अन्तिम गर्भजाँच गराउँदैनन् गर्भवती
बर्दिया जिल्लाका गर्भवती महिलामा अन्तिम पटक गर्भजाँच गराउन आउनेको सङ्ख्यामा कमी देखिएको छ। स्वास्थ्य कार्यालय बर्दियाको तथ्याङ्कअनुसार आर्थिक वर्ष २०७८/७९ मा पहिलो पटक गर्भवती जाँच गराउनेभन्दा अन्तिम पटक गर्भजाँच गराउनेको सङ्ख्यामा एक हजार ३८४ जनाले कमी देखिएको हो। स्वास्थ्य कार्यालय बर्दियाको तथ्याङ्कअनुसार आर्थिक वर्ष २०७८/७९ मा पहिलो पटक छ हजार ९६५ जना गर्भवतीले जाँच गराएका थिए। अन्तिम पटक पाँच हजार ५८४ जना गर्भवतीले जाँच गराएका थिए। पहिलो पटकभन्दा अन्तिम पटक गर्भवती महिलाले स्वास्थ्य संस्थामा जाँच गराउन नआउनेको सङ्ख्या एक हजार ३८४ ले कमी रहेको छ। आर्थिक वर्ष २०७७/७८ मा पहिलो पटक सात हजार जना गर्भवती महिलाले जाँच गराएका थिए। अन्तिम पटक भने पाँच हजार ९८४ जना गर्भवतीले जाँच गराएका थिए।
प्रधानमन्त्रीद्वारा कांग्रेस नेता प्रदीप गिरीको स्वास्थ्य लाभको कामना
काठमाडौं, साउन ३१ गते। प्रधानमन्त्री शेरबहादुर देउवाले कांग्रेस नेता प्रदिप गिरीलाई भेटेर स्वास्थ्य लाभको कामना गर्नुभएको छ। ललितपुरको मेडिसिटी अस्पतालमा उपचाररत गिरीलाई भेटेर मंगलबार साँझ प्रधानमन्त्री देउवाले स्वास्थ्य लाभको कामना गर्नुभएको जानकारी प्रधानमन्त्रीका प्रमुख प्रेस संयाेजक गाेविन्द परियारले दिनुभयाे । यसैगरी, नेता गिरीका स्वकीय सचिव कृष्ण खनालका अनुसार साँझ ६ बजे अस्पताल पुगेर प्रधानमन्त्री देउवाले स्वास्थ्य लाभको कामना गर्नुभएको हो। खनालका अनुसार नेता गिरीको आईसीयूमा उपचार भइराखेको छ। लामो समय भारतमा उपचारपछि स्वदेश फर्किए लगत्तै उहाँलाई मेडिसिटी अस्पतालमा राखिएको थियो। प्रतिनिधिसभा सदस्यसमेत रहनुभएका गिरी लामो समय भारतको मुम्बईमा घाँटीको क्यान्सरको सफल उपचारपछि स्वदेश फर्किनुभएको हो । भारतबाट स्वदेश फर्किए लगत्तै निमोनिया हुँदा उहाँ साउन ९ गते मेडिसीटी अस्पताल भर्ना हुनुभएको हो ।
८४८ जनामा सङ्क्रमण, ५२६ सङ्क्रमण मुक्त
पछिल्लो २४ घण्टामा ८४८ जनामा कोरोना सङ्क्रमण पुष्टि भएको छ भने ५२६ जना सङ्क्रमण मुक्त भएका छन् । स्वास्थ्य तथा जनसङ्ख्या मन्त्रालयका अनुसार कुल पाँच हजार ६१९ कोरोना परीक्षण गर्दा ८४८ जनामा सङ्क्रमण पुष्टि भएको हो ।
सुदूरपश्चिममा सक्रिय सङ्क्रमितको सङ्ख्या चार सय नाघ्यो
सुदूरपश्चिम प्रदेशमा सक्रिय सङ्क्रमितको सङ्ख्या चार सय २७ पुगेको छ । पछिल्लो समय सङ्क्रमण बढेपछि सक्रिय सङ्क्रमितको सङ्ख्या बढेको हो ।
'फोहोर व्यवस्थापन नहुँदा स्वास्थ्यमा गम्भीर असर पर्छ’
बेलाबेलामा काठमाडौं उपत्यकासहितका देशका मुख्य मुख्य सहरमा फोहोरको उचित व्यवस्थापन हुन सकेको छैन । फोहोर व्यवस्थापन नहुँदा सहर कुरुप बन्नुका साथै मानव स्वास्थ्यमा प्रत्यक्ष–अपत्यक्ष रुपमा गम्भीर असर पर्ने जनस्वास्थ्यविद्हरुको भनाइ छ ।
चिकित्सकहरु दुर्गममा गएर सेवा दिन चाहँदैनन : स्वास्थ्यमन्त्री खापुङ
स्वास्थ्य तथा जनसङ्ख्यामन्त्री भवानीप्रसाद खापुङले चिकित्सकहरु दुर्गममा गएर सेवा दिन तयार नभएको बताउनुभएको छ । नेपाल उद्योग बाणिज्य महासंघले आयोजना गरेको स्वास्थ्य बीमासम्बन्धी अन्तरक्रिया कार्यक्रममा उहाँले सो कुरा बताउनुभएको हो ।
जनशक्ति उत्पादन गर्ने मेडिकल कलेजलाई प्राथमिकता दिनुपर्छ : वरिष्ठ उपाध्यक्ष ढकाल
नेपाल उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकालले सरकारले प्राथमिक तहको स्वास्थ्य जनशक्ति उत्पादन गर्ने मेडिकल कजेलहरुलाई प्राथमिकता दिनुपर्ने बताउनुभएको छ ।
थप ८८८ जनामा सङ्क्रमण, ४७४ सङ्क्रमण मुक्त
पछिल्लो २४ घण्टामा ८८८ जनामा कोरोना सङ्क्रमण पुष्टि भएको छ भने ४७४ जना सङ्क्रमण मुक्त भएका छन् । स्वास्थ्य तथा जनसङ्ख्या मन्त्रालयका अनुसार कुल पाँच हजार ७३७ कोरोना परीक्षण गर्दा ८८८ जनामा सङ्क्रमण पुष्टि भएको हो ।
दक्षिण कोरियामा थप ६२ हजार सङ्क्रमित
दक्षिण कोरियामा पछिल्लो एक दिनमा थप ६२ हजार जना कोरोना भाइरसबाट सङ्क्रमित भएका छन् ।
‘समयमा उपचार गरे डिप्रेसन पूर्णरुपमा निको हुन्छ’
कोरोनाकालपछि नेपाल लगायत विश्वभर डिप्रेसनका बिरामीको सङ्ख्या बढ्दो क्रममा छ। विश्व स्वास्थ्य संगठनको पछिल्लो तथ्यांकले संसारभर कुल जनसंख्याको १० प्रतिशतभन्दा बढी मानिसलाई डिप्रेसन भएको जनाएको छ।
सेनिटरी प्याड उत्पादन गर्ने मेशिन बन्द
गाउँपालिका भरिका विद्यालयलाई उपलब्ध गराउँदै आएको सेनिटरी प्याड उत्पादन गर्ने मेशिन बन्द भएको छ । गाउँपालिकाले उपलब्ध गराउने प्याडको आकार मेशिनसँग नमिलेपछि मेशिन बन्द भएको हो ।
मङ्कीपक्सको नयाँ भेरियन्टको नामकरण
विश्व स्वास्थ्य सङ्गठन (डब्लुएचओ)ले मङ्कीपक्सको नयाँ भेरियन्टको नामकरण गरेको छ । पछिल्लो समय विश्वका धेरै ठाउँमा देखिएको मङ्कीपक्सको स्वरुप र चरित्र बदलिएकाले बदलिएको भाइरसको नाम पनि नयाँ राख्नु परेको अधिकारीहरुको भनाइ छ ।
यूनिक अस्पतालबाट बिरामी ठगिदै
सप्तरीको एक निजी अस्पतालले बिरामीको उपचार तथा जाँच नगरी शुल्क लिनेगरेको पाइएको छ । रुपनी राजविराज सडकखण्डको चारकिलो रुपनी गाउँपालिका २ मा पर्ने युनिक अस्पताल प्रालि. अस्पतालमा उपचाका लागि आएको विरामीहरुको जाँच र इलाजविना नै मोटो रकमको विल तिराउँदैआएको सेवाग्राहीको गुनासो छ ।
थप २६३ जनामा सङ्क्रमण पुष्टि, दुईको मृत्यु
पछिल्लो २४ घण्टामा थप २६३ जनामा कोरोना सङ्क्रमण पुष्टि भएको छ भने दुई जनाको मृत्यु भएको छ । स्वास्थ्य तथा जनसङ्ख्या मन्त्रालयका अनुसार कुल तीन हजार १६५ कोरोना परीक्षण गर्दा २६३ जनामा सङ्क्रमण पुष्टि भएको हो ।
स्वास्थ्य बीमा निजी क्षेत्रलाई दिन मिल्दैन : महामन्त्री थापा
नेपाली कांग्रेसका महामन्त्री गगनकुमार थापाले सरकारले स्वास्थ्य बीमा निजी क्षेत्रलाई दिन नमिल्ने बताउनुभएको छ । शनिबार काठमाडौंमा भएको शहरी स्वास्थ्य प्रबर्द्धन केन्द्रको कार्यक्रममा बोल्नुहुँदै महामन्त्री थापाले सो कुरा बताउनुभएको हो ।
चिकित्सकलाई सामाजिक सञ्जालमा नियन्त्रण
नेपाल मेडिकल काउन्सिलले चिकित्सकका लागि सामाजिक सञ्जाल तथा विद्युतीय माध्यमसम्बन्धी आचारसंहिता जारी गरेको छ । चिकित्सकले विभिन्न विषयमा सामाजिक सञ्जालमा आचारसंहिताविपरीतका सामग्री राख्ने गरेको पाइएपछि यस्तो आचारसंहिता जारी गरेको हो । काउन्सिलका प्रवक्ता डा. कृष्ण अधिकारीले चिकित्सकका लागि आठबुँदे आचारसंहिता जारी गरिएको जानकारी दिँदै भन्नुभयो, “पछिल्लो समय बढ्दो सामाजिक सञ्जालको प्रयोगले चिकित्सकलाई आचारसंहिताबाट अनिवार्य रूपमा बाँध्नुपर्ने देखियो ।”
भदौ ५ गतेदेखि ५० जिल्लामा बालबालिकालाई खोप
सरकारले भदौ ५ गतेदेखि दोस्रो चरण अन्तर्गत बाँकी रहेका ५० जिल्लाका बालबालिकालाई लक्षित गरेर खोप अभियान सुरु गर्ने भएको छ।
गंगालाल अस्पतालद्वारा सेवा शुल्क पुनरवलोकन
शहीद गंगालाल राष्ट्रिय हृदय केन्द्रले दिँदै आएको सेवा शुल्कहरुमा पुनरवलोकन गरेको छ । अस्पताले शुक्रबार विज्ञप्ति जारी गर्दै सेवा शुल्कमा पुनरवलोकन गरेको जनाएको हो ।
थप एक जनामा हैजा पुष्टि, सङ्क्रमितको सङ्ख्या ४७ पुग्यो
काठमाडौंमा थप एक जनामा हैजा पुष्टि भएको छ । स्वास्थ्य तथा जनसङ्ख्या मन्त्रालयले बिहीबार गरिएको परीक्षणमा एक जनामा हैजा पुष्टि भएको जनाएको छ । योसँगै उपत्यमामा हैजा पुष्टि हुनेको सङ्ख्या ४७ पुगेको छ ।
दुईको मृत्यु, ७८१ जनामा कोरोना सङ्क्रमण
पछिल्लो २४ घण्टामा थप ७८१ जना कोरोना सङ्क्रमित थपिएका छन् । स्वास्थ्य तथा जनसङ्ख्या मन्त्रालयका अनुसार कुल चार हजार ७१२ कोरोना परीक्षण गर्दा ७८१ जनामा सङ्क्रमण पुष्टि भएको हो ।
अस्पतालबाट निस्किएको फोहोर व्यवस्थापन गर्दै त्रिशूली अस्पताल
नुवाकोटस्थित त्रिशूली अस्पतालले ‘बायोग्यास प्लान्ट’ को माध्यमबाट अस्पतालबाट निस्किएको फोहोरको व्यवस्थापन गर्ने थालेको छ ।
कोरोना प्रतिकार्यमा जुट्यो कर्णाली सरकार
कोभिड–१९ रोकथाम, निदान र उपचारसम्बन्धी कामलाई प्रभावकारी बनाउन गठित प्रदेशस्तरीय निर्देशक समितिको बिहीबार बसेको बैठकले परीक्षणको दायरा बढाउने, एम्बुलेन्सलाई तयारी अवस्थामा राख्ने, खोप अभियान समुदाय स्तरसम्म पुर्याउने मातहतका निकायलाई निर्देशन दिएको छ ।
क्वाँटी सबै उमेर समूहलाई लाभदायी
हरेक चाडपर्वको आ–आफ्नो विशेषता हुन्छ । चाडवाडको अवसरमा विभिन्न पकवान पाक्ने गर्दछन् । अन्य चाडवार्ड जस्तै जनैपूर्णिमा विभिन्न गेडागुडी उमारेर क्वाँटी बनाएर खाने प्रचलन छ ।
स्वास्थ्य बिमाका समस्या समाधान गर्न उच्चस्तरीय कार्यदल गठन
सरकारले स्वास्थ्य बीमा कार्यक्रममा देखिएको समस्या समाधानका लागि सुझाव पेस गर्न उच्चस्तरीय कार्यदल गठन गरेको छ ।