सामुदायिक विद्यालयको पुस्तक आइपुग्यो
ताप्लेजुङमा सामुदायिक विद्यालयमा सबै पाठ्यपुस्तक आइपुगेको छ । जिल्लास्थित पुस्तक तथा स्टेशनरी व्यवसायी महासङ्घले सामुदायिक विद्यालयको कक्षा १ देखि १० सम्मकै सबै पाठ्य पुस्तक आइसकेको जनाएको हो ।
खोटाङमा राष्ट्रपति रनिङ शिल्ड प्रतियोगिता
खोटाङमा १३औँ राष्ट्रपति रनिङ शिल्ड प्रतियोगिता सुरु भएको छ । यस प्रतियोगिताबाट आगामी वैशाख ११ गतेदेखि सुनसरीको इटहरीमा हुने प्रदेशस्तरीय प्रतियोगिताका लागि खेलाडी छनोट गरिने छन् ।
‘सिलाम–साक्मा’ बनाउन भ्याइनभ्याइ
विराटनगर–११ निवासी शर्मिला देवान धार्मिक आस्था जनाउन घरका लागि ‘सिलाम–साक्मा’ बनाउँदै आउनुभएको थियो। लिम्बू समुदायको बाहुल्यता भएको क्षेत्रमा प्रचलित पवित्र प्रतीक ‘सिलाम–साक्मा’ मिश्रित समुदाय भएको विराटनगरमा खासै प्रचलनमा थिएन। धार्मिक आस्थाले जोडेको ‘सिलाम–साक्मा’ सांस्कृतिक र सामाजिक कार्यका बेला लगाउनेमा मात्रै सीमित थियो। तर अहिले विराटनगरमा यसको माग बढ्दै गएपछि देवानका लागि ‘सिलाम–साक्मा’ बनाउने कार्य व्यवसायमा रूपान्तरण भएको छ।
अपाङ्गता भएका व्यक्तिलाई घरमै परिचय पत्र र ह्विल चेयर
मेरुदण्डको पक्षघात (स्पाइनल कड इन्ज्युरी) भएर १७ महिनादेखि ओछ्यान परेका एक व्यक्तिलाई परिचय पत्र र ह्विल चेयर प्रदान गरिएको छ ।
सामुदायिक वनमा दाउरा अभाव
मोरङको कानेपोखरी–७ स्थित ग्रामीण सुधार सामुदायिक वन उपभोक्ता समूहसँग दाउरा अभाव हुँदा अन्तिम संस्कारका क्रममा शव जलाउनसमेत समस्या परेको छ। सामुदायिक वनको आन्तरिक विवाद समाधान हुन नसक्दा सामुदायिक वनले पाँच वर्षयता नयाँ कार्ययोजना पेस गरी ढलापडा सुक्खाखडा काठ दाउरा निकाल्न सकेको छैन। जसले गर्दा मृत्युपछि मानिसको अन्तिम संस्कारका लागि दाउरासमेत अभाव भएको हो। सामान्यतया सामुदायिक वन सञ्चालक समितिले हरेक वर्ष साधारण सभाको निर्णयसहित दाउरा र काठको आवश्यकताअनुसार डिभिजन वन कार्यालयसँग कटानको स्वीकृति लिनुपर्छ तर नेपालको तराई क्षेत्रमा रहेका सामुदायिक वनमध्ये सबैभन्दा धेरै क्षेत्रफलमा फैलिएको उक्त सामुदायिक वनको नेतृत्वबीच विवाद हुँदा नयाँ कार्ययोजना पेस गर्न सकिएको छैन।
कार्यालयको बोर्ड र छापमा प्रदेशको नाम प्रयोग नगर्न आग्रह
ताप्लेजुङस्थित प्रदेश १ पुनः नामाकरण संयुक्त सङ्घर्ष समितिले सरकारीता गैरसरकारीलगायत कार्यालयले आफ्नो बोर्ड, छाप र लेटरप्याडमा कोशी प्रदेश प्रयोग नगर्न आग्रह गरेको छ।
आर्मीलाई हक्की उपाधि
गिरिजाप्रसाद कोइराला स्मृति चौथो राष्ट्रिय पुरुष हक्की प्रतियोगिताको उपाधि विभागीय टोली त्रिभुवन आर्मी क्लबले जितेको छ ।
प्रकोपका रूपमा फैलिँदै 'लम्पी स्किन'
खोटाङको जन्तेढुङ्गा गाउँपालिका क्षेत्रका पशुचौपायामा लम्पी स्किन रोग देखा परेको छ ।
सडक क्षेत्राधिकारभित्रको संरचना हटाउन अन्तिम म्याद
ताप्लेजुङको फुङ्लिङ नगरपालिकाले मेची राजमार्गको सडक क्षेत्रभित्रको संरचना हटाउन अन्तिम म्याद दिएको छ । नगरपालिकाले सूचना जारी गर्दै सडक क्षेत्राधिकारभित्र पर्ने घर–टहरा लगायतका संरचना हटाउनलाई सात दिनको अन्तिम पटक म्याद दिएको हो ।
विराटनगरमा गुट्खा, खैनी र चुरोट निषेध
विराटनगरलाई सफा, सुन्दर, व्यवस्थित र विकसित बनाउने अभियानमा लागेको महानगरले नयाँ वर्षको वैशाख १ गतेदेखि सार्वजनिक स्थलहरूमा धूम्रपान, खैनी, चुरोट, पानपराग, गुट्खालगायतको सेवन गर्न निषेध गर्ने भएको छ ।
इलाम साहित्य महोत्सव
‘पर्यटनका लागि साहित्य’ नाराका साथ सञ्चालन भएको इलाम साहित्य महोत्सव सम्पन्न भएको छ । इलाम साहित्य समाज र इलाम नगर साहित्य कला सङ्गीत प्रतिष्ठानको संयुक्त आयोजनामा महोत्सव आयोजना गरिएको हो ।
जोगीको पुर्ख्यौली पेसा सङ्कटमा
युवा पुस्तामा ‘फेरी’ लगाउने परम्परागत कामप्रति आकर्षण नभएपछि जोगीहरूको पुख्र्यौंली पेसा सङ्कटमा पर्दै गएको छ। कात्तिक र चैत महिनामा फेरी लगाएर वर्षभरि खान पुग्ने अन्नको जोहो गर्ने जोगीलाई अचेल चैत र कात्तिक आएको गएको थाहा हुन छोडेको छ। नयाँ पुस्ताले जोगीलाई माग्ने भिखारीका रूपमा हेर्न थालेपछि जोगी समुदायका युवासमेत वैकल्पिक पेसाको खोजी गर्न थालेका छन्। आफूलाई पृथ्वीनारायण शाहका गुरु गोरखनाथका सन्तान भएको दाबी गर्ने जोगीहरू द्वन्द्वको १० वर्ष
अवैध उत्खननमा रोक
झापा र मोरङको सिमानामा रहेको मावा खोलामा अवैध उत्खनन भइरहेको पाइएपछि दमक नगरपालिकाले तत्काललाई उत्खननमा रोक लगाएको छ। मापदण्डविपरीत उत्खनन भइरहेको सूचना पाएपछि दमक नगरपालिकाले अनुगमन गरेर उत्खननमा रोक लगाएको दमकका नगरप्रमुख रामकुमार थापाले बताउनुभयो।
इन्जिनियर मेहता घुससहित पक्राउ
अख्तियार दुरुपयोग अनुसन्धान आयोगले सुनसरी जिल्ला, बर्जु गाउँपालिकाका इन्जिनियर अजयकुमार मेहताले घर नक्सा पासको लागि सेवाग्राहीसँग घुस र रिसवत माग गरिरहेको अवस्थामा घुस रकमसहित पक्राउ गरेको छ ।
जङ्गलमा लागेको आगोले बस्ती जोखिममा
ताप्लेजुङको फुङ्लिङ नगरपालिकामा जङ्गलमा लागेको आगोले बस्ती जोखिममा परेको छ । फुङ्लिङ नगरपालिका–८ दोखुको धुसेनी जङ्गलमा लागेको आगोका कारण दोखुकै ल्याङ्बा टोलको पुछार बस्ती जोखिममा परेको हो ।
सामाजिक सञ्जालको दुरुपयोग गरी महिलाको चरित्रहत्या गर्ने पक्राउ
सामाजिक सञ्जालको दुरुपयोग गरी महिलाको चरित्रहत्या गर्ने एक व्यक्तिलाई प्रहरीले पक्राउ गरेको छ ।
खोटाङका सबै पालिका जोड्ने सडक कालोपत्रे गरिने
जिल्ला समन्वय समिति खोटाङको सातौँ जिल्ला सभाले जिल्लाका सबै पालिका जोड्ने सडक स्तरोन्नति तथा कालोपत्रे गर्न सम्बन्धित निकायमा पहल गर्ने निर्णय गरेको छ ।
बद्रीलाललाई बुद्धिचाल उपाधि
सहिद रत्नकुमार बान्तवा दोस्रो राष्ट्रिय खुला फिडे रेटिङ बुद्धिचाल प्रतियोगिताको उपाधि काठमाडौंका बद्रीलाल नेपालीले जित्नु भएको छ।
सासु बुहारी मिलन कार्यक्रममा जोड
सुनसरीको गढीमा आयोजित एक कार्यक्रमका वक्ताहरूले सासु बुहारी सम्बन्ध सुधारका लागि छुट्टै कार्यक्रम ल्याउनुपर्नेमा जोड दिएका छन् ।
शहीद रत्नकुमार वान्तवाको ४४ औं स्मृति दिवस मनाइयो
शहीद रत्नकुमार वान्तवाको ४४ औँ स्मृति दिवस तथा ७१ औँ जन्मजयन्ती विभिन्न कार्यक्रम गरी मनाइएको छ ।
दुई पत्रकार पुरस्कृत
नेपाल पत्रकार महासङ्घ मोरङका पूर्व अध्यक्ष विक्रम निरौलालाई सोमबार सिर्जनशील पत्रकारिता पुरस्कार प्रदान गरिएको छ ।
मोरङकाे पशु अस्पताल निर्माण अन्तिम चरणमा
मोरङको पथरीशनिश्चरे -३, पिपलचौकमा निर्माणाधीन पशु अस्पताल आगामी वैशाखबाट सञ्चालनमा आउने भएको छ ।
विद्युत् सर्ट हुँदा आगलागी
विद्युत् सर्ट भएर आगलागी हुँदा पाँचथरको फाल्गुनन्द गाउँपालिका ४ का हर्कबहादुर चेम्जोङको घर जलेर नष्ट भएको छ ।
‘राजनीतिज्ञले समाजको भावना बुझ्नुपर्छ’
नेपाली कांग्रेसका महामन्त्री एवं झापा क्षेत्र नं. १ का प्रतिनिधि सभा सदस्य विश्वप्रकाश शर्माले समाजको भावना र मानवीय पक्षलाई बुझेर राजनीतिज्ञले काम गर्न सक्नुपर्ने बताउनुभएको छ।
भेटियो नयाँ प्रजातिको माछा
विराटनगरस्थित सिङ्घिया नदीमा नयाँ प्रजातिको माछा फेला परेको छ । अनुसन्धानकर्ताले नेपालमै पहिलो पटक यस्तो प्रजातिको माछा भेटिएको दाबी गरेका छन् । झापा र मोरङका पाँच नदीमा गरिएको खोज अनुसन्धानका क्रममा विराटनगरको पूर्वी सिमाना भएर बग्ने सिङ्घियाको तल्लो तटीय क्षेत्रमा नयाँ माछा ‘एम्ब्लिसेप्स वाइखोमी’ फेला परेको हो ।
