भोदी खेलको संरक्षणमा जुट्दै थारू समुदाय
बर्दघाट सुस्तापूर्वका थारू समुदाय लोप हुन थालेको परम्परागत भोदी खेल संरक्षणमा जुटेका छन् । अनतपर्वका अवसरमा थारू समुदायले खेल्ने भोदी खेल संरक्षणका लागि थारू युवा समूहबीच प्रतियोगिता सञ्चालन गरिएको छ ।
बाटोको असुविधाले गलेखामकोट ओझेलमा
गलेखामकोट तनहुँ सदरमुकाम दमौलीबाट १५ किलोमिटरको दूरीमा अवस्थित छ । व्यास नगरपालिका–६ मा पर्ने गलेखामकोट समुद्री सतहबाट एक हजार तीन सय मिटर उचाइमा अवस्थित छ । यहाँबाट व्यास नगरपालिका, शुक्लागण्डकी नगरपालिका, लमजुङको मध्यनेपाल नगरपालिकालगायतका स्थान सहजै देख्न सकिन्छ ।
भुक्तानी विवाद टुङ्गिएसँगै तनहुँ जलविद्युत् आयोजनाको काम सुरु
भुक्तानी विवादका कारण रोकिएको ऋषिङ गाउँपालिका–१ झापुटारमा निर्माणाधीन एक सय ४० मेगावाट क्षमताको तनहुँ जलविद्युत् आयोजनाको ‘प्याकेज वान’ को काम ५१ दिनपछि पुनः सुरु भएको छ ।
वालिङबाट भीरकोटको प्रशासनिक सेवा
भीरकोट नगरपालिका वडा नं ८ का नागरिकले इलाका प्रशासन कार्यालय, वालिङबाट प्रशासनिक सेवा लिन थालेका छन् ।
पाहुनाको पर्खाइमा मुस्ताङको स्याङगाउँ
कालीगण्डकी नदी किनारको बगरमा हराभरा स्याउ बगैँचा । डाँडामाथि माटोका छाना भएका परम्परागत घरहरू । बीचमा सडक । भित्तातर्फ सुक्खा पहाडमाथि हरियाली वनजङ्गल । झुरुप्पको बाक्लो बस्तीभित्र ढुङ्गा बिछ्याएका सफासुग्घर गल्लीहरू । चिटिक्क परेका घरहरूमा बसोबास गर्ने नेपालका अल्पसङ्ख्यक थकाली समुदायको भाषा, संस्कृति, रहनसहन र जीवनशैली । गाउँको डिलमा बगैँचासहितको उद्यानमा बसेर स्याउका दाना र नाउरको प्रतिमाको पृष्ठभूमिमा देखिने हिमाल, नदी र बस्तीहरू ।
जहाँ पुगे नेपाली, त्यही पुगे चाडपर्व
अहिले धेरैजसो चल्तीमा नेपाली कलाकार विदेशी सहरमा व्यस्त छन्।हिन्दू नारीको पर्व तीज छेक पारी कलाकारलाई विदेशमा हुने नेपालीले कार्यक्रमका लागि डाकेका हुन्।विश्वका जुन जुन ठाउँमा नेपाली पुगेका छन्, नेपाली संस्कार, संस्कृति र चाडपर्व त्यहाँ पनि पुगेको छ ।
सतहत्तर वर्षमा पूरा भयो रहर
सतहत्तर वर्षकी आमाले रचना गर्नुभएको ‘जिन्दगीका पानाहरु’ पुस्तकको शनिबार पोखरामा एक कार्यक्रमका बीच लोकार्पण भएको छ ।
गल्याङ ब्लास्टरलाई क्रिकेट उपाधि
गल्याङ प्रिमियर टी–२० लिग क्रिकेट (जिपिएल) को उपाधि गल्याङ ब्लास्टरले जितेको छ । शनिबार भएको फाइनलमा गल्याङ ईगल्सलाई पराजित गर्दै ब्लास्टरले उपाधि जितेको हो ।
दाहस्थानमा प्रहरीचौकी !
जनताको सुरक्षामा खटिएका प्रहरी छ महिनादेखि दाहस्थानको सत्तलमा रात बिताइरहेका छन् । जिल्लाको मुख्य प्रवेशद्वार मालढुङ्गा चेकपोष्टमा खटिएका नौ जना प्रहरीको रात अहिले मसानघाटको सत्तलमा बित्ने गरेको छ ।
-original-thumb.jpg)
पोखरा–होकुतो भगिनी सम्बन्ध कायम
पोखरा महानगरपालिका र जापानको होकुतो सहरबिच भगिनी सम्बन्ध कायम भएको छ। दुवै सहरबिच पर्वतीय नगर मित्रता सम्झौता पत्रमा पोखरा महानगरपालिकाका प्रमुख धनराज आचार्य र जापानको होकुतो नगरका प्रमुख एइजी उएमुराले शुक्रबार हस्ताक्षर गर्नुभएको हो।
गणेश चतुर्थीमा रोपियो १०८ पिपलका बिरुवा
अर्जुनचौपारी गाउँपालिकाले वडा नम्बर १ पञ्चकन्या धार्मिक वन केटीचौरमा १०८ वटा पिपलका बिरुवा रोपण गरेको छ ।
लोपोन्मुख गिद्ध संरक्षणमा चुनौती
नवलपुरमा पछिल्लो समय लोपोन्मुख गिद्ध संरक्षणमा चुनौती थपिएको छ । जिल्लामा एक वर्षको अवधिमा विषादीयुक्त आहाराका कारण २३ गिद्धको मृत्यु भएको छ ।
-original-thumb.jpg)
समयमै पारिश्रमिक दिने सहमति पछि काममा फर्किएर मजदुर
म्याग्दीमा निर्माणाधीन ४० मेगावाट क्षमताको राहुघाट जलविद्युत आयोजनाका मजदुरहरू काममा फर्किएका छन् । आयोजनाको सिभिल ठेकेदार जयप्रकाश (जेपी) एसाेसिएट्सले समयमै पारिश्रमिक नदिएको भन्दै मजदुरहरूले शुक्रबार आन्दोलन गरेका थिए । मजदुरको आन्दोलनका कारण अडिट नम्बर १, २ र ३ मा निर्माण कार्य प्रभावित भएको थियो ।
-original-thumb.jpg)
गाउँ-गाउँमा सडक कालोपत्रे गर्दै बन्दीपुर गाउँपालिका
पर्यटकको आकर्षण बढाउन र स्थानीयको यात्रा सहज बनाउन तनहुँको एक पालिकामा सडक कालोपत्रे प्राथमिकतामा परेको छ । बन्दीपुर गाउँपालिकाले चालु आर्थिक वर्षलाई सडक कालोपत्रेलाई प्राथमिकता दिएको हो ।
महिलाको नेतृत्वमा बहुउद्देश्यीय भवन निर्माण
म्याग्दीको रघुगङ्गा गाउँपालिका–४, स्थित दग्नाममा आमाहरूको नेतृत्वमा आमा समूहको भव्य बहुउद्देश्यीय भवन गरिएको छ ।
ढोरपाटनमा उच्च घनत्वको स्याउ खेती
बागलुङको ढोरपाटन नगरपालिका–९ स्थित मसमा उच्च घनत्वको स्याउ खेती विस्तार गरिएको छ । कृषि ज्ञान केन्द्र बागलुङको पचास प्रतिशत अनुदानमा उक्त स्याउ खेती विस्तार गरिएको उत्तरगङ्गा अर्गानिक एग्रो फार्मका सञ्चालक सदस्य चिरनकुमार घर्तीमगरले जानकारी दिनुभयो । उहाँका अनुसार गत वर्ष असारमा एक हजार ३२० वटा गोल्डेन, गाला, फुजी, रेड गरी चार जातका स्याउका बेर्ना रोपिएको थियो । मसमा परीक्षणका रूपमा लगाएका स्याउमा राम्रो फल लागेको छ ।
बसको ठक्करबाट दुई जनाको मृत्यु
नवलपुरको गैँडाकोट नगरपालिका वडा नं १० को भैसाखोरीमा गए राति बसको ठक्करबाट दुई जनाको मृत्यु भएको छ ।
बाढीमा मृत्यु हुनेको सङ्ख्या ३ पुग्यो
बागलुङ नगरपालिका–४ कुँडुलेस्थित बान्द्रे खोलामा आएको बाढीले बगाएर मृत्यु हुनेको सङ्ख्या ३ पुगेको छ । अविरल वर्षासँगै खोलामा आएको बाढीले गए राति तीन जना युवालाई बगाएको थियो ।
लडेर एकको मृत्यु
तनहुँमा बिहीबार लडेर घाइते हुनुभएका एक वृद्धको मृत्यु भएको छ । ऋषिङ गाउँपालिका –८ झिरुबास निवासी ७३ बर्षीय लोकबहादुर गुरुङको मृत्यु भएको हो ।
गोरखा–आँबुखैरनी सडक अवरुद्ध
अबिरल बर्षाका कारण गोरखा–आँबुखैरेनी सडक खण्ड अवरुद्ध भएको छ । बिहीबारदेखि परेको अबिरल बर्षाका कारण पृथ्बी राजमार्ग अन्तर्गत गोरखा आँबुखैरेनी सडक खण्ड अवरुद्ध भएको हो ।
सञ्चालन भएन विषादी परीक्षण केन्द्र
स्याङ्जाको गल्याङ नगरपालिका–१, मालुङ्गामा स्थापना गरिएको विषादी परीक्षण केन्द्र प्रयोगमा आउन सकेको छैन । गण्डकी प्रदेशमा भित्रिने कृषि उपज तथा फलफूलमा विषादीको मात्रा परीक्षण गर्न प्रदेशको सिमानामा सात वर्षअगाडि विषादी परीक्षण केन्द्र खोलिएको थियो ।
ग्रामीण सडक कालोपत्रे गरिँदै
स्याङ्जाको गल्याङ नगरपालिकाले ग्रामीण तथा अन्य सडकको कालोपत्रे र व्यवस्थित गर्न सुरु गरेको छ । पालिकाले ११ वटै वडामा रहेका ग्रामीण सडकलाई व्यवस्थित गराउन सक्रियता देखाएको हो । नगरप्रमुख गुरुप्रसाद भट्टराईले अविरल वर्षाका कारण सडक अस्तव्यस्त हुने गरेको भन्दै बाहै्र महिना सञ्चालन हुने गरी काम गरिरहेको जानकारी दिनुभयो । गल्याङ–निबुवाखर्क सडक अन्तर्गतको पढकाङसम्मको सडकलाई कालोपत्रे गर्ने काम पूरा भएको प्रमुख भट्टराईले बताउनुभयो । दुई किलोमिटर सडक कालोपत्रे हुँदा नगरका पश्चिम क्षेत्रका नागरिकलाई सहज भएको उहाँको भनाइ छ । तीन करोड ५० लाख रुपियाँको लागतमा यो सडकको स्तरोन्नतिका साथै कालोपत्रे गरिएको हो ।
पृथ्वी राजमार्गको दमौली–डुम्रे खण्डको अवरोध हट्यो
पृथ्वी राजमार्गको दमौली–डुम्रे खण्डको अवरोध हटेको छ । व्यास नगरपालिका–१२ घाँसी कुवामा खसेको पहिरो पन्छाएर अवरोध हटाइएको थियो ।
बाढीले बगाउँदा बागलुङमा दुईको मृत्यु, एक जना बेपत्ता
बागलुङ नगरपालिका– ४ बान्द्रे खोलामा गएराति आएको बाढीले बगाउँदा एक दुई जनाको मृत्यु भएको छ भने एक जना बेपत्ता भएका छन् । कुँडुलेदेखि मालिका जाँदै गरेको ध२प ८०१० नम्बरको मोटरसाइकल र ध १ प ९९९६ नम्बरका स्कुटर बगाएको हो ।
तनहुँमा विद्युत् उपयोग गर्ने ग्राहक बढे
तनहुँ जिल्लामा विद्युत् उपयोग गर्ने ग्राहक बढेका छन् । नेपाल विद्युत् प्राधिकरण तनहुँ वितरण केन्द्र मातहत ५१ हजार सात सय १७ ग्राहक पुगेका छन् । आर्थिक वर्ष २०८०-८१ मा एक हजार तीन सय ४५ ग्राहक सङ्ख्या वृद्धि भएको वितरण केन्द्रले जनाएको छ ।
