• गोरखापत्र अनलाइन
• ३१ भदौ २०८०, आइतबार

खेतीपाती मात्र होइन ज्यान जोगाउनै धौ धौ

बैतडी जिल्लामा पछिल्लो समय बाघ (चितुवा), भालु, बाँदर र जङ्गली बँदेलका कारण खेतीपातीको माया मारेर ज्यान जोगाउन समस्या हुन थालेको छ। चितुवा र बँदेलको आक्रमणमा परी बैतडीमा २६ जनाको मृत्यु भइसकेको छ भने १३ जना घाइते भएका छन्। पञ्चेश्वरमा चितुवाको आक्रमणमा परेर बिहीबार १७ वर्षीय पूजा लोहार गम्भीर घाइते भएको घटना सेलाउन नपाउँदै मेलौली नगरपालिका–३ मा ५५ वर्षीय गजबहादुर भाट भालुको आक्रमणबाट गम्भीर घाइते हुनुभएको छ।