कर्णाली प्रदेश सभाको बैठक बस्दै
कर्णाली प्रदेश सभाको बैठक आज बस्दैछ । गत माघ ६ गते प्रदेश सभाको बैठक स्थगित भएको थियो ।
सुन गिद्ध, कस्तुरीको संरक्षण गर्न जङ्गलमा क्यामेरा जडान गरिँदै
विश्वकै दुर्लभ वन्यजन्तु सुन गिद्ध, कस्तुरी लगायतका बन्यजन्तुहरु संरक्षण गर्न जङ्गलमा क्यामरा जडान गरिने भएको छ । बारेकोट गाउँपालिका भित्रका सामुदायिक जङ्गलमा क्यामेरा जडान गरिने भएको हो ।
बालविवाहविरुद्ध धामीझाँक्री
जिल्लाको तिलागुफा नगरपालिकाभित्र रहेका धामीझाँक्रीले बालविवाह अन्त्यका लागि साझा प्रतिबद्धता जनाएका छन्। शुक्रबार नगरपालिकामा भेला भएका धामीझाँक्रीले समाजमा रहेको बालविवाहलाई रोक्न सातबँदे प्रतिबद्धता जनाएका हुन्। गाउँमा हुने बालविवाहलाई रोक्न धामीझाँक्री र पुरोहितलाई परिचालन गर्न आयोजना गरिएको सम्मेलनमा सो प्रतिबद्धता जनाइएको हो।
विद्यालयको बजेट कमिसनमा
विद्यालय भवन निर्माणका लागि विनियोजन गरिएको बजेट कमिसनमा प्रयोग भएको पाइएको छ। चालु आर्थिक वर्षमा राष्ट्रपति शैक्षिक सुधार कार्यक्रमअन्तर्गत भवन निर्माणका लागि विनियोजन भएको बजेट कमिसनमा प्रयोग भएको पाइएको हो। सिमकोट गाउँपालिका–४, हिल्दुम गाउँको बालविकास आधारभूत विद्यालयका प्रधानाध्यापक जयदेवी शाहीले आफ्नो विद्यालय भवन निर्माणका लागि आएको बजेट कमिसनमा प्रयोग भएको बताउनुभयो। उहाँले भवन निर्माणका लागि कुल बजेटमध्ये तीन लाख रुपियाँ कार्यक्रमअन्तर्गत योजना छनोटका लागि सहयोग गर्ने माथिल्लो निकायका व्यक्तिलाई विद्यालय व्यवस्थापन समितिका अध्यक्ष लोकराज शाहीले दिएको जनाउनुभयो।
रोकियो बालविवाह
जुम्लामा हुन लागेको दुई जोडीको बालविवाह रोकिएको छ । तिला गाउँपालिका–३ मा बालविवाह हुन लागेको सूचना पाएपछि प्रहरी र सरोकारवाला निकायको सक्रियतामा उक्त विवाह रोकिएको छ। तिला गाउँपालिका–५ की १६ वर्षकी बालिका र सोही गाउँपालिका–३ का बालक १९ वर्षका थिए। १८ वर्षभन्दा कम उमेरका भएकाले उनीहरूबीचको बालविवाह हुन लागेको गोप्य सूचनाका आधारमा बुधबार प्रहरीले उक्त बालविवाह रोकेको जिल्ला प्रहरी कार्यालय जुम्लाका सूचना अधिकारी यामबहादुर बुढाले जानकारी दिनुभयो। उहाँका अनुसार बालविवाह हुनबाट रोकिएका दुवै जनालाई स्थानीय जनप्रतिनिधि, बालिविवाहविरुद्ध काम गर्ने सरोकारवालाको रोहबरमा अभिभावकको जिम्मा लगाइएको छ।
घटेनन् क्षयरोगी
रुकुमपश्चिममा क्षयरोगको निदान तथा नियन्त्रणमा सचेतनाको कमी नै प्रमुख चुनौती रहेको बताइएको छ। विश्व क्षयरोग दिवसका अवसरमा शुक्रबार स्वास्थ्य सेवा कार्यालयले आयोजना गरेको अन्तक्र्रियामा जनचेतनाको अभावले नै क्षयरोग नियन्त्रण हुन नसकेको बताइएको हो।
-original-thumb.jpg)
कर्णालीमा चार अर्ब बजेट रकमान्तर
आर्थिक वर्षको अन्त्यतिर आएपछि कर्णाली प्रदेश सरकारले ठूलो रकम बजेट रकमान्तर गरेको छ । आव २०७९/८० को अन्तिम चौमासिक चल्दै गर्दा करिब चार अर्ब रुपियाँ बराबर बजेट रकमान्तर गरिसकेको छ । कर्णाली प्रदेशको आर्थिक मामिला तथा योजना मन्त्रालयका अनुसार प्रदेश सरकारले चालु आर्थिक वर्षको हालसम्म तीन अर्ब ९१ करोड ४९ लाख ९८ हजार आठ सय रुपियाँ रकमान्तर गरेको हो । कार्यान्वयन हुन नसकेका योजनाबाट रकमान्तर गरी अन्य शीर्षकमा बजेट दिइएको हो ।
सुरु भयो रारा घुम्ने समय
नेपालको सबभन्दा ठूलो रारा ताल घुम्ने मौसम सुरु भएको छ । अन्य मौसमभन्दा चैतदेखि असारसम्म रारामा भ्रमण गर्न उपयुक्त मानिन्छ । काठमाडौँबाट रारा तालको अवलोकन गर्न आएका अनिल श्रेष्ठले यो समयमा राराको मौसम राम्रो पाएको बताउनुभयो । “रारामा आकाशको रङसँगै छिनछिनमा तालको रङ बदलिँदो रहेछ, पानी कहिले नीलो बन्छ, कहिले कालो, कहिले सेतो, रङसँगै पानीको रङ फेरिँदो रहेछ,” उहाँले भन्नुभयो । आकाशमा मडारिने बादलको छाया तालमा पर्दा र बिहान पानी स्थिर भएका बेला तालमा हिमालको छाया टल्किँदा रारा झनै मनमोहक भएको उहाँको अनुभव छ ।
कम्युनिष्ट दलहरूको समाजवादी धारा निर्माण गर्ने पक्षमा छौँ : अध्यक्ष भट्टराई
नेपाल समाजवादी पार्टीका अध्यक्ष डा. बाबुराम भट्टराईले कम्युनिष्ट दलहरूसहितको समाजवादी धारा निर्माण गर्ने पक्षमा रहेको बताउनुभएको छ ।
जाजरकोटमा अवैध मेडिकल सञ्चालन
जाजरकोटमा अधिकांश मेडिकल तथा फार्मेसी दर्ता तथा अनुमति विना नै सञ्चालन हुने गरेको पाइएको छ । जिल्लामा करिब ६० वटा भन्दा बढी मेडिकल सञ्चालनमा रहे पनि १२ वटा मात्र दर्ता भएको पाइएको छ ।
विपत् पूर्वतयारीमा सरकार उदासीन
गर्मीयाम सुरु भएसँगै कर्णाली प्रदेशमा आगलागीका घटना हुन थालिसकेका छन्। प्रदेश प्रहरी कार्यालयका अनुसार चालु आर्थिक वर्षको हालसम्म प्रदेशभर ६२ वटा आगलागीका घटना भएका छन्। यसबाट दुई पुरुष र एक बालिका गरी तीन जनाको मृत्यु भएको छ। छ जना घाइते भएका छन्। ४३ घरमा भौतिक क्षति पुगेको छ तर प्रदेशका स्थानीय सरकारले भने यसतर्फ चासो दिएका छैनन्।
सासू–ससुरालाई सम्मान गर्ने ‘माने पर्व’
हाम्रो समाजमा सम्मानका आआफ्नै शैली छन्। कही सासू–ससुराबाट ज्वाइँचेलाले सम्मान पाउँछन् त कतै ज्वाइँचेलाले सासू–ससुरालाई सम्मान गर्नुपर्छ। हुम्लाको सिमकोटको बरगाउँमा ज्वाइँले सासू–ससुरा मात्र होइन, जेठानलगायतलाई सम्मान गर्नुपर्ने परम्परा छ। सिमकोट गाउँपालिका–३ को बरगाउँको माने पर्वमा छोरीज्वाइँले परम्परागत मान्यताअनुसार आफ्नो जीवनकालमा एक पटक आफन्तलाई सम्मान गर्नैपर्ने हुन्छ।
बालबिवाहबिरूद्ध धामिझाँक्री सम्मेलन
सामाजिक रूपमा रहेको बालविवाहलाई रोक्न धामिझाँक्री र पुरोहितलाई परिचालन गरिएको छ । जिल्लाको तिलागुफा नगरपालिकाले धामिझाक्री र पुरोहित सम्मेलनको आयोजना गरी बालविवाह रोक्न धामिझाँक्री परिचालन गरेको हो ।
विपन्न परिवारलाई बाख्रा वितरण
कृषक समूहले व्यावसायिक बाख्रपालनका लागि विपन्न परिवारलाई उन्नतजातका बाख्रा वितरण गरेको छ । त्रिपुरासुन्दरी नगरपालिका –७ छल गाउँका आर्थिक विपन्न परिवारलाई नाउला मेला कृषि तथा भेडाबाख्रा पालन वृक्षारोपण कृषक समूहले उन्नतजातका बाख्रा वितरण गरेको हो ।
सडक निर्माणले बाटो भत्केपछि पैदल यात्रुहरुलाई सास्ती
कर्णाली कोरिडोरको हुम्ला खण्डमा पर्ने लालीबगरदेखि सुनाखाडासम्म सडक निर्माण कार्यले बाटो भत्किएपछि पैदल यात्रुहरुलाई हिँड्न समस्या भएको छ । दक्षिणी हुम्लामा आउजाउ गर्ने पैदल यात्रुहरुले जोखिम उठाएर यात्रा गर्नु परि रहेको छ ।
हस्तान्तरण नगर्दै भत्कियो मध्यपहाडी लोकमार्ग
राष्ट्रिय गौरवको आयोजनाको रुपमा रहेको पुष्पलाल मध्य पहाडी सडक हस्तान्तरण नहुँदै भत्कन थालेको छ । लोक मार्ग अन्तर्गत जाजरकोटको छेडागाड नगरपालिकाको थलहदेखि जेवासम्मको सडक पिच भत्किन थालेको हो । जाजरकोटको थलह देखि १३ किलोमिटर सडक खण्ड निर्माणको जिम्मेवारी लिएको लामा पीएस कन्स्ट्रक्सन जेभी काठमाडौँले भत्किएको सडक मर्मत गर्ने तर्फ कुनै ध्यान दिएको छैन ।
विद्यालयबाट फर्कँदा बालकको मृत्यु
रुकुम पश्चिममा एक बालकको ढुङ्गाले लागेर मृत्यु भएको छ । आठबिसकोट नगरपालिका वडा नम्बर ११ गोइरी निवासी महेन्द्र परियारका ९ वर्षीय छोरा दीप रोशन परियारको बिहीबार बेलुका मृत्यु भएको हो ।
खर्च घटाउन बजेट कटौती
कर्णाली प्रदेश सरकारले बजेटमा कटौती गरेको छ । चालु आर्थिक वर्षको बजेटबाट २० प्रतिशत रकम घटाइएको आर्थिक मामिला तथा योजना मन्त्रालयले जनाएको छ । यसबाट करिब एक अर्ब १२ करोड रुपियाँ खर्च कटौती हुने बताइएको छ । खर्चमा मितव्ययिता कायम राख्न कर्णाली प्रदेश सरकारले खर्च कटौती गरेको आर्थिक मामिला तथा योजनामन्त्री विनोदकुमार शाहले जानकारी दिनुभयो ।
दैलेखमा पाँच हजार ७३५ परीक्षार्थीले एसइई दिने
चैत १७ गतेदेखि सुरु हुने एसइई परीक्षामा दैलेखबाट पाँच हजार ७३५ परीक्षार्थीले एसइई परीक्षा दिने भएका छन् ।
कर्णालीका पदक विजेता सम्मानित
प्रदेश सरकारले विभिन्न विधाका खेलमा कर्णालीलाई पदक दिलाउने खेलाडीहरूलाई नगद पुरस्कारसहित सम्मान गरेको छ ।
कार्यादेश भए पनि पुल निर्माण काम सुरु भएन
खार्पुनाथ गाउँपालिकाको केन्द्र अन्तर्गत पर्ने कर्णाली नदी माथिको पक्की मोटरेबल पुल निर्माणका लागि नौ महिनाअघि कार्यादेश भए पनि निर्माण कार्य सुरु भएको छैन ।
हत्या कसुरमा जन्मकैदको फैसला
जिल्ला अदालतले डेढ वर्षअघि शिक्षकको हत्या गरेको कसुरमा गुराँस गाउँपालिका–८ मुकुट्ककी २८ वर्षीया मुना राना खड्कालाई जन्मकैद गरेको छ ।
सुर्खेतबाट एसईईमा ९ हजारभन्दा बढी विद्यार्थी सहभागी हुँदै
चैत १७ गतेदेखि सुरु हुने माध्यमिक शिक्षा परीक्षा एसईई परीक्षाका लागि सुर्खेत जिल्लाभरबाट ९ हजारभन्दा बढी विद्यार्थी सहभागी हुने भएका छन्
शहीद परिवारको ध्यानाकर्षण
जुम्लाका शहीद परिवारले प्रधानमन्त्री तथा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’माथि सर्वोच्च अदालतमा विचाराधीन रहेको मुद्दा खारेजीको माग गरेका छन्। जिल्ला प्रशासन कार्यालयमार्फत प्रधानमन्त्री पुष्पकमल दाहाल ‘प्रचण्ड’लाई ध्यानाकर्षण गराउँदै प्रस्तुत तीनबुँदे मागमा सो मुद्दाले द्वन्द्व सिर्जना गर्ने, शान्ति प्रक्रिया बिथोल्ने भएकाले त्यसको अविलम्ब खारेजी गर्न, बेपत्ता पारिएका व्यक्तिको छानबिन, सत्य निरूपण तथा मेलमिलाप आयोग ऐन, २०७१ मा संशोधन गर्न बनेको विधेयक यथाशीघ्र पारित गरी शान्ति प्रक्रियालाई टुङ्गोमा पु-याउन माग गरिएको छ।
स्वास्थ्य स्वयंसेविकालाई मोबाइल
तातोपानी गाउँपालिकाले सूचना प्रवाह गर्न सजिलोका लागि महिला स्वास्थ्य स्वंसेविकालाई मोबाइल वितरण गरेको छ। गाउँपालिका स्वास्थ्य शाखा प्रमुख गुरुप्रसाद चौलागाईंका अनुसार सूचना प्रवाह प्रभावकारी बनाउन मोबाइल सेट वितरण गरिएको हो। गाउँपालिका अध्यक्ष नन्दप्रसाद चौलागाईंले हाल २६ जना महिला स्वास्थ्य स्वयंसेविकालाई मोबाइल वितरण गर्नुभयो। गाउँपालिकामा जम्मा ६७ जना महिला स्वास्थ्य स्वयंसेविकालाई नै मोबाइल वितरण गरिने कार्यक्रम रहेको बताइन्छ।
