• गोरखापत्र अनलाइन
• २५ जेठ २०८१, शुक्रबार

विपत् व्यवस्थापनमा दलीय संयन्त्र

प्राकृतिक तथा मानव सिर्जित विपत्तिमा परेका व्यक्तिको उद्धार, राहत तथा पुनस्र्थापनाका लागि राजनीतिक दलहरूले आआफ्ना दलीय संयन्त्र परिचालन गर्ने भएका छन् । गृह मन्त्रालयले बिहीबार आयोजना गरेको ‘मनसुनको पूर्वतयारी तथा प्रतिकार्यसम्बन्धी छलफल’ मा विभिन्न राजनीतिक दलका नेताले केन्द्रदेखि स्थानीय तहसम्मका वडाहरूमै परिचालन गर्ने गरी ‘लुज फोरम’ बनाउन मन्त्रालयलाई सुझावसमेत दिएका छन् ।