कैलाली क्षेत्र २ (ख) मा त्रिपक्षीय प्रतिस्पर्धा
कैलाली क्षेत्र नम्बर २ प्रदेश सभा (ख) मा मुख्य दलबाट युवा नेताहरू चुनावी प्रतिस्पर्धामा उत्रिएका छन् । गठबन्धनबाट नेकपा (माओवादी केन्द्र) का प्रदेश सहसचिव ३६ वर्षका नन्दबहादुर साउँद उम्मेदवार हुनुहुन्छ ।
छाङरु र तिङ्करको निर्वाचन खलङ्गामै
व्यासमा चिसो बढेका कारण अधिकांश मतदाता खलङ्गा झरिसकेकाले छाङरु र तिङ्कर दुबै गाउँको निर्वाचन जिल्ला सदरमुकाम खलङ्गामै गर्ने गरी तयारी गरिएको हो ।
सुदूरपश्चिममा उम्मेदवारबीच उच्च प्रतिस्पर्धा हुँदै
सुदूरपश्चिमबाट प्रतिनिधि सभाका (१६) र प्रदेश सभाका (३२) गरेर ४८ प्रत्यक्ष क्षेत्रमा मुख्य दलहरूले निक्कै कम नयाँ अनुहारलाई मात्र टिकट दिएको छन् । त्यस क्रममा एमालेले बझाङबाट प्रतिनिधि सभा सदस्यमा ऐनबहादुर महरलाई उठाएको छ । उहाँ अनेरास्वयियूको केन्द्रीय अध्यक्ष भइसक्नु भएको छ ।
पानी र बिजुली बेचेर नेपाल धनी बन्छ : प्रधानमन्त्री देउवा
प्रधानमन्त्री शेरबहादुर देउवाले संविधान र सङ्घीयताको रक्षाका लागि गठबन्धन गरेर निर्वाचनमा होमिएको बताउनुभएको छ ।
गठबन्धन उम्मेदवारलाई जिताउन आग्रह
नेपाली कांग्रेसका नेता एवम् कैलालीको क्षेत्र नं. ५ (ख) बाट प्रदेश सभा सदस्यका उम्मेदवार प्रकाश देउवाले मङ्सिर ४ गतेको निर्वाचनमा वाम लोकतान्त्रिक गठबन्धनका उम्मेदवारलाई जिताउन आग्रह गर्नुभएको छ ।
गठबन्धन उम्मेदवार रावललाई टक्कर दिँदै चौधरी र न्यौपाने
कैलाली क्षेत्र नम्बर १ प्रदेश सभा (ख) निर्वाचनमा कडा प्रतिस्पर्धा हुने देखिएको छ । सुदूरपश्चिम प्रदेश सरकारका आन्तरिक मामिला तथा कानूनमन्त्री एवम् नेपाली कांग्रेस केन्द्रीय सदस्य डा. रणबहादुर रावल गठबन्धनबाट उम्मेदवार हुनुहुन्छ ।
गठबन्धनलाई कायम राखेर देश विकास गर्छौं : प्रधानमन्त्री देउवा
प्रधानमन्त्री शेरबहादुर देउवाले गठबन्धन अहिलेको आवश्यकता भएको बताउनु भएको छ। गृह जिल्ला डडेलधुराको भागेश्वरा गाउँपालिका-४ बोगटामा आयोजित चुनावी सभालाई बुधबार सम्बोधन गर्नुहुँदै प्रधानमन्त्री देउवाले संविधान मिचिने खतरा बढेकाले गठबन्धन गरिएको बताउनुभएको हो।
कैलाली –३ (ख) मा गठबन्धनलाई स्वतन्त्र उम्मेदवारको चुनौती
कैलाली क्षेत्र नम्बर ३ (ख) का प्रदेश सभा सदस्यमा गठबन्धनका उम्मेदवार समाजवादीका अमरबहादुर साउदलाई यस पटक स्वतन्त्र उम्मेदवारले चुनौती दिइरहेका छन् । साउदलाई सहज जित निकाल्न गाह्रो हुने आङ्कलन गरिएको छ ।
सीमानाका बन्द हुने
कैलालीसँग जोडिएको नेपाल भारत सीमानाका प्रतिनिधि तथा प्रदेश सभा सदस्य निर्वाचनका लागि मङ्सिर १ गते राति १२ बजेदेखि बन्द हुने भएको छ । निर्वाचन सुरक्षालाई सुदृढ बनाउनका लागि स्थानीय प्रशासनले तीन दिनसम्मका लागि नाका बन्द गराउन लागेको जनाइएको छ । मङ्सिर ४ गते राति १२ बजेसम्म नाका बन्द रहने जिल्ला प्रशासन कार्यालयका सूचना अधिकारी शिवराज जोशीले जानकारी दिनुभयो । कैलालीमा नेपाल–भारत सीमानाका १०१ किलोमिटर रहेको छ । निर्वाचनलाई स्वच्छ, पारदर्शी, स्वतन्त्र, मर्यादित र भयरहित वातावरणमा सम्पन्न गर्नका लागि नाका बन्द रहने जोशीले बताउनुभयो ।
सदरमुकाममै खानेपानी हाहाकार
डडेल्धुरा सदरमुकाम अमरगढी नगरपालिका–८, लटाउली गाउँको खानेपानी समस्या, पुस्ताँैदेखिकै हो । डडेल्धुरा–बैतडी जोड्ने महाकाली राजमार्गसँगै जोडिएको लटाउलीगाउँ प्रसिद्ध धार्मिक शक्तिपीठ उग्रतारा मन्दिरको पूर्वतर्फ छ । राजमार्गको तलतिर रहेको गाउँबाट अहिले स्थानीय सडक छेउछाउमा घर बनाएर बस्दै आएका छन् । गाउँ छोडेर स्थानीय सडक छेउछाउको जमिनमा बसोबास गर्दै आइरहे पनि खानेपानीको समस्या भने समाधान हुन सकेको छैन । स्थानीयहरू उग्रतारा मन्दिरको धारामा आउने पानी, मन्दिरमुनि रहेको नाउला (कुवा)सहित छेउछाउका नाउला र डकले बजारको एक धाराकै भरमा स्थानीय छन् ।
बाजुरामा गठबन्धन र एमालेबीच कडा प्रतिस्पर्धा
मङ्सिर ४ गते हुने निर्वाचनमा बाजुरामा पाँच दलीय गठबन्धन र नेकपा (एमाले) बिच कडा प्रतिस्पर्धा हुने देखिएको छ । एमालेबाट स्थायी कमिटी सदस्य ५४ वर्षीय कर्णबहादुर थापा र पाँच दलीय गठबन्धनबाट नेपाली काँग्रेसका सह महामन्त्री ४८ वर्षीय बद्रीप्रसाद पाण्डे उम्मेदवार रहनु भएको छ ।
-original-thumb.jpg)
निर्वाचनमा उच्च सुरक्षा सतर्कता
आगामी मंसिर ४ गते हुने प्रतिनिधिसभा सदस्य र प्रदेशसभा सदस्य निर्वाचनमा जिल्लामा उच्च सुरक्षा सतर्कता अपनाएको प्रमुख जिल्ला अधिकारी बाबुराम अर्यालले जानकारी दिनुभयो।
कैलाली–५ मा त्रिपक्षीय प्रतिस्पर्धा
कैलाली निर्वाचन क्षेत्र नं. ५ मा नेपाल कम्युनिष्ट पार्टी (एमाले) बाट प्रतिनिधि सभा सदस्यका उम्मेदवार पूर्वमन्त्री नारदमुनि रानालाई जितको शृङ्खला दोहोर्याउनु चुनौती देखिएको छ । गठबन्धनका तर्फबाट नेपाली कांग्रेसका डिल्लीराज पन्त प्रतिनिधि सभा सदस्यका उम्मेदवार हुनुहुन्छ ।
हाम्रो अधिकार खै सरकार ?
निर्वाचन आउन अव एक साता मात्र बाँकी छ । मत आफ्नो पक्षमा पार्न प्रतिस्पर्धामा उत्रिएका दलका नेता कार्यकर्ताहरू लामबद्ध भएका छन् ।
दुर्गम पालिकामा मतदान अधिकृत खटाइए
मङ्सिर ४ गते हुन गइरहेको प्रतिनिधि र प्रदेश सभाको निर्वाचनका लागि जिल्लामा निर्वाचन तयारी तीव्र पारिएको छ । दुर्गम ठाउँका पालिकामा मतपत्रलगायत निर्वाचन सामग्री दिएर मतदान अधिकृत, सहायक मतदान अधिकृतलाई मतदान केन्द्रमा खटाउने काम भइरहेको छ । निर्वाचन सम्पन्न गर्न बैतडीमा मतदान अधिकृत, सहायक मतदान अधिकृत, सहायक कर्मचारी, स्वयंसेवक र कार्यालय सहयोगी गरेर एक हजार ६८४ जनशक्ति परिचालन हुने जिल्ला निर्वाचन कार्यालय बैतडीले जानकारी दिएको छ ।
कञ्चनपुर–१ मा सङ्घ र प्रदेशका पूर्वमन्त्रीबीच प्रतिस्पर्धा
कञ्चनपुरको क्षेत्र नं. १ मा पूर्व सङ्घीय खानेपानीमन्त्री तथा नेकपा (माओवादी केन्द्र)की नेत्री बिना मगर र सुदूरपश्चिम प्रदेश सरकारका पूर्वआर्थिक मामिला तथा योजनामन्त्री तथा नेकपा (एमाले) कञ्चनपुरका पूर्वअध्यक्ष तारा लामा तामाङबीच रोचक प्रतिस्पर्धा हुने भएको छ । २०५६ सालमा अखिल क्रान्तिकारीबाट विद्यार्थी राजनीति सुरु गर्नुभएकी नेत्री मगर तेस्रो पटक यस क्षेत्रबाट उम्मेदवार हुनुहुन्छ । २०७० को संविधान सभा निर्वाचनमा मगरलाई हाल गठबन्धनबाट प्रदेश सभा सदस्य उम्मेदवार रहनुभएका कांग्रेस नेता दिवान विष्टले पराजित गर्नुभएको थियो । विष्ट १० हजार २९४ मतसहित संविधान सभा सदस्य निर्वाचित हुँदा मगरले नौ हजार २३६ मत प्राप्त गर्नुभएको थियो । २०७४ को प्रतिनिधि सभा निर्वाचनमा वाम गठबन्धनबाट उम्मेदवार रहनुभएकी मगरले विष्टलाई नै पराजित गर्नुभएको थियो । मगरले ३८ हजार ४७६ मत र विष्टले १९ हजार २१९ मत पाउनुभएको थियो ।
टीकापुर श्रृखलावद्ध तोडफोड प्रशासन मौन
टीकापुरमा श्रृखलावद्ध तोडफोडका घटना बढ्दै गएको छ । आइतबार राति टेकबहादुर साउद स्मृति पाकको पर्खाल भत्काएको छ भने नागरिक उन्मुक्ति पार्टीको कार्यालयका गेटमा ढुङ्गा प्रहार भएको छ ।
किशनलालकी धर्मपत्नी ताराको निधन
पूर्व सांसद किशनलाल लेखककी धर्म पत्नी तारा लेखकको ७६ वर्षको उमेरमा निधन भएको छ
भोट माग्न उम्मेदवार गाउँतिर, नोट कमाउन युवा भारततिर
निर्वाचनमा भोट माग्न उम्मेदवारहरू गाउँगाउँमा पुग्न थालेको बेला बाजुराका अधिकांश युवा रोजगारीका लागि दिनानुदिन भारतमा जान थालेका छन् ।
कैलाली – ३ मा तीन दलका उम्मेदवारबीच मुख्य प्रतिस्पर्धा
मङ्सिर ४ मा हुने प्रतिनिधि सभा सदस्य निर्वाचनका लागि कैलाली निर्वाचन क्षेत्र नम्बर ३ मा तीन राजनीतिक दलबीच मुख्य प्रतिस्पर्धा हुने देखिएको छ । निर्वाचन नजिकिरहेका बेला सबै दलका उम्मेदवार घरदैलो अभियानमा व्यस्त रहनुभएको छ ।
हाते ट्र्याक्टरले गोरु विस्थापित
खप्तडछान्ना गाउँपालिका–५ का भरत गिरीलाई अहिले हलो समात्नै झमेला लाग्छ । उहाँले हलो नसमात्ने अडान नै लिनुभएको छ ।
सीमा समस्यादेखि धुलाम्मे सडकसम्मका मुद्दा
कञ्चनपुर भीमदत्त नगरपालिका–४ की स्थानीयवासी ललितादेवी भटट वर्षमा दुई पटक स्वास्थ्योपचारका लागि भारत जानुपर्छ। तर, आवतजावत गर्दा प्रायः सबै भारतीय सुरक्षाकर्मीको अनावश्यक ज्यादतीको झमेला भोग्नुपर्छ। यस पटकको निर्वाचनमा सीमावर्ती बजारदेखि दिल्लीसम्म जाँदा भोग्नुपर्ने झन्झटको कूटनीतिक समाधान निकाल्ने उम्मेदवारलाई मतदान गर्ने पक्षमा उहाँ हुनुहुन्छ। उहाँले भन्नुभयो, “हरेक उम्मेदवारलाई मैले भारत आवतजावत गर्दा नेपालीले पाउने सास्ती अन्त्य हुन्छ कि हुँदैन भनेर सोध्ने गरेकी छु। मलाई चित्त बुझ्ने उत्तर दिने उम्मेदवारलाई भोट हाल्छु।”
मरेको चितुवामा धामी जाग्दा...
डडेल्धुराको अजयमेरुमा मरेको चितुवालाई लिएर स्थानीय र वनका कर्मचारीबीच अनौठो रस्साकस्सी चलेको छ। स्थानीयवासी मरेको चितुवामा धामी चढेपछि जात्रा गरिरहेका छन्। यता, वन कार्यालयका कर्मचारी उक्त मृत चितुवा लिन गएकोमा सफल हुन सकेका छैनन्। शनिबार मरेको चितुवा फेला परेपछि त्यसमा धामीलाई सवार गराएर मन्दिर लगेका थिए। त्यसको सुरुवात भने अझै एक दुई दिनअघिकै हो। स्थानीयका अनुसार अजयमेरु गाउँपालिका–६, कनाकोटमा रहेको डागेश्वरी मन्दिरमा २५ गते शुक्रबार मेला लाग्यो। त्यसको अघिल्लो दिन बिहीबार रतेडी (राति लाग्ने) मेला लागेकोमा २५ गते दिउँसेडी (दिउँसो लाग्ने) मेला भव्यतासाथ सम्पन्न भयो। गाडेश्वरीमा आठ वर्षपछि पूजाआजासहित मेला लागेको हो।
एनआरएनएको सहयोगमा डोटीका भूकम्प पीडितलाई राहत सामग्री वितरण
गैर आवासिय नेपाली संघ (एनआरएनए)को आयोजना तथा कैलाली उद्योग बाणिज्य संघ र डोटी उद्योग बाणिज्य संघको संयुक्त सहकार्यमा डोटीका भूकम्प पिडितलाई राहत सामाग्री वितरण गरिएको छ ।
भूकम्पको डरले घर छोड्दै त्रिपालको बास
बाजुराको खप्तड छेडेदह र बूढीगङ्गा नगरपालिकाका अधिकांश स्थानीय भूकम्पको डरमा घर छोडेर त्रिपालमुनिको बास बस्दै आएका छन् ।
