काँग्रेसले टुङ्ग्यायो बागमती प्रदेशका नगरपालिकाको उम्मेदवारी
काठमाडौं, वैशाख ११ गते । नेपाली काँग्रेस बागमती प्रदेशले उम्मेदवारीको नाम टुङ्गो लगाएको छ । आइतबार अबेरसम्म बसेको बागमती प्रदेश संसदीय समितिको बैठकले प्रदेश भित्र रहेका नगरपालिकाहरुमा पार्टीको भागमा भागबण्डमा परेका पदहरुमा उम्मेदवारीको नामावली टुङ्गो लगाएको मुख्य सचिव राजु नेपालले विज्ञप्तिमार्फत जानकारी गराएको छ । स्थानीय तह निर्वाचन प्रयोजनको सन्दर्भमा आइतबार समितिको बैठक बसेको थियो । बैठकले निर्णय गरेका उम्मेदवारहरुको नामावलीःसिन्धुली :कमलामाई नगरपालिका प्रमुखः उपेन्द्र कुमार पोखरेल दुधौली नगरपालिका उपप्रमुख चन्दकिशोर दनुवार थारु चितवन :रत्ननगर नगरपालिका प्रमुखः प्रल्हाद सापकोटा खैरहनी नगरपालिका प्रमुखः आशिकुमार खनिया राप्ती नगरपालिका उपप्रमुख: देवेन्द्र लामा माडी नगरपालिका उपप्रमुख: बमप्रसाद महतो कालिका नगरपालिका प्रमुखः शिवराम के. सी. धादिङ :नीलकण्ठ नगरपालिका प्रमुखः भीमप्रसाद हुशाना धुनिबेसी नगरपालिका उपप्रमुखः सुरज उप्रेती काभ्रेपलान्चाेक :बनेपा नगरपालिका प्रमुखः शान्तिरत्न शाक्य पनौती नगरपालिका प्रमुखः रामशरण भण्डारी पाँचखाल नगरपालिका प्रमुखः महेश खरेल नमोबुद्ध नगरपालिका प्रमुखः कुल्साङ लामा मण्डनदेउपुर नगरपालिका उपप्रमुखः विष्णुमणि नेपाल दोलखा :जिरी नगरपालिका प्रमुखः लाक्पा शेर्पा भीमेश्वर नगरपालिका प्रमुखः इश्वर नारायण मानन्धर
न्यून सङ्ख्यामा उम्मेदवारी दर्ता
यही वैशाख ३० गते हुने स्थानीय तह निर्वाचनमा मकवानपुरमा न्यून सङ्ख्यामा उम्मेदवारको मनोनयन–पत्र दर्ता भएको छ । १० वटा पालिका रहेका मकवानपुरमा दुईवटा पालिकामा उम्मेदवारी मनोनयन–पत्र द
पहिलो दिन १० हजार ५३३ जनाको उम्मेदवारी दर्ता
स्थानीय तह सदस्य निर्वाचन २०७९ का लागि उम्मेदवारी दर्ता प्रक्रिया आइतबारबाट देशभर शुरुभएको छ । तोकिएको उम्मेदवारी मनोनयन दर्ताको पहिलो दिन आज १० हजार ५३३ जना उम्मेदवारले मनोनयन दर्ता गर्नुभएको छ ।
काँग्रेसको अबको यात्रा र एजेण्डा : समुन्नत नेपाल
ललितपुर, वैशाख ११ गते। नेपाली काँग्रेसले स्थानीय तहको निर्वाचन घोषणापत्र जारी गर्दै ‘अबको यात्रा र एजेण्डा : समुन्नत नेपालको राष्ट्रिय सङ्कल्प’ अगाडि सारेको छ। काँग्रेसले संविधान सभामार्फत् जारी भएको संविधानप्रति पूर्ण प्रतिबद्धता जनाउँदै अबको नयाँ यात्राको खाका सार्वजनिक गरेको हो। ८८ पृष्ठ लामो घोषणा-पत्रमा लेखिएको छ, ‘यसलाई जनताको भावना र राजनीतिक शक्ति सन्तुलन अनुसार संशोधन र परिमार्जन गरी समृद्ध र प्रगतिशील दस्तावेजको रुपमा रुपान्तरण गर्न नेपाली काँग्रेस वचनबद्ध छ।’ अग्रगामी र प्रगतिशील रुपान्तरण नागरिकको परिवर्तनलाई घोषणापत्रमा भनिएको छ, ‘‘हामी नागरिकको निराशामा अन्तर्निहित परिवर्तनको चाहना र वेगलाई अग्रगामी, लोकतान्त्रिक तथा प्रगतिशील ऊर्जा र शक्तिमा रुपान्तरण गर्न चाहन्छौं।’’यसैगरी, समुन्नत नेपालको मार्गचित्रमा नागरिकले प्रत्यक्ष अनुभूत गर्ने परिवर्तन र रुपान्तरण नै काँग्रेसको सङ्कल्प रहेको छ। काँग्रेस पार्टीको जन्म केवल सत्तामा जान मात्र भएको होइन, लोकतान्त्रिक र संवैधानिक प्रक्रियाद्वारा जनताको भावना अनुसार अग्रगामी र प्रगतिशील आर्थिक-सामाजिक रुपान्तरण गर्न पार्टीको स्थापना भएको काँग्रेसले जनाएको छ। ‘‘पार्टीको गौरवशाली इतिहास र आदर्शलाई स्मरण गर्दै हामी तपाईंहरुको समक्ष सङ्कल्प गर्छौं कि संविधानले जनतासँग वाचा गरेको समुन्नतिको आधार निर्माण गर्नेछौं, समुन्नत नेपालको जग बसाल्ने छौं’’, काँग्रेसको समुन्नत नेपालको मार्गचित्रमा उल्लेख छ। झण्डै ७५ वर्षअघि नेपाली काँग्रेसको प्रारम्भिक लक्ष्य तय गर्दै जननायक बीपी कोइरालाले लेख्नुभएको थियो, ‘‘हामी जनता जनार्दनको बलमा नेपालमा कोही पनि भोका, नाङ्गा वा अशिक्षित नरहन, देशमा सडक, बाटोघाटो, अस्पताललगायत जीवनलाई सुन्दर र सुखी बनाउने अरु कुनै कुराको अभाव नरहोस्, त्यस्तो उत्तरदायी शासन व्यवस्था ल्याउने प्रयत्नमा छौं।’’समुन्नत नेपालको यही सुन्दर कल्पनाको गुणात्मक आधुनिक रूप नै काँग्रेसको अद्यावधिक विकासको सोच हो। वास्तवमा समुन्नत नेपाल जननायक बीपी कोइरालाको प्रजातान्त्रिक समाजवादमा आधारित समतामूलक समाज निर्माणको सिद्धान्त र परिकल्पनाको विस्तारित स्वरूप हो, थप व्याख्या हो। जसको अर्थ पुँजी सङ्ग्रह र आर्थिक वृद्धि महत्त्वपूर्ण साधन हुन्। तर, विकासको साध्य भनेको नागरिकको स्वतन्त्रता, सक्षमता र सबलीकरणको विस्तार नै हो। काँग्रेस पार्टीले अवलम्ब गर्ने नीतिमा अबको दशक नेपालको समुन्नति र सम्पन्नताको दशक हुनेछ। काँग्रेस प्रस्ट मार्गचित्रका साथ समुन्नतिको यही राष्ट्रिय सङ्कल्पको कार्यान्वयनमा आफूलाई समर्पित गर्ने जनाएको छ। काँग्रेसलाई कहाँ पुग्ने र कसरी पुग्ने भन्ने विषयमा अब कुनै द्विविधा नरहेको घोषणापत्रमा उल्लेख छ। मुहारमा खुसी र आशाकाँग्रेसको समुन्नतिका आर्थिक-सामाजिक आधारमा सुशासनको शर्त उदार लोकतन्त्रसँग जोडिन्छ। समुन्नत नेपाल एउटा निश्चित गन्तव्य नभएर राष्ट्र निर्माणको निरन्तर प्रयत्न रहेको काँग्रेसले जनाएको छ। काँग्रेसले आजभन्दा भोलि झन् उन्नत बनाउँदै लैजाने निरन्तर अभियानको नेतृत्व गर्ने उल्लेख छ। नागरिकको ज्ञान, सीप र क्षमतामा वृद्धि गरेर तिनको जीवनस्तर उकास्ने, अन्ततः तिनका मुहारमा खुसी र आशाको उज्यालो ल्याउने साझा प्रयत्नले नै समुन्नत हासिल हुने काँग्रेसले जनाएको छ। सबै नागरिकलाई कुनै न कुनै उद्यममा जोडेर नतिजाको असमानताभन्दा पनि अवसरको असमानतामा काँग्रेसले विशेष ध्यान दिने घोषणापत्रमा उल्लेख छ। यसैगरी, काँग्रेसले लिने नीतिले उत्पादन र वितरणलाई समान प्राथमिकता, समावेशी आर्थिक वृद्धि, आर्थिक कूटनीतिमार्फत् वैदेशिक सहयोग अधिवृद्धि र आत्मनिर्भरमुखी अर्थतन्त्रको विकास गर्नेछ। आर्थिक तथा सामाजिक क्षेत्रमा न्याय, राज्यका स्रोत तथा सेवामा सबै नागरिकको समान पहुँच र अधिकारको सुनिश्चतता गर्ने नीतिगत व्यवस्था नै समुन्नत नेपालको अर्थ-राजनीतिक आधार रहेको उल्लेख गरिएको छ। फराकिलो समुन्नति र आर्थिक सामथ्र्यको काँग्रेसको सोचको नेपाल आगामी दशकमा एउटा उद्यममैत्री, मध्यम आय भएको समन्यायिक मुलुक हुनेछ, जहाँ चरम गरिबी एउटा अङ्कमा सीमित हुनेछ। त्यस्तै, गतिशील समतामूलक समाजको निर्माणमा सबैको पहुँच पुगेको सबल स्वास्थ्य, पोषण, शिक्षा र सामाजिक सुरक्षा सम्मिलित एकीकृत प्रणाली स्थापना आवश्यक रहेको काँग्रेसले जनाएको छ। नागरिकको कोखदेखि शोकसम्म‘डिजिटलाइजेसन’ मार्फत नेपालका सबै नागरिकको कोखदेखि शोकसम्मका रेकर्डका आधारमा जहाँ पनि जुनसुकै सेवा प्रदायकबाट स्वास्थ्य परामर्श दिनेसक्ने प्रणालीको विकास गर्नुपर्ने काँग्रेसले उल्लेख गरेको छ। आन्तरिकरूपमा हाम्रो जनसङ्ख्याको बनोट र यसले दिनसक्ने अर्थ-राजनीतिक सामथ्र्य अनि बाह्यरूपमा कोभिड-१९ पछिको नयाँ विकास रोडम्यापलाई काँग्रेसले नयाँ अवसरका रुपमा लिनुपर्नेमा जोड दिएको छ। सम्मानजनक रोजगारी सिर्जना मानव इतिहासमै यो स्तरको उन्नत पुँजी, प्रविधि, नीतिगत र वैज्ञानिक ज्ञान पहिले कहिल्यै उपलब्ध नभएको भन्दै काँग्रेसले कनेक्टिभिटीसँग सम्बन्धित पूर्वाधारहरु (सडक, हवाई, रेल, जल, ऊर्जा र डिजिटल सञ्जाल) मा बहुपक्षीय लगानी जुटाई, झन्झटिला ऐन, तुलनात्मक लाभका क्षेत्रहरुलाई प्रतिस्पर्धी बनाउँदै हरेक वर्ष अधिकतम सङ्ख्यामा सम्मानजनक रोजगारी सिर्जना गर्ने विषयलाई उच्च प्राथकिमता राखेको छ। जलवायु-अनुकूल उत्पादनको स्रोत तथा गन्तव्यका रुपमा परिचित हुन ऊर्जाका सबै माग जलविद्युत तथा स्वच्छ ऊर्जाका अन्य स्रोतको परिचालनबाट पूर्ति गर्ने काँग्रेसले जनाएको छ। दुई छिमेकी राष्ट्रका आकार र बढ्दो महत्त्वको सापेक्षिकतामा काँग्रेस सानो देखिए पनि सार्वभौमिक ‘रेसिप्रोसिटी’ को कसीमा परिपक्क तवरले अघि बढ्ने छ। राष्ट्रसङ्घको वडापत्रप्रति प्रतिबद्ध रही साठी वर्षअघि १८ महिनाको छोटो अवधिमै प्रथम जननिर्वाचित प्रधानमन्त्री बीपीले आर्थिक कूटनीतिमा अपनाउनु भएको प्रेरणादायी पदचाप पछ्याउने काँग्रेसले प्रण गरेको छ। अन्तर्राष्ट्रिय ‘बेन्चमार्क’ को सन्दर्भमा काँग्रेस सन् २०२६ मै ‘अतिकम-विकसित’ राष्ट्रबाट विकासशील श्रेणीमा उक्लिने काँग्रेसले जनाएको छ। गुणात्मक ढङ्गले वृद्धि भइरहेको गैरआवासीय नेपाली समुदायको पुँजी, ज्ञान र सीप पनि मुलुकको विकासका लागि उत्तिकै आवश्यक र ठूलो स्रोत रहेको काँग्रेस उल्लेख गरेको छ। ज्ञानमा आधारित अर्थ व्यवस्था नेपालमा ‘अनियमित संरचनात्मक रुपान्तरण’ देखिएको छ। कृषि क्षेत्रबाट धेरै जनता बाहिर आएका छन्। त्यसैगरी, काँग्रेस पार्टीले आधारभूत तहदेखि नै ज्ञानमा आधारित अर्थ व्यवस्थाको निर्माणमा विशेष जोड दिँदै आवश्यक नीतिगत व्यवस्था गर्नेछ। पार्टी कार्यालय सानेपामा आइतबार आयोजित कार्यक्रममा पार्टीका सभापति एवम् प्रधानमन्त्री शेरबहादुर देउवा, वरिष्ठ नेता रामचन्द्र पौडेल, उपसभापतिद्वय पूर्णबहादुर खड्का र धनराज गुरुङ, महामन्त्रीद्वय विश्वप्रकाश शर्मा र गगन थापाले निर्वाचन घोषणापत्र सार्वजनिक गर्नुभएको हो।काँग्रेसले ‘सबल स्थानीय सरकार : समुन्नत गाउँ, समुन्नत नगर’ भन्ने नारा दिएर ‘नेपाली काँग्रेसको सङ्कल्प, स्थानीय तह निर्वाचन २०७९’ जारी गरेको हो।
निर्वाचनबारे सुरक्षा निकायका प्रमुखबीच छलफल
निर्वाचन सफलतापूर्वक सम्पन्न गर्ने सम्बन्धमा सुरक्षा निकायका प्रमुख तथा अन्य अधिकारीबीच आइतबार छलफल भएको छ।
तनहुँमा साना दलको मनोनयन दर्ता
वैशाख ३० गते हुने स्थानीय तहको निर्वाचनका लागि तनहुँमा साना राजनीतिक दलले आइतबार मनोनयन दर्ता गराएका छन्।
महानगरका उम्मेदवार छान्ने जिम्मा पार्टी सभापति देउवालाई
काठमाडौं, वैशाख ११ गते । नेपाली कांग्रेसले महानगरपालिकाका मेयर र उपमेयरको उम्मेदवार छान्ने जिम्मा पार्टी सभापति शेरबहादुर देउवालाई दिएको छ । आइतबार पार्टी केन्द्रीय कार्यालय, सानेपामा बसेको केन्द्रीय कार्यसम्पादन समितिको बैठकले महानगरपालिकाका मेयर र उपमेयर पदका उम्मेदवारको अन्तिम निर्णय गर्ने अधिकार सभापति देउवालाई दिएको हो । काँग्रेस मुख्य सचिव कृष्णप्रसाद पौडेलका अनुसार केन्द्रमा प्राप्त भएका नाममध्ये काठमाडौं, विराटनगर र ललितपुर महानगरपालिकाका प्रमुख तथा वीरगञ्ज, भरतपुर र पोखरा महानगरपालिकाको उपप्रमुख पदका उम्मेदवारको टुंगो लगाउने जिम्मा पार्टी विधान अनुसार सभापति देउवालाई प्रत्यायोजन गर्ने निर्णय भएको हो । त्यसैगरी बैठकले कांग्रेसको विधान २०१७ (संशोधन सहित) को धारा ३१ (१) (घ) (२) बमोजिम केन्द्रीय संसदीय समितिमा केन्द्रीय कार्यसमितिका पदाधिकारी पदेन रहने निर्णयसमेत गरेको छ । बैठकले पार्टीका वरिष्ठ नेता रामचन्द्र पौडेललाई केन्द्रीय संसदीय समितिको सदस्यमा मनोनय गरेको छ । मुख्य सचिव पौडेलका अनुसार पार्टी विधानको धारा ३१ (१) (घ) (३) बमोजिम नेता पौडेललाई सभापतिको प्रस्तावमा केन्द्रीय संसदीय समितिको सदस्यमा अनुमोदन गरेको हो ।
दोलखामा एमाले र राप्रपाले गराए मनोनयन दर्ता
वैशाख ३० गतेका लागि तोकिएको स्थानीय निर्वाचनका लागि नेकपा (एमाले)का दोलखाका नौ वटै स्थानीय तहमा सबै पदमा मनोनयन दर्ता गरेको छ।
जसपाको निर्वाचन घोषणापत्र सार्वजनिक
जनता समाजवादी पार्टी (जसपा)ले स्थानीय तह निर्वाचन घोषणापत्र सार्वजनिक गरेको छ । जसपाका अध्यक्ष उपेन्द्र यादव, सङ्घीय परिषद् अध्यक्ष बाबुराम भट्टराईलगायत शीर्ष नेताहरुले आइतबार चुनावी घोषणापत्र सार्वजनिक गर्नुभएको हो ।
बाजुरामा साना दलको मनोनयन दर्ता
वैशाख ३० गते हुने स्थानीय तहको निर्वाचनका लागि राष्ट्रिय प्रजातन्त्र पार्टीसहित साना दलले आइतबार मनोनयन दर्ता गराएका छन्। बाजुरामा पहिलो दिन राष्ट्रिय प्रजातन्त्र पार्टीले मेयर अध्यक्ष र खुला सदस्य पदमा तीन वटा पालिकामा मनोनय दर्ता गराएको हो।
काठमाडौंमा उम्मेदवारी दर्ताको चहलपहल (फोटो फिचर)
वैशाख ३० गतेका लागि तोकिएको स्थानीय तहको निर्वाचनका लागि आइतबारबाट मनोनयन दर्ता सुरु भएको छ।
गोरखामा काँग्रेसले एकल प्रतिस्पर्धा गर्ने
नरेन्द्र ढकालगोरखा, बैशाख ११ गते । नेपाली काँग्रेस गोरखाले जिल्लाका सबै स्थानीय तह र वडाहरुमा एकल उम्मेदवारी दर्ता गर्ने निर्णय गरेको छ । आइतबार पत्रकार सम्मेलन गर्दै जिल्ला सभापति नन्दप्रसाद न्यौपानेले केही दल र व्यक्तिका कारण गठबन्धन सम्भव नभएको बताउनुभयो । ‘हामी केन्द्रको निर्णयअनुसार अधिक लचक भएर गठबन्धन जोगाउन अन्तिम समय लागिरह्यौं । तर केही दलका साथीहरुको महत्वाकांक्षा र राजनीतिक अपरिपक्वताका कारणले सबैसँगै मिलेर जान सकेनौ, तालमेल ट¥यो’ काँग्रेस सभापति न्यौपानेले भन्नुभयो । जिल्ला कार्यसमितिको बैठक बसेर एक्लै निर्वाचनमा जाने निर्णय गरेको उहाँले बताउनुभयो । सोहीअनुरुप जिल्लाका दुई नगरपालिका, ९ वटा गाउँपालिकाका ९४ वटै वडाका सबै पदमा उम्मेदवारी दिने निर्णय काँग्रेस गोरखाले गरेको छ । ‘काँग्रेस गोरखा कसैको दबाब र प्रभावमा नपरी एक्लै प्रतिस्पर्धा गर्न सक्षम छ,’ उहाँले भन्नुभयो, ‘अहिलेको परिस्थितिमा सबैलाई साथै लैजाऔं भन्ने मात्र हाम्रो धारणा थियो । अब तालमेल सम्भव नभएपछि दलहरुवीच मित्रवत सम्बन्ध कायम राख्ने हाम्रो समझदारी छ ।’केन्द्रमा भएको सहमतीअनुसार जिल्लामा संयन्त्र बनेपछि गठबन्धनका दलहरुवीच ८ वटा औपचारिक र झण्डै एक दर्जन बढी अनौपचारिक छलफलहरु गरिएको काँग्रेस गोरखाको दाबी छ । जिल्लाका ११ स्थानीय तहमध्ये यसअघिको निर्वाचनमा २ नगरपालिकाको प्रमुख, ७ गाउँपालिकाको अध्यक्ष, एक नगरपालिकाको उपप्रमुख, ६ गाउँपालिका उपाध्यक्ष र ४५ वटा वडाध्यक्ष पद काँग्रेसले जितेको थियो । केन्द्रले बनाएको सहमतिअनुसार प्रमुख जितेको पालिकामा सम्बन्धित दलले नै पाउने बताइए पनि काँग्रेस २ वटा स्थानीय तह छोड्न तयार हुँदा पनि अन्य दल नमानेको सभापति न्यौपानेले बताउनुभयो । पूर्वप्रधानमन्त्री डा. बाबुराम भट्टराईले केन्द्रीय तहबाटै हस्तेक्षप गरी जनता समाजवादी पार्टीको अबस्थाभन्दा बढी माग दाबी गरेपछि काँग्रेस र माओवादी उक्त कुरामा सहमत हुन नसकेको ती दलका नेताहरुले बताउनुभयो । यसअघिको निर्वाचनमा केही वडामा मात्र जितेको जसपाले एउटा नगरपालिका, एउटा गाउँपालिकासहित २५ वडा र १०० भन्दा बढी सदस्य दाबी गरेको थियो । जसपाको माग पूरा गर्न नसक्ने भन्दै काँग्रेस र माओवादी मिलेर जाने सहमती नजिक पुगेका थिए । काँग्रेसले ७ र माओवादी ४ स्थानीय तह लिनेगरी तालमेलको तयारी गरिरहेकाबेला जसपाको दबाबमा केन्द्रले हस्तक्षेप गर्न खोजेपछि अन्ततः एकल प्रतिस्पर्धा गर्ने सहमती दलहरुले गरेका हुन् । काँग्रेसले एक्लै जाने घोषणा गरेपनि माओवादी, जनता समाजवादी पार्टी र नेकपा एकीकृत समाजवादी पार्टीले भने अहिलेसम्म औपचारिक घोषणा गरेका छैनन् ।
भरतपुर महानगरमा स्वतन्त्रसहित साना दलको उम्मेदवारी दर्ता
भरतपुर महानगरपालिकामा स्वतन्त्रसहित साना दलबाट सातजनाले प्रमुख पदमा उम्मेदवार मनोनयन दर्ता गराएका छन् ।
पहिलो दिन ठूला दलले गरेनन् उम्मेदवारी दर्ता
नवीन शिशिर विकबागलुङ, वैशाख ११ गते । स्थानीय तह निर्वाचन मनोनयनको पहिलो दिन बागलुङका ठूला राजनीतिक दलहरुले दशवटै स्थानीय तहमा उम्मेदवारी दर्ता गराएनन् । उम्मेदवार टुंगो नलागेपछि नेकपा (एमाले) र सत्तागठबन्धनमा आबद्ध राजनीतिक दलले उम्मेदवारी दर्ता नगराएका हुन । आईतबार केही स्थानीय तहमा राष्ट्रिय प्रजातन्त्र पार्टी (राप्रपा) र केही स्वतन्त्र उम्मेदवारले उम्मेदवारी दिएका छन् । पहिलो दिन स्थानीय तहमा रहेका निर्वाचन अधिकृतको कार्यालय सुनसानजस्तै भएको सो कार्यालयका अधिकारीहरुको भनाई छ । उम्मेदवारी दिने प्रयोजनका लागि कार्यालयबाट उम्मेदवारी फर्म लगे पनि दर्ता गर्न राजनीतिक दल कार्यालय नआएको मुख्य निर्वाचन अधिकृत वासुदेव न्यौपानले जानकारी दिनुभयो ।सत्तागठबन्धनले भागबण्डा टुङ्ग्याउन सकेको छैन । नेकपा (एमाले) ले पनि बागलुङ नगरपालिका, काठेखोला गाउँपालिका, बडिगाड गाउँपालिकामा प्रमुख र उपप्रमुखको टुंगो लगाउन नसक्दा मनोनयन रोकिएको छ । सर्वसम्मत पालिका प्रमुख र उपप्रमुख चयन भएको स्थानीय तहमा पनि एमालेले उम्मेदवारी दर्ता गरेको छैन ।सत्ता गठबन्धनमा कुरा नमिलेपछि गठबन्धन फुट्ने र गठबन्धनबाट अलग भएको पार्टी एमालेसँग चुनावी एकता गर्न सक्ने अपेक्षाले सर्वसम्मत उम्मेदवार टुंगो लागेको मात्र स्थानीय तहमा एमालले उम्मेदवारी दर्ता गरेको छ । पहिलो दिन जैमिनी नगरपालिकाको उपप्रमुखमा स्वतन्त्र उम्मेदवार रुद्रकुमारी रोकाय, जैमिनी वडा–२ मा राप्रपाबाट वडाध्यक्षमा यज्ञप्रसाद सापकोटा र वडा–३ को वडाध्यक्षमा स्वतन्त्र उम्मेदवार कृष्ण पाण्डेले उम्मेदवारी दर्ता गराएको निर्वाचन अधिकृत सूर्यप्रसाद भण्डारीले जानकारी दिनुभयो ।
प्रमुख बन्न प्रदेशसभाद्वयको राजीनामा
प्रदेश १ का दुई जना प्रदेशसभा सदस्यहरुले आइतबार पदबाट राजीनामा दिनुभएको छ । नेकपा (एमाले) बाट निर्वाचित प्रदेशसभा सदस्यहरुले स्थानीय तह निर्वाचनमा उम्मेदवार बन्न सांसद पदबाट राजीनामा दिनुभएको छ ।
जनकपुर उपमहानगरपालिकामा जसपाबाट लालकिशोर उम्मेदवार
जनकपुरधाम उपमहानगरपालिका प्रमुखमा जनता समाजवादी पार्टी (जसपा) नेपालले लालकिशोर साहलाई उम्मेदवार बनाएको छ ।
काँग्रेसको निर्वाचन घोषणापत्र सार्वजनिक (पूर्णपाठ)
पार्टी कार्यालय सानेपामा आइतबार आयोजित कार्यक्रममा पार्टीका सभापति एवम् प्रधानमन्त्री शेरबहादुर देउवा, वरिष्ठ नेता रामचन्द्र पौडेल, उपसभापति पूर्णबहादुर खड्का, महामन्त्रीद्वय विश्वप्रकाश शर्मा र गगन थापाले निर्वाचन घोषणापत्र सार्वजनिक गर्नुभएको हो ।
ओखलढुङ्गामा काँग्रेसले उम्मेदवार टुङ्ग्यायो
नेपाली काँग्रेस ओखलढुङ्गाले जिल्लाको आठ वटै स्थानीय तहमा उम्मेदवारको टुङ्गो लगाएको छ । काँग्रेसले एक नगरपालिका र सात गाउँपालिकाको प्रमुख–उपप्रमुख पदको उम्मेदारहरुको नाम टुङ्ग्याएको हो ।
ललितपुर १० को वडाध्यक्षमा नरसिंह व्यञ्जनकारको उम्मेदवारी दर्ता
ललितपुर महानगरपालिका–१० का नरसिंह व्यञ्जनकारले ११ औँ पटक उम्मेदवारी दर्ता गर्नुभएको छ । दशौँ पटकसम्म चुनाव जित्नुभएको व्यञ्जनकारले आइतबार वडाध्यक्षमा उम्मेदवारी दर्ता गराउनुभएको हो ।
भक्तपुरमा देकोनिभा ईततापाको जग्गा एकीकरण पीडित संघर्ष समितिबाट उम्मेदवार मनोनयन
भक्तपुर, वैशाख ११ गते । भक्तपुर नगरपालिकाको नगरप्रमुखको लागि देकोनिभा ईततापाको जग्गा एकीकरण पीडित संघर्ष समितिले आफ्नो उम्मेदवार मनोनयन दर्ता गरेको छ । नगरप्रमुखमा सो समितिको तर्फबाट सत्यराम त्वायनाले उम्मेदवारी मनोनयन दर्ता गराउनुभएको छ ।यस्तै सो समितिले भक्तपुर नगरपालिको वडा नम्बर २ मा शन्तज्ञान याकमी र वडा नम्बर ६ मा रामकृष्ण कुम्पाखले वडाध्यक्ष पदको लागि उम्मेदवारी मनोनयन दर्ता गराउनुभएको छ ।
घोराहीको प्रमुखमा मालेबाट पाण्डेयको पहिलो उम्मेदवारी
लिलाधर वली घोराही, वैशाख, ११ गते । वैशाख ३० गते हुन थालेको स्थानीय तह निर्वाचनका लागि दाङमा उम्मेदवारी दर्ता सुरु भएको छ । जिल्लाका दशवटै स्थानीय तहहरुमा प्रमुख÷उपप्रमुख, अध्यक्ष÷उपाध्यक्ष, वडाहरुमा वडा अध्यक्ष र सदस्यका लागि उम्मेदवारी दर्ताको काम सुरु भएको हो । जस अनुसार घोराही उपमहानगरपालिकाको मेयरमा पहिलो उम्मेदवारका रुपमा मालेबाट नेत्रप्रकाश पाण्डेय र उपमेयरमा राधिका क्षेत्रीले उम्मेदवारी दर्ता गराउनुभएको छ । मुख्य निर्वाचन अधिकृतको कार्यालयले उम्मेदवारी दर्ताका लागि दिएको समय अनुसार मुख्य निर्वाचनअधिकृतको कार्यालय पुगेर पाण्डेय र क्षेत्रीले ११ बजे तिर उम्मेदवारी दर्ता गराउनुभएको हो । उहाँहरुलाई मुख्य निर्वाचन अधिकृत रितेन्द्र थापाले उम्मेदवारी दर्ताको प्रमाणपत्र प्रदान गर्नुभएको थियो । उम्मेदवारी दर्ता गराएसँगै पाण्डेय र क्षेत्री घोराही उपमहानगरपालिकामा मेयर÷उपप्रमुखका लागि उम्मेदवारी दर्ता गराउने पहिलो मेयर र उपमेयरको उम्मेदवार भएको मुख्य निर्वाचन अधिकृत रितेन्द्र थापाले जानकारी दिनुभएको छ । घोराही उपमहानगरपालिका–१२ निवासी मेयरका उम्मेदवार पाण्डेयको प्रस्तावका गोबिन्द केके र समर्थकमा शोभा पाण्डे रहनुभएको छ भने वडा नं. १७ निवासी उपमेयरका उम्मेदवार क्षेत्रीको प्रस्तावमा निर्मलादेवी केसी र समर्थकमा गोविन्द केके रहनु भएको निर्वाचन अधिकृतको कार्यालयले जनाएको छ । पाण्डेय २०७४ सालको स्थानीय तह निर्वाचनमा पनि घोराही उपमहानगरपालिकाको मेयर उम्मेदवारी दिनुभएको थियो । निर्वाचन आयोगले उम्मेदवारी दर्ताका लागि उपलव्ध गराएको दुई दिनको समय अनुसार जिल्लामा पहिलो दिन साना दललाई उम्मेदवार दर्ताको समय दिएको छ । प्रमुख राजनीतिक दलहरु नेपाली कांग्रेस पार्टी, नेकपा एमाले पार्टी, नेकपा माओवादी पार्टी र नेकपा एकीकृत समाजवादी पार्टीलाई उम्मेदवारी दर्ताका लागि बैशाख १२ गते दोश्रो दिन समय निर्धारण गरिएको छ । जस अनुसार जिल्लाका दुई उपमहानगरपालिका, एक नगरपालिका र सात वटा गाउँपालिकाहरुमा प्रमुख÷उपप्रमुख, अध्यक्ष÷उपाध्यक्ष, एक सय वडाहरुमा वडा अध्यक्ष र सदस्यका लागि उम्मेदवारी दर्ता गराउने काम भैरहेको छ । निर्वाचनका लागि साना दलहरुले उम्मेदवार तयार गरेपनि प्रमुख दलहरुले केही स्थानीय तहहरुमा अझैसम्म उम्मेदवार चयन गर्न सकेका छैनन् ।
रौतहटका चार नगरपालिकामा नेपाली काँग्रेसबाट प्रमुख पदमा उम्मेदवार
रौतहट, वैशाख ११ गते । रौतहटको चन्द्रपुर, वृन्दावन, गुजरा र इशनाथ नगरपालिकामा नेपाली काँग्रेसले प्रमुख पदमा टिकट टुङ्ग्याएको छ । काँग्रेसले चन्द्रपुर नगरपालिकाको मेयरमा सञ्जयकुमार काफ्लेलाई उम्मेदवारी दिएको छ । उम्मेदवार काफ्ले २०७४ सालको निर्वाचनमा चन्द्रपुर–५ का वडा अध्यक्ष बन्न सफल हुनु भएको थियो । यसैगरी, वृन्दावन नगरपालिकाको प्रमुखमा प्रेमशंकर यादव, गुजरामा शेख मोहिबुल हक र इशनाथ नगरपालिकामा अन्जु झाको उम्मेदवारी टुङ्गिएको नेपाली काँग्रेस जिल्ला सभापति सुनिल यादव (जितेन्द्र)ले जानकारी दिनुभयो । सभापति यादवका अनुसार १८ वटा पालिका रहेको रौतहटमा बाँकी पालिकाको मेयर टुङ्ग्याउन छलफल भइरहेको छ । आज साँझसम्म प्रमुख र उपप्रमुखमा सबै टुङ्गो लाग्ने छ ।
जनकपुरधाम उपमहानगरपालिकामा मनोनयन दर्ता शुरु
लक्ष्मी चौधरी जनकपुरधाम, वैशाख ११ गते । आगामी वैशाख ३० गते हुने स्थानीय तह निर्वाचनका लागि मनोनयन दर्ता शुरु भएको छ ।धनुषा जिल्लाको जनकपुरधाम उपमहानगरपालिकास्थित निर्वाचन कार्यालयमा आइतबार बिहान करिब ११ बजेदेखि मनोनयन दर्ता प्रक्रिया शुरु भएको हो । जनकपुरधाममा उपप्रमुखका लागि उमेश चौधरीले स्वतन्त्रबाट मनोनयन दर्ता गराउनुभएको छ । स्थानीय निर्वाचनका लागि अहिलेसम्म स्वतन्त्र उम्मेदवारहरुले मात्र मनोनयन दर्ता गराएका छन् । दर्ता गराउनेमा जनकपुरधाम २३ का निलम्बर झाले अध्यक्ष पदका लागि मनोनयन दर्ता गराउनु भएको छ भने वडा न.ं २२ बाट शत्रुधन ठाकुर र वडा ३ बाट दीपेन्द्र साहले दर्ता गराउनु भएको छ । यस्तै, वडा नं २४ मा तराई मधेश लोकतान्त्रिक पार्टीबाट भागिरथलाल कर्णले अध्यक्षको लागि दर्ता गराउनु भएको छ । यस्तै, वडा नं. २० मा अध्यक्षका लागि हमिद कबारी मनोनयन दर्ता गराउनुभएको छ । जनकपुरधाम उपमहानगरपालिकामा २५ वटा वडा रहेको छ । जनकपुरधाम उपमहानगरपालिकामा मनोनयन दर्ता शुरु भएको छ ।
धनगढीको प्रमुखका लागि स्वतन्त्र उम्मेदवार हमालद्वारा मनोनयन दर्ता
अविनाश चौधरीधनगढी, वैशाख ११ गते । स्वतन्त्र उम्मेदवार गोपाल हमालले धनगढी उपमहानगरपालिकाको प्रमुखका लागि आज मनोनयन दर्ता गराउनुभएको छ । बाजागाजा र नाचगानसहित मुख्य निर्वाचन अधिकृतको कार्यालय पुगेर उहाँले उम्मेदवारी दर्ता गराउनुभएको हो । हमालसँगै विभिन्न वडाको वडा अध्यक्षका लागि स्वतन्त्र उम्मेदवारी दिएकाहरुले पनि मनोनयन दर्ता गराउनुभएको छ । धनगढीको ट्राफिक चौराहाबाट ¥यालीसहित स्वतन्त्र उम्मेदवार हमाल आफ्नो उम्मेदवारी दर्ता गराउन प्रमुख निर्वाचन अधिकृतको कार्यालयसम्म पुग्नु भएको थियो । उहाँको ¥यालीमा मान्छेको सहभागिता कुनै दलकोभन्दा कम थिएन । ¥यालीमा सहभागी भएका कतिपयले हमालकै मुखौटासमेत लगाएका थिए । उम्मेदवारी दर्तापछि प्रतिक्रिया दिदैँ हमालले बाँडीचुँडी खाने प्रवृतिकाविरुद्ध आफ्नो उम्मेदवारी रहेको प्रतिक्रिया दिनुभयो । व्यवसायिक पृष्ठभूमिका उहाँले आफू मेयरमा निर्वाचित भएमा पाँच वर्षसम्म राज्य कोषबाट मेयरले पाउने कुनै पनि सेवा सुविधा नलिएर धनगढीको विकासका लागि स्वयम् सेवकको रुपमा काम गर्ने प्रतिवद्धता जनाउनु भएको छ । यसअघि, २०७४ को निर्वाचनमा पनि उहाँले स्वतन्त्रबाटै धनगढीको मेयरमा चुनाव लड्नु भएको थियो । उहाँ दुई हजार ७९७ मतान्तरले नेपाली काङ्ग्रेसका उम्मेदवारसँग पराजित हुनु भएको थियो । हमालले ११ हजार ५२७ मत प्राप्त गर्नुभएको थियो भने, विजयी हुनुभएका नेपाली काङ्ग्रेसका उम्मेदवार नृपबहादुर वडले १४ हजार ३२४ मत प्राप्त गर्नुभएको थियो ।
रेसुङ्गा नगरपालिकामा पन्थीलाई उम्मेदवार बनाउने काँग्रसको निर्णय
गुल्मी नेपाली काँग्रेसले स्थानीय तहको निर्वाचनको लागि रेसुङ्गा नगरपालिका प्रमुखमा खिलध्वज पन्थीलाई प्रमुख पदमा उम्मेदवार बनाउने निर्णय गरेको छ ।
