प्रमुख विहीन मालपोत कार्यालय, सेवाग्राहीलाई सास्ती
मालपोत कार्यालय खोटाङमा कार्यालय प्रमुख नहुँदा सेवाग्राही मर्कामा परेका छन् । लामो समयदेखि कार्यालय प्रमुख रिक्त हुँदा दैनिक काम समेत प्रभावित भएर सेवाग्राहीले सास्ती भोग्नु परेको हो ।
बन्द भएको ३४ वर्षपछि हाटबजार लाग्न सुरु
शिवसताक्षी नगरपालिका –९ मा बन्द भएको ३४ वर्षपछि हाटबजार लाग्न सुरु गरेको छ । विभिन्न कारण देखाउँदै २०४६ सालदेखि बन्द भएको आइतबारे हाट आइतबारदेखि लाग्न सुरु भएको हो । सो बजार २०४२ सालमा स्थापना गरी सञ्चालनमा ल्याइएको थियो ।
मङ्गलबारे–पाराबारी सडक कालोपत्रे
शिवसताक्षी नगरपालिका–२ स्थित मङ्गलबारे–पाराबारी सडक कालोपत्रे भएको छ। शिवसताक्षी नगरपालिका–२ कार्यालय र स्थानीय उपभोक्ताको संयुक्त साझेदारीमा सडक कालोपत्रे गरिएको हो। शिवसताक्षी नगरपालिकाबाट विनियोजित ६१ लाख ६० हजार रुपियाँ, वडा नं. २ को कार्यालयबाट विनियोजित बजेट १८ लाख रुपियाँ र स्थानीय उपभोक्ताबाट सङ्कलित १९ लाख ९८ हजार ७०५ रुपियाँ गरी ९९ लाख ९८ हजार ७०५ रुपियाँको लागतमा सडक कालोपत्रे भएको शिवसताक्षी नगरपालिकाले जनाएको छ। सडक ९४५ मिटर कालोपत्रे भएको छ।
आगलागीमा दुई घरसहित धनमाल जलेर नष्ट
पाँचथरको फालेलुङ गाउँपालिका ३ थकेपुङमा आगलागी हुँदा दुईवटा घर जलेका छन् ।
श्राद्धमा गएका तीन जनाको सप्तकोशीमा डुबेर मृत्यु
आफन्तको श्राद्धमा गएका झापा दमक -९ का दुई दाजुभाइसहित तीन जनाको सप्तकोशी नदीमा डुबेर मृत्यु भएको छ । आफन्तको श्राद्धमा गएका उनीहरू सप्तकोशीमा नुहाउन पसेका थिए ।
पाँचथरमा पिकअप दुर्घटना : एकको मृत्यु, पाँच घाइते
पाँचथरमा पिकअप दुर्घटना हुँदा एक जनाको मृत्यु भएको छ भने अन्य पाँच जना घाइते भएका छन् ।
सडकले कुलो पुरेपछि खेत बाँझो
हलेसी तुवाचुङ नगरपालिका–११, राजापानीको भाडबेँसीमा सडक निर्माण गर्दा कुलो बिग्रेपछि १६० रोपनी खेत बाँझो रहन गएको छ। वर्षमा तीन बाली खेती फल्ने खेतमा अहिले आकाशे पानीको भरमा एक बाली मकै मात्र फल्ने गरेको छ। २०७५ सालमा सडक निर्माण गर्दा कुलो बिग्रेको स्थानीयवासीले बताएका छन्। बिग्रेको ५ वर्ष पुग्दा पनि कुलो निर्माणमा कसैको ध्यान नजादा स्थानीयवासी निराश भएका छन्। वर्षभरि खान पुग्ने अन्न उत्पादन हुने खेत बाँझिएपछि केही कृषक बसाइँ सरिसकेका छन्।
सडक स्तरोन्नति नहुँदा सास्ती
नेपाल सरकारले यसअघि नै घोषणा गरेको सय पर्यटकीय गन्तव्य स्थलमध्येको एक उदयपुरगढी पनि हो तर ऐतिहासिक तथा पुरातात्त्विक महत्व बोकेको उदयपुरगढी बाह्य पर्यटकको मात्र होइन आन्तरिक पर्यटकको समेत गन्तव्य स्थल बन्न सकेको छैन। प्राकृतिक सम्पदा र ऐतिहासिक महत्वले भरिपूर्ण भए पनि त्यहाँसम्म पुग्ने नेपालटार गढी नौ किलोमिटर सडक निर्माण नहुँदा जिल्लाको पुरानो सदरमुकामसमेत रहेको उदयपुरगढी आन्तरिक र बाह्य पर्यटकका लागि आकर्षक गन्तव्यस्थल बन्न नसकेको हो। नेपालको प्रजातान्त्रिक आन्दोलनमा छुट्टै पहिचान बोकेको ऐतिहासिक उदयपुरगढी गाउँपालिकाको केन्द्र पनि हो तर २०२३ सालमै पहिलो ट्र्याक खुलेको नेपालटार–उदयपुरगढी सडक स्तरोन्नति हुन
आगलागी हुँदा घर र धनमाल जलेर नष्ट
पाँचथरको कुम्मायक गाउँपालिका ३ मा आगलागी हुँदा एउटा घर जलेर नष्ट भएको छ।
-(2)-original-thumb.jpg)
प्रेसमैत्री ऐन बनाउन प्रेस युनियनको माग
नेपाल प्रेस युनियन कोशी प्रदेशको बैठक पाँच बुँदे धनकुटा घोषणापत्र जारी गदै सम्पन्न भएको छ । प्रेस युनियन कोशी प्रदेशका अध्यक्ष मिनकुमार नबोदितको अध्यक्षतामा बैठक सम्पन्न भएको हो ।
एनएसजेएफ झापाको अध्यक्षमा मुखिया
नेपाल खेलकुद पत्रकार मञ्च (एनएसजेएफ) झापाको अध्यक्षमा अग्रज पत्रकार इन्द्रजित मुखिया निर्विरोध चयन हुनुभएको छ ।
दश देशमा नेपाली चियाको बजार खोजिँदै
विदेशी मुद्रा आर्जनमा देशको अर्थतन्त्रका लागि एक हिस्सा बन्दैगएको नेपाली चियाका लागि थप विदेशी बजारको खोजी थालिएको छ । विगतदेखि नै केही मात्रामा नेपाली चिया जाने गरेको जर्मनी, रुस, जापान, युएइ, चीन, डेनमार्क, नर्वे, क्यानडा, स्वीजरल्याण्ड, नेदरल्याण्ड, अमेरिका लगायतका देशमा थप सम्भावित बजारको खोजी थालिएको राष्ट्रिय चिया तथा कफी विकास बोर्डका कार्यकारी निर्देशक डा. विष्णुप्रसाद भट्टराईले बताउनुभयो ।
कम्युनिष्टहरु एकताबद्ध भए देश समाजवादमा जानसक्छ : नेता खनाल
नेकपा (एकीकृत समाजवादी) का वरिष्ठ नेता एवम् पूर्वप्रधानमन्त्री झलनाथ खनालले देशका सबै कम्युनिष्टहरु एकताबद्ध भए मात्र देश समाजवादमा जान सकिने बताउनुभएको छ ।
हात्तीको आक्रमणमा परेर एक जना वृद्धाको मृत्यु
झापामा हात्तीको आक्रमणमा परेर एक जना वृद्धको ज्यान गएको छ । हात्तीले आफ्नो बारीमा लगाको मकै सखाप बनाउन थालेपछि शनिबार बिहान हात्ती धपाउन जानु भएका बुद्ध शान्ति गाउँपालिका वडा नं. ५ खारखोलाका ७० वर्षीय भीमबहादुर भट्टराईको ज्यान गएको हो ।
कीर्तिमानी पर्वतारोही शेर्पाको पुस्तक सगरमाथामा सार्वजनिक
विश्व कीर्तिमानी पर्वतारोही लाक्पा देन्डी शेर्पा बारे लेखिएको पुस्तक सगरमाथा आधार शिविरमा सार्वजनिक भएको छ ।
‘नामकरण साझा रूपमा आएको हो’
कोशी प्रदेशका मुख्यमन्त्री हिक्मतकुमार कार्कीले प्रदेश नामकरण कसैको विरुद्धमा नभएको बताउनुभएको छ। शुक्रबार आयोजित नेपाल बार एसोसिएसन उच्च अदालत विराटनगर बार एकाइको वार्षिक साधारण सभाको उद्घाटन कार्यक्रममा मुख्यमन्त्री कार्कीले प्रदेशको नाम कसैले आफ्नो विपक्षमा भएको सम्झन नहुने धारणा व्यक्त गर्नुभएको हो।
निर्माणाधीन दमक भ्युटावरमाथि प्रश्न
झापा जिल्लाको दमकमा निर्माणाधीन भ्युटावरको निर्माण र सञ्चालनबारे महालेखा परीक्षकको कार्यालयले तीन वर्षदेखि लगातार प्रश्न उठाउँदै आएको छ । आर्थिक वर्ष २०७५/७६ मा निर्माण सुरु भएको भ्युटावर निर्माण कार्य समयमा नसकिएको भनी आव २०७६/७७ को प्रतिवेदनदेखि नै महालेखाले प्रश्न उठाएको हो ।
दर्जीलाई ६९ वर्षमा नागरिकता
धनकुटाको साँगुरीगढी गाउँपालिका १ को मनमाया दर्जीले ६९ बर्षको उमेरमा नागरिकता लिनुभएको छ । शारीरिक रुपमा अपाङ्गता भएका दर्जी कार्यालयमा आएर नागरिकता लिन नसक्ने भएकाले जिल्ला प्रशासन कार्यालय धनकुटाले घरमै गएर नागरिकताको प्रमाणपत्र प्रदान गरेको हो ।
सामुदायिक वन महासङ्घमा ओझा चयन
सामुदायिक वन उपभोक्ता महासङ्घ नेपाल ताप्लेजुङको अध्यक्षमा सुरज ओझा निर्वाचित हुनुभएको छ।
अझै आइपुगेन पाठ्यपुस्तक
शैक्षिक सत्र सुरु भए पनि खोटाङमा पाठ्यपुस्तक अझै आइपुगेका छैनन्। जिल्लामा सञ्चालित ४९३ वटा सामुदायिक विद्यालयमध्ये हालसम्म दिक्तेल बजारमा सञ्चालित सरस्वती माध्यमिक विद्यालयबाहेक अन्य विद्यालयले अहिलेसम्म पाठ्यपुस्तक पाएका छैनन्। अधिकांश सामुदायिक विद्यालयले दिक्तेल बजारमा सञ्चालित स्टेसनरीसँग नयाँ शैक्षिक सत्रका लागि आवश्यक पाठ्यपुस्तक ढुवानीका लागि सम्झौता गरेका छन्। सरस्वती माविले दिक्तेलमै सञ्चालित ‘खोटाङ हलेसी सप्लायर्स’मार्फत सबै विद्यार्थीका लागि आवश्यक पर्ने पाठ्यपुस्तक खरिद गरेको जनाएको छ।
भर्नासँगै हातमा पाठ्यपुस्तक
नयाँ शैक्षिक सत्र २०८० सुरु भएसँगै सरकारले भर्ना अभियान सञ्चालन गरेको छ। ‘समयमै भर्ना समयमै ज्ञान, गुणस्तरीय शिक्षा सबैको अभियान’ भन्ने मूल आदर्श वाक्यका साथ सामुदायिक विद्यालयमा सञ्चालन गरिएको भर्ना अभियानसँगै विद्यालयहरूले बालबालिकालाई कक्षाअनुसारको नयाँ पाठ्पुस्तक पनि वितरण गरेका छन्।
फनपार्क हटाउन अख्तियारको पत्र
इलामको माई नगरपालिका –२ भन्ने स्थानमा व्यक्तिले निर्माण गरेको फनपार्क हटाइने भएको छ । फनपार्कले वन र खोलाको सार्वजनिक जग्गा मिचेको ठहर भएपछि अख्तियार दुरुपयोग अनुसन्धान आयोगले जग्गा खाली गराउन जिल्लाका निकायलाई पत्राचार गरेको छ ।
पर्यटकको गन्तव्य बन्दै ताप्लेजुङ
वसन्त ऋतु घुम्नका लागि उपयुक्त समय हो। चरम मौसमी अवस्थाको सामना नगरी प्राकृतिक सुन्दरताको आनन्द लिनका लागि उपयुक्त यो समयमा नेपालका थुप्रै ठाउँ हाम्रो रोजाइमा पर्न सक्छन्।
असिनाले बालीनालीमा क्षति
ताप्लेजुङमा बुधबार साँझ वर्षासहित परेको असिनाले हिउँदे बालीनालीमा क्षति पुर्याएको छ ।
हिमालतिरै फर्किए भेडीगोठ
हिमाली क्षेत्रबाट चरनका लागि पहाड झरेका भेडीगोठ हिमाली भेगतिरै फर्किन थालेका छन् । पूर्वी नेपालको भित्री मधेश र महाभारत शृङ्खलामा अवस्थित उदयपुर जिल्लामा हिउँदको मौसम सुरु भएसँगै बढेको जाडो छल्न यता झरेका भेडीगोठ तराईमा गर्मी बढ्न थालेपछि हिमाली भेगतिरै फर्कन थालेका हुन् ।
