बागमती प्रदेशमा मतदाता नामावली दर्ता गराउने युवाको सङ्ख्या अधिक
आगामी फागुनका लागि घोषित प्रतिनिधि सभा सदस्य निर्वाचनको मिति नजिकिएसँगै निर्वाचन कार्यालयहरुमा मतदाता नामावली दर्ता गराउनेहरुको विशेष घुइँचो लाग्दै आएको छ ।
न्यालम भन्सारले जाँचपासमा ढिलाइ गर्दा छ सय कन्टेनर चीनतर्फै अड्किए
चीनको स्वाशासित क्षेत्र तिब्बतको न्यालम भन्सारले तातोपानी नाका आउन लागेका मालबस्तु बोकेका कन्टेनरहरु जाँचपास गर्न ढिलाइ गरेका कारण अझै सोही क्षेत्रमा ६ सयभन्दा बढि कन्टेनर उतै रोकिएका छन् ।
बक्यौता नतिर्ने ग्राहकबाट एक करोड ३४ लाख असुली प्रक्रिया सुरु
वितरण केन्द्रले लामो समयदेखि विद्युत महसुल नतिरेका १८२ जना ग्राहकको लाइन काट्दै एक करोड ३४ लाख ६२ हजार ४२० रुपियाँ बक्यौता असुली गर्ने प्रक्रिया अघि बढाइएको वितरण केन्द्रका प्रमुख जगन्नाथ लामिछानेले बताउनुभयो ।
सुदूरपश्चिम प्रदेशको शिक्षण सिकाइ निराशाजनक
सुदूरपश्चिम प्रदेशका नौ जिल्लामा विद्यार्थीको सिकाइ उपलब्धिको अवस्था निराशाजनक देखिएको छ । पछिल्ला केही वर्षयता एसइई, कक्षा ८ तथा अन्य कक्षाका विद्यार्थीको सिकाइमा अपेक्षाकृत सुधार नदेखिएको शिक्षा विकास निर्देशनालय डोटीले जनाएको छ ।
नेपाल प्रवर्धनका लागि एनटिभी वर्ल्ड
सार्वजनिक सेवा प्रसारणको प्रथम वार्षिकोत्सवका अवसरमा आइतबारदेखि सार्वजनिक सेवा प्रसारण नेपालको अङ्ग्रेजी च्यानल ‘एनटिभी वर्ल्ड’ को प्रसारण सुरु भएको छ । सो अवसरमा राष्ट्रपति रामचन्द्र पौडेलले उक्त सेवाको आइतबारदेखि शुभारम्भ गर्नुभएको हो ।
कोप सम्मेलन : जलवायु परिवर्तनका एजेन्डासहित नेपाल सहभागी
जलवायु परिवर्तनसम्बन्धी संयुक्त राष्ट्रसङ्घीय संरचना महासन्धिका पक्ष राष्ट्रहरूको ३० औँ सम्मेलन (कोप–३०) का लागि नेपालका प्रतिनिधि एजेन्डासहित पूर्ण तयारी अवस्थामा ब्राजिल पुगेका छन् । सम्मेलनको औपचारिक उद्घाटन कात्तिक २४ अर्थात् सोमबार ब्राजिलको बेलेम सहरमा हुँदै छ ।
‘आन्दोलनलाई अपराधीकरण गर्न खोजियो’
जेनजीले गत भदौ २३ र २४ गते भएको आन्दोलनलाई अपराधीकरण गर्न खोजिएको सहभागीले बताएका छन् । विवेकशील साझा पार्टीले आइतबार काठमाडौँमा आयोजना गरेको ‘जेनजी स्वतन्त्र वैकल्पिक शक्ति गोलमेच’ अन्तर्क्रिया कार्यक्रममा वैकल्पिक पार्टीका नेता र जेनजी नेताले जेनजी आन्दोलनलाई संस्थागत गर्नुपर्ने मत राख्नुभएको हो ।
नेपाल ट्रस्टको जग्गा प्रकरण : सिआइबीले थाल्यो विस्तृत अनुसन्धान
नेपाल ट्रस्टको जग्गा भाडामा लगाउँदा भएको हिनामिनाबारे नेपाल प्रहरीको केन्द्रीय अनुसन्धान ब्युरो (सिआइबी) ले विस्तृत अनुसन्धान सुरु गरेको छ । सिआइबीले नेपाल ट्रस्टका तत्कालीन सहसचिव लेखबहादुर कार्कीलाई शनिबार पक्राउ गरी अनुसन्धान थालेसँगै झन्डै एक दशकदेखि चर्चामा रहेको नेपाल ट्रस्टको जग्गा हिनामिनाबारे नयाँ तथ्य बाहिर आउने सम्भावना बढेको छ ।
निवर्तमान सांसदबाट हस्ताक्षर सङ्कलन अभियान
विघटित प्रतिनिधि सभामा दुई ठुला दल नेपाली कांग्रेस र नेकपा (एमाले) का सदस्यले पुनस्र्थापनाको माग लिई अदालत जान हस्ताक्षर सङ्कलन अभियान चलाएका छन् । प्रतिनिधि सभा विघटनलाई असंवैधानिक भनेका दुई दलका निवर्तमान सांसदले विवाद अदालतमा पुगिसकेपछि हस्ताक्षर सङ्कलन सुरु गरेका हुन् ।
पृथ्वी राजमार्गको पाँच सय कित्ता जमिन अतिक्रमण
मुग्लिङदेखि सिस्नेखोला (निर्माणाधीन सुरुङमार्गको पश्चिमी पोर्टल) सम्म पृथ्वी राजमार्गको पाँच सय कित्ता जमिन व्यक्तिका नाममा दर्ता भएको पाइएको छ । २०३५ सालमा त्रिभुवन राजपथको घुम्ती सुधार कार्यक्रम अन्तर्गत राजमार्गको पुरानो ‘एलाइनमेन्ट’ लाई छोडेर पूर्वतर्फ ‘सिफ्ट’ गरी सडकलाई सिधा गर्दा र पृथ्वी राजमार्गको चौडाइ २५ मिटरबाट घटाएर १५ मिटर कायम गरेपछि बाँकी रहेको १० मिटर क्षेत्रफलको जग्गा विभिन्न व्यक्तिका नाममा दर्ता हुन गएको हो ।
विदेशबाटै नेपालीले मतदान गर्न सक्ने प्रविधि तयारीमा सरकार
प्रतिनिधि सभाको निर्वाचन मिति नजिकिंदै गर्दा सरकारले फाल्गुन २१ गते हुने चुनावमा नयाँ प्रविधिको प्रयोग गर्दै विदेशमा रहेका सबै नेपाली नागरिकलाई विदेशबाटै कसरी आफ्नो मतदानको अधिकार प्रयोग गर्न सकिन्छ भन्ने विषयमा सरोकारवाला निकायबिच छलफल गरेको छ।
टेलिकमको सेवालाई गुणस्तरीय र प्रभावकारी बनाउन सञ्चारमन्त्रीको निर्देशन
सञ्चार तथा सूचना प्रविधिमन्त्री जगदीश खरेलले नेपाल टेलिकमको पहुँच विस्तारसँगै सेवालाई गुणस्तरीय र प्रभावकारी बनाउन निर्देशन दिनुभएको छ।
महिला गोल्डकपको उपाधिमा पुलिस र एपिएफको दाबी
झापाको शिवसताक्षी दुधे रंगशालामा आज हुने झापा महिला गोल्डकपको फाईनल खेलमा उपाधि रक्षा गर्ने दुई विभागीय टीम एपिएफ फुटबल क्लब र नेपाल पुलिस क्लबले दावी गरेका छन् ।
महिला मृत अवस्थामा फेला
गुल्मीदरवार गाउँपालिका –१ बोटे गाउँकी ५० वर्षीया दिलकुमारी बोटे मृत अवस्थामा फेला पर्नुभएको छ । प्रहरीका अनुसार बोटे कात्तिक २१ गते घरबाट कोही कसैलाई जानकारी नदिइ हिडेको र त्यसयता सम्पर्कविहीन भएको परिवारले जनाएको थियो।
निर्वाचनमा ५० प्रतिशत महिला उम्मेदवार सुनिश्चित गर्न माग
पहिलो संविधान सभाका चार सभासदसहितको टोलीले प्रधानमन्त्री सुशीला कार्कीसमक्ष निर्वाचन कानुनमा ५० प्रतिशत महिला उम्मेदवार सुनिश्चित गर्न माग गरेको छ।
लोकदोहोरी गीत प्रतिष्ठान स्याङ्जाको अध्यक्षमा गौडेल
राष्ट्रिय लोक तथा दोहोरी गीत प्रतिष्ठान नेपाल, स्याङ्जाको २४ औं साधारणसभा तथा नवौं अधिवेशनले जगत गौडेलको अध्यक्षतामा २५ सदस्यीय जिल्ला कार्यसमिति चयन गरेको छ ।
अज्ञात समूहद्वारा घरमा आगजनी
भोजपुरको अरुण गाउँपालिका –४ चरम्बीस्थित रणबहादुर भुजेलको घरमा गए राति अज्ञात समूहले आगजनी गरेको छ ।
नक्सालको भाटभटेनी भत्काउने क्रममा तीन जना घाइते
जिल्ला प्रहरी परिसर काठमाडौँका प्रवक्ता पवन भट्टराईका अनुसार आइतबार दिउँसो आगलागी भएको भाटभटेनी सुपरमार्केट भत्काउने क्रममा ३३ वर्षीय राजकुमार स्याङ्तान, २५ वर्षीय दीपक तामाङ र २१ वर्षीय विजय पाख्रिन घाइते हुनुभएको हो ।
स्वार्थ समूहको चलखेलमा भएका निर्णय उल्टाउन प्रधानमन्त्रीसँग गोविन्द केसीको माग
चिकित्सा शिक्षा सुधारका अभियन्ता डा. गोविन्द केसीले विगतमा स्वार्थ समूहको चलखेलबाट गरिएका निर्णय उल्टाउन सरकारसमक्ष माग गर्नुभएको छ।
शिक्षक, प्राध्यापक र कर्मचारीका सङ्गठनलाई मान्यता नदिने शिक्षामन्त्रीको निर्णय
शिक्षामन्त्री महावीर पुनले शिक्षक, प्राध्यापक तथा कर्मचारीका विभिन्न सङ्घ सङ्गठनलाई मन्त्रालयले मान्यता नदिने निर्णय गरेको जानकारी गराउनुभएको छ।
युवा पुस्ताको सुशासन र विकासको चाहना पूरा गर्न ध्यान दिऔं : राष्ट्रपति पौडेल
राष्ट्रपति रामचन्द्र पौडेलले लोकतन्त्रको सुदृढीकरण गर्न र त्यसको प्रतिफल जनताले प्राप्त गर्ने वातावरण निर्माणमा सञ्चार माध्यमहरुको योगदान महत्वपूर्ण हुने बताउनुभएको छ ।
तीन युवाद्वारा लमजुङ हिमालको आरोहण
गोरखाका तीन जना युवाले साहस, धैर्य र लगनशीलता प्रदर्शन गर्दै लमजुङ हिमाल आरोहण गरेका छन् । उत्तरी गोरखाको धार्चे गाउँपालिका–४, लाप्राकका सन्दीप गुरुङ, सुजल गुरुङ र बुद्धबहादुर गुरुङले ६ हजार ९८३ मिटर अग्लो लमजुङ हिमाल आरोहण गरी लाप्राकको नाम उज्यालो पारेका छन् ।
जेनजी भन्छन्, ‘परिवर्तनका लागि निर्वाचन’
फागुन २१ गते हुने प्रतिनिधि सभा सदस्य निर्वाचनका लागि जेनजी पुस्ता उत्साहित देखिन्छन् ।जेनजी प्रतिनिधि हिक्मत तिमल्सिना यसअघि जनताले चुनेर पठाएका जनप्रतिनिधिले जनमतको सदुपयोग गर्न नसकेको बताउनुहुन्छ ।
कागजमै सीमित बन्यो ‘आयोजना बैंक’
बागमती प्रदेश सरकारले चालु आर्थिक वर्ष २०८२/८३ का लागि ल्याएको ६७ अर्ब ४७ करोड ७३ लाख २७ हजार रुपियाँको बजेटमा चितवनका ज्ञानहरि अर्यालको घरदेखि बागेश्वर शिव मन्दिरसम्मको सडकका लागि बजेट विनियोजन गरिएको छ ।
एसइई प्रमाणपत्र लिन आठ हजार तिर्नुपर्ने !
म्याग्दीको बेनी नगरपालिका–५ पुलाचौरस्थित जनकल्याण माध्यमिक विद्यालयले एसइई प्रमाणपत्र लिने क्रममा विद्यार्थीबाट आठ हजार रुपियाँभन्दा बढि असुली गरेको खुलासा भएको छ ।
