गोरखापत्र अनलाइन
पर्यटनमा भविष्य खोज्दै चौबिसे
पर्यटकीय नगरी भेडेटारबाट पूर्वमा रहेको चौबिसे क्षेत्र धनकुटाको एक महìवपूर्ण पर्यटकीय गन्तव्य बन्दै गएको छ । यो क्षेत्र भएर जाने भेडेटार–राजारानी–रबिराँके सडक आसपास दर्जनौँ त्यस्ता स्थान छन् जसले पर्यटकलाई अधिक लोभ्याउने गर्छ ।
नेपाल वायुसेवा निगम ६७औँ वर्ष प्रवेश
नेपाल वायुसेवा निगम ६७औँ वर्ष प्रवेश गरेको छ । नेपाल सरकार साझेदारी रहेको एक मात्र वायुसेवा कम्पनीले ६६ औँ वर्ष सफलतापूर्वक पार गरेको छ ।
बजेट टुक्य्राएर समितिमार्फत शीतभण्डार निर्माण
काभ्रेपलाञ्चोक जिल्लाको नमोबुद्ध नगरपालिका–३, दाहालचौरमा निर्माणाधीन कृषि उपज तथा कोल्ड स्टोर (शीतभण्डार) निर्माण गर्दा उपभोक्ता समितिबाट गर्न सकिने सीमाभन्दा बढीको निर्माण कार्य गरेको पाइएको छ ।
‘एक घर, एक धारा’ निर्माण गरिँदै
अर्घाखाँचीको छत्रदेव गाउँपालिकामा ‘एक घर, एक धारा’ निर्माण गरिने भएको छ । आयोजनाको काम ५० प्रतिशत सम्पन्न भएको छ । पालिकाका पाँच वडाका करिब दुई हजार घरधुरीलाई लक्षित गरी आयोजना सुरु गरिएको छत्रदेव गाउँपालिकाले जनाएको छ । जिल्लाकै गौरवको योजनाका रूपमा रहेको हाँडेखोला चिदीका बृहत् पम्पिङ खानेपानी आयोजनामार्फत ‘एक घर, एक धारा’ निर्माण गरिने भएको हो । बिडारी निर्माण सेवाले ३० करोड २२ लाख रुपियाँको लागतमा २०७९ चैत १ गते ठेक्का लिएको थियो ।
बढ्दै छन् लागुपदार्थ दुर्व्यसनी
दाङमा लागुपदार्थ दुर्व्यसनको दलदलमा फसेका झन्डै तीन सय जनाको उपचार भइरहेको छ । जिल्लाका १३ वटा पुनस्र्थापना केन्द्रमा २९५ उपचाररत छन् । चालु आर्थिक वर्षको असार महिनासम्म ५६६ जना उपचार गरेर घर फर्किएका छन् । जिल्ला प्रहरी कार्यालय दाङको तथ्याङ्कले बर्सेनि जिल्लामा लागुऔषध अपराधका मुद्दा बढ्दो क्रममा रहेको देखाएको छ । २०७६/०७७ मा ३४ वटा लागुऔषध अपराधमा मुद्दा दर्ता भएकोमा २०७७/७८ मा त्यो सङ्ख्या बढेर ३९ पुग्यो । २०७८/७९ मा झन् बढेर ५९ पुग्यो भने २०७९/८० मा पनि ५९ वटा लागुऔषध अपराधका मुद्दा दर्ता भए । चालु आवमा हालसम्म ४५ वटा मुद्दा दर्ता भएका छन् ।
पहिरोले पुरिँदा बालकको मृत्यु
भेरी नगरपालिका–४ इवरमा पहिरोले पुरिँदा पाँच वर्षीय प्रिन्स विकको निधन भएको छ भने उनका बुबा रमेश घाइते भएका छन् ।
निःशुल्क शिविर कुर्नुपर्ने बाध्यतामा नरैनापुरवासी
बाँकेको दुर्गम र अति नै पिछडिएको मानिने नरैनापुर गाउँपालिकाका अधिकांश जनताले अझै पनि राम्रो उपचार सेवा पाउन निःशुल्क स्वास्थ्य शिविर नै कुरेर बस्नुपर्ने बाध्यता छ । गाउँपालिकामा रहेको अस्पताल र स्वास्थ्य केन्द्रहरूले स्तरीय सेवा नदिँदा पालिकाका अधिकांश जनताले कि त रोग लुकाएर बस्नुपरेको छ कि बेला बेलामा सञ्चालन गरिने निःशुल्क स्वास्थ्य शिविरहरू कुरेर बस्नुपर्ने बाध्यता रहेको उनीहरूको गुनासो छ ।
बोलबम मन्दिर नयाँ स्वरूपमा
पश्चिम नेपालको पशुपतिनाथ भनेर परिचित रुपन्देहीको सैनामैना नगरपालिका–१ मा रहेको ऐतिहासिक पर्रोहा परमेश्वर बोलबम धाम मन्दिरले नयाँ स्वरूप पाएको छ । मन्दिरको पहिलो चरणको पुनर्निर्माणको काम सम्पन्न भएसँगै मन्दिर मनमोहक र आकर्षक देखिएको छ । सङ्घीय सरकार र सैनामैना नगरपालिकाको पहलमा पर्रोहा परमेश्वर बोलबम धामलाई लुम्बिनी प्रदेशकै प्रमुख धार्मिक पर्यटकीय स्थलका रूपमा विकास गर्ने गरी पहिलो चरणको पुनर्निर्माणको काम सम्पन्न भएको हो । मन्दिर व्यवस्थापन समितिका अध्यक्ष रामबली चौधरीले मन्दिरको गुरुयोजना बनाएर पहिलो चरणको काम सम्पन्न भएको बताउनुभयो ।
हराउँदै रोपाइँको मौलिकता
असारको दोस्रो साता बितिसकेको छ । मानो रोपेर मुरी फलाउने असार महिनामा यतिखेर किसानहरू खेतमा व्यस्त देखिएका छन् । दर्के झरी र चर्को घामको परबाह नगरी नवलपुरका ग्रामीण क्षेत्रमा किसानले रोपाइँ गरिरहेका छन् । आकासे पानी पर्याप्त नभए पनि बोरिङ, कुलोको पानी पट्याएर धान रोपाइँ सुरु गरेको कृषकले बताएका छन् । किसान रोपाइँमा व्यस्त भए पनि रोपाइँको मौलिकता भने हराउँदै गएको छ । कृषिमा यान्त्रिकीकरण र प्रविधिको प्रयोग बढ्दै गएपछि रैथाने प्रविधि लोप हुँदै गएका छन् । हलो, जुवा र गोरुको ठाउँ ट्याक्टरले लिएको छ भने असारे गीत पनि सुनिन छाडेको छ ।
चन्द्रागिरिले बालबालिकाको नाममा पाँच हजार रकम जम्मा गरिदिने
चन्द्रागिरि नगरपालिकाले आगामी साउन १ गतेदेखि बालबालिकाको नाममा रु पाँच हजार सङ्कलन गरिदिने भएको छ । नगरभित्रका बालबालिकाको शैक्षिक, आर्थिक एवं सामाजिक सुरक्षाका लागि नगरपालिकाले पहिलोपटक यस्तो कार्यक्रम कार्यान्वयनमा ल्याउन लागेको हो ।
शिक्षक सरुवाको असर एसइईमा
रास्कोट नगरपालिकाले गरेको मनपरी शिक्षक सरुवाको असर एसइई परीक्षमा परेको छ । नगरप्रमुख धर्मराज शाहीले मनोमानी ढङ्गले शिक्षकको काज सरुवा गर्दा २०८० सालको एसइई परीक्षाको नतिजा कमजोर भएको आरोप स्थानीय नगरवासीको छ । आफ्नो पार्टीलाई समर्थन गर्ने शिक्षकलाई विद्यालय प्रशासनको जिम्मेवारी दिने गरिएको, नियमविपरीत शिक्षक सरुवालगायत विभिन्न कारणले एसइई नतिजामा प्रत्यक्ष असर परेको बताइन्छ ।ल सो नगरपालिकाका चार वटा माध्यमिक विद्यालयमध्ये तीन वटा विद्यालयको नतिजा कमजोर देखिएको छ । नगरप्रमुख शाहीकै गाउँमा रहेको कालासिल्ला माध्यमिक विद्यालयबाट ३५ जना विद्यार्थीले परीक्षा दिएकामा तीन जना मात्रै पास भएका छन् ।
टीकापुरमा असल करदातालाई सम्मान
कैलालीको टीकापुर नगरपालिकाले असल करदातालाई सम्मान गरेको छ । नगर प्रमुख रामलाल डगौरा थारुले समयमै नियमित कर बुझाउने नौवटै वडाका एक संस्था र २४ जनालाई सम्मान गर्नुभएको हो ।
सिकाइ उपलब्धि कमजोर
कर्णाली प्रदेशमा कक्षा ५, ८ र १० मा सिकाइ उपलब्धि कमजोर रहेको पाइएको छ । शैक्षिक गुणस्तर परीक्षण केन्द्र भक्तपुरले सार्वजनिक गरेको अध्ययन प्रतिवेदनमा विद्यार्थीका लागि कक्षागत तथा पारिवारिक सिकाइ उपलब्धि कमजोर रहेको देखाइएको हो । कक्षा १० को गणित, विज्ञान, नेपाली र अङ्ग्रेजी विषयमा ४० प्रतिशतभन्दा कम सिकाइ उपलब्धि भएको छ । गणितमा ३१, विज्ञानमा १८, नेपालीमा ३९ र अङ्ग्रेजीमा ३० प्रतिशत सिकाइ उपलब्धि हासिल भएको केन्द्रका अध्ययनकर्ता धनबहादुर ओलीले बताउनुभयो । सबै विषयमा ४० प्रतिशतभन्दा कम विद्यार्थीले न्यूनतम सिकाइ उपलब्धि हासिल गरेका पाइएको जानकारी उहाँले दिनुभयो । सिकाइ उपलब्धि हासिल भए पनि सामुदायिकभन्दा संस्थागत विद्यालयमा बढी प्रगति देखिएको छ ।
कालीगण्डकी नदी कटानले औद्योगिक ग्राम जोखिममा
बागलुङ नगरपालिकाले औद्योगिक ग्रामका लागि आवश्यक संरचना बनाउन नपाउँदै कालीगण्डकीले जमिन बगाउन थालेको छ । औद्योगिक ग्राम बनाउने भन्दै नगरपालिकाले चार वर्षअघि काम थालेको थियो ।
सिँचाइ नहुँदा रोपाइँमा ढिलाइ
कर्णालीका अधिकांश जिल्लामा यस पटक फाट्टफुट्ट मात्रै रोपाइँ भएको छ । मध्य असार भइसक्दा पनि यसपालि न्यून क्षेत्रमा धान रोपिएको छ । पर्याप्त वर्षा हुन नसक्दा रोपाइँ सुरु हुन नसकेको वीरेन्द्रनगर नगरपालिका–१० का कृषक रामप्रसाद ढकालले बताउनुभयो । केही दिनअघिदेखि हल्का पानी परे पनि रोपाइँका लागि पर्याप्त हुन नसकेको ढकालको भनाइ छ । गत वर्ष यो समयमा आधा रोपाइँ गरिसकेको भए पनि यो वर्ष रोपाइँ सुरु हुन सकेको छैन । समयमै मल नपाउने समस्या भोग्दै आएका किसानले यस पटक धान पनि प्रतिकूल मौसमका कारण समयमै रोप्न पाएनन् । वीरेन्द्रनगर–३ का कृषक सबिन थापाले विगतका वर्षमा यतिबेला रोपाइँ सके पनि यो वर्ष सुरु नभएको बताउनुभयो ।
