‘सबै प्रक्रिया पूरा गरेर प्रदेश नामकरण भएको हो’
कोशी प्रदेशका मुख्यमन्त्री हिक्मतकुमार कार्कीले नेपालको संविधान, प्रदेश सभा नियमावली र नेपालका सबै कानुन, विधि र प्रक्रिया पूरा गरेर प्रदेशको नामकरण गरिएको बताउनुभएको छ ।
सांसदकै नेतृत्वमा विरोध प्रदर्शन
सडक कालोपत्रे काममा ढिलासुस्ती भएको भन्दै ठेकेदारविरुद्ध सांसदको नेतृत्वमा चक्काजाम गरिएको छ। गाईघाट–दिक्तेल सगरमाथा राजमार्गअन्तर्गत खोटाङस्थित महुरे–फोक्सिङटार सडक कालोपत्रेको काम अलपत्र पारेको भन्दै कोशी प्रदेश सभा सदस्य पाँचकर्ण राईको नेतृत्वमा स्थानीय तहका जनप्रतिनिधि र स्थानीय बासिन्दाले आइतबार बिहान चक्काजाम गरेका हुन्।
अरुण नदीको बाँध भरिएर पुरानै बाटोबाट बग्न थाल्यो
अरुण तेस्रोमा सुरुङबाट पठाइएको पानी पहिरोको कारण थुनिएपछि पुरानो मार्ग भएर बग्न थालेको छ । पहिरोले सुरुङ बन्द भएपछि पानीलाई निर्माणाधीन बाँधमा पठाइएको पानी भरिएर पुरानो मार्ग भएर बग्न थालेको हो ।
अध्यक्ष ओलीलाई निसाना बनाउने काम भयो : महासचिव पोखरेल
नेकपा (एमाले) का महासचिव शङ्खर पोखरेलले सरकारनिकट ब्यक्तिलाई संरक्षण गरी प्रतिपक्षीलाई निसाना बनाउने रणनीति सरकारले लिएको टिप्पणी गर्नुभएको छ । धनकुटाको साँगुरीगढी गाउँपालिकाको नाम्जेमा एमालेको ग्रासरुट अभियानको समीक्षा बैठकका क्रममा उहाँले सो टिप्पणी गर्नुभएको हो ।
अरुण नदी आठ घण्टापछि बग्न थाल्यो
संखुवासभामा मकालु गाउँपालिका–३ र ५ मा निर्माणाधीन नौ सय मेगावटको अरुण तेस्रो जलविद्युत् आयोजनाको डाइभर्सन टनेलमा पहिरो खसेपछि थुनिएको अरूण नदी बग्न थालेको छ।
सुनसरीमा अनाधिकृत र अवैध संरचना भत्काइँदै
दुहवी नगरपालिका –१० इनरुवा–दुहवी खडकखण्डको बुद्ध चौकमा सडक मिचेर बनाएको घर टहरामा डोजर चलेको छ । सडकमा सवारीको चाप बढ्दैगएको तर दुहबी १० सिमरियामा सडक मिचेर घर टहरा बनाउनेक्रम नरोकिएकाले अनाधिकृत संरचनामा डोजर लगाइएको हो ।
गण्डकीलाई मुख्यमन्त्री कप भलिबल उपाधि
कोशी प्रदेश प्रथम मुख्यमन्त्री कप राष्ट्रिय पुरुष भलिबल प्रतियोगिताको उपाधि गण्डकी प्रदेशले जितेको छ ।
सवारी दुर्घटनामा एकको ज्यान गयो
झापाको दमकमा सवारी दुर्घटनामा परेर एक जनाको ज्यान गएको छ । दमक नगरपालिका वडा ९ स्थित बरगाछीमा स्कुटरलाई मोटरसाइकलले ठक्कर दिँदा एक जनाको ज्यान गएको हो ।
अरुण नदीको किनार क्षेत्रमा नजान आग्रह
सुख्खा पहिरोले अरुण नदी थुनिएपछि नदी किनारका बासिन्दालाई सचेत रहन जिल्ला प्रशासन कार्यालय सङ्खुवासभाले अनुरोध गरेको छ।
चट्याङ लागेर एक महिलाको मृत्यु
ओखलढुङ्गामा चट्याङ लागेर एक महिलाको ज्यान गएको छ । शनिबार अपराह्न बर्सात सँगै परेको चट्याङ लागेर गम्भीर घाइते भएकी खिजीदेम्बा गाउँपालिका –२ तोपडाँडाकी ५७ वर्षीया देवमाया बुढाथोकीको मृत्यु भएको हो ।
निःशुल्क औषधि उपचार
गाईघाटस्थित जिल्ला अस्पतालमा आयोजना गरिएको निःशुल्क स्वास्थ्य शिविरमा सात सयभन्दा बढी बिरामीलाई निःशुल्क औषधिसहितको उपचार सेवा दिइएको छ। बिएन्डसी मेडिकल कलेज र पूर्वाञ्चल क्यान्सर अस्पताल झापाको प्राविधिक सहयोग तथा त्रियुगा नगरपालिका, जिल्ला अस्पताल र दाजुभाइ समूह दोहा कतारको सहकार्यमा त्रियुगा उद्योग वाणिज्य सङ्घले आयोजना गरेको शिविरमा ७५० जना बिरामीलाई त्यस्तो सेवा दिइएको हो। शिविरमा क्यान्सर रोग, महिला तथा स्त्री रोग, भिडियो एक्स–रे, ल्याब, ईसीजी, नाक, कान, घाँटी, मुटु, फिजिसियन, न्युरो, हाडजोर्नी, छाला, दाँतसम्बन्धी समस्याको एकीकृत रूपमा विशेषज्ञ चिकित्सकबाट सेवा प्रदान गरिएको त्रियुगा उद्योग वाणिज्य सङ्घका अध्यक्ष रमेश रसाइलीले बताउनुभयो।
बजेट नहुँदा राजमार्ग निर्माण अवरुद्ध
योजनाको सम्पूर्ण निर्माण पूरा भई उद्घाटन गर्नुपर्ने अवस्थामा पुगेको निर्माणाधीन मदन भण्डारी राजमार्ग निर्माण बजेट अभावले अवरोध उत्पन्न भएको छ। यसअघि “क्यालेन्डर डे” को आधारमा दैनिक प्रगति हासिल हुने गरी निर्माण हुँदै आएको सो राजमार्गको भौतिक प्रगति ९७ प्रतिशत पुगेको भए पनि अर्थ मन्त्रालयले आवश्यक रकम उपलब्ध गराउन आनाकानी गरेपछि सो योजना सम्पन्न गर्नमा आर्थिक सङ्कट परेको गाईघाटस्थित सडक आयोजना कार्यालयले जनाएको छ।
हावाहुरी र चट्याङले पाँचथरमा ५४ भेडा मरे
हावाहुरी र चट्याङ पर्दा पाँचथरको फालेलुङ गाउँपालिका–३, देउराली स्थित फर्ममा पालिएका ५४ वटा भेडा मरेका छन्।शुक्रबार राति दश बजे चलेको हावाहुरीसँगै परेको चट्याङले भेडा मरेको जिल्ला प्रहरी कार्यालय पाँचथरले जनाएको छ।
‘एमाले सरकारबाट बाहिरिएसँगै देश ओरालो लाग्दैछ’
पूर्व प्रधानमन्त्री तथा नेकपा (एमाले) का अध्यक्ष केपी शर्मा ओलीले आर्थिक रूपले देश ओरालो लागिरहेको बताउनुभएको छ । एमाले सरकारबाट बाहिरिएपछिको दुई वर्षमा देश आर्थिक रूपले अधोगतितर्फ उन्मुख रहेको उहाँको भनाइ छ ।
ताप्लेजुङमा चट्याङले एकको मृत्यु
ताप्लेजुङको सिदिङ्वा गाउँपालिकामा चट्याङले एक जनाको मृत्यु भएको छ । शुक्रबार राति करिब ८ः३० बजेतिर परेको चट्याङ लागेर सिदिङ्वा गाउँपालिका –६ मेहेलेमा ५८ वर्षीय श्रीप्रसाद कडरियाको मृत्यु भएको हो ।
‘दिगो विकास लक्षित योजना आवश्यक’
कोशी प्रदेशका मुख्यमन्त्री हिक्मतकुमार कार्कीले सरकारको नीति कार्यक्रम, बजेट र योजनालाई दिगो विकास लक्ष्य हासिल गर्ने कार्यक्रममा केन्द्रित गरिएको बताउनुभएको छ। सङ्घीय संसद्अन्तर्गत राष्ट्रिय सभा दिगो विकास तथा सुशासन समिति र प्रदेश योजना आयोगले शुक्रबार आयोजना गरेको कार्यक्रममा उहाँले सन् २०३० सम्ममा १७ लक्षित कार्यक्रम कार्यान्वयनमा आइसक्ने बताउनुभएको हो। नेपालमा दिगो विकास लक्ष्य कार्यान्वयन सम्बन्धमा संसदीय अध्ययन तथा मूल्याङ्कनसम्बन्धी अन्तक्र्रिया कार्यक्रममा मुख्यमन्त्री कार्कीले बजेट तथा कार्यक्रम, विनियोजन र साङ्केतीकरणलाई दिगो विकास लक्ष्य हासिल गराउने क्षेत्रमा यकिन गरिँदै आएको बताउनुभयो।
छ वर्ष बित्यो, पुल बनेन
गाईघाट–साउने धाप्लाङ–चिसापानी सडकअन्तर्गत उदयपुरको त्रियुगा नगरपालिका–१४, धाप्लाङ र खोटाङको वाराहपोखरी गाउँपालिका–२, साउनेचौर जोड्ने दूधकोशी (सुनकोसी) नदीमा निर्माणाधीन मोटरेबल पक्की पुल बीचैमा अलपत्र परेको छ । पुल निर्माण सम्पन्न हुने म्याद सकिएको झन्डै तीन वर्ष बितिसक्दासमेत पुल बनाउने ठेक्का लिएको निर्माण कम्पनी रसुवा स्वच्छन्द पप्पु जेभी काठमाडाैँले पेस्की लिएर काम नगरेपछि उदयपुर र खोटाङ दुई जिल्ला जोड्ने उक्त मोटरेबल पक्की पुल छ वर्षदेखि अलपत्र हुँदै आएको हो। निर्माण कम्पनीले तीन वर्ष अर्थात् २०७६ असार २९ गतेभित्र सम्पूर्ण कार्य सम्पन्न गर्ने गरी २०७३ असार ३० गते ठेक्का सम्झौता गरेको थियो तर हलसम्म पनि पुल निर्माणको काम हुन नसक्दा कोशी नदी वारपार गर्न सर्वसाधारणलाई सास्ती हुने गरेको स्थानीय बासिन्दाको भनाइ छ।
किसानलाई प्रोत्साहन रकम वितरण
धनकुटाका एक सय ४८ दुग्ध उत्पादक कृषकले प्रदेश सरकारले उपलब्ध गराउने प्रोत्साहन रकम पाएका छन् । धनकुटा नगरपालिका वडा नं. ३ को श्री सहकारीले आफ्नो संस्थामा आबद्ध एक सय ४८ दुग्ध उत्पादक किसानहरूलाई प्रोत्साहन रकम वितरण गरेको हो ।
प्रथम मुख्यमन्त्री कप राष्ट्रिय भलिबल प्रतियोगिता सुरु
झापाको दमकमा प्रथम मुख्यमन्त्री कप राष्ट्रिय भलिबल प्रतियोगिता सुरु भएको छ ।
छोपिएको अवस्थामा महिलाको शव फेला
झापा शिवसताक्षी नगरपालिकामा एक महिलाको शव फिलुङ्गेको नलले छोपेको अवस्थामा भेटिएको छ । वडा ६ स्थित स्थानीय ६३ वर्षीय शान्तिमाया प्रधानको शव बिहीबार बेलुका उहाँकै घर नजिकै फिलुङ्गेको नलले छोपेको अवस्थामा शव भेटिएको प्रहरीले जनाएको छ ।
राष्ट्रिय चिया दिवस मनाइँदै
राष्ट्रिय चिया दिवसका अवसरमा आज इलामको सूर्योदय नगरपालिकामा विशेष कार्यक्रम आयोजना गरिएको छ ।
ट्राफिक प्रहरीलाई ब्रेथलाईजर मेसिन
चिशंखुगढी गाउँपालिकाले जिल्ला ट्राफिक प्रहरी कार्यालयलाई (मापसे) परिक्षण गर्ने ब्रेथलाईजर मेसिन उपलब्ध गराएसँगै जिल्लामा अब मापसे परिक्षण हुने भएको हो ।
लागुऔषधका तीन कारोवारी पक्राउ
इलाका प्रहरी कार्यालय नकलबन्दाबाट खटिएको प्रहरी टोलीले मेचीनगर नगरपालिका वडा नं. ५ बाट ३ जना लागुऔषध कारोवारीलाई पक्राउ गरेको जिल्ला प्रहरी कार्यालय झापाले जनाएको हो ।
बहुक्षेत्रीय पोषणसम्बन्धी अभिमुखीकरण कार्यक्रम
बहुक्षेत्रीय पोषण योजनापालिका स्तरिय पोषण तथा खाद्य सुरक्षा निर्देशक समीतिहरुका लागि एक दिने अभिमुखिकरण कार्यक्रम सम्पन्न भएको छ।
झापामा नक्कली धनी पुर्जा विक्री गर्ने पक्राउ
झापामा किर्ते नक्कली लालपुर्जा तयार पारी रकम ठगी गर्ने गिरोहका एक जना पक्राउ परेका छन् । पक्राउ पर्नेमा मेचीनगर नगरपालिका वडा नं. ६ बस्ने ७३ वर्षीय ज्ञानबहादुर गिरी रहेका छन् ।
