गुराँसले लालिमा चढेको महाबु लेक (फोटो फिचर)
दैलेखको शिर मानिने महावु लेकमा यतिबेला लाली चढेको छ । लाली अर्थात् थरिथरिका ढकमक्क फुलेको लालिगुराँसले लेक नै मनमोहक बनेको छ । प्रकृतिको लालित्य चढेपछि सडक किनारदेखि अक्करे भिरमा पनि ढकमक्क गुराँस फुलेपछि वातावरण रमणीय निक्कै मनमोहक बनेको छ ।
रजबहादुर हत्याका आरोपी १६ वर्षपछि पक्राउ
कालीकोटका रजबहादुर मल्ल हत्या प्रकरणमा मुछिएको आरोप लागेका पदमबहादुर रावतलाई प्रहरीले १६ वर्ष पछि पक्राउ गरेको छ । उहाँलाई भारतबाट पक्राउ गरी सुर्खेतमा ल्याएर अनुसन्धान प्रक्रिया अघि बढाइएको प्रहरीले जनाएको छ ।
भोकमरी हुनेमा किसान चिन्तित
जिल्लाका विभिन्न ठाउँमा पाक्नै लागेको गहुँ बाली बाँदरले सखाप पार्न थालेका छन् । जिल्लामा बाँदरको बिगबिगी बढ्दै गएपछि खडेरीबाट बचेको गहुँ बाली बाँदरले सखाप पार्न थालेपछि किसान चिन्तित बनेका हुन् । किसानले खेतबारीमा लगाएको हिउँदे अन्नबाली बाँदरले नष्ट गर्न थालेपछि भोकमरी पर्न सक्ने भन्दै किसानको चिन्ता बढेको हो । जिल्लाका नौ वटै स्थानीय तहमा खडेरीबाट बल्लतल्ल जोगाएको गहुँ बाली बाँदरको मुखमा पर्न थालेको छ ।
रारामा बढे पर्यटक
रारा ताल घुम्ने मौसम सुरु भएपछि यहाँ आउने पर्यटकको सङ्ख्या बढ्न थालेका छ । अरू मौसमभन्दा चैतदेखि असारसम्मको समयमा रारा ताल क्षेत्र घुम्न उपयुक्त मानिन्छ । रारा राष्ट्रिय निकुञ्ज कार्यालयका अनुसार रारामा चैतदेखि असारसम्म उपयुक्त मौसम भएकाले यो समयमा पर्यटकको सङ्ख्या उल्लेख्य हुने गरेको छ । कार्यालयका प्रमुख राजु घिमिरेले चालु आर्थिक वर्षको चैत मसान्तसम्ममा आठ हजार ५२५ जना आन्तरिक र विदेशी पर्यटकले रारा घुमेको बताउनुभयो ।
मुख्यमन्त्री कँडेललाई विश्वासको मत
कर्णाली प्रदेशका मुख्यमन्त्री यामलाल कँडेलले विश्वासको मत प्राप्त गर्नुभएको छ । कर्णाली प्रदेशसभाको दोस्रो कार्यकालको तेस्रो अधिवेशनको १० औँ बैठकमा उहाँले विश्वासको मत प्राप्त गर्नुभएको हो ।
काउन्सिलद्वारा भूकम्प प्रभावित सञ्चारकर्मीलाई सहयोग
प्रेस काउन्सिल नेपालले जाजरकोट र रुकुमपश्चिमका भूकम्प प्रभावित सञ्चारकर्मीलाई आर्थिक सहयोग गरेको छ । इन्टरनेटमा सहुलियत प्रदान गर्न काउन्सिलको मिडिया विकास कोषअन्तर्गत एक सय बढी सञ्चारकर्मी तथा सञ्चारगृहलाई ६ लाख सहयोग गरेको हो ।
जुम्लाका बगैँचामा स्याउ फुल लाग्यो
यहाँका स्याउ बगैँचा सेताम्मे भएका छन् । स्याउका बोटमा फूल लाग्न थालेपछि बगैँचा सेताम्मे भएका हुन् । कर्णाली राजमार्गमा रहेका स्याउका बगैँचा फूलले सेताम्मे भएपछि आन्तरिक पर्यटनका लागि फोटो तथा भिडियो खिच्ने र थकाइ मार्ने थलो बनेका छन् ।
कालीकोट जिल्लाकै नमुना स्याउ बगैँचा फोइमहादेवमा
कालीकोट जिल्लाकै नमुना स्याउ बगैँचा तिलागुफा नगरपालिका–३ फोइमहादेव गाउँमा छ । स्थानीय नवीन हमालले चुली कर्णाली एग्रो फार्ममार्फत् तीन वर्षदेखि सञ्चालन गरेको स्याउ बगैँचा जिल्लाकै नमूना स्याउ बगैँचा हो ।
कर्णालीमा औलो सङ्क्रमणको जोखिम घट्दै
कर्णाली प्रदेशमा औलोको जोखिम विगत चार वर्षको तथ्याङ्कलाई हेर्ने हो भने घटेको पाइएको छ । चालु आर्थिक वर्ष २०८०–८१ को फागुन मसान्तसम्म आइपुग्दा आयातित र स्थानीय औलो सङ्क्रमणको जोखिम घट्दै गएको पाइएको हो ।
उद्योग वाणिज्य सङ्घ अध्यक्षमा शाही
कालीकोट उद्योग वाणिज्य सङ्घको अध्यक्षमा रतनबहादुर शाही निर्वाचित हुनुभएको छ । उहाँले तिलबहादुर शाहीलाई ४३ मतले पछि पार्दै दोस्रो कार्यकालका लागि अध्यक्ष पदमा निर्वाचित हुनुभएको हो ।
प्रदेश राजधानीमा खानेपानी समस्या
कर्णाली प्रदेशको राजधानी सुर्खेतमा खानेपानीको समस्या सुरु भएको छ । गर्मीयाम सुरु भएसँगै मुहानमा पानीको स्रोत घटेपछि खानेपानीको अभाव सुरु भएको हो । स्रोत पर्याप्त नहुँदा सुर्खेतमा बर्सेनि खानेपानीको समस्या हुने गरेको छ । वीरेन्द्रनगर–४, कुमाईचोककी पार्वती खड्काले दिनहुँ खानेपानीको चिन्ता हुने गरेको बताउनुभयो । गर्मी सुरु भएसँगै पानीको चरम अभाव हुने गर्दा विशेष गरी गृहिणीलाई बढी गाह्रो हुने गरेको उहाँले बताउनुभयो ।
भूकम्पअघि भाडा भूकम्पपछि त्रिपाल
गत कात्तिक १७ गतेको भूकम्प गएपछि यहाँका अधिकांश बासिन्दाको बास त्रिपालमुनि हुन थालेको छ । त्रिपालमा बस्दा त्रिपाल च्यातिन थालेकाले भूकम्पपीडितको अवस्था विचल्ली हुन थालेको छ । भेरी नगरपालिका–१, रिम्ना बजारमा मजदुरी गर्ने चार घरपरिवारले अस्थायी आवासका लागि पाइने पहिलो किस्ता रकम पनि नपाएपछि त्रिपालमै बस्नु परेको छ । बारेकोट गाउँपालिकाका तीन घरपरिवार, भेरी नगरपालिका–२, रिसाङका एक घरपरिवार पहिले भाडाको घरमा बस्दै आएका थिए, भूकम्पपछि ती घरपरिवारको बास त्रिपालमुनि भएको छ । मनिष चलाउने, देवी पुन, जयरूपा बोहोरा र लोकेन्द्र परियारको घरपरिवारको अवस्था यस्तै रहेको छ ।
-original-thumb.jpg)
गमला र च्याउ बेचेर पढाइ खर्च जुटाउँदै
रुकुम (पश्चिम) को आठबिसकोट नगरपालिका–९ मा रहेको राडीज्युला शिक्षा क्याम्पसका विद्यार्थीले आफ्नो पढाइ खर्च आफैँ जुटाउन थालेका छन् । क्याम्पसमा सञ्चालित ‘कमाउँदै–पढ्दै कार्यक्रम’ मार्फत गमला उत्पादन र च्याउ खेती गरेर विद्यार्थीले आफ्नो पढाइ खर्च जुटाउन थालेका हुन् ।
दुई समूहबिच झडप, एक युवाको मृत्यु
सल्यानको कुमाख गाउँपालिका–५ मा दुई समूहबिच भएको झडपमा परी एक जनाको मृत्यु भएको छ । गएराति करिब १० बजे झारकाँडा र कौछेका युवाहरूबिचमा झडप हुँदा एक जनाको मृत्यु भएको हो ।
मलामी गएका एक व्यक्ति नदिमा डुबेर बेपत्ता
रुकुमपश्चिमको चौरजहारी नगरपालिका-३ रानिसागर स्थित भेरीनदिमा एक पुरुष बेपत्ता भएका छन् ।
कर्णालीको मन्त्रिपरिषद् विस्तार
कर्णाली प्रदेशको मन्त्री मण्डलमा एक जना मन्त्रीले पद तथा गोपनीयताको शपथ लिनुभएको छ। सत्ता साझेदार दल नेकपा माओवादी केन्द्रबाट रनसिंह परियार बिना विभागीय मन्त्री बन्नुभएको हो।
उद्योग वाणिज्य संघमा दुई प्यानल चुनावी प्रतिस्पर्धामा
कालीकोट उद्योग वाणिज्य सङ्घ प्यानलगत चुनावी मैदानमा उत्रिएको छ। सदस्यता नवीकरण विवाद, कानुनी प्रक्रियामा केही समस्या देखिएपछि एक महिना अघि स्थगित भएको कालीकोट उद्योग वाणिज्य सङ्घको २१ औँ चुनावी सभामा सहमतिको प्रयास असफल भएपछि दुवै समूहमा चुनावी मैदानमा उत्रेका हुन्।
कर्णालीमा मन्त्रिपरिषद् विस्तार हुँदै, भोलि विश्वासको मत
कर्णाली प्रदेश सरकारको मन्त्रिपरिषद् आज विस्तार हुने भएको छ । सत्तारुढ दल नेकपा (एमाले) र नेकपा (माओवादी केन्द्र) बिच मन्त्रालयको भागबण्डामा सहमति जुटेपछि मन्त्रिपरिषद विस्तार हुन लागेको हो ।
दोजाम कर्णालीमा बेलिब्रिज निर्माण गर्न माग
जिल्ला समन्वय समितिका प्रमुख शिवराज शर्माले असारसम्म सदरमुकाम सिमकोटलाई राष्ट्रिय सडक सञ्जालसँग जोड्नका लागि दोजाम कर्णाली नदीमा तत्कालका लागि बेलिब्रीज निर्माणको माग लिएर जनप्रतिनिधिहरु काठमाडौं लाग्नु भएको बताउनुभयो ।
कर्णालीका मुख्यमन्त्री कँडेलले बिहीबार विश्वासको मत लिनुहुने
कर्णाली प्रदेशका मुख्यमन्त्री यामलाल कँडेलले वैशाख १३ गते बिहीबार सांसदबाट विश्वासको मत लिनुहुने भएको छ । त्यसका लागि मङ्गलवार प्रदेशसभा सचिवालयमा मुख्यमन्त्री कँडेलले पत्र दर्ता गराई सक्नुभएको छ ।
गहुँ बोटमै सुकेपछि भोकमरी टार्न भारततर्फ
खडेरीले गहुँ वाली बोटमै सुक्न थालेपछि कर्णालीका जिल्लाहरूमा भोकमरीको सामना गर्नु पर्ने देखिएको छ । गत असोज देखि खासै पानी परेन । कहिले काहीँ पर्ने पानीले सुख्खा क्षेत्रमा छरिएको गहुँलाई खासै सिचाई पुगेन । सिचाई अभाव भई रहेका क्षेत्रमा पाक्दै गरेको गहुँ बोटमै सुक्न सुरु गरेको छ । फागुन महिनामा कहिले काहीँ पर्ने पानीले गहुँका बाला (फल) लागेको थियो ।
गाउँ पस्यो डढेलो, जनधनको क्षति
जङ्गलमा लागेको डढेलो गाउँसम्म सल्किँदा रुकुमपश्चिममा एक जनाको मृत्यु भएको छ । डढेलोले गर्दा १८ वटा घर जलेर नष्ट भएका छन् । अनियन्त्रित आगलागीका कारण पशुचौपायासमेत मरेका छन् भने दुई बस्तीका ९० घर जोखिममा छन् । आगलागीमा परेर बाँफीकोट गाउँपालिका–३ की ७० वर्षीय बुदी कामीको मृत्यु भएको छ । जिल्ला प्रहरी कार्यालयका अनुसार स्थानीय ढारपाखा सामुदायिक वनबाट फैलिएको आगो बाँफीकोट गाउँपालिका–३ को नेपाने हुँदै दारकाट्टे गाउँसम्म सल्केको थियो । घरभित्र रहेका गरगहना निकाल्ने व्रmममा कामीको मृत्यु भएको जिल्ला प्रहरी कार्यालयका प्रहरी नायब उपरीक्षक (डिएसपी) नवराज पोखरेलले जानकारी दिनुभयो । उहाँका अनुसार उक्त आगलागीको कारण बाँफीकोट गाउँपालिकाको वडा नं. २ र ३ मा १८ वटा घर जलेका छन् ।
गुनासो सुन्न एक घण्टा
जिल्ला प्रशासन कार्यालय दैलेखमा सेवा लिन आएका सेवाग्राहीका गुनासो सुन्न ‘एक घण्टा’ समय निर्धारण गरिएको छ । जिल्ला प्रशासन कार्यालय दैलेखमा सेवा लिन आएका सेवाग्राहीसँग प्रमुख जिल्ला अधिकारी खिमराज भुसालद्वारा ‘एक घण्टा’ समय निर्धारण गरिएको छ । शनिबारबाहेक हरेक दिन १२ बजेदेखि १ बजेसम्म सेवा दिएका सेवाग्राही र सेवा लिन बाँकी रहेका सेवाग्राहीसँग कार्यालयले प्रवाह गरिरहेको सेवा र त्यसको प्रभावकारितासम्बन्धी नागरिकका गुनासो सुन्ने उद्देश्यले प्रमुख जिल्ला अधिकरीद्वारा ‘सेवाग्राहीसँग एक घण्टा कार्यक्रम’ सञ्चालन गरिएको जिल्ला प्रशासन कार्यालयले जनाएको छ ।
बँदेलको आक्रमणबाट सात जना घाइते
दैलेखको भैरवी गाउँपालिका–६ मा बँदेलको आक्रमणमा परि सात जना घाइते भएका छन् । जङ्गलबाट मात्तिएर गाउँ पसेको बँदेलले मानिसलाई आक्रमण गरेको वडा नं. ६ का वडा अध्यक्ष तुलबहादुर हमालले बताउनुभयो ।
हस्तान्तरण नगर्दै सूचना केन्द्र भवन तोडफोड
सिमकोट गाउँपालिका–५ को तल्लो गाउँमा निर्माण गरिएको सूचना केन्द्र भवन तोडफोड गरिएको पाइएको छ ।
