गोरखापत्र अनलाइन
नेपाल र आयरल्यान्डका सभामुखबिच भेट
प्रतिनिधि सभाका सभामुख देवराज घिमिरे र आयरल्यान्ड संसद्को तल्लो सदनका सभामुख सान ओ फारगेलबिच बुधबार साँझ डब्लिनमा भेटवार्ता भएको छ । सभामुख फारगेलको निमन्त्रणामा आयरल्यान्ड भ्रमणमा रहनुभएका सभामुख घिमिरेले संविधान सभाको निर्वाचनपछि नेपालमा नयाँ संविधान जारी भएको र संविधानले प्रदान गरेका मौलिक हक कार्यान्वयन गर्न धेरै कानुन निर्माण भइसकेको भेटका व्रmममा जानकारी दिनुभयो । केही कानुन निर्माणको प्रव्रिmयामा रहेको जानकारी दिँदै उहाँले नेपालको अहिलेको मुख्य चुनौती आर्थिक विकास रहेको उल्लेख गर्नुभयो । सो भेटमा सहभागी लन्डनस्थित नेपाली दूतावासका द्वितीय सचिव रामबाबु नेपालले सभामुख घिमिरेले विशेषगरी नेपालको शिक्षा, कृषि र पर्यटन क्षेत्रको विकासमा आयरल्यान्डको सहयोग तथा सहकार्यको आवश्यकतामाथि जोड दिनुभएको जानकारी दिनुभयो ।
अति कम विकसित मुलुकलाई सहयोगको खाँचो
प्रधानमन्त्री पुष्पकमल दाहाल ‘प्रचण्ड’ ले कोभिड महामारीपछिको आर्थिक तथा विकासको पुनरुत्थानका लागि अति कम विकसित देशलाई सघाउन शक्तिराष्ट्रलाई आह्वान गर्नुभएको छ। संयुक्त राष्ट्रसङ्घको ७८ औँ महासभाको अवसर पारेर आयोजना गरिएको ‘महामारी रोकथाम, तयारी तथा प्रतिकार्य’ विषयक उच्चस्तरीय बैठकलाई बिहीबार सम्बोधन गर्दै प्रधानमन्त्री प्रचण्डले महामारीको सङ्कटबाट बाहिर निस्कन सङ्घर्षरत अति कम विकसित मुलुकलाई अन्तर्राष्ट्रिय सहयोगको खाँचो रहेको औँल्याउनुभएको हो।
गोपालदास पत्रकारिता पुरस्कार शर्मालाई
प्रेस काउन्सिल नेपालले यस वर्षको गोपालदास पत्रकारिता पुरस्कार अग्रज पत्रकार महिला निर्मला शर्मालाई प्रदान गर्ने निर्णय गरेको छ । करिब तीन दशकदेखि नेपाली पत्रकारिताको विभिन्न विधामा रही सामाजिक रूपान्तरण, लैङ्गिक न्याय र प्रेस तथा अभिव्यक्ति स्वतन्त्रताको पक्षमा निरन्तर कलम चलाउँदै आउनुभएकी शर्मालाई उक्त पुरस्कार प्रदान गर्ने निर्णय भएको काउन्सिलले जनाएको छ । पुरस्कारको राशि एक लाख ५१ हजार रुपियाँ रहेको छ ।
फेरि ३४ पानाको राहदानी
राहदानी विभागले फेरि ३४ पानाको राहदानी वितरण गर्ने भएको छ । अर्को सातादेखि ३४ पानाको राहदानी वितरण हुने जानकारी विभागले दिएको छ । विभागका प्रवक्ता कुमार राईका अनुसार ३४ पानाको राहदानीका लागि असोज १ देखि आवेदन खुला गरिएको छ । अब भरिएको आवेदन अनुसार अर्को साता इनरोलमेन्टका लागि मिति प्राप्त गरेकाले पहिलेकै शुल्क १२ हजार रुपियाँमा द्रुत सेवामार्फत राहदानी पाउने राईले बताउनुभयो । पुरानै कम्पनीसँग विभागले गरेको सम्झौता अनुसार अर्को साता २८ लाख प्रति राहदानी नेपाल आइपुग्ने भएको छ ।
विश्व नेपाली स्वास्थ्य सम्मेलन : प्रवासीको स्वास्थ्यबारे २० बुँदे घोषणापत्र जारी
पाँच विश्व नेपाली स्वास्थ्य सम्मेलन २० बुँदे घोषणापत्र जारी गर्दै सम्पन्न भएको छ ।
साफ यू–१९ च्याम्पियनसिप : नेपाल पाकिस्तानसँग पराजित
साफ यू–१९ च्याम्पियनसिपमा नेपालले पाकिस्तानसँग पराजित भएको छ । समूह ‘ए’ अन्तर्गत दशरथ रङ्गशालामा बिहीबार भएको खेलमा नेपाल पाकिस्तानसँग १–० गोलले पराजित भयो ।
शान्ति प्रक्रिया छिटो टुङ्गो लगाऔँ : अध्यक्ष तिमिल्सिना
राष्ट्रिय सभाका अध्यक्ष गणेशप्रसाद तिमिल्सिनाले नेपालको शान्ति प्रक्रियालाई छिट्टै टुङ्ग्याउनुपर्ने बताउनुभएको छ ।
पहिरो पीडितलाई ग्यास सिलिण्डर र चुल्हो वितरण
ताप्लेजुङको मैवाखोला गाउँपालिकाका पहिरो प्रभावित परिवारलाई खाना पकाउने ग्यास सिलिण्डर र चुल्हो वितरण गरिएको छ।
दलको अविश्वासको कारण शान्ति प्रक्रिया टाढिँदै गएको छ : नेता सिटौला
नेपाली कांग्रेसका नेता कृष्णप्रसाद सिटौलाले राजनीतिक दलहरूका बिचमा अविश्वास भएका कारण शान्ति प्रक्रियाको बाँकी काम नसकिएको बताउनुभएको छ।
ब्रसेल्समा संविधान दिवस
नेपालको राष्ट्रिय दिवस (संविधान दिवस)को उपलक्ष्यमा नेपाली राजदूतावासले ब्रसेल्समा स्वागत समारोह आयोजना गरेको छ।
आमाछोरीको हत्या आरोपमा एक पक्राउ
सल्यानमा आधा शरीर जलेको अवस्थामा शव फेला परेको छ । शव एउटै घरका आमाछोरीको भएको प्रहरीको भनाइ छ ।
गुल्मीमा प्रहरीद्वारा गाँजा फडानी
जिल्ला प्रहरी कार्यालय गुल्मीले रेसुङ्गा नगरपालिकाको दुई स्थानमा गाँजा फडानी गरेको छ । रेसुङ्गा नगरपालिका–१ को क्याम्पसरोड र वडा–९ को चौदिलामा प्राकृतिक रूपमा उम्रिएका गाँजाका बोटहरू फडानी गरिएको जिल्ला प्रहरी कार्यालय गुल्मीले जनाएको छ ।
बाग्मती प्रदेश स्वास्थ्य मन्त्रालयका कामको स्वास्थ्य मन्त्री बस्नेतद्वारा प्रशंसा
स्वास्थ्य तथा जनसङ्ख्या मन्त्री मोहनबहादुर बस्नेतले बाग्मती प्रदेशको स्वास्थ्य मन्त्रालयले सञ्चालन गरिरहेको कार्यक्रमको प्रशंसा गर्नुभएको छ।
हस्तकला मेला सम्पन्न
संविधान दिवस तथा राष्ट्रिय दिवस २०८० को अवसरमा हेटौँडामा आयोजित दुई दिने हस्तकला मेला सम्पन्न भएको छ । बागमती प्रदेश हस्तकला सङ्घको आयोजना र बागमती प्रदेशको उद्योग, वाणिज्य, भूमि तथा प्रशासन मन्त्रालयको प्रवर्धनमा बुधबारदेखि आयोजित मेला सम्पन्न भएको हो ।
ट्राफिक प्रहरीलाई सहयोगी सामग्री हस्तान्तरण
केही समय यता आएर कोहलपुर क्षेत्रमा सडक दुर्घटना बढ्दैगएकाले न्यूनीकरण तथा ट्राफिक सचेतना प्रवाह गर्न ट्राफिक प्रहरीलाई सहयोगी सामग्री हस्तान्तरण गरिएको छ ।
