ट्याक्टर दुर्घटना हुँदा चार जनाको मृत्यु

प्रेमराज सिम्खडा 

कालीकोट वैशाख ८ गते । कालीकोट जिल्लाको पलाँतामा ट्याक्टर दुर्घटना भएको छ । गए राती भएको ट्याक्टर दुर्घटनामा चालक सहित चार जनाको मृत्यु भएको छ । 

पलाँता –९ थिर्पुबाट खिन तर्फ जाँदै गरेको ट्याक्टर पलाँता – २ लार्फा गाउँ नजिक राती ११ बजे दुर्घटना परेको प्रहरीले जनाएको छ । ट्याक्टर खाद्यान्न लिएर जाँदै गर्दा दुर्घटना भएको हो ।  

मृत्यु हुनेमा पलाँता ५ का वर्ष ३२ का अम्मा शाही, पलाँता ४ का बर्ष ३८ का सदु वुढा, बर्ष २३ रवीन्द्र बिक र ट्याक्टर चालक खत्याड गाउँपालिका ५  मुगुका चन्द्रप्रकाश रोकाया रहेको प्रहरीले जनाएको छ । 

ट्याक्टर भिरबाट खसेकाले नम्बर पत्ता लगाउन नसकेको जनाएको छ  ।