धर्बेन्द्र झा
जनकपुरधाम, कात्तिक २४ गते । मधेश प्रदेशका नवनियुक्त मुख्यमन्त्री सरोजकुमार यादवले मधेश प्रदेशमा मुख्यमन्त्रीको तत्काल कार्यालय नभएको र कार्यालय जलेको अवस्थाका कारण आफुले पदभार ग्रहण नगरेको बताउनुभएको छ ।
उहाँले जेनजी पुस्ताको आन्दोलनको क्रममा मधेश प्रदेशको मुख्यमन्त्री कार्यालय जलेको र हालसम्म कार्यालय व्यवस्थापन हुन नसकेकाले मुख्य सचिवलाई कार्यालय व्यवस्थापनका लागि निर्देशन दिसकिएको बतटाउनुभयो ।
मधेश प्रदेशको राजधानी जनकपुरधामस्थित आफनै कोठामा सञ्चारकर्मी सँग कुरा गर्दै मुख्यमन्त्री यादवले कार्यालय दुई तीन दिनभित्र कार्यालय व्यवस्थापन भएपछि आफूले पदभार ग्रहण गर्ने बताउनुभयो ।
उहाँले आफुलाई नियुक्ति दिएपछि विरामी पर्नु भएका प्रदेश प्रमुख भण्डारी कार्यबाहक मुख्यमन्त्रीलाई जानकारी गराएर काठमाडौ जान लागेपछि आफुले नै नियुक्तिपछि सपथ गराइ दिन गरेको आग्रहका कारण जनकपुरधामभन्दा बाहिर सपथ लिनुपरेको अवस्थाको सृजना भएको बताउनुभयो ।
उहाँले यसअघिका मुख्यमन्त्रीहरु पनि फरक स्थानमा सपथ लिएको जानकारी गराँउदै प्रदेश प्रमुखको कार्यालयमै सटपथ लिनु पर्ने कुनै बाधयातमक अवस्था नरहेको बताउनु भयो । मुख्यमन्त्री यादवले भनू भयो — मैले नियुक्ति लिएपछि सपथका लागि प्रदेश प्रमुखजी लाई भन्दा प्रदेश प्रमुखको कार्यालय अगाडी हो हल्ला भइरहेको कारण प्रदेश प्रमुख जीले केही वेर पख्नुस भनेर भन्नु भयो ।
हामी मुटभेट चाहेका थिएनौ । पछि उहाँ विरामी पर्नु भएको खबर प्राप्त भएपछि मैले नै फोन गरेर आग्रह गरे। मलाई सपथ गराइ दिनुस । तपाई जहाँ हुनु हुन्छ त्यही म आँउछु । हाम्रो बातावरण नमिलेको कारण अन्य ठाँउमा सपथ लिनु परेको हो । मुख्यमन्त्री यादवले प्रदेशसभामा ठुलो दलको नेताको हैसियतले म लाई नियुक्ति दिएको भन्दै अहिले नेकपा (एमाले) सहित मन्त्री भएका दलहरुको साथ रहेको बताउनु भयो ।
उहाँले अन्य दललाई समेत सरकारमा सहभागिताको लागि आफूले पहल थालिसकेको बताउनु भयो । मुख्यमन्त्री यादवले मधेशी जनतालाई अह्वान गर्दै संविधान, राष्ट्रियता, राष्ट्रिय अखण्डता र संघीय लोकतान्त्रिक गणतन्त्र माथि अघात नहुने किसिमको काम गर्नका लागि आफू प्रतिबद्ध रहेको बताउनुभयो ।
