अखिल कप भलिबलको उपाधि कमर्श क्याम्पसलाई
अनेरास्ववियु आर आर क्याम्पस कमिटीले आयोजना गरेको प्रथम अनेरास्ववियु आर आर भलिबल कप–२०८० को उपाधि नेपाल कमर्श क्याम्पस काठमाडौँले हात पारेको छ । शनिवार भएको फाइनल खेलमा न्युटन कलेजलाई ४–१ ले पराजित गर्दै नेपाल कमर्श क्याम्पसले उपाधि हात पारेको हो । उपाधिसँगै नेपाल कमर्श क्याम्पसले नगद एक लाख जित्यो । दोस्रो हुने न्युटन कलेजले ५० हजारमा चित्त बुझायो ।
आर्मी र पुलिसको विजयी सुरुवात
साविक विजेता त्रिभुवन आर्मी क्लब र नेपाल पुलिस क्लबले सातौँ प्रधानमन्त्री कप–एनभिए महिला तथा पुरुष राष्ट्रिय भलिबल क्लब लिगमा पुरुषतर्फ विजयी सुरुवात गरेका छन् ।
रेगन र सुचित्रा सम्मानित
मानसिंह डोजोले १५औँ कोरिया ओपन कराते च्याम्पियनसिपमा स्वर्ण जित्न सफल आफ्ना खेलाडीलाई सम्मान गरेको छ । डोजोले रेगन घले र सुचित्रा गुरुङलाई सम्मान गरेको हो ।
नेपालका सात खेलाडी एसियन एथलेटिक्स च्याम्पियनसिप खेल्दै
थाइल्यान्डमा जुलाई १० देखि १७ तारिखसम्म आयोजना हुने २५औँ एसियन एथलेटिक्स च्याम्पियनसिपमा नेपालका सात खेलाडीले प्रतिस्पर्धा गर्ने भएका छन् ।
एसीसी इमर्जिङ टिम्स एसिया कपका लागि नेपाली टोलीको घोषणा
नेपाल क्रिकेट सङ्घ (क्यान) ले श्रीलङ्कामा जुलाई १३ तारिखदेखि सुरु हुने इमर्जिङ टिम्स एसिया कपको लागि १६ सदस्यीय नेपाली टोलीको घोषणा गरेको छ ।
‘विश्वकप छनोटमा नेपाली खेलाडीको प्रदर्शन सकारात्मक’
नेपाली राष्ट्रिय क्रिकेट टोलीका प्रशिक्षक मोन्टी देसाईले विश्वकपमा छनोट हुननसके पनि केही खेलाडीको प्रदर्शनले सकारात्मक सन्देश दिएको बताउनुभएको छ। जिम्बावेमा भएको छनोट खेलेर शुक्रबार स्वदेश फर्र्किएको नेपाली टोलीका प्रशिक्षक देसाईले लक्ष्य प्राप्ति नभए पनि केही खेलाडीको प्रदर्शन सम्झनालायक रहेको उल्लेख गर्नुभयो।
विश्वकप छनोट खेलेर नेपाली राष्ट्रिय क्रिकेट टिम स्वदेश फिर्ता
जिम्बावेमा भएको आइसिसी विश्वकप छनोट खेलेर नेपाली राष्ट्रिय क्रिकेट टिम शुक्रबार स्वदेश फर्किएको छ। प्रतियोगितामा नेपाल समूह चरणमा जिम्बावे, वेस्टइन्डिज र नेदरल्यान्डसँग पराजित भएको थियो भने नेपालले अमेरिकालाई पराजित गरेको थियो ।
उसुमा विपन र अस्मितालाई स्वर्ण
निन्जा उसु क्वानका विपन थापा र कालभैरव उसु क्वानकी अस्मिता श्रेष्ठले तेश्रो अन्तर क्वान खुला राष्ट्रिय उसु प्रतियोगितामा स्वर्ण जित्नुभएको छ । छाङ छ्वानको पुरुषमा विपन तथा महिला अस्मिताले स्वर्ण जित्नुभएको हो ।
आईएसए र बोर्न टु हुप फाइनलमा
आईएसए नेपाल र आयोजक गोल्डेनगेट इन्टरनेसनल कलेजको बोर्न टु हुप गोल्डेनगेट इन्टरनेसनल कलेज एसइइ कप बास्केटबल प्रतियोगिताको गल्र्समा बिहीबार फाइनलमा प्रवेश गरेका छन् ।
बाल मन्दिरमा मनायो केबीएले ब्याडमिन्टन दिवस
अभिभावकविहिन तथा जोखिममा रहेका बालबालिकालाई आश्रय दिइरहेको बाल मन्दिरको नक्सालस्थित आवासमा रहेका ४५ बालिकाले एकेडेमीका खेलाडीसँग ब्याडमिन्टन सिक्नुका साथै खेलका प्राविधिक जानकारी लिएका थिए ।
एनआरएस स्पोर्ट्स फाउन्डेसनले दौड संस्कृतिलाई प्रवर्द्धन गर्ने
एनआरएस स्पोर्ट्स फाउन्डेसनले नेपालमा दौड संस्कृतिलाई प्रवर्द्धन गर्न र लामो दुरीका धावकलाई अन्तर्राष्ट्रिय दौड प्रतियोगितामा सहभागिता जनाउने वातावरण तयार गर्न प्रशिक्षण कार्यक्रम सञ्चालन गर्ने भएको छ ।
एनरिक पीएसजीको मुख्य प्रशिक्षक
फ्रान्सको चर्चित क्लब पेरिस सेन्ट जर्मेन (पीएसजी) को मुख्य प्रशिक्षकमा लुइस एनरिक नियुक्त हुनुभएको छ । पीएसजीले बुधबार राति एनरिकलाई प्रशिक्षकमा नियुक्त गरेको हो ।
लिग भलिबलको तयारी अन्तिम चरणमा
लिगका लागि सहभागी टोलीले खेलाडी छनोट र प्रशिक्षण, विदेशी खेलाडी अनुबन्ध गर्ने काम गरिरहेका छन् । असार ३० गतेसम्म सञ्चालन हुने लिगको तयारी अन्तिम चरणमा पुगेको भलिबल सङ्घले जनाएको छ ।
बक्सिङमा आर्मी च्याम्पियन
नेपाल आर्मी प्रकाश दाहाल स्मृति पुरुष तथा महिला खुला बक्सिङ प्रतियोगितामा च्याम्पियन बनेको छ । आर्मी पुरुष/महिला दुवैमा च्याम्पियन बनेको हो ।
भेट्रान दौडमा धर्म र कल्पना पहिलो
पूर्व धावक एवं गीतकार बुद्धवीर लामाको एकल सांगीतिक प्रस्तुतीको पूर्व सन्ध्यामा आयोजित भेट्रान पाँच किलोमिटर शुभकामना दौडमा धर्म महर्जन र कल्पना महर्जन पहिलो हुनुभएको छ ।
सामुदायिक विद्यालयका शिक्षकलाई खेल प्रशिक्षण
दाङको घोराहीमा सामुदायिक विद्यालयका शिक्षकहरूलाई खेल सम्बन्धी प्रशिक्षण दिइएको छ । घोराही उपमहानगरपालिकाभित्रका सामुदायिक विद्यालयहरूमा खेल प्रशिक्षक राख्ने तयारी अनुसार शिक्षकहरूलाई तालिम दिइएको हो ।
पूर्वमुख्यमन्त्री राई र थापाको जोडी च्याम्पियन
कोशी प्रदेशका पूर्वमुख्यमन्त्री राजेन्द्र राई र लिलबहादुर थापाको जोडी बुधवार सम्पन्न मदन भण्डारी स्मृति ब्याडमिन्टन प्रतियोगिताको पुरुष युगलमा च्याम्पियन हुनुभएको छ ।
भानुकप फुटबलमा ४० टोली
आदिकवि भानुभक्त आचार्यको २१०औं जन्मजयन्तीका अवसरमा जिल्लामै सर्वाधिक राशीको भानुकप फुटबल प्रतियोगितामा ४० टोलीको सहभागिता रहने भएको छ ।
भारतलाई साफ फुटबल उपाधि
१४औं संस्करणको साफ च्याम्पियनसिप फुटबलको उपाधि आयोजक भारतले जितेको छ । बेङ्गलोरस्थित श्री कन्तिराभा स्टेडियामा मंलबार राति भएको फाइनलमा भारतले आमन्त्रित टोली कुवेतलाई सडन डेथमा ५–४ गोलले हरायो ।
नेपाल आयरल्यान्डसँग दुई विकेटले पराजित
जिम्बावेमा जारी आइसिसी एकदिवसीय विश्वकप छनोट अन्तर्गत सातौँ स्थानका लागि भएको खेलमा नेपाल आयरल्यान्डसँग दुई विकेटले पराजित भएको छ । हारसँगै नेपाल आठौं भयो ।
दिलमान र यज्ञराजको जोडी सेमिफाइनलमा
दिलमान पाख्रिन र यज्ञराज सुनुवारको जोडी मदन स्मृति ब्याडमिन्टन प्रतियोगिता २०८० को सेमिफाइनलमा प्रवेश गर्नुभएको छ ।
लोकतान्त्रिक खेलकुद सङ्घद्वारा राखेप सदस्य सचिवको राजीनामा माग
नेपाल लोकतान्त्रिक खेलकुद सङ्घले राष्ट्रिय खेलकुद परिषद् (राखेप)का सदस्य सचिव टङ्कलाल घिसिङको राजीनामा मागेको छ ।
नेपालले दियो आयरल्यान्डलाई २६९ रनको लक्ष्य
जिम्बावेमा जारी आइसिसी एक दिवसीय विश्वकप छनोट अन्तर्गत सातौँ स्थानका लागि भएको खेलमा नेपालले जितका लागि आयरल्यान्डलाई दुई सय ६९ नम्बरकाे लक्ष्य दिएको छ ।
‘विद्यालयस्तरको पाठ्यक्रममै खेलकुद’
युवा तथा खेलकुद मन्त्री डिगबहादुर लिम्बूले सरकार विद्यालय स्तरको पाठ्यक्रममै खेलकुदका गतिविधि र तालिम सञ्चालन गर्ने तयारीमा रहेको बताउनुभएको छ ।
एकदिवसीय विश्वकप छनोट : नेपाल आयरल्यान्डविरुद्ध पहिले ब्याटिङ गर्दै
जिम्बावेमा जारी रहेको आइसीसी एकदिवसीय विश्वकप छनोट अन्तर्गत सातौं स्थानका लागि हुने खेलमा नेपालले आयरल्यान्डविरुद्ध पहिले ब्याटिङ गर्ने भएको छ ।
