गोठमा घाँस हाल्न गएका एक पुरुष मृत फेला
रुकुमपश्चिममा एक पुरुषको शव फेला परेको छ। जिल्लाको मुसीकोट नगरपालिका–७ साँखका ४७ वर्षीय तुल्सीराम घर्ती पाखागाँउस्थित आफ्नै गोठ नजिक मृत अवस्थामा फेला परेको प्रहरीले जनाएको छ।
हुम्लामा तेस्रो पटक हिमपात (फोटो फिचर)
हुम्लामा तेस्रो पटक हिमपात हुँदा किसानलाई राहत मिलेको स्थानीय गौगोरा बोहराले बताउनुभयो । यतिबेला परेको हिउँले जेठासी बालीको उत्पादन राम्रो हुने हुम्लाका किसानको भनाइ छ ।
कर्णाली र लुम्बिनीद्वारा साझेदारी गर्ने सहमति
कर्णाली र लुम्बिनी प्रदेशको विकास निर्माण तथा जनजीविकाको सवालमा दुवै प्रदेशले आगामी दिनमा साझेदारी गर्ने प्रतिबद्धता जनाएका छन् ।
कालिकोटमा ३.७ म्याग्निच्युडको भूकम्प
कालिकोट जिल्लाको लाली क्षेत्रमा गए राति स्थानीय समय अनुसार २३ः३१ बजे ३.७ म्याग्निच्युडको भूकम्प गएको छ। राष्ट्रिय भूकम्प मापन केन्द्र (एनईएमआरसी) का अनुसार यो भूकम्प पुस १२ गते (सन् २०८१) मा मापन गरिएको हो।
सोह्र फिट अग्लो मूर्ति निर्माण
धार्मिक तथा ऐतिहासिक महत्व बोकेको खार्पुनाथ शिवालय क्षेत्रमा जिल्लाकै सबैभन्दा अग्लो सोह्र फिटको शिव भगवान्को मूर्ति निर्माण गरिएको छ ।
फोर्स गाडी दुर्घटनामा चालक गम्भीर घाइते
सल्यानमा फोर्स गाडी दुर्घटनामा चालक गम्भीर घाइते भएका छन् । घाइते हुनेमा बनगाड कुपिण्डे नगरपालिका ५ का २६ बर्षिय नविन रावत रहेको जिल्ला प्रहरी कार्यालय सल्यानले जनाएको छ ।
कर्णालीमा जेसिबी पल्टिँदा एकजना बेपत्ता
कालीकोटको पचालझरना गाउँपालिका ८ चाटेबगरस्थित कर्णाली नदी तर्ने क्रममा जेसीबी (डोजर) पल्टिँदा एक जना बेपत्ता हुनुभएको छ । कर्णाली करिडोरबाट नदीपारि जारकोट जाने क्रममा नदीमा डोजर पल्टिँदा डोजरसहित पचालझरना ८ का ४० वर्षीय कुस्माखर सन्ज्याल बेपत्ता हुनुभएको प्रहरीले जनाएको छ ।
कर्णाली र लुम्बिनी प्रदेशबिच सहकार्य गर्ने समझदारी
कर्णाली र लुम्बिनी प्रदेश सरकारबिच अन्तर प्रदेश विकास र समृद्धिमा सहकार्य गर्ने समझदारी भएको छ ।
ढुङ्गाखानीमा पुरिएर एकको मृत्यु
सल्यानमा ढुङ्गाखानीमा पुरिएर एक जनाको मुत्यु भएको छ ।
नौ रुपियाँको नुन किन्न पच्चिस सय खर्च
सर्केगाड गाउँपालिका–१ तुम्च गाउँका नागरिकलाई अनुदानको नुन किन्नका लागि चर्को खर्च गर्नुपर्ने बाध्यता छ । अनुदानमा प्राप्त हुने रु नौको नुनलाई उनीहरुले रु दुई हजार पाँच सयसम्म खर्च गरिरहेका छन् ।
सिँजामा मालपोत र नापी स्थापना हुने
सिँजा क्षेत्रका तीन वटा गाउँपालिकालक्षित गरी मालपोत र नापी कार्यालय स्थापनाका लागि सरकारले निर्णय गरेको छ ।
बालविवाह रोक्न रणनीति बनाउँदै स्थानीय तह
यहाँका स्थानीय तहले बालविवाह रोकथामका लागि रणनीतिक योजना बनाउन थालेका छन् ।
-original-thumb.jpg)
ऋण लिएर घर बनाउँदै भूकम्पपीडित
रुकुमपश्चिमका भूकम्पपीडितले ऋण लिएरै भए पनि आफैँ घर बनाउन थालेका छन् ।
पुष्पलाल मध्यपहाडी राजमार्ग निर्माण अन्तिम चरणमा
पुष्पलाल (मध्यपहाडी) राजमार्ग अन्तर्गत दैलेख खण्डको काम अन्तिम चरणमा पुगेको छ ।
हुम्लाको श्रीनगरगाउँ
हुम्लाको अदानचुली गाउँपालिका वडा नं. २ र ३ मा पर्ने श्रीनगरगाउँको बस्ती। माटोले छाएका परम्परागत घर रहेका यो गाउँमा पछिल्लो समय टिनले छाएका घर समेत थपिँदै गएका छन् ।
काँक्रेविहार मन्दिर
वीरेन्द्रनगर, पुस ११ गते । वीरेन्द्रनगर नगरपालिका–९ स्थित काँक्रेविहार मन्दिर । वीरेन्द्रनगर उपत्यकाको बिच भागमा जङ्गलको थुम्कोमा रहेको काँक्रेविहार पुरातात्विक र ऐतिहासिक महत्वले भरिपूर्ण छ । २१ मिटर अग्लो शिखरशैलीको मन्दिरक्षेत्र एक सय ७५ हेक्टर क्षेत्रफलमा फैलिएको छ । तस्बिरः रासस
हुम्लाको श्रीनगरगाउँ
हुम्ला, पुस ११ गते । हुम्लाको अदानचुली गाउँपालिका वडा नं २ र ३ मा पर्ने श्रीनगरगाउँको बस्ती । माटोले छाएका परम्परागत घर रहेका यो गाउँमा पछिल्लो समय टिनले छाएका घर थपिँदै गएका छन् । तस्बिरः रासस
चिसोले जम्न थाल्यो पानी
चिसो बढ्दै गएपछि जुम्लाको जनजीवन प्रभावित भएको छ ।
दैलेखमा पेट्रोलियम पदार्थको अन्वेषण अन्तिम चरणमा
दैलेख, पुस ११ गते । यहाँ जारी पेट्रोलियम पदार्थ अन्वेषणको काम अन्तिम चरणमा पुगेको छ । खानी तथा भूगर्भ विभागका अनुसार हिजो बुधबारसम्म तीन हजार नौ सय तीस मिटर ‘ड्रिलिङ’ सम्पन्न भएको छ । अब ७० मिटर मात्र खन्न बाँकी छ ।दैलेखको भैरवी गाउँपालिका–१ जलजले क्षेत्रमा गत वैशाख २८ गतेदेखि पेट्रोलियम पदार्थ र प्राकृतिक ग्यास अन्वेषणका लागि ड्रिलिङ प्रारम्भ भएको थियो । विभागका पेट्रोलियम परियोजना प्रमुख गणेश नाथ त्रिपाठीका अनुसार यसै महिना ड्रिलिङ सक्ने लक्ष्यका साथ काम भइरहेको छ । चिनियाँ प्राविधिक टोलीले पहिलो चरणमा ‘सिस्मिक सर्भे, जियोलोजिकल सर्भे, म्याग्नेटो टेल्युरिक सर्भे र जिओ केमिकल स्याम्पलिङ सर्भे’ तोकिएकै समयमा सम्पन्न गरेको थियोभने ड्रिलिङको काम पनि निर्धारित समय अगावै सम्पन्न गरिने उहाँले बताउनुभयो । चीन सरकारको रु दुई अर्ब ५० करोड अनुदानमा यो परियोजना कार्यान्वयनमा छ । परियोजनाअन्तर्गत ड्रिलिङका लागि भैरवी गाउँपालिका–१ जलजलेमा ४५ रोपनी जग्गा अधिग्रहण गरिएको थियो । चिनियाँ र नेपाली गरी ८० जनाको समूहले उत्खनन गरिरहेको छ । विभाग, चाइना जियोलोजिकल सर्भे तथा सिबु ड्रिलिङ इन्जिनियरिङ कम्पनी परियोजना कार्यान्वयनमा व्यस्त छन् ।
पञ्चवर्षीय योजनाको मसौदा पारित
कर्णाली प्रदेशको दोस्रो पञ्चवर्षीय योजनाको मसौदा पारित भएको छ । प्रदेश विकास परिषद्को तेस्रो बैठकले पारित गरेको मसौदा अब मन्त्रीपरिषद्को बैठकबाट स्वीकृत भएसँगै कार्यान्वयनमा जाने छ ।
स्वास्थ्य पूर्वाधार प्राथमिकतामा
कर्णाली प्रदेश सरकारले स्वास्थ्य पूर्वाधार निर्माणलाई प्राथमिकतामा राखेको छ ।
वार्षिक दुई करोडको निःशुल्क उपचार
रुकुमपश्चिमको चौरजहारी अस्पतालले हरेक वर्ष एक करोडभन्दा बढी रकमको उपचार सेवा निःशुल्क गर्दै आएको बताएको छ ।
जाजरकोटमा ४.२ म्याग्निच्युटको भूकम्प
काठमाडाैँ, पुस ११ गते । जाजरकोटको नयकवाडा केन्द्र भएर ४.२ म्याग्निच्युटको भूकम्प गएको छ । बिहान ६ः ३३ बजे उक्त क्षेत्रमा भूकम्प गएकाे भूकम्प मापन केन्द्रले जनाएको छ । क्षतिको विवरण भने आउन बाँकी छ ।
प्रदेशसँग सहकार्य गर्दै लगानी बोर्ड
लगानी बोर्डले दिगो विकासका लागि प्रदेश र स्थानीय सरकारसँग सार्वजनिक निजी साझेदारी मोडेलमा सहकार्य गर्न खोजिरहेको छ ।
-original-thumb.jpg)
ट्रक दुर्घटना हुँदा चालकसहित दुई घाइते
राप्ती राजमार्गअन्तर्गत रुकुमपश्चिमको त्रिवेणी गाउँपालिका –६ गणेशमोड नजिक काप्रोपानीमा मालबाहक मिनि ट्रक दुर्घटना भएको छ । ट्रक दुर्घटनामा परेर दुई जना घाइते भएका छन् ।
