• गोरखापत्र अनलाइन
• ७ भदौ २०८१, शुक्रबार

तामाङ ज्ञान महोत्सवमा इतिहासको खोजी

राणा सरकारले ‘तामाङ’ थर लेख्न लेखाउन विसं १९८९ भदौ ६ गते इस्तिहार जारी गरेको थियो । सोही दिनको स्मरणमा नौ वर्षदेखि राजधानीमा तामाङ ज्ञान महोत्सव तथा पहिचान दिवस मनाइँदै आइएको छ । नेपाल प्रज्ञा–प्रतिष्ठानमा बिहीबार आयोजित तामाङ ज्ञान महोत्सवमा सहभागीले आदिवासी ज्ञान, परम्परा, सिप, साहित्य र इतिहासको खोज, अनुसन्धान र प्रवर्धनमा जोड दिनुभयो । नेपाल प्रज्ञा–प्रतिष्ठानसँगको सहकार्यमा तामाङ न्हाङखोर, तामाङ डाजाङ र तामाङ राष्ट्रिय पुस्तकालयद्वारा आयोजित उत्सवमा प्रतिष्ठानका कुलपति भूपाल राईले आदिवासी ज्ञान परम्परा, साहित्य, संस्कृति, भाषाको संवर्धनमा जोड दिनुभयो ।