वायत्त बन्न नसक्दा हरेक छ महिना जसो नयाँ मुख्यमन्त्री र मन्त्री देखिने स्थिति सिर्जना भइरहेको छ ।
-(1)-original-thumb.jpg)
जाङगाउँभरि दुई वटा घर
नाम्खा गाउँपालिका–६ को हिमालपारिको लिमीको जाङगाउँमा दुई घरधुरी मात्र रहेका छन् । गाउँलेहरू बसाइँ सरेर काठमाडौँ तथा अन्यत्र गएपछि अहिले सो गाउँभरि केवल दुई घर मात्रै छन् । लिमीको जाङगाउँका स्थानीय कुन्चोक तामाङले लिमीकै दोस्रो ठुलो गाउँ जाङमा हाल दुई वटा घर मात्रै रहेको बताउनुभयो । उक्त गाउँमा पहिले ६४ घरधुरी थिए । १० वर्षदेखि उक्त गाउँका स्थानीय काठमाडौँ बसाइँ सर्दै आएका छन् । सुविधामुखी भएपछि गाउँमा बसेर दुःख नगर्ने निष्कर्षमा पुग्दा गाउँ रित्तिँदै गएको उहाँले बताउनुभयो । गत वर्षसम्म १२ घरधुरी रहे पनि यस वर्ष दुई घर मात्रै रहेको उहाँको भनाइ छ ।
-original-thumb.jpg)
भूकम्पले घर ढाल्यो, पहिरोले टहरो
गत वर्ष जाजरकोट केन्द्रविन्दु भएर गएको भूकम्पले मानवीय र भौतिक क्षति बेहोरेका रुकुमपश्चिमवासीले यो बर्खामा मनसुनजन्य विपत्बाट उस्तै क्षतिको सामना गर्नु परिरहेको छ । भूकम्पले घर भत्काएपछि टहराको सहाराका जीवन गुजारिरहेकामध्ये अधिकांश प्रभावित परिवार त्रासमै रात बिताउने गरेका छन् भने कतिले त्रिपाल टाँगेर बस्न बाध्य भएका छन् । आठबिसकोट नगरपालिका–११, फारुलागाउँका नरबहादुर खड्काले एउटा विपत्को घाउ पुरिन नपाउँदै अर्को विपत्ले घर न घाटको अवस्थामा पु¥याएको दुःखेसो पोख्नुभयो ।
जीप दुर्घटना हुँदा एकको मृत्यु, १६ जना घाइते
जाजरकोटको भेरी नगरपालिका-६ गञ्जमा जीप दुर्घटना हुँदा एक जनाको मृत्यु भएको छ भने १६ जना घाइते भएका छन् ।
रास्कोट अस्पतालमा स्वास्थ्य बिमा कार्यक्रम सुरु
कालीकोट जिल्लाको रास्कोट नगरपालिकाको सामुदायिक अस्पतालमा स्वास्थ्य बिमा कार्यक्रम सुरु गरिएको छ । नेपाल सरकारको स्वास्थ्य बिमा बोर्डले रास्कोटको नगर अस्पतालबाट पनि बिमितलाई उपचार सेवा दिने भएको हो ।
जाजरकोटमा जीप दुर्घटना हुँदा १५ जना घाइते
मङ्गलबार दिउँसो सदरमुकाम खलङ्गाबाट भेरी नगरपालिका ६ भेरे जान लागेको ग १ ज ७७११ नम्बरको बोलेरो जीप सोही नगरपालिकाको वडा नम्बर ६ को गंज जङ्गलमा दुर्घटना भएको प्रहरीले जानकारी दिएको छ ।
सफल भएन 'सहलगानी परियोजना'
आर्थिक वर्ष २०७७-०७८ मा कर्णाली प्रदेश सरकारले ‘सहलगानी कार्यक्रम’को घोषणा गर्यो । उक्त वर्ष कार्यक्रम कार्यान्वयनका लागि एक करोड बजेट विनियोजन गरिएको थियो । तर कार्यान्वयन भएन । कार्यक्रमको ढाँचा र कार्यविधि निर्माण नहुँदा कार्यक्रम कार्यान्वयन हुन सकेन ।
सुन्दर हर्रे गाउँ
सुर्खेतको भेरीगङ्गा नगरपालिका–५ स्थित रत्न राजमार्गले घेरेको सुन्दर हर्रे गाउँ र आसपासको क्षेत्र । यो ठाउँ तरकारी उत्पादनको लागि पकेट क्षेत्रको रुपमा चिनिन्छ ।
दलित महिला जनप्रतिनिधिमाथि विभेद
वडाभित्र तय गरिने योजना होस् या छुट्याइने बजेट होस् त्यसमा दलित जनप्रतिनिधिले विभेद भोग्नु परेको बताउनुभएको छ । योजना बनाउने बेला एक लाख रुपियाँको बनाइए पनि दलित लक्षित कार्यक्रमका लागि बजेट केवल एक हजार रुपियाँ विनियोजन गर्ने गरेको वीरेन्द्रनगर नगरपालिकाका दलित महिला जनप्रतिनिधिको गुनासो रहेको छ ।
सामाजिक परिचालकदेखि मन्त्रीसम्म
हुम्ला जिल्लाबाट प्रदेश सभा सदस्य बनेकी विजया बुढा प्रदेश सरकारको मन्त्री बन्नुभएको छ । जिल्लास्तरमा सामाजिक परिचालकदेखि सामाजिक काममा प्रवेश गरेकी बुढा अन्ततः प्रदेश सरकारको मन्त्री बन्न सफल हुनुभएको हो । बुढा कर्णाली प्रदेश सरकारमा जलस्रोत तथा ऊर्जा विकासमन्त्री बन्नुभएको छ ।
कर्णालीका मुख्यमन्त्री कँडेललाई दोस्रो पटक विश्वासको मत प्राप्त
कर्णाली प्रदेश सरकारका मुख्यमन्त्री यामलाल कँडेलले दोस्रो पटक विश्वासको मत प्राप्त गर्नुभएको छ।
आज कर्णालीका मुख्यमन्त्री विश्वासको मत लिँदै
कर्णाली प्रदेश सरकारका मुख्यमन्त्री यामलाल कँडेलले विश्वासको मत लिने हुनुभएको छ । संविधानको धारा १८८ को उपधारा (२) बमोजिम आफूलाई विश्वास छ भन्ने स्पष्ट पार्न आवश्यक ठानेकाले विश्वासको मत लिने प्रयोजनका लागि योसम्बन्धी विषयको प्रस्ताव आज राख्ने व्यवस्था मिलाउन आज प्रदेशसभा सचिवालयलाई परिपत्र गरिएको मुख्यमन्त्री कँडेलले बताउनुभयो ।
रेडियोको टावर र आसपास क्षेत्र
सुर्खेतको वीरेन्द्रनगर–१ ढोडेखालीस्थित रेडियो नेपालको प्रादेशिक प्रसारण कार्यालय परिसरमा रहेको टावर र आसपासको क्षेत्र ।
घरबारविहीन हुँदा त्रिपालमा किरिया
बाचुन्जेल अर्कैको जग्गामा बसेर ज्याला मजदुरी गरेर जीवन चलाइरहेका वीरेन्द्रनगर नगरपालिका–९ का चन्द्र कामीको परिवार त्यसबाट गुजारा नचलेपछि यही साउनको पहिलो साता भारत गयो । भारत गएको तीन दिनमै श्रीमती गोमा कामीको अचानक मृत्यु भयो । शव घर ल्याउने रकमसमेत नभएपछि चन्द्रले श्रीमतीको शव भारतमै अन्त्येष्टि गर्नुभयो । किरिया गर्न जन्मथलो वीरेन्द्रनगर आउनुभयो । यहाँ पनि आफ्नो घर नहुँदा अहिले छिमेकीको जग्गामा त्रिपाल हालेर किरिया बस्नुभएको छ । चन्द्र, २६ वर्षीय छोरा मेघराज कामी र बुहारी त्यही त्रिपालमा बसेर किरिया गरिरहेका छन् । वर्षायाममा पानी परिरहेकाले त्रिपालमुनिको किरियामा उनीहरूले निकै सकस बेहोर्नु परेको छ । बसाइ मात्र होइन, छाक टार्न पनि कामी परिवारलाई धौ धौ भएको छ ।
-original-thumb.jpg)
हलिया मुक्ति घोषणाका सोह्र वर्ष, अझै पीडाबाट मुक्ति पाइएन
वीरेन्द्रनगर नगरपालिका–९ का ५५ वर्षीय यामराज मल्लको आधा जीवन अरूको खेतबारीमा काम (हलियाको रूपमा) गरेर बित्यो । घरको आर्थिक अवस्था कमजोर भएकाले उहाँ १२ वर्षको उमेरदेखि नै आफन्तको घरमा हलियाको रूपमा बस्नुभयो । २०६५ भदौ २१ गते सरकारले हलिया मुक्त घोषणा गरेपछि मल्लले हलिया पेसा छाड्नुभयो । सरकारले जग्गा खरिदका लागि दुई लाख रुपियाँ पनि दिएको थियो । २०७६ सालमा घर निर्माणका लागि दुई लाख ५० हजार उपलब्ध गराएको थियो । सरकारले उपलब्ध गराएको रकम पर्याप्त थिएन । हलिया मुक्तिपछि सुख होला भनेको त जीवन गुजारा चलाउनै थप समस्यामा परेको उहाँले बताउनुभयो । उहाँ अहिले आफू जस्तै पछाडि परेका वर्गका मानिसको हकहितमा काम गर्न थाल्नुभएको छ ।
दाङमा जीप दुर्घटना, एक जनाको मृत्यु
दाङमा यात्रुबाहक जीप दुर्घटना हुँदा एक जनाको मृत्यु भएको छ ।
जुम्ला कारागारमा कैदीको मृत्यु
जुम्ला कारागारमा एक कैदीको मृत्यु भएको छ ।
कर्णालीमा कांग्रेसका चार मन्त्रीको शपथ
मुख्यमन्त्री यामलाल कँडेलको सिफारिसमा नेकपा (एमाले) नेतृत्वको सरकारमा नेपाली कांग्रेसकोतर्फबाट सहभागी हुने चार मन्त्रीले प्रदेश प्रमुख यज्ञराज जोशीसमक्ष शपथ ग्रहण गर्नुभएको हो ।
कर्णालीका मुख्यमन्त्री कँडेलले सोमबार विश्वासको मत लिने
कर्णाली प्रदेशका मुख्यमन्त्री यामलाल कँडेलले सोमबार विश्वासको मत लिनुहुने भएको छ ।
कपुरकोट बजार
सल्यानको कपुरकोट गाउँपालिका ३ स्थित गाउँपालिकाको केन्द्र समेत रहेको कपुरकोट बजार । राप्ती लोकमार्ग अन्तरगत तुलसीपुर सल्यान खण्डमा पर्ने कपुरकोट कर्णाली प्रदेशको तरकारी भण्डारण तथा निर्यातकोलागि महत्वपूर्ण केन्द्र मानिन्छ ।
अमेरिकामा हत्या, नेपालमा शोक
रुकुमपश्चिमको बाँफीकोट गाउँपालिका–१०, सेजे गाउँका ५२ वर्षीय लीलाराम ओलीको घरमा हप्ता दिनदेखि आगो बलेको छैन । नातिनी पढाउन दाङ बसेकी बुहारी, काठमाडौँमा पढ्न गएको कान्छो छोरा, बिहे गरेर गएकी छोरी घरमा आइपुगेका छन् । आँगनमा गाउँलेहरूको पनि आउजाउ निरन्तर छ तर घरमा सन्नाटा छ, परिवार मात्र होइन, गाउँ नै शोकमग्न छ ।
लैनो भैँसीले छुटाएको कालापहाडको यात्रा
जुम्ला गुठीचौर गाउँपालिका–४, बिगारे गाउँका ५५ वर्षीय लक्ष्मीकान्त देवकोटा सात/आठ वर्षअगाडि घरखर्च जुटाउन भारतको कालापहाड जाने गर्नुहुन्थ्यो । मौसमी रोजगारीका लागि दुई/चार महिना भारत जाने, खेती किसानीको काम गर्ने बेला घर आउने क्रम चलिरहन्थ्यो । लुगाफाटो र घरखर्चको जोहो गर्न कालापहाडमा सहज भने थिएन, निकै दुःख हुने गरेको अनुभव उहाँसँग छ । अचेल भने उहाँको जीवनचर्या नै फेरिएको छ । गुठीचौरमा अहिले उहाँले किसानको परिचय बनाउनुभएको छ । भैँसी पालेर दैनिक २० लिटर दुध डेरीमा पु¥याउनुहुन्छ । भैँसी र पाडा गरी अहिले छ वटा छन् । परिवारसँग बसेर गाईपालन गर्दा मासिक ५० हजार रुपियाँ आउन थालेपछि उहाँको कालापहाड जाने बाटो बन्द भएको छ । उहाँले भन्नुभयो, “कालापहाडको कमाइभन्दा पनि दुःखका कुरा धेरै छन् । त्यतिबेला जति दुःख भए पनि नगई सुख थिएन तर
हेक्पा खोलामा काठे पुल निर्माण भएपछि सिमकोट हिल्सा सडक सुचारु
अवरुद्ध हुँदै आएको सिमकोट हिल्सा सडक शनिवार बेलुकाबाट सुचारु भएको छ । उक्त सडक खण्डको हेक्पा खोलामा बाढीले बगाएको काठे पुलको पुनर्निर्माण कार्य भएपछि अवरुद्ध हुँदै आएको यातायात सेवा सुचारु भएको हो ।
-original-thumb.jpg)
खोलाले बगाउँदै गरेको शव प्रहरीले निकाल्यो
रुकुम पश्चिममा खोलाले बगाएका एक पुरुषको शव फेला परेको छ। जिल्लाको मुसीकोट नगरपालिका–७ निवासी अन्दाजी ५५ वर्षीय तेजबहादुर बुढाको शव प्रहरीले फेला परेको हो।
