चरेससहित दुई जना पक्राउ
दार्चुलामा लागूऔषध चरेससहित दुई जना पक्राउ परेका छन् । शैल्यशिखर नगरपालिका–९ नायलबाट आज उनीहरू पक्राउ परेका हुन् ।
निउरेको निधन पछि शोक बिदा
कैलालीको घोडाघोडी नगरपालिकाले कार्यालयमा कार्यरत कर्मचारीको निधन पछि शोक बिदा गरेको छ ।
नेम्वाङको निधनपछि समाजवादी मोर्चाको कार्यक्रम स्थगित
संविधान सभाका अध्यक्ष तथा नेकपा (एमाले) का उपाध्यक्ष सुवास नेम्वाङको गए राति असामयिक निधन भएपछि आज धनगढीमा आयोजना गरिएको समाजवादी मोर्चाको कार्यक्रम स्थगित गरिएको छ ।
कृषि हाटबजार प्रयोगविहीन
कृषि हाटबजार सञ्चालनका लागि दुई वर्षअघि निर्माण भएको सुविधायुक्त भौतिक संरचना प्रयोगविहीन भएको छ। प्रदेश सरकारको सहयोगमा घेरबारसहित पाँच कट्ठा जमिनमा गोदाम घरसहित कृषि हाटबजारको संरचना निर्माण गरिएको हो। उक्त स्थान पायक पर्ने ठाउँमा नभएपछि कृषि हाटबजारको संरचना प्रयोगविहीन भएको बताइएको छ। घोडाघोडी नगरपालिका–१, सुखड नजिक रहेको कृषिबजार पायक पर्ने ठाउँमा नभएको गुनासो स्थानीयको छ।
पाठेघरको मुखको क्यान्सरविरुद्ध खोप
पाठेघरको मुखको क्यान्सरविरुद्धको भ्याक्सिन (खोप) लगाइने भएको छ। नेपाल सरकारका सातवटै प्रादेशिक अस्पतालबाट पहिलो पटक खोप लगाउन सुरु गरेको छ। डडेलधुरा अस्पतालबाट सो सेवाको शुभारम्भ गरिएको छ तर माग आधारमा भ्याक्सिनको भने अभाव रहेको अस्पतालले जनाएको छ। स्वास्थ्य तथा जनसङ्ख्या मन्त्रालय, स्वास्थ्य सेवा विभाग परिवार कल्याण महाशाखाले राष्ट्रिय खोप कार्यक्रम एचभिपी अभ्यास अभिमुखीकरण अन्तर्गत यही भदौ २७, २८ र २९ गते खोप लगाइने जानकारी दिएको छ।
सामाजिक अन्धविश्वास : आत्महत्या गर्नुमा देवीदेउतालाई दोष
आत्महत्याका घटना रोकथाम गर्न मनोपरामर्श र मानसिक स्वास्थ्य उपचार अत्यावश्यक भए पनि बैतडीलगायत सुदूरपश्चिम प्रदेशका विभिन्न जिल्लामा देवीदेउतालाई दोष देखाउने प्रचलन रहेको छ। बैतडी जिल्लामा हरेक एक महिनामा दुई जनाले आत्महत्या गर्ने गरेको जिल्ला प्रहरी कार्यालयको तथ्याङ्कले देखाएको छ। स्वास्थ्य कार्यालय बैतडीका प्रमुख योगेशप्रसाद भट्टले मानसिक स्वास्थ्यलाई देवीदेउतासँग जोडेर गलत धारणा बनाउने कुप्रचलन रहेको बताउनुभयो।
बैङ्किङ कसुरका फरार प्रतिवादी पक्राउ
कैलाली प्रहरीले बैङ्किङ कसुरका फरार एक जना प्रतिवादीलाई पक्राउ गरेको छ । प्रहरीले घोडाघोडी नगरपालिका –४ महितुवा टोलका ३६ वर्षीय ज्ञानबहादुर चौधरीलाई पक्राउ गरेको हो ।
विपद् प्रभावित मुक्त कमैयालाई घर हस्तान्तरण
कैलालीको विपद् प्रभावित मुक्त कमैयालाई नयाँ घर हस्तान्तरण गरिएको छ । कैलारी गाउँपालिका–७ विपतपुरका अग्नि पीडित मुक्त कमैयालाई आज नयाँ घर हस्तान्तरण गरिएको हो ।
शैल्यसिखर नगरपालिका-२ का वडा सचिव मृत फेला
दार्चुलाको शैल्यसिखर नगरपालिका–२ का वडा सचिव खेमराज कपाडी मृत भेटिएका छन् । शैल्यसिखर नगरपालिका–२ रौतेउडा निवासी २८ वर्षीय कपाडी बैतडीको दोगडाकेदार गाउँपालिका–५ सल्सेनामा मृत भेटिएको जिल्ला प्रहरी कार्यालय दार्चुलाका प्रहरी प्रवक्ता ज्ञानेन्द्रबहादुर सिंहले जानकारी दिनुभयो ।
अटो दुर्घटनामा एकको ज्यान गयो
डोटीको बडीकेदार गाउँपालिका–१ रुमाल भिरमा अटो दुर्घटना हुँदा एक जनाको ज्यान गएको छ ।
खेतमै सुक्यो धान, चिन्तामा किसान
कञ्चनपुरको पुनर्वास नगरपालिका–५ उर्दीका देव बोगटीले १० कट्ठा जमिनमा धानखेती गर्नुभएको थियो । अहिले खेती पूरै सखाप भएको छ । धानका बाटो सुकेका छन् । केही बोट रातो–पहेँलो भएका छन् ।
तरकारी खेतीबाट २५ लाख बढी आम्दानी
कञ्चनपुरको भीमदत्त नगरपालिका-११ भुजेलाका वीरबहादुर खड्काले व्यावसायिकरुपमा तरकारी खेती गरेर वार्षिकरुपमा रु २५ लाख बढी आम्दानी गर्दै आउनुभएको छ ।
डोको डाला बुनेर गुजारा चलाउने बाजुराका कृष्णबहादुर
पश्चिम नेपालका अधिकांश युवाहरू भारतमा रोजगारीका लागि जाने गर्छन् तर बाजुरा बूढी गङ्गा नगरपालिका वडा नं –४ साउँ बाडाका कृष्णबहादुर खाती भने गाउँमै एउटा उदाहरणीय पात्र बनेका छन् ।
जयपृथ्वी राजमार्ग अवरुद्ध
अविरल वर्षापछि जयपृथ्वी राजमार्ग अवरुद्ध बनेको छ । आइतबार दिउँसो बैतडीको पाटन नगरपालिका–८ विजयपुर नजिकै सडक माथिबाट ठुलो ढुङ्गा खस्दा उक्त राजमार्ग अवरुद्ध भएको हो ।
सुदूरपश्चिम प्रदेशको राजधानी सार्ने कुरा उठ्न थाल्यो
सुदूरपश्चिम प्रदेशको स्थायी राजधानी गोदावरीको विकल्प खोज्ने विषयमा कुरा उठ्न थालेको छ । राजधानी बनाउन गोदावरीमा जग्गा प्राप्त गर्न नसकेपछि त्यसको विकल्प खोज्ने कुरा उठेको हो । २०७५ असोज १२ गते प्रदेश सभाबाट दुई तिहाइ बहुमतले प्रदेश राजधानी र नाम टुङ्गो लगाइएको थियो । सदनको बहुमतले कैलालीको गोदावरी नगरपालिका–२ र ४ मा पर्ने तेघरीस्थित वन क्षेत्रमा राजधानी बनाउने टुङ्गो लगाएको हो ।
महिलामैत्री बैङ्क बन्यो जगन्नाथ सहकारी
मासिक २५ रुपियाँबाट बचत सुरु गरेको महिला सहकारीमा तीन करोड रुपियाँ जम्मा भएपछि सहकारीको हैसियत बैङ्कभन्दा कम छैन । सहकारीले महिलालाई बिनाधितो करोडौँ रुपियाँ ऋण लगानीसमेत गरेको छ । बैतडीको दशरथचन्द नगरपालिका–४, शाहीलेकस्थित जगन्नाथ महिला बचत तथा ऋण सहकारी संस्थामा छ सयभन्दा बढी महिला बचतकर्ता रहेका छन् । २०५४ सालमा स्थानीय ५४ जना महिलाले मासिक २५ रुपियाँबाट बचत सुरु गरेको सहकारी संस्था महिलाको आफ्नै बैङ्क बन्न पुगेको छ । झोलामा बचत र पासबुक बोकेर लामो समय सञ्चालन भएको सहकारीले अहिले आफ्नै दुईतले भवनसमेत ठड्याएको छ ।
चितुवाको आतङ्क : तीन व्यक्ति घाइते
नरभक्षी चितुवाको कारण रामारोशन गाउँपालिकाको भटाकाटिया मानिस र घरपालुवा पशुमा आक्रमण गर्न थालेपछि आतङ्क फैलिएको छ ।
नक्कली मह बनाउने भारतीय नागरिक पक्राउ
चिनीको रसमा अखाद्य पदार्थ मिसाएर नक्कली मह निर्माण गरी बिक्री गर्ने भारतीय नागरिकलाई पक्राउ गरिएको छ ।
साँफे-मार्तडी राजमार्ग सुचारु
बाजुराको साँफे-मार्तडी राजमार्ग पुनः सुचारु भएको छ । गत शनिबार राती परेको अविरल वर्षाका कारण जिल्ला सदरमुकाम जोड्ने सो राजमार्गमा पहिरो गएपछि केही समय अवरुद्ध भएको हो ।
कृषि हाटबजार संरचना प्रयोगविहीन
कृषि हाटबजारका लागि दुई वर्ष पहिले निर्माण सम्पन्न भएको सुविधासम्पन्न भौतिक संरचना हालसम्म प्रयोगमा आउन सकेको छैन ।
पहिरोबाट एक युवकको मृत्यु
जिल्लाको अमरगढी नगरपालिका–४ बस्ने १७ वर्षीय राकेश ऐरको ज्यान गएको हो । प्रहरीका अनुसार दिपायलबाट डडेल्धुरातर्फ आउँदै गरेको म१प ८८३० नम्बरकोे मोटरसाइकल पछाडि सवार ऐरको टाउकामा शनिबार माथिबाट खसेको ढुङ्गा लागेका थियो ।
पहिरोले महाकाली राजमार्ग अवरुद्ध
बैतडी, भदौ २४ गते । अविरल वर्षापछि आएको पहिरोले महाकाली राजमार्ग अवरुद्ध भएको छ । वर्षापछि बैतडीको सतबाँझ–गोकुलेश्वर सडकखण्डको धर्मघरनजिकै आज ११.३० बजे सडक माथिबाट पहिरा खस्दा राजमार्ग अवरुद्ध बनेको हो । राजमार्ग अवरुद्ध हुँदा यातायात आवागमन पूर्णरुपमा बन्द भएको बैतडीका प्रहरी प्रवक्ता, प्रहरी निरीक्षक योगेश खत्रीले जानकारी दिनुभयो । उहाँका अनुसार अहिले यात्रुहरु बीचबाटोमै अलपत्र परेका छन् । पहिरा पन्छाएर राजमार्ग सञ्चालन गर्न जेसिबी पहिरो खसेको स्थानतर्फ गइरहेको जिल्ला प्रहरी कार्यालयले जनाएको छ । शनिबारदेखि भइरहेको अविरल वर्षाका कारण यहाँको जनजीवन प्रभावित भएको छ । रासस
साँफे–मार्तडी सडक अवरुद्ध
सदरमुकाम मार्तडी जोड्ने सडक गए रातिदेखि अवरुद्ध भएको जिल्ला प्रहरी कार्यालयका प्रहरी निरीक्षक दानसिंह भण्डारीले जानकारी दिनुभयो । अम्कोटमा पहिरो लगातार बग्न थालेकाले पन्छाउन सम्भव नभएको उहाँले बताउनुभयो ।
शीतभण्डार सङ्कटमा
कैलालीको घोडाघोडी नगरपालिका–१०, पहलमानपुरमा रहेको सुदूरपश्चिम प्रदेशकै ठुलो क्षमताको शीतभण्डार सङ्कटमा परेको छ। शीतभण्डार सञ्चालनका लागि लिएको ऋण समयमै तिर्न नसक्दा शीतभण्डार सङ्कटमा परेको हो। स्थानीय किसानका उत्पादन स्टोर गर्ने स्थान नभएपछि सुदूरपश्चिम मोहन्याल कृषि तथा पशुपालन व्यवसाय प्रालिले २०७७ साल फागुनमा तीन हजार मेट्रिक टन क्षमता भएको शीतभण्डार सञ्चालनमा ल्याएको हो।
कर्मचारी बिदामा, आयात निर्यात ठप्प
कैलालीको त्रिनगर भन्सार नाकामा रहेको प्लान्ट क्वारेन्टाइन कार्यालय र टुर मुकाम मोहनामा कर्मचारी नहुँदा आयात निर्यात ठप्प भएको छ। सो कार्यालयका बाली संरक्षण अधिकृत प्रमोद ठगुन्ना बिदामा हुनुहुन्छ। यस भन्सार कार्यालयबाट आयात निर्यात हुने फलफूल, तरकारी, खाद्यान्नको आयात र जडीबुटीको निर्यात एक महिनादेखि ठप्प भएको हो। ठगुन्नाले अध्ययनका लागि भन्दै साउन २८ बाट एक महिनाको बिदा लिनुभएको छ। उहाँ अध्ययनको सिलसिलामा पानामा पुग्नुभएको जनाइएको छ। क्वारेन्टाइन कार्यालयले बाहिरबाट आयात हुने तरकारी, खाद्यान्न, फलफूलमा रोग र किरा जाँच गरेपछि मात्रै भित्रिन दिने गरिएको छ।
