जुम्लामा निर्माण भएका लिफ्ट सिँचाइ आयोजना अलपत्र
जुम्लामा लाखौँ बजेटबाट निर्माण भएका सोलार लिफ्ट सिँचाइ आयोजना अलपत्र परेका छन् । प्रदेश सरकार र पालिकाको बजेटबाट निर्माण भएका लिफ्ट आयोजना अलपत्र भएका हुन् ।
खानेपानीको समस्या बढ्दै
भूकम्पपछि सरकारले जाजरकोट जिल्लालाई सङ्कटापन्न क्षेत्र घोषणा गरेको छ । जिल्लाको भूकम्प प्रभावित क्षेत्र सात वटै स्थानीय तहका ग्रामीण बस्तीमा खडेरी बढेसँगै पानीका मुहान सुक्न थालेपछि समस्या बढेको छ ।
प्रमुख प्रशासकीय अधिकृत नहुँदा सेवा प्रभावित
यहाँको छायानाथ रारा नगरपालिकामा प्रमुख प्रशासकीय अधिकृत नहुँदा स्थानीय तहको काम प्रभावित भएको छ । प्रमुख प्रशासकीय अधिकृत नहुँदा यस क्षेत्रका सेवाग्राहीले समस्या भोग्नु परेको छ ।
भूकम्पको क्षति बिर्सन नपाउँदै पुनः भूकम्प
गत वर्ष कात्तिक १७ गतेको भूकम्पको क्षति बिर्सन नपाउँदै शुक्रबार साँझ तीन मिनेटको फरकमा कुसे गाउँपालिका–९, पैङ्क केन्द्रविन्दु भएर भूकम्प गएपछि जाजरकोटवासी त्रसित छन् । शुक्रबार राति ८:७ बजे र ८:१० मिनेटमा ५.२ र ५.५ म्याग्निच्युडको भूकम्प गएपछि सर्वसाधारण त्रसित भएका हुन् ।
दैलेखमा एक सय परिवारलाई धुवाँरहित चुलो वितरण
दैलेखको गुराँस गाउँपालिकाले फलामको चुलो वितरण गरेको छ । गाउँपालिकाले दलित तथा अति विपन्न गुराँस गाउँपालिका–३ र ४का एक सय घर परिवारलाई सुधारिएको फलामको चुलो वितरण गरेको हो ।
कर्णालीलाई दस अर्ब सत्ताइस करोड राजस्व अनुदान
राजस्व बाँडफाँट अन्तर्गत कर्णाली प्रदेश सरकारले सङ्घीय सरकारबाट १० अर्ब रुपियाँभन्दा बढी अनुदान पाउने भएको छ । आगामी आर्थिक वर्ष २०८२/८३ मा राजस्व बाँडफाँटबापत प्रदेशले अनुमानित १० अर्ब २७ करोड ३० लाख रुपियाँ पाउने भएको हो ।
जाजरकोट भूकम्पमा आठ जना घाइते
जाजरकोटको कुसे गाउँपालिका–९ पैङ्कमा केन्द्रविन्दु बनाएर गएराति गएको ५.२ म्याग्निच्युड र ५.५ म्याग्निच्युडका दुई वटा भूकम्पमा परी आठ जना घाइते भएको छ ।
अटो दुर्घटनामा घाइते स्वास्थ्यकर्मी उपचारको क्रममा मृत्यु
रुकुमपश्चिमको सानीभेरी गाउँपालिकामा भएको अटो दुर्घटनामा परेर घाइते हुनुभएका सिनियर अहेब नरबहादुर खत्रीको उपचारको क्रममा मृत्यु भएको छ ।
-original-thumb.jpg)
जाजरकोट भूकम्प : तीन जना घाइते
शुक्रबार राति जाजरकोटको पैंक केन्द्रबिन्दु भएर गएको भूकम्पका कारण रुकुमपश्चिमका तीन जना घाइते भएका छन् । भूकम्पको डरले भाग्ने क्रममा तीन जना घाइते भएका हुन् ।
जाजरकोट भूकम्प : भाग्ने क्रममा तीन जना घाइते
कुल बहादुर शाही जाजरकोट, चैत २३ गते । गए राति जाजरकोट केन्द्रबिन्दु भएर गएको भूकम्पबाट तीन जना घाइते भएका छन् । जाजरकोटको कुशे गाउँपालिका ९ पैक केन्द्रबिन्दु भएर राति ८ बजेर १० मिनेटको समयमा गएको भूकम्पको त्रासले घरबाट भाग्ने क्रममा तीन जना घाइते भएका हुन्।घाइते हुनेमा भेरी नगरपालिका–२ रिसाङका ओपेन्द्र कार्कीको ४९ वर्षीया श्रीमती कमला कार्की, भेरी नगरपालिका–४ का ३४ वर्षीय सुरेश श्रेष्ठ र नलगाड नगरपालिका–१२ का २२ वर्षीय वीरेन्द्र भण्डारी रहनुभएको जिल्ला प्रहरी कार्यालय जाजरकोटका प्रहरी नायब उपरीक्षक पुरुषोत्तम प्रसाद पाण्डेले जानकारी दिनुभयो। उहाँका अनुसार घाइतेहरू जिल्ला अस्पताल जाजरकोटमा उपचार गरेर डिस्चार्ज हुनुभएको छ । यस्तै भूकम्पबाट भेरी नगरपालिका १० बस्ने कमला गोसाईंको १ तले पक्की घरको कोठाको पर्खाल समेत भत्किएको छ । शुक्रवार राति ८ बजेपछि जाजरकोटमा ३ मिनेटको फरकमा दुई भूकम्प गएका थिए । शुक्रवार राति ८ः०७ मा ५.२ म्याग्निच्युडको भूकम्प गएको ३ मिनेटमै ५.५ म्याग्निच्युडको अर्को भूकम्प गएको हो । भूकम्पको धक्का कर्णाली, सुदूरपश्चिम, बागमती र लुम्बिनीका जिल्लाहरूमा समेत महसुस गरिएको थियो ।
सामुदायिक विद्यालयको बेरुजु चौध करोडभन्दा बढी
कालीकोट जिल्लाका सामुदायिक विद्यालयको बेरुजु रकम १४ करोडभन्दा बढी देखिएको छ । तत्कालीन जिल्ला शिक्षा कार्यालयबाट विद्यालय भौतिक पूर्वाधार निर्माणका ला
तीन मिनेटको फरकमा जाजरकोटमा भूकम्प
जाजरकोटमा ३ मिनेटको फरकमा दुई वटा भूकम्प गएको छ । शुक्रबार राति ८ः०७ मा ५.२ म्याग्निच्युडको भूकम्प गएको ३ मिनेटमै ५.५ म्याग्निच्युडको अर्को भूकम्प गएको हो ।
सिंजाको नराकोटमा मालपोत र नापी कार्यालय स्थापना
सिंजा क्षेत्रको तिनवटा स्थानीय तहलाई लक्षित गरि मालपोत र नापी कार्यालय नरोकोटमा स्थापना गरिएको छ ।
भूमिसम्बन्धी समस्या समाधान हुने
नेपाल सरकारका भूमि व्यवस्था, सहकारी तथा गरिबी निवारणमन्त्री बलराम अधिकारीले सरकारले भूमिहीनका समस्या समाधान गर्ने दाबी गर्नुभएको छ ।
हेलिकोप्टरबाट गर्भवतीको उद्धार
जिल्लाको सान्नीत्रिवेणी गाउँपालिका–१ की सबिना बुढामगरलाई हेलिकोप्टरबाट उद्धार गरिएको छ । गर्भावस्थामा अत्यधिक रक्तस्राव भएका कारण उहाँलाई हेलिकोप्टरबाट उद्धार गरिएको हो । सुत्केरी हुने धेरै समयअगाडि नै अत्यधिक रक्तस्राव भएपछि उहाँलाई जिल्ला अस्पताल कालीकोटमा भर्ना गरिएको थियो ।
दुर्गम पुगेका चिकित्सकको दुखेसो : उपकरण बिना नै जोखिममा शल्यक्रिया
स्वास्थ्य सेवा कार्यालय कालीकोटका प्रमुख रेडियोलोजी डाक्टर भीष्मप्रसाद पोख्रेलले दुखेसो गर्नुभयो सरकारसँग धेरै पटक उपकरणको माग गर्दा पनि आपूर्ति भएन ।
छरियो मार्सीको बिउ
जुम्लाको प्रमुख बालीका रूपमा रहेको मार्सी धानको बिउ छरिएको छ । मार्सी धान खेतमा छर्ने तालिका अनुसार चैत २० गते बिउ छरिएको हो ।
जुम्ला कालढुङ्गीको एक घरमा आगलागी
चन्दननाथ नगरपालिका –४ कालढुङ्गीनजिक एक घरमा भिषण आगलागी भएको छ । शिवलक्ष्मी न्यौपानेको घरमा आगलागी भएको प्रहरीले जनाएको छ । तीन तल्लाको घरको दोस्रो तल्लाबाट आगलागी हुँदा घर जलेर नष्ट भएको छ ।
आँखा शिविरबाट एक हजार एक सयले लिए सेवा
नेपाल नेत्रज्योति सङ्घ आँखा उपचार केन्द्र गमगढी मुगुको आयोजनामा सदरमुकाम गमगढीमा मङ्गलबार निःशुल्क आँखा शिविर सम्पन्न भएको छ ।
सिङ्गो बस्ती पहिरोको उच्च जोखिममा
हुम्ला र बाजुरा जिल्लाको सिमानामा रहेक दुबै जिल्लाका बस्ती पहिरोको उच्च जोखिममा छन् ।
बोक्चेगौँडा सडकको स्तरोन्नति सुरु
कर्णाली कोरिडोरको हुम्ला अन्तर्गत याङ्चुकुनादेखि बोक्चेगौँडासम्मको सडक स्तरोन्नति सुरु भएको छ । सो खण्डको असजिलो चट्टानी भिरको काम गर्ने जिम्मा सेनाले पाएलगत्तै बुधबारदेखि स्तरोन्नति सुरु भएको हो ।
तलब माग्दै नगरपालिका घेराउ
कालीकोटको खाँडाचक्र नगरपालिकाभित्रका सामुदायिक विद्यालयका शिक्षकले ६ महिनादेखि तलब भत्ता पाएका छैनन । मासिक रूपमा पाउनु पर्ने तलब भत्ता नपाएपछि मंगलबारदेखि नगरपालिका अगाडि चरणबद्ध आन्दोलन सुरु गरेका छन् ।
तीन महिनादेखि यारी नाकाको भन्सार बन्द
नेपाल र चीनको सिमानामा स्थापना भएको यारी नाका भन्सार कार्यालय तीन महिना भन्दा बढी समयदेखि बन्द रहेको छ। हिउदको समयमा चीनको ताक्लाकोटबाट व्यापार गरेर सामान नभित्रिने भन्दै बन्द गरिएको कार्यालय हालसम्म नखुलेको हो।
प्याजका बेर्नाबाट ६० हजार आम्दानी
ग्रीन हाउसमा उत्पादन गरेको प्याजका बेर्ना बिक्रीबाट एक जना किसानले ६० हजार रुपियाँ आम्दानी गरेका छन् । पछिल्लो समय प्याज खेतीलाई व्यवसायीक रुपमा थालिएपछि प्याजको बेर्ना पनि आम्दानीको स्रोत बनेको हो ।
वडा भित्रका विद्यालयमा बालबालिकालाई भर्ना नगरे सरकारी सेवाबाट वञ्चित गरिने
जाजरकोटको छेडागाड नगरपालिका–८ का बालबालिकालाई वडा भित्रकै विद्यालयमा भर्ना नगरे अभिभावक सरकारी सेवाबाट वञ्चित हुने भएका छन् । नगरपालिकाको कार्यपालिका बैठकले आगामी शैक्षिक सत्रदेखि लागू हुनेगरी सो निर्णय गरेको हो ।
