सिलाइकटाईबाटै मुलुकमै स्वरोजगार
अमृतप्रसाद पौडेलम्याग्दी, जेठ १४ गते । नेपालबाट निकै ठूलो संख्यामा युवा रोजगारीका लागि विदेशीमा जाने गरेको भए पनि म्याग्दीका एक युवाले सिलाइकटाइबाटै मनग्य आम्दानी गर्नुभएको छ । हिमाली जिल्ला म्याग्दीको बेनी नगरपालिका–३ भकिम्लिकी मिनाकुमारी पुनले पछिल्लो झण्डै एक दशकदेखि बेनीमै सिलाइकटाईबाट राम्रो आम्दानी गर्दै आउनुभएको छ ।वि.सं. २०६८ सालमा बुटवलमा सिलाइकटाई ट्रेनिङ इन्सिच्युटमा तालिम लिएरपछि घरेलु तथा साना उद्योग कार्यालयले आयोजना गरेको सिलाइकटाई तालिम लिएपछि २०७० मा आधिकारिक रुपमा टेलरिङ सेन्टर शुरु गर्नुभयो । अहिले उहाँ सो क्षेत्रको प्रशिक्षक एवम् उत्कृट टेलरिङ गुरु मानिनुहुन्छ । उहाँले हालसम्म तीन सय जना भन्दा धेरैलाई तालिम दिइसक्नुभएको छ । सिकाएका विद्यार्थीमध्ये अहिले करिब २० प्रतिशतले मात्रै व्यवसाय सञ्चालन गरिरहेको उहाँ बताउनुहुन्छ । मासिक करिब एक लाख रुपियाँको ब्यापारमा करिब २५–३० हजार बराबरको सामग्री खरिदमा खर्चपछि करिब ७० हजार रुपियाँको फाइदा हुने उहाँले बताउनुभयो । अहिले उहाँको टेलरिङ सेन्टरमा नियमित रुपमा ६ जनाले तालिम लिइरहनुभएका छ भने अहिलेसम्म आङ्गता भएका परिवारका सदस्यहरु २२ जनालाई तालिम दिनुभएको छ ।
भिसा लागेपछि भगवानकाे मूर्ति दर्शन गरेका तिवारी बन्नुभयाे मूर्तिकार
जानु पाण्डेकपिलवस्तु, जेठ १४ गते । कतारको भिसा लगाएका कपिलवस्तु बाणगंगाका सुनिलकुमार तिवारी तिलौराकोट दर्शन गर्न पुग्नुभएको थियो । विदेशी पर्यटकले बुद्ध नगरी तिलौराकोटको माटो लुकाएर लैजान लागेको देखेपछि उहाँको मनमा यहाँको माटोबाट केही गर्ने सोच पलाएको थियो । सानैदेखि माटोको मूर्ति बनाउन मन पराउने तिवारीले यहाँको माटोको बुद्धको मूर्ति बनाएर विक्री गर्ने अठोट गर्नुभयो । विदेश नजाने अठोट गर्दै भिसा त्यागेर उहाँले तौलिहवामा मूर्ति बनाउन सुरु गर्नुभयो । अहिले उहाँ मनग्य आम्दानी गर्न सफल हुनुभएको छ ।दुई दशक भारतमा श्रमिकको जीवन बिताउनुभएका उहाँ आफ्नो देशमा काम गर्दै रमाउन लाग्नुभएको छ ।“म कक्षा ३ मा पढ्दादेखि माटोको मूर्ति बनाउन चाहना राख्थे । अरुले मूर्ति बनाएको देखेपछि चाहना लाग्न सुरु भएको थियो । केही वर्ष दसैँको बेलामा दूर्गा मूर्ति बनाउँदै खाली समय काम गर्दै आए पनि ५ वर्ष यता व्यवसायिक रुपमा मूर्ति निर्माण गर्दै विक्री गर्न लागेको छु । परम्परागत सीप मात्र भए पनि युट्युब हेर्दै, भारतको विभिन्न सहरमा मूर्ति बनाएको अवलोकन गरेर सिकेको थिएँ” उहाँले बताउनुभयो । पत्नी, दुई छोरी र एक छोराले उहाँको काममा सघाउने गर्नुहुन्छ । थप एक जना कामदारलाई रोजगारी दिनुभएको छ । उहाँले माटो, सिमेन्ट र फाइवरको प्रयोग गरी मूर्ति बनाउने गर्नुहुन्छ । उहाँले एउटा मूर्तिलाई २५ रुपैयाँ देखि ५ लाख रुपियाँसम्म बिक्री गर्नुभएको छ ।वार्षिक २० लाख भन्दा बढीको मूर्ति विक्री हुने गरेको छ । निर्माण गरिएका मूर्तिलाई सामाजिक सञ्जाल, टिकटकको प्रयोग गरी प्रचार प्रसार गर्दै आउनुभएको छ । सामाजिक सञ्जालको प्रयोगपछि काठमाडाैँ, पोखरा, धनगढी, दाङ, अर्घाखाँचीलगायतका स्थानबाट मूर्तिको माग हुने गरेको छ । शुरुमा माटोको प्रयोग गरी नमूना मूर्तिको बनाउने र नमूना मूर्तिबाट फाइबरको साँचो बनाउने उहाँ बताउनुहुन्छ । पसल अगाडि निर्माण भएका मूर्ति देख्नुभएपछि प्रदेशमन्त्री डिल्लीबहादुर चौधरीले थारु म्युजियमका लागि मूर्तिको अर्डर दिनुभएको उहाँ बताउनुहुन्छ ।उहाँका अनुसार हाल तिलौराकोट आउने स्थानीय र विदेशी पर्यटक समेत मूर्ति लिन आउने गरेका छन् ।
-original-thumb.jpg)
रुकुम पूर्वमा आयुर्वेद उत्पादन केन्द्र बनाउन सकिन्छ : प्रदेशमन्त्री थारु
राजु लामिछानेरुकुम पूर्व, जेठ १४ गते । लुम्बिनी प्रदेशका स्वास्थ्य जनसंख्या तथा परिवार कल्याण मन्त्री इन्द्रजित थारुले रुकुम पूर्वमा आयुर्वेद औषधि उत्पादन केन्द्र बनाउन सकिने बताउनुभएको छ । रुकुम पूर्वको रुकुमकोटमा जिल्ला आयुर्वेद स्वास्थ्य केन्द्रको उद्घाटन गर्नुहुँदै मन्त्री थारुले रुकुम पूर्व जडिबुटीको भण्डार क्षेत्र रहेकाले आयुर्वेद औषधि उत्पादन केन्द्रको सम्भावना बोकेको जिल्ला भएको उल्लेख गर्नुभएकाे हाे । रुकुम पूर्व लुम्बिनी प्रदेशको एक मात्र हिमाली र जडिबुटीको धनी जिल्ला भएकाले यस ठाउँमा आयुर्वेद औषधी उत्पादन केन्द्र निर्माण गर्न सकिने समेत मन्त्री थारुले बताउनुभयो ।‘यहाँ बहुमुल्य जडिबुटी छन्,’ मन्त्री थारुले भन्नुभयो, ‘जिल्लाका सबै दल, जनता, बुद्धिजीविहरु एक भएर यहाँको जडिबुटीलाई संकलन, प्रशोधन गर्ने र औषधि उत्पादन गर्नमा जोड दिनुपर्छ ।’ जिल्लाका विभिन्न स्थानमा पाइने बहुमूल्य जडिबुटीहरु यार्सागुम्बा, पाँचऔले लगायतको संकलन, प्रशोधन र औषधि निर्माणले आर्थिक समृद्धि पनि हुने उहाँले बताउनुभयो । जिल्लामा आयुर्वेद स्वास्थ्य केन्द्रले सेवा सुचारु गरेको एक वर्षपछि औपचारिक रुपमा केन्द्रको उद्घाटन गरिएको हो ।जिल्ला आयुर्वेद स्वास्थ्य केन्द्रको उद्घाटन कार्यक्रममा लुम्बिनी प्रदेशका स्वास्थ्य जनसंख्या तथा परिवार कल्याण मन्त्री इन्द्रजित थारु । तस्बिर ः राजु लामिछाने
तलब नपाएपछि चिकित्सक आन्दोलनमा
बाँके नेपालगञ्ज मेडिकल कलेज शिक्षण अस्पतालका चिकित्सक तथा कर्मचारी पुनः आन्दोलनमा उत्रिएका छन् । चार महिनादेखिको तलब भत्ता नपाएको गुनासो गर्दै उहाँहरू पुनः आन्दोलनमा उत्रिनुभएको हो । पहिलो दिन बिहीबार उहाँहरूले अस्पताल प्रशासनअगाडि एक घण्टा धर्ना दिनुभएको थियो । बिहान ९
बौद्ध विश्वविद्यालय र गौतमबुद्ध विमानस्थलबीच सहकार्य
कपिल ज्ञवालीसिद्धार्थनगर,जेठ १३ गते। लुम्बिनीबौद्ध विश्वविद्यालय र भैरहवास्थित गौतम बुद्ध अन्तर्राष्ट्रिय विमानस्थलबीच द्विपक्षीय सहकार्य सम्बन्धी सम्झौता भएको छ। २०७९ जेठ १२ गते विश्वविद्यालयको सभाहलमा आयोजित एक समारोहबीच दुई संस्थाबीच सहकार्य सम्झौतापत्रमा हस्ताक्षर भएको हो।सम्झौता पत्रमा विश्वविद्यालयका रजिष्ट्रार डा.तिलकराम आचार्य र गौतमबुद्ध अन्तर्राष्ट्रिय विमानस्थलका महापबवन्धक गोविन्दप्रसाद धितालले हस्तारक्षर गर्नुभयो। यो सम्झौतापछि बौद्ध विश्वविद्यालयको केन्द्रीय क्याम्पस लुम्बिनी र सिटी कलेज बुटवलमा स्नातक तहमा ट्राभल एण्ड टुरिजम विषयमा अध्ययनरत विद्यार्थी इन्टनसीपका लागि गौतमबुद्ध अन्तर्राष्ट्रिय विमानस्थलमा जानेछन्। चालु शैक्षिक सत्रमै १३ जना विद्यार्थी अन्तर्राष्ट्रिय विमानस्थलमा सिकाई अभ्यासमा खटिनेछन्।दिगो पर्यटन विकासका लागि नागरिक उड्ययन तथा पर्यटन क्षेत्रमा दक्ष जनशक्ति उत्पादन गर्ने संयुक्त उद्देश्य सहकार्यको रहेको छ। लुम्बिनी प्रदेशभित्रका पर्यटकीय क्षेत्र तथा बौद्ध स्मारकको प्रवद्र्धन गर्ने, नागरिक उड््डयन तथा पर्यटन उद्योग क्षेत्रमा अध्ययन अनुसन्धान गर्ने उद्देश्यले सम्झौता गरिएको हो।सम्झौता पत्रमा साक्षीको रुपमा विश्वविद्यालय केन्द्रीय क्याम्पसका क्याम्पस प्रमुख निरबहादुर गुरुङ, सिटी कलेज बुटवलका संयोजक बलबहादुर पाण्डे तथा गौतमबुद्ध बिमानस्थल व्यवस्थापन विभाग प्रमुख हेमप्रसाद दाहाल र टर्मिन ड्युटी अफिसका प्रमुख सुर्यबहादुर खत्रीले हस्ताक्षर गर्नुभएको छ।कार्यक्रममा बौद्ध विश्वविद्यालय अनुसन्धान केन्द्रका निर्देशक प्रा.डा. गितु गिरी, केन्द्रीय क्याम्पसका सहायक क्याम्पस प्रमुख डा. शारदा पौडेल लगायत शिक्षक तथा कर्मचारीहरुको सहभागिता रहेको थियो।
बुटवलको जीर्ण सडक मर्मत तथा कालोपत्रे गर्न सुरु
। लामो समयदेखि अलपत्र अवस्थामा रहेको बुटवलको मुख्य सडक मर्मतको काम सुरु भएको छ । बुटवल उपमहानगरपालिकाका नवनिर्वाचित प्रमुख खेलराज पाण्डेयको सक्रियतामा सडक मर्मत तथा कालोपत्रे हुने भएको छ ।
रुपन्देहीमा दश कांग्रेस, तीन एमाले र एक–एक जसपा, लोसपा विजयी
रुपन्दहीमा १६ पालिका रहेकोमा दश वटा पालिकाको प्रमुखमा नेपाली कांग्रेसले जितेको छ । त्यस्तै, एमालेले तीन वटा तथा जसपा, लोसपा र जनता प्रगतिशिल पार्टीले एक–एक पालिका जितेका छन् ।
नव निर्वाचित जनप्रतिनिधिलाई अभिमुखिकरण
राजु लामिछाने रुकुम पूर्व, जेठ १३ गते । रुकुम पूर्वको भूमे गाउँपालिकाका नव निर्वाचित जनप्रतिनिधि तथा कर्मचारीलाई तालिम दिइएको छ । सरकार सञ्चालन, कार्य सम्पादनका सन्दर्भमा बिहीबार र शुक्रबार दुई दिने अभिमुखिकरण तालिम दिइएको गाउँपालिकाले जनाएको छ । जनप्रतिनिधि तथा कर्मचारीहरुलाई सहभागी बनाएर समग्र विकास निर्माण, नीति, कार्यक्रम तथा बजेट निर्माणलगायतका विषयमा छलफल समेत गरिएको गाउँपालिकाका प्रमुख प्रशासकीय अधिकृत चन्द्रसिङ श्रेष्ठले जानकारी दिनुभयो । उहाँले बजेट निर्माण कार्य प्रारम्भ भएकाले अलि बढी त्यसमा केन्द्रीत भएर अभिमुखिकरण कार्यक्रम गरिएको जनाउनुभयो । अभिमुखिकरणमा बजेट निर्माण, योजना छनौट, योजना अनुगमन, कार्यान्वयन तथा भुक्तानी लगायतका विषयमा छलफल गरिएको हो । गाउँपालिकाका निवर्तमान अध्यक्ष रामसुर बुढा मगर, प्रमुख प्रशासकीय अधिकृत चन्द्रसिङ श्रेष्ठलगायतले अभिमुखिकरणको सहजिकरण गर्नुभएको हो । कार्य सम्पादनमा सहजता आओस् भन्ने उद्देश्यले कार्यक्रम आयोजना गरिएको भूमे गाउँपालिका अध्यक्ष होमप्रकाश श्रेष्ठले जानकारी दिनुभयो ।
द्वन्द्वपीडित परिवारलाई मासिक भत्ता
पश्चिम नवलपरासीको बर्दघाट नगरपालिकाको पहिलो बैठकले नगरपालिकाभित्र रहेका द्वन्द्वपीडित परिवारका लागि मासिक दुई हजार रुपियाँ भत्ता उपलब्ध गराउने निर्णय गरेको छ । गठबन्धनतर्फबाट निर्वाचित हुनुभएका नगरप्रमुख शम्भुलाल श्रेष्ठ र उपप्रमुख रुद्रप्रकाश उपाध्यायले पहभार ग्रहण गर्दै सो निर्णय गर्नुभएको हो । नगरपालिकाको पहिलो बैठकले नगरपालिकाभित्र रहेका सबै द्वन्द्वपीडित परिवारलाई मासिक दुई हजार रुपियाँ भत्ता उपलब्ध गराउने निर्णय गरेको उपप्रमुख रुद्रप्रकाश उपाध्यायले बताउनुभएको हो ।
तिलोत्तमाको प्रमुखमा कांग्रेसका विजयी
रूपन्देहीको तिलोत्तमा नगरपालिकाको प्रमुखमा नेपाली कांग्रेसका रामकृष्ण खाण बिजयी हुनुभएको छ । उहाँले ७६५ मतान्तरले नेकपा (एमाले)का उम्मेदवार मोहन चापागाईलाई पराजित गर्नुभयो ।
युवाको विदेश पलायन रोक्न कोहलपुरमा रोजगार बैंक स्थापना गर्ने निर्णय
स्थानीय तहमा निर्वाचित हुनुभएका बाँके जिल्लाका विभिन्न पालिका प्रमुख र अध्यक्षहरुले जनतालाई आकर्षित गर्न विभिन्न लोकप्रिय निर्णय गर्नुभएका छन् ।
तुलसीपुुरमा एमालेका उम्मेदवार विजयी
गोकर्ण पौडेलतुलसीपुर, जेठ ११ गते । तुलसीपुर उपमहानगरपालिकाको प्रमुख उपप्रमुख दुवै पदमा नेकपा (एमाले) का उम्मेदवार विजयी हुनुभएको छ । एमालेबाट प्रमुख पदका उम्मेदवार टीकाराम खडकाले ३१ हजार चार सय आठ मत प्राप्त गरी विजयी बन्नुभएको हो । उहाँका निकटतम प्रतिस्पर्धी गठबन्धनबाट काँग्रेसका गेहेन्द्र गिरीले २७ हजार सात सय १६ मत प्राप्त गर्नुभयो । मतान्तर तीन हजार छ सय ३७ रहेको छ ।त्यस्तै, उपप्रमुखमा एमालेकै स्यानी चौधरीले ३० हजार पाँच सय ९७ मत प्राप्त गर्नुभएको छ । गठबन्धनबाट नेकपा (एकीकृत समाजवादी) का जोगबहादुर राणाले २१ हजार एक सय ६५ मत प्राप्त गर्नुभएको छ । मतान्तर नौ हजार ५३२ मत रहेको छ । तुलसीपुरका १९ वटामध्ये एमालेले १० वटामा जित हासिल गरेको छ । २, ३, ६, ८, १०, ११, १३, १५, १८ र १९ नम्बर वडाको नेतृत्वमा जीत हासिल गरेको छ ।सोहीअनुसार, काँग्रेसले चारवटा वडामा जित हासिल गरेको छ । काँग्रेसले ५, ७, ९ र १४ मा वडा नेतृत्वमा जित हासिल गरेको छ । त्यस्तै, नेकपा माओवादी केन्द्रले तीन वटा वडा १, ४ र १२ मा जितेको छ । वडा नम्बर १६ मा स्वतन्त्रका उम्मेदवारले वडाध्यक्षमा जितेका छन् । तुलसीपुरमा काँग्रेस, माओवादी केन्द्र, जनमोर्चा र एकीकृत समाजवादी गठबन्धनमा छन् । एमालेले एक्लै चुनावी मैदानमा थियो । तुलसीपुर एमालेका केन्द्रीय उपाध्यक्ष युवराज ज्ञवाली र महासचिव शंकर पोखरेलको गृह नगर हो ।दाङमा एमालेले दुईवटै उपमहानगरमा जित हात पार्न सफल भएको छ । तुलसीपुरमा २०५४, २०७४ मा पनि एमालेले नेतृत्वमा विजयी हासिल गरेको थियो ।
महाराजगञ्ज नगरपालिकाको प्रमुख र उपप्रमुखमा कांग्रेस विजयी
नारद कोहारतौलिहवा, जेठ ११ गते।कपिलवस्तुको महाराजगञ्ज नगरपालिकाको नगर प्रमुख र उपप्रमुखमा नेपाली कांग्रेस विजयी भएको छ।नगरप्रमुखमा नेपाली कांग्रेसका अब्दुल कलाम खाँ र उपप्रमुखमा रिताकुमारी कुर्मी निर्वाचित हुनुभएको हो ।नगर प्रमुख खाँले १० हजार दुई सय मत प्राप्त गर्दा उहाँका निकटतम प्रतिस्पर्धी नेकपा (एमाले)का रामदास चौधरीले ८ हजार ६६८ मत प्राप्त गर्नुभएको छ। खाँ २०७४ को निर्वाचनमा पनि नगर प्रमुखमा निर्वाचित भएका थिए।निर्वाचित भएका खाँ नेपाली कांग्रेस कपिलवस्तुका जिल्ला सभापति हुन् ।त्यस्तै उपप्रमुखमा निर्वाचित कुर्मी ११ हजार १६७ मत प्राप्त गरी निर्वाचित भएकी छन् भने उहाँका निकटतम प्रतिस्पर्धी एमालेकी उम्मेदवार भानमती यादवले ७ हजार दुई सय मत पाउनुभएको छ।उपप्रमुख जित्नु भएकी रिताले सासुको मृत्युपछि उपमेयरको टिकट पाएकी हुन्।उहाँकी सासू शुभावती कुर्मीको उम्मेदवारी दर्ता गरेपछि निधन भएको थियो।त्यसपछि कांग्रेसले रितालाई उम्मेदवार बनाएको हो।उपप्रमुख उम्मेदवार शुभावतीको मृत्युका कारण महाराजगञ्ज नगरपालिकामा जेठ ३ गते निर्वाचन भएको थियो।११ वटा वडा रहेको महाराजगञ्जमा नेपाली कांग्रेसले नगर प्रमुख र उपप्रमुखसहित ८ वटा वडा जितेको छ।त्यसैगरी नेकपा एमाले, लोकतान्त्रिक समाजवादी पार्टी र जनता प्रगतिशील पार्टीले १/१ वटा वडा जितेको छ।
नागरिक उड्डयन प्राधिकरणले एक वर्षका लागि विभिन्न छुट सुविधा दिने
नेपाल नागरिक उड्डयन प्राधिकरणले मुलुककै दोस्रो अन्तर्राष्ट्रिय विमानस्थलमा नीतिगत रुपमै एक वर्षका लागि विभिन्न सुविधाहरु दिने निर्णय गरेको छ । विमानस्थलका महाप्रबन्धक गोविन्दप्रसाद दाहालले एक वर्षसम्म अवतरण शुल्क, सुरक्षा शुल्क, सञ्चार शुल्क र उड्डयन सेवा शुल्कहरुमा शतप्रतिशत छुट दिने निर्णय नागरिक उड्डयन प्राधिकरणले गरिसकेको जानकारी दिनुभयो ।
कपिलवस्तुमा चट्याङ लागेर एक बालकको मृत्यु, तीन घाइते
कपिलवस्तुको शिवराज नगरपालिकामा चट्याङ लागेर एक बालकको मृत्यु भएको छ । नगरपालिकाको वडा नम्बर ६ पिपरी का ७ वर्षीय रिजवन मोहम्मदको चट्याङ लागेर मृत्यु भएको जिल्ला प्रहरी कार्यालय कपिलवस्तुमा प्रवक्ता प्रहरी नायव उपरीक्षक जेसी शाहले बताउनुभयो ।
भारतीय ट्रकले अटोलाई ठक्कर दिँदा अटोचालकको मृत्यु
सिराज खान नेपालगञ्ज, जेठ ११ गते । कोहलपुरको पिपलचौतारा नजिकै भारतीय ट्रकले अटोलाई ठक्कर दिँदा एक जनाको मृत्यु भएको छ । तीव्र गतिमा रहेको यूपी ३२ डी एन ४३४४ नम्बरको भारतीय ट्रकले भे १ च ४९४१ नम्बरको अटोलाई बुधबार दिउँसो पछाडिबाट ठक्कर दिएको थियो ।दुर्घटनामा परेर घाइते भएका कोहलपुर १३ का अटो चालक २९ वर्षीय राम सेवक थारुको उपचारका क्रममा नेपालगञ्ज मेडिकल कलेज शिक्षण अस्पताल कोहलपुरमा उपचारका क्रममा मृत्यु भएको ईलाका प्रहरी कार्यालय कोहलपुरले जनाएको छ ।भारतीय ट्रक र चालकलाई कोहलपुर प्रहरीले नियन्त्रणमा लिएको छ । यसबारे थप अनुसन्धान भइरहेको कोहलपुर प्रहरीले जनाएको छ ।
कार्यपालिका निर्वाचनका लागि काँग्रेस, माओवादी र राप्रपाबीच नयाँ गठबन्धन
भर्खरै सम्पन्न निर्वाचनमा पाँच दलले गठबन्धन गरेर नेपालगञ्ज उपमहानगरमा विजयी भए पनि कार्यपालिका चयनको विषयमा जनता समाजवादी पार्टीलाई एक्ल्याएर नयाँ गठबन्धन बनाइएको छ । नेपालगञ्ज नगर कार्यपालिकामा नेपाली काँग्रेसले जसपालाई छोडेर नेकपा माओवादी केन्द्र र राष्ट्रिय प्रजातन्त्र पार्टी (राप्रपा)सँग गठबन्धन गरेको छ ।
चट्याङ् लागेर गुल्मीमा एक महिलाको मृत्यु
मङ्गलबार राति चट्याङ् लागेर गुल्मीको मदाने गाउँपालिकामा एक महिलाको ज्यान गएको छ ।
बिक्री हुन छाडेपछि भैसीलाई खुवाउँदै भिण्डी
कृषकले उत्पादन गरेको भिण्डीले मूल्य र बजार नपाएपछि भैँसीलाई खुवाउन सुरु गरेका छन् । उत्पादन गरेको लागत र श्रमको मूल्य नपाएपछि कृषकले बजारमा बिक्री गर्नुको साटो पशु चौपायालाई खुवाउन सुरु गरेका हुन् ।
बसको ठक्करबाट एक युवकको मृत्यु
कपिलवस्तुमा बसको ठक्करबाट एक युवकको मृत्यु भएको छ । गोरुसिङ्गे बनगाई सडक खण्डअन्तर्गत खारखानी वन क्षेत्रमा बुधवार बिहान भएको दुर्घटनामा कपिलवस्तु नगरपालिका ९ जगदीशपुरका अशोक चौधरीको मृत्यु भएको हो ।
कोहलपुर इलाका प्रहरी कार्यालयमा थुनुवा मृत अवस्थामा भेटिए
सिराज खान नेपालगञ्ज, जेठ ११ गते । बाँकेको कोहलपुरस्थित इलाका प्रहरी कार्यालयको हिरासतमा रहेका एक थुनुवा बुधवार बिहान शौचालयमा झुण्डिएर मृत्यु भएको अवस्थामा फेला परेका छन् ।इलाका प्रहरी कार्यालय कोहलपुरका अनुसार जबरजस्ती करणी उद्योगमा हिरासतमा रहेका कोहलपुर– १२ का ४६ वर्षीय कृष्णलाल कुँवर हिरासतको शाैचालयमा झुण्डिएर मृत अवस्थामा बुधवार बिहान फेला परेका हुन् । इलाका प्रहरी कार्यालय कोहलपुरका प्रमुख डीएसपी ऐनबहादुर मल्लले बुधबार बिहान करिब ५ बजे कुँवर हिरासतको शौचालयमा झुण्डिएको अवस्थामा फेला परेको जानकारी दिनुभयो । उहाँले हिरासत कक्षबाट बिहानै शौचालय गएका कुँवर शौचालयको भ्यान्टिलेटरमा टिसर्टको पासो घाँटीमा लगाएर मृत्यु भएको अवस्थामा भेटिएको बताउनुभयो । डीएसपी मल्लका अनुसार मृतक कुँवरलाई प्रहरीले गत वैशाख १९ गते ७ वर्षे नाबालिकालाई जबरजस्ती करणीको प्रयास गरेको जबरजस्ती करणी उद्योगको अभियोगमा नियन्त्रणमा लिएर म्याद थप गरेर आवश्यक अनुसन्धान गरिरहेको थियो ।प्रहरीले स्थानीय र आफन्तको रोहबरमा आवश्यक मुचुल्का तयार गरी मृतकको शव पोष्टमार्टमको लागि भेरी अस्पताल पठाइएको मल्लले जानकारी दिनुभयो । एक हप्ता अघि पनि नरैनापुर गाउँपालिकाको इलाका प्रहरी कार्यालय भगवानपुरमा पनि प्रहरी नियन्त्रणमा रहेका जबरजस्ती करणीको अभियोग लागेका ३५ वर्षीय रामपाल यादवको प्रहरी हिरासतमै उपचारको क्रममा मृत्यु भएको थियो ।यादवको मृत्यु सहज नभई यातनाबाट भएको भन्दै उहाँका आफन्त र परिवारले आन्दोलन गरेका थिए । पछिल्लो समयमा आएर देशका विभिन्न ठाउँमा प्रहरी हिरासतमा मृत्यु हुनेको सङ्ख्या बढ्दै गएको छ ।
-original-thumb.jpg)
रुकुम पूर्वका सबै पालिकामा कार्यपालिकाले पूर्णता पायो
तीन वटा गाउँपालिका रहेको रुकुम पूर्वमा सबै गाउँपालिकामा कार्यपालिकाले पूर्णता पाएको छ । जिल्लाको सिस्ने गाउँपालिकामा १६, भूमे गाउँपालिकामा १७ र पुथा उत्तरगंगा गाउँपालिकामा २२ सदस्यीय कार्यपालिका बनेको हो ।
तिलोत्तमाको प्रमुखमा कांग्रेसका खांणको निरन्तर अग्रता, उपप्रमुखमा एमालेकी चौधरी पक्का
कपिल ज्ञवालीसिद्धार्थनगर, जेठ ११ गते । रुपन्देहीको तिलोत्तमा नगरपालिकाको प्रमुखमा नेपाली कांग्रेसका रामकृष्ण खांणले अग्रता कायम राख्नुभएको छ । अब करिब १३ हजार मत गन्न बाँकी छ । अहिले वडा नं ६, ७, १० र ११ को मतगणना जारी छ । गणना भएको ५० हजार ९९८ मतको परिणाम सार्वजनिक हुँदा खाँण ९८५ मतान्तरले अगाडि हुनुहुन्छ । खाँणले १९ हजार ४७२ मत पाउँदा निकटतम प्रतिस्पर्धी एमालेका मोहन चापागाईंले १८ हजार ४८७ मतका साथ पछ्याउनुभएको छ ।उपप्रमुखमा एमाले उम्मेदवार जगेश्वरी चौधरीको जित पक्का भइसकेको छ । चौधरी माओवादी केन्द्रका उम्मेदवार हेमन्त पाण्डेभन्दा दोब्बर मतले अगाडि हुनुहुन्छ ।१७ वडामध्ये तिलोत्तमा नगरपालिकामा वडा नं १, २, ३, ४, ५, १२, १३, १५, १६ र १७ नं वडाको अन्तिम परिणाम आइसकेको छ । यीमध्ये वडा नं १, ४, १२ र १५ मा नेकपा एमाले र बाँकी सबैमा कांग्रेसका उम्मेदवार वडाध्यक्षमा निर्वाचित भैसक्नुभएको छ ।२०७४ को चुनावमा तिलोत्तमामा एमालेले प्रमुख–उपप्रमुखसहित १४ वडा जितेको थियो ।
तुलसीपुरको मतगणना अन्तिम चरणमा
दाङको तुलसीपुर उपमहानगरपालिकाको मतगणना कार्य अन्तिम चरणमा पुगेको छ । जम्मा ७४ हजार ३३६ मत खसेकामा आज बिहान ७ बजेसम्म ७१ हजार १६६ मत गणना सकिएको छ । अब तीन हजार १७० मत गन्न बाँकी छ । अहिलेसम्मको मत परिणामअनुसार नगरप्रमुखमा नेकपा (एमाले)का टीकाराम खड्का तीन हजार ३६६ मतले अघि हुनुहुन्छ ।
भेरी अस्पताल पुनः उत्कृष्ट
मुलुकमा रहेका सङ्घीय अस्पतालमध्ये न्यूनतम सेवा मापदण्ड कार्यान्वयनमा नेपालगञ्जको भेरी अस्पताल उत्कृष्ट बनेको छ । स्वास्थ्य मन्त्रालय स्वास्थ्य सेवा विभागले गर्ने देशभरिका विभिन्न अस्पतालहरूको मूल्याङ्कनमा सो अस्पताल उत्कृष्ट घोषित भएको हो ।
