गोरखापत्र अनलाइन
‘सपना अनेक–अनेक’ र ‘हिउँको पृथ्वी यात्रा’ मञ्चन
कवि गीता खत्रीको खण्डकाव्य ‘आमा हुन् आमा’मा आधारित रहेर रङ्गकर्मी अशेष मल्लको निर्देशन तथा परिकल्पनामा गीति नाटक ‘सपना अनेक–अनेक’ आजदेखि कालिकास्थानस्थित सर्वनाम थिएटरमा मञ्चन हुँदै छ । सर्वनामले पहिलो पटक गीति नाटक प्रस्तुत गर्न लागेको हो । विदेश पुग्ने सपना बुन्नेहरू, विदेशको माटोमा पुगे पनि आफ्नै देशको यादले रात–दिन तड्पिरहेकाहरूको कथा नाटकमा देख्न पाइनेछ । नाटकमा देशको माटोलाई आमाको विम्बका रूपमा प्रयोग गरिएको छ ।
सम्बन्ध सुदृढ पार्न रुस र इरान सहमत
रुस र इरान द्विपक्षीय सम्बन्ध सुदृढ बनाउन तथा पारस्परिक सहयोग अभिवृद्धि गर्न सहमत भएका छन् । दुवै देशका राष्ट्रपतिबीच मङ्गलबार यहाँ भएको भेटवार्तामा त्यस्तो सहमति भएको हो ।
रोपाइँमा ढिलाइ
कृषि तथा पशुपन्छी विकास मन्त्रालयको तथ्याङ्कअनुसार अहिलेसम्म देशभर ६० प्रतिशत मात्रै धान रोपाइँ भएको छ । गत वर्ष यो बेलासम्म ९० प्रतिशतको हाराहारीसम्म रोपाइँ भएका थियो । यसपालि रोपाइँ किन ढिलो भयो भन्ने प्रश्नमा कृषि विभागका महानिर्देशक डा. रेवतीरमण पौडेल मुख्य कारण सिँचाइ (पानी)को अभाव बताउनुहुन्छ ।
नेपाल–चीन संयुक्त सीमा अनुगमन छिट्टै
नेपाल–चीन संयुक्त सीमा अनुगमन छिट्टै हुने भएको छ । केही दिनअघि बसेको सीमासम्बन्धी दुईदेशीय परामर्श संयन्त्रको बैठकमा संयुक्त सीमा अनुगमन गर्ने विषयमा सहमति भएको थियो । त्यसका लागि निकट भविष्यमै सीमा अनुगमन सुरु हुने भएको छ । तर कसरी गर्ने ? कसकसको सहभागिता रहने भन्ने ढाँचा तयार गर्न बाँकी थियो । परराष्ट्र प्रवक्ता सेवा लम्सालले अनुगमनको ढाँचा तयार पारेर चीनसँग संयुक्त सीमा अनुगमन छिट्टै हुने बताउनुभयो । परराष्ट्र मन्त्रालयमा आयोजित पत्रकार सम्मेलनमा उहाँले भन्नुभयो, “लामो समय भयो, दुई देशबीचको सीमा अनुगमन नभएको; त्यसैले पनि यो हुन लागेको हो ।”
लोप हुने अवस्थामा ‘दौउडा’
उत्तरी हुम्लाका लामा समुदायबाहेक अन्य जातिका अविवाहित युवतीले लगाउने दौउडा लोप हुने अवस्थामा पुगेको छ । पछिल्लो पुस्ताका युवती सबै आधुनिक कुर्ता सलवार लगाउने र दौउडा कसैले नलगाउने भएपछि यो पोसाक लोप हुने अवस्थामा पुगेको हो ।
नेपाल–चीन सीमा सडक जीर्ण
उत्तरी सीमा जोड्ने २६ किलोमिटर लामो बाह्रबिसे–चीन सडक मर्मत–सम्भार अभावमा जीर्ण बन्दै गएको छ । माथिबाट भेलबाढीसहित आएको पहिरो र तलबाट भोटेकोसी नदीले कटान गरेपछि सडक जीर्ण बन्न पुगेको हो ।
-(2)-original-thumb.jpg)
खारेज हुनबाट जोगिए वैदेशिक रोजगार कम्पनी
वैदेशिक रोजगारीमा वार्षिक एक सय जनाभन्दा कम श्रमिक पठाउने वैदेशिक रोजगार व्यवसायी (म्यानपावर) कम्पनी खारेजीमा पर्नबाट जोगिएका छन् । शुक्रबार बसेको मन्त्रिपरिषद्को निर्णयबाट वैदेशिक रोजगार नियमावली (पाँचौ संशोधन), २०७६ मा भएको यससम्बन्धी व्यवस्था तत्कालका लागि हटाइएपछि म्यानपावर कम्पनी खारेजी हुनबाट जोगिएका हुन् ।
न्युजिल्यान्डलाई एक खेल अगावै सिरिज
पाहुना टोली न्युजिल्यान्डले आयरल्यान्डविरुद्धको टी-२० सिरिज एक खेल अगावै जितेको छ । बेलफास्टमा बुधबार राति भएको खेलमा न्युजिल्यान्डले घरेलु टोली आयरल्यान्डलाई ८८ रनले हरायो । यससँगै न्युजिल्यान्डले तीन खेलको सिरिज २-० ले जितेको छ ।
रोकियो सडक विस्तारको काम
सर्लाही सदरमुकाम मलङ्गवामा सडक विस्तारको काम पुनः रोकिएको छ । मलङ्गवामा जिविस चोकदेखि बजार क्षेत्र हुँदै पूर्व–पश्चिम हुलाकी राजमार्गसम्मको एक किलोमिटर सात सय मिटर सडक विस्तारको काम ठप्प भएको हो ।
नेपाल श्रीलङ्काको बाटोमा छैन : कार्की
सञ्चार तथा सूचना प्रविधिमन्त्री ज्ञानेन्द्रबहादुर कार्कीले नेपालको आर्थिक अवस्था श्रीलङ्काको बाटोमा जाँदै छ भनेर दुष्प्रचार गर्ने समूह नियोजित रूपमा लागेको बताउनुभएको छ । रोटरी क्लब अफ इटहरीको २६औँ पदस्थापन कार्यक्रममा नेपाल सरकारका प्रवक्तासमेत रहनुभएका मन्त्री कार्कीले नेपालले श्रीलङ्काजस्तो जथाभावी वैदेशिक ऋण नलिएकोसमेत स्पष्ट पार्नुभयो । हाम्रो देशको आर्थिक अवस्था सुदृढ गर्न पर्याप्त विद्युत् उत्पादन गरेर भारतलगायतका देशलाई बेच्न सके मुलुकको आर्थिक समृद्धि हुने उहाँले बताउनुभयो । मन्त्री कार्कीले भारत र बङ्गलादेशमा बिजुली बेचेरै महिनामा अर्बौं कमाउन नेपाललाई गाह्रो नहुने बताउनुभयो ।
‘प्रारम्भ’ मानसाग्निका दार्शनिक हाइकु
‘प्रारम्भ’ मानसाग्निका हाइकुहरू दार्शनिक हुन् । उहाँका लघुकविता बाह्य जगत् र अन्तरजगत्बीचको साक्षी हो । जापान देशको लोकसाहित्य या भनौँ पहिचान बोकेको लघुकविता हाइकु जसको नेपालीमा अर्थ प्रारम्भ हुन्छ ।
रुस–युक्रेन युद्धको असर मुटुको शल्यक्रियामा
मुटुको शल्यक्रिया गर्दा आवश्यक पर्ने अक्सिजेनेटरको अभावमा बाँसबारीस्थित शहीद गङ्गालाल राष्ट्रिय हृदय केन्द्रमा मुटुको शल्यक्रिया नै बन्द भएको छ । यो समस्या अन्य अस्पतालमा पनि आउने सम्भावना छ तर यो अन्तर्राष्ट्रिय समस्या नै रहेको छ । रुस र युक्रेन युद्धका कारण कच्चा पदार्थको आपूर्ति कम भएका कारण अक्सिजेनेटरलगायतका स्वास्थ्य सामग्री अभाव हुन थालेको हो ।
सूचना लिनकै लागि वर्षौं सङ्घर्ष
नवलपरासी सदरमुकाम परासीको चर्को घाममा शिक्षक परमेश्वर धरिकार साइकल पछाडि झोलामा कागजपत्र बोकेर पसिना पुछ्दै दिनहुँ ओहोरदोहोर गरिरहनुहुन्छ । नवलपरासीकै एक प्राथमिक विद्यालयमा शिक्षकका रूपमा कार्यरत धरिकारलाई भेट्नेहरू अनौठो मान्छन् । विद्यालय समयबाहेक बिहान, बेलुका र बिदाको दिनमा उहाँको बास परासी बजारमै हुने गरेको छ । परासी बजारमा उहाँ शिक्षण पेसा वा ट्युसन पढाउनका लागि होइन, सूचनाको अधिकार (आरटीआई) पाउनका लागि यसरी दिनहुँ कुदिरहनुभएको हो ।
करार कर्मचारी नहटाउन ध्यानाकर्षण
गाउँपालिका राष्ट्रिय महासङ्घ नेपालले स्थानीय तहमा स्थायी नियुक्तिका लागि सम्बन्धित प्रदेश लोकसेवा आयोगबाट सिफारिस भई नआएसम्मका लागि करार सेवामा कार्यरत अनुभवी कर्मचारी नहटाउन सबै स्थानीय तहको ध्यानाकर्षण गराएको छ । महासङ्घले बुधबार अनुरोधपत्र जारी गरी अनुभवी र दक्ष कर्मचारी हटाउँदा सम्बन्धित गाउँपालिकाको कार्यसम्पादनमा समेत आँच आउने जनाएको छ ।
राष्ट्रसङ्घीय महासभामा प्रम जाने सम्भावना
संयुक्त राष्ट्रसङ्घको आसन्न महासभामा नेपालले उच्च नेतृत्वसाथ सहभागिता जनाउने भएको छ । राष्ट्रसङ्घको महासभा आगामी भदौ २८ (१३ सेप्टेम्बर) देखि अमेरिकाको न्युयोर्कमा सुरु हुँदै छ ।
