गोरखापत्रमा संविधान दिवस तथा राष्ट्रिय दिवस २०८१ विशेष सामग्री
संविधान दिवस तथा राष्ट्रिय दिवस २०८१ को अवसरमा बिहीबार टुँडिखेलमा आयोजित विशेष कार्यक्रममा सहभागी राष्ट्रपति, उपराष्ट्रपति, प्रधानमन्त्रीसहित विशिष्ट व्यक्तित्व । तस्बिरः सुजन गुरुङ
काठमाडौँ, असोज ३ गते। संविधान दिवस तथा राष्ट्रिय दिवस २०८१ बिहीबार स्वदेश तथा विदेशमा विभिन्न कार्यक्रम गरेर हर्षोल्लासका साथ मनाइएको छ। गोरखापत्र अनलाइनलेसमेत यो विशेष अवसरमा विभिन्न सामग्री प्रकाशन र प्रशारण गरेको छ। नेपाल सरकारले बिहीबार सैनिक मञ्च टुँडिखेलमा आयोजना हुने संविधान दिवस मूल समारोह सम्पन्न गरेको छ। राष्ट्रपति रामचन्द्र पौडेल प्रमुख अतिथिका सैनिक मञ्चकोे कार्यक्रम सम्पन्न भएको हो।
नेपाली जनताको सात दशक लामो सङ्घर्ष, बलिदान र जनआन्दोलनको उपलब्धिका रूपमा गठन भएको संविधानसभाबाट वि.स. २०७२ असोज ३ गते सङ्घीय लोकतान्त्रिक गणतन्त्र नेपालको संविधान जारी भएको थियो।
पैँतिस भाग ३०८ धारा र ९ अनुसूचीमा लिपिबद्ध नेपालको संविधानले सङ्घीय लोकतान्त्रिक गणतन्त्र, समावेशी लोकतन्त्र, समानुपातिक समावेशी प्रतिनिधित्व, धर्मनिरपेक्षतालगायत पक्षलाई आत्मसात गरेको संविधानले लोकतान्त्रिक मूल्य–मान्यतामा आधारित समाजवादप्रति प्रतिबद्ध रही समृद्ध राष्ट्र निर्माण गर्ने अठोट गरेको छ ।
सरकारले संविधान जारी भएको उक्त दिनलाई प्रत्येक वर्ष संविधान दिवस तथा राष्ट्रिय दिवसका रूपमा मनाउँदै आएको छ ।
संविधान दिवसकै खुसियालीमा नागरिकस्तरबाट काठमाडौँको दरबारमार्गमा राष्ट्रिय दिवस साङगीतिक प्रस्तुती हुँदैछ। संविधान दिवसका अवसरमा राष्ट्रपति, प्रधानमन्त्री, सभामुख, राष्ट्रियसभा अध्यक्ष तथा विभिन्न पार्टीका शीर्ष नेताहरुले शुभकामना दिएका छन्।
-square-thumb.jpg)
-square-thumb.jpg)
-square-thumb.jpg)
