मंकिपक्सका शङ्कास्पद बिरामी टेकु अस्पतालमा भर्ना
विदेशबाट काठमाडौं आएका मंकिपक्सका शंकास्पद एक बिरामीलाई टेकुस्थित शुक्रराज ट्रपिकल तथा सरुवारोग अस्पतालमा भर्ना गरिएको छ ।
कोदालोले खनेर मात्र बिरुवा हुर्किन्न – मुख्यमन्त्री केसी
लुम्बिनी प्रदेशका मुख्यमन्त्री कुलप्रसाद केसीले कोदालोले खनेर मात्र बिरुवा नहुर्किने बताउनुभएको छ । कपिलवस्तुको बाणगंगा नगरपालिका ८ मधुवनधामको आठौँ चुरे दिवसको अवसरमा बोल्दै उहाँले सो कुरा बताउनुभएको हो ।
वातावरणीय अध्ययन गरेर मात्रै प्राकृतिक स्रोतको उत्खनन गर्न राष्ट्रपतिको आग्रह
राष्ट्रपति विद्यादेवी भण्डारीले चुरे क्षेत्रको वातावरणीय अध्ययन गरेर मात्रै ढुङ्गा, गिटी र बालुवा जस्तो प्राकृतिक स्रोतको उत्खनन् तथा सङ्कलन गर्न आग्रह गर्नु भएको छ । उहाँले बिहीबार सिन्धुलीको दुधौली नगरपालिका–३ स्थित रानीबासमा राष्ट्रपति चुरे–तराई संरक्षण विकास समिति र नेपाली सेनाको श्री नं. १ वन तथा पर्यावरण सुरक्षा गणले संयुक्त रुपमा आयोजना गरेको आठाैं चुरे दिवसको अवसरमा एक दिनमा एक लाख विरुवा वृक्षारोपण कार्यक्रमको शुभारम्भ समारोहमा यस्तो आग्रह गर्नुभएको हो ।
सिमेन्ट उत्पादक सङ्घले गर्यो बजेटको स्वागत
नेपाल सिमेन्ट उत्पादक सङ्घले सरकारले सार्वजनिक गरेको आगामी आर्थिक वर्ष २०७९/८० को बजेट सकारात्मक रहेको जनाएको छ ।
रेसुङ्गा विमानस्थल परीक्षण उडानमै सीमित
शिलान्यास भएको १६ वर्ष बित्नैलाग्दा गुल्मेलीहरुले रेसुङ्गा विमानस्थलबाट विमान चढेर भैरहवा र काठमाडौं जान पाएका छैनन् । तत्कालीन संस्कृति, पर्यटन तथा नागरिक उडड्यन मन्त्री प्रदीपकुमार ज्ञवालीले २०६३ सालमा शिलान्यास गरेको विमानस्थलको निर्माण कार्य करिब सकिएको छ ।
एसपिपी ओली सरकारका पालामा कार्यान्वयन गर्ने काम भएकाे थियाे : अध्यक्ष प्रचण्ड
नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले गठबन्धन सरकारले ‘स्टेट पार्टनरसीप प्रोगाम’ (एसपिपी) सम्झौता नगर्ने प्रष्ट पार्नुभएको छ । २१औँ रितबहादुर खड्का स्मृति दिवसका अवसरमा आज पार्टी मुख्यालय पेरिसडाँडामा आयोजित कार्यक्रममा उहाँले सरकार नेपालको राष्ट्रियता स्वाधीनताको पक्षमा दृढतापूर्वक उभिने र त्यस्तो खालको कुनै सम्झौता नगर्ने विश्वास दिलाउनुभयो ।
नेपाल र रसियाका खेलकुद मन्त्रीबिच भेटवार्ता
युवा तथा खेलकुद मन्त्री महेश्वर गहतराजले रसिया–नेपाल खेलकुद सहयोग कार्ययोजनामा हस्ताक्षर गर्नुभएको छ । रसियन सरकारको औपचारीक निमन्त्रणामा रसियाको भ्रमणमा रहनुभएका मन्त्री अथक र रसियाका खेलकुद मन्त्री आलेग भासिलिभिचले दुईपक्षिय कार्ययोजनामामा संयुक्त रुपमा हस्ताक्षर गर्नुभएको हो ।
कागजरहित सरकारको अवधारणा कार्यान्वयन हुँदै
सञ्चार तथा सूचना प्रविधिमन्त्री ज्ञानेन्द्रबहादुर कार्कीले कागजरहित सरकारको अवधारणालाई कार्यान्वयन गर्न एकीकृत कार्यालय व्यवस्थापन प्रणाली निर्माण भइरहेको जानकारी दिनुभएको छ ।
प्रदेशले ल्याए तीन खर्बको बजेट
प्रदेशको अर्थतन्त्र प्रवद्र्धन तथा उत्पादकत्व वृद्धिलाई प्राथमिकतामा राख्दै प्रदेश सरकारले आगामी आर्थिक वर्षको बजेट प्रस्तुत गरेका छन् । सम्बन्धित प्रदेशका अर्थमन्त्रीले आआफ्नो प्रदेश सभामा बुधबार आव २०७९/८० का लागि तीन खर्ब पाँच अर्ब ४६ करोड २६ लाख रुपियाँको बजेट प्रस्तुत गर्नुभएको हो । यो बजेट चालू आर्थिक वर्षको तुलनामा ४४ अर्ब ४६ करोड रुपियाँले बढी हो । चालू आर्थिक वर्षमा सबै प्रदेशको कुल बजेट दुई खर्ब ६१ अर्ब रुपियाँ बजेट प्रस्तुत गरेका थिए ।
अमेरिकी सेनासँग एसपिपिसम्बन्धी सम्झौता वा समझदारी भएको छैन : नेपाली सेना
नेपाली सेनाले अमेरिकी सेनासँग रणनीतिक साझेदारी कार्यक्रम (एस.पि.पि) सम्बन्धी कुनै पनि सम्झौता वा समझदारी नगरेको र त्यस्तो सम्झौता गर्नेतर्फ कुनै प्रक्रियासमेत नभएको स्पष्ट पारेको छ ।
हुुम्लामा ३१ वटा बस्ती मनसुुनजन्य प्रकोपको उच्च जोखिममा
जिल्लाका सातवटै गाउँपालिकाका ३१ वटा बस्ती मनसुनजन्य बिपदको उच्च जोखिममा रहेको छ । जिल्ला मनसुुनजन्य बिपद तथा प्रतिकार्य योजना २०७९ ले ती वस्तीलाई उच्च जोखिममा रहेको औल्याएको हो ।
घोप्टेभीरको पहिरो पन्छाएर राजमार्ग सञ्चालनमा
पृथ्वी राजमार्गमा झरेको पहिरो पन्छाएर अहिले राजमार्ग सञ्चालनमा आएको छ । बुधवार दिउँसो २ वजे चितवन ईच्छाकामना गाउँपालिका ४ घोप्टेभिरस्थित पृथ्वीराजमार्गमा पहिरो झरी बाटो दुईतर्फी अबरोध भएको थियो । सडक ३ वजे खुलेको जिल्ला प्रहरी कार्यालय चितवनका डिएसपी रविन विष्टले जानकारी दिनुभयो ।
राज्यमन्त्री वली अस्पताल भर्ना
लुम्बिनी प्रदेशका स्वास्थ्य राज्यमन्त्री विमला खत्री वली अस्वस्थ हुनुभएपछि उहाँलाई लुम्बिनी प्रादेशिक अस्पतालमा भर्ना गरेर उपचार गरिएको छ ।
घोप्टेभीरमा पहिरो : पृथ्वीराजमार्ग अवरुद्ध
चितवनको इच्छाकामना–४ घोप्टेभीरमा बुधबार दिउँसो २ बजे पहिरो खसेपछि राजमार्ग दुईतर्फी अवरुद्ध भएको हो ।
ग्रिड पुगेपछि उपेक्षामा लघुजलविद्युत्
लघुजलविद्युत् आयोजनाको केन्द्र भनेर चिनिएको बाग्लुङका सबै साना तथा लघुजलविद्युत् आयोजनाबाट उत्पादित बिजुली मिनिग्रिडमा जोड्ने योजना सात वर्षदेखि अलपत्र छ । लघुजलविद्युत् आयोजनालाई मिनिग्रिड बनाएर केन्द्रीय प्रसारण लाइनमा जोड्ने योजना कार्यान्वयन नहुँदा अधिकांश लघुजलविद्युत् आयोजनाको बिजुली खेर गइरहेको छ ।
धनगढीको खोलानालामा भएको अतिक्रमण हटाउने काम सुरु
कैलालीको धनगढीस्थित खोलानालामा भएको अतिक्रमण हटाउने काम सुरु गरिएको छ । खोलानालामा अतिक्रमणका कारण डुबान समस्या बढ्दै गएकाले धनगढी उपमहानगरपालिकाको कार्यालयले अतिक्रमण हटाउन सुरु गरेको हो ।
-original-thumb.jpg)
नवनिर्वाचित जिसस प्रमुख लामाद्वारा पदभार ग्रहण
जिल्ला समन्वय समिति (जिसस) ताप्लेजुङका नवनिर्वाचित प्रमुख छिरिङ लामाले पदभार ग्रहण गर्नुभएको छ । बुधबार दिउँसो मुख्य निर्वाचन अधिकृत एवम् जिल्ला न्यायाधीश प्रकाश राउतमार्फत् पद तथा गोपनीयताको सपथ लिएपछि लामाले पदभार ग्रहण गर्नुभएको हो ।
सिक्टा सिंचाइ आयोजना १८ वर्ष बित्दा पनि ३० प्रतिशत काम बाँकी
राष्ट्रिय गौरवको आयोजना अन्तर्गत रहेको सिक्टा सिंचाइ आयोजनाको निर्माण कार्य सुरु भएको १८ वर्ष बित्दा अझै ३० प्रतिशत काम बाँकी रहेको छ । सिफ्टा सिंचाई आयोजनाको काम कछुवा गतिमा रहेको छ । हाल सरकारले २४ वटा आयोजनालाई राष्ट्रिय गौरवको आयोजनाको रुपमा राखेको छ ।
सुर्खेतमा ३३ केभी विद्युत विस्तारको काम शुरु गरिँदै
कोहलपुर–वीरेन्द्रनगर जोड्ने १३२ केभी प्रसारण लाइन विस्तारमा ढिला हुने देखिएपछि कैलालीबाट ३३ केभी विद्युत विस्तारको काम शुरु गरिएको छ । कोहलपुरबाट ल्याइएको विद्युतले सुर्खेतसहित अन्य जिल्लाको भार धान्न नसकेपछि थप लाइन वीरेन्द्रनगर ल्याउन लागिएको हो । वीरेन्द्रनगर ल्याउन लागिएको विद्युत लाइन कैलाली जिल्लाको चिसापानी–सोल्टा–बावियाचौर–बड्डिचौर–बाँगेशीमल हुँदै वीरेन्द्रनगरस्थित बुदेबुदे सब–स्टेशनमा जोडिनेछ ।
न्यायको माग गर्दै निहारिका अनशनमा : सदनदेखि सडकसम्म दोषीलाई कारबाहीको माग
अविवाहित आमा निहारिका राजपूत २१ महिने काखे बालकसहित राजधानीमा पाँच दिनदेखि आमरण अनशनमा हुनुहुन्छ । पहिलो दिन माईतीघरमा अनशन बस्ने क्रममा प्रहरीबाट धरपडक पश्चात् सिंहदरबारस्थित प्रहरी वृत्तमा राखियो । सोही मध्यरातमा उहाँहरु छोडिनु भएको थियो ।
विमानस्थलको सरसफाइ गरिने
संस्कृति, पर्यटन तथा नागरिक उड्डयनमन्त्री प्रेमबहादुर आलेले त्रिभुवन अन्तर्राष्ट्रिय विमानस्थलसहित देशभरका आन्तरिक विमानस्थलको सरसफाइमा तीव्र सुधार गरिने बताउनुभएको छ । गैरआवासीय नेपाली सङ्घ (एनआरएनए)का अभियन्ता एवं सफाइविज्ञ खेमनाथ शर्माले सुरु गर्नुभएको त्रिभुवन अन्तर्राष्ट्रिय विमानस्थल र पशुपति क्षेत्रको दुई हप्ते सरसफाइ अभियानमा सहभागी सरसफाइ कर्मचारीलाई प्रमाणपत्र वितरण कार्यक्रममा बोल्दै मन्त्री आलेले यस्तो बताउनुभएको हो ।सफाइ मजदुरलाई आवश्यक तालिम र आधुनिक सामग्रीको प्रबन्ध गरेर सरसफाइमा परिवर्तन ल्याइने बताउनुभएको हो ।
‘प्रधानमन्त्रीको अमेरिका भ्रमणको गृहकार्य हुँदैछ’
परराष्ट्रमन्त्री डा. नारायण खड्काले प्रधानमन्त्री शेरबहादुर देउवाले गर्नुहुने संयुक्त राज्य अमेरिका भ्रमणको गृहकार्य भइरहेको बताउनुभएको छ । उहाँले दुवै राष्ट्रका प्रमुखलाई उपयुक्त हुने मिति तय हुँदै गरेको पनि बताउनुभयो ।
कर्मचारीको लापरबाही र त्रुटिबाट हरिजनको हत्या
गृहमन्त्री बालकृष्ण खाणले कैदी सुन्दर हरिजनको जेल स्थानान्तरण र आत्महत्याबारे तयार भएको प्रतिवेदनका समेटिएका विषय कानुन अनुरुप कार्यान्वयनको प्रक्रियामा लगिने बताउनु भएको छ ।
अभ्यास हातेमालो–४ सम्पन्न
विपद् व्यवस्थापन कार्यलाई थप व्यवस्थित तथा प्रभावकारी पार्ने उद्देश्यका साथ नेपाल सरकारका विभिन्न सरोकारवाला मन्त्रालय, सुरक्षा निकाय, सरकारी एवं गैह्रसरकारी निकायका प्रतिनिधिहरुलाई सहभागी गराई नेपाली सेनाले संचालन गरेको अभ्यास हातेमालो–४ मंगलबार जंगी अड्डामा प्रधान सेनापति प्रभुराम शर्माको प्रमुख आतिथ्यतामा समापन भएको छ ।
बन्दीपुरमा चितुवाको आक्रमणबाट बालकको मृत्यु
अमरराज नहर्कीतनहुँ, जेठ ३१ गते। चितुवाको आक्रमणबाट तनहुँमा मङ्गलबार दिउँसो एक बालकको मृत्यु भएको छ। बन्दीपुर गाउँपालिका–१ बस्ने प्रेमबहादुर मगरको पाँच वर्षीय छोरा सुप्रिम रिलामी मगरको मृत्यु भएको डिभिजन वन कार्यालय तनहुँका प्रमुख कोमलराज काफ्लेले जानकारी दिनुभयो। बन्दीपुरमा शुक्रबार र शनिबार पनि चितुवाले आक्रमण गर्दा दुई जना घाइते भएका थिए। यतिबेला चितुवाले बच्चा हुर्काउने बेला भएकोले आहार जङ्गलमा नपाएर मानव बस्तीमा आएको र मानिसलाई आक्रमण गरेको हुनसक्ने डिभिजन वन प्रमुख काफ्लेले बताउनुभयो। चितुवाले बालकलाई आक्रमण गरेर लगेपछि घरपरिवार र छिमेकी कराउँदै पछि लागेपछि चितुवाले बालकलाई छाडेर भागेको घटनास्थल पुग्नु भएका बन्दीपुर गाउँपालिकाका प्रवक्ता शिवकुमार श्रेष्ठले जानकारी दिनुभयो। चितुवाले घाँटीमा चिथोरे मारेको प्रवक्ता श्रेष्ठले बताउनुभयो। शनिबार साँझ र आइतबार बिहान चितुवाले आक्रमण गरेर दुई जनालाई घाइते बनाएको थियो। डिभिजन वन कार्यालय तनहुँले सूचना सार्वजनिक गर्दै बालबालिकालाई एक्लै नछाड्न, घर वरीपरीको झाडी फाड्न, साँझ र झिसमिसे उज्यालोमा घरबाट बाहिर ननिस्कन आग्रह गरेको छ।
.jpg)