भान्जाद्वारा मामाको हत्या
बारीमा काम गर्ने क्रममा भएको विवादमा भान्जा लालबन्दी–११, कै ३१ वर्षीय रवी विकले मामा लालबन्दी–१७, रानिगञ्ज निवासी ४५ वर्षीय अशोक विकको हत्या गरेका हुन् ।
पाँच बर्षमा एघार वटा झोलुङ्गे पुल निर्माण
लमजुङको मर्स्याङ्दी गाउँपालिकाले पाँच वर्षको अवधिमा एघार वटा झोलुङ्गे पुल निर्माण गरेको छ । गाउँपालिकाले नागरिकको आवश्यकताअनुसार झोलुङ्गे पुल निर्माण गरेको हो ।
चट्याङका घटना बढ्दै, छैन पूर्वानुमान गर्ने प्रविधि
नेपालमा प्रि–मनसुन सुरु भएसँगै चट्याङ पर्न थालेकाे छ । यो बेलादेखि बढी क्रियाशील हुने चट्याङ्ले बर्षेनी जनधको क्षति गरिरहेको छ । बितेको केही दिनमा मात्रै देशका विभिन्न ठाउँमा चट्याङ् लागेर तीन जनाले ज्यान गुमाइसेकका छन् । तर यसको पूर्वानुमान गर्न नेपालमा कुनै प्रविधि भएको पाइँदैन ।
कार्यस्थलमा हुने यौन दुव्र्यवहार गम्भीर अपराध
महिला, बालबालिका तथा ज्येष्ठ नागरिकमन्त्री उमा रेग्मीले कार्यस्थलमा हुने यौनजन्य दुव्र्यवहार (पहिलो संशोधन) ऐन २०७८ संशोधन गर्न लागिएको बताउनुभएको छ । नेपाल कानुन आयोगद्वारा शुक्रबार यहाँ आयोजित कार्यस्थलमा हुने यौनजन्य दुव्र्यवहार (पहिलो संशोधन) ऐन २०७८ संशोधन गर्न बनेको विधेयकको प्रारम्भिक प्रतिवेदन मस्यौदाउपरको अन्तक्र्रियामा मन्त्री रेग्मीले कार्यस्थलमा हुने यौनजन्य दुव्र्यवहार गम्भीर अपराध भएको बताउनुभयो ।
खोलाले बगाउँदा तनहुँमा एकको मृत्यु
खोलाले बगाउँदा एक व्यक्तिको मृत्यु भएको छ । शुक्लागण्डकी नगरपालिका–१० कुखुरे खोला बस्ने ५२ वर्षीय यामबहादुर बिकको मृत्यु भएको प्रहरीले जनाएको छ ।
-original-thumb.jpg)
हदम्याद हटाउन संशोधन दर्ता
बलात्कार मुद्दामा जाहेरी दिने हदम्याद नराख्न संशोधन दर्ता भएको छ । यौन हिंसाविरुद्धका केही नेपाल ऐनलाई संशोधन गर्न बनेको विधेयकमा हदम्यादको व्यवस्था हटाउन दुई संशोधन दर्ता भएका हुन् ।
मुद्दाका कारण पदपूर्ति प्रक्रिया अवरुद्ध
लोकसेवा आयोगले निजामती तथा सङ्गठित संस्थाका विभिन्न पदमा गरेका विज्ञापनविरुद्ध परेका मुद्दाका कारण ठूलो सङ्ख्यामा कर्मचारीको पदपूर्ति अवरुद्ध हुने गरेको छ । खरिदार पदको विज्ञापनको पदपूर्ति तीन वर्षदेखि रोकिएको छ । कर्मचारी समायोजनको मुद्दाले आर्थिक वर्ष २०७६/७७ मा विज्ञापन भएर परीक्षा भएको खरिदारको नतिजा प्रकाशन रोकिएको छ । यसैगरी आव २०७७/७८ मा खुलेको खरिदारको विज्ञापनको अहिलेसम्म परीक्षा भएको छैन ।
राजमार्ग अवरुद्ध भएपछि उपचारको लागि हेलिकप्टर प्रयोग
जमिन भासिएर पृथ्वीराजमार्ग अवरुद्ध भएपछि एक बिरामीलाई हेलिकप्टरको प्रयोग गरेर उपचारको लागि काठमाडौंमा लगिएको छ।
हिमाली क्षेत्रमा मूल्यवृद्धिको असर, अरु क्षेत्रमा कस्तो ?
हिमाली क्षेत्रमा मूल्यवृद्धिको मात्रा समेत बढेको पाइएको छ।
नवलपरासीमा ड्रागन फ्रुटको खेती शुरु, किसान उत्साहित
पश्चिम नवलपरासीको वर्दघाट नगरपालिकाको विभिन्न स्थानमा किसानहरुले ड्रागन फ्रुटको खेती शुरु गरेका छन् । नवलपरासीमा पहिलो पटक नमुना खेतीको रुपमा १४ महिना पहिला रोपिएको ड्रागन फ्रुटले निर्धारित समयमा नै उत्पादन दिन थालेपछि वर्दघाट नगरपालिका ६ का किसान देवीदत्त सापकोटा हर्षित हुनुभएको छ ।
लिलाम नहुँदा लाखौँ मूल्य बराबरको काठ कुहिँदै
यहाँ गैरकानुनी रुपमा ओसार पसारका क्रममा वरामद भएको काठ लिलाम नहुँदा राखेको ठाउँमै कुहिन थालेको छ । जिल्लाका विभिन्न स्थानबाट बरामद गरिएका लाखौँ मूल्य पर्ने काठ लिलाम नहुँँदा कुहिन थालेका हुन् । चोरी तस्करीबाट बरामद गरिएका काठ लिलाम नहुँदा डिभिजन वन कार्यालय र त्यस मातहत रहेका सव डिभिजन कार्यालयमा कुहिन थालेका छन् ।
जाजरकोटमा सार्वजनिक सवारी साधनमा टाइम कार्ड
जाजरकोट , जेठ २७ गते। जिल्ला ट्राफिक प्रहरी कार्यालय जाजरकोटले सवारी दुर्घटना न्यूनीकरण गर्ने उदेश्यले शुक्रबारबाट यात्रुबाहक सवारी साधनमा टाइम कार्ड लागू गरेको छ।तीव्र गतिका कारण सवारी दुर्घटना बढ्दै गएपछि यसलाई न्यूनिकरण गर्न यात्रुबाहक सवारी साधनमा टाइम कार्ड लागू गरिएको हो। छिन्चु जाजरकोट सडकखण्डमा चल्ने सम्पूर्ण सार्वजनिक सवारी साधन, खलंगादेखि कुदु हुँदै छेडाचौरसम्मका लागि टाइम कार्ड लागू गरिएको हो। टाइम कार्ड लागू भएपछि समय भन्दा अगावै सवारी साधन तोकिएको स्थानमा आइपुगेमा कार्वाही गरिने ट्राफिक प्रहरीको भनाइ छ।टाइम काड लागू भएपछि एक अर्काबीच प्रतिस्पर्धा कम हुने भएकाले दुर्घटनासमेत कम हुने सवारी चालकको भनाइ छ।
जिसस बाँकेको प्रमुखमा चौधरी र उपप्रमुखमा कार्की विजयी
जिल्ला समन्वय समिति बाँकेको प्रमुखमा नेपाली कांग्रेसका ज्ञानेन्द्रकुमार चौधरी निर्वाचित हुनुभएको छ।
प्रभावकारी बन्दै काठमाडौं महानगरको ‘कल सेन्टर’ : दैनिक तीन सय गुनासो
काठमाडौं महानगरपालिकाले केही दिनअघि सञ्चालनमा ल्याएको गुनासो व्यवस्थापन तथा सोधपुछ केन्द्र (कल सेन्टर) प्रभावकारी बनेको छ ।
१० महिनामा १४ खर्ब ३१ अर्ब व्यापार घाटा
चालू आर्थिक वर्ष २०७८/७९ को १० महिनाको अवधिमा नेपालको कुल वैदेशिक व्यापार अघिल्लो वर्षको सोही अवधिको तुलनामा ३०.५ प्रतिशतले बढेको छ ।
सोलार लिफ्टमार्फत सुनकोशीबाट सिँचाइ व्यवस्था
सुनकोशी नदी छेउमै रहेको बलखुबेँसीका खेतहरु सिँचाइ सुविधाबाट वञ्चित भएका बेला सोलार लिफ्टिङ्ग मार्फत सिँचाईको व्यवस्था गरिएको छ । सिंचाई व्यवस्था भएपछि किसान खुशी भएका छन् ।
जाजरकोटको जीप दुर्घटनामा मृतक तीनै जनाको सनाखत
जिल्लाको जुनीचाँदे गाउँपालिमा जीप दुर्घटनामा परी मृत्यु हुने तीनै जनाको सनाखत भएको छ ।
कपिलवस्तुमा नक्कली नागरिकता पेश गर्ने दुईजना पक्राउ
कपिलवस्तुमा नक्कली नागरिकता पेश गरी नागरिकता बनाउन खोजेको आरोपमा दुईजना पक्राउ गरेका छन् ।
विद्युत् निर्यात बढ्दा पश्चिम नेपाल असन्तुष्ट
बिहीबार रातिदेखि नेपालले भारतको खुला बजार ३६४ मेगावाट विद्युत् निर्यात गर्दैछ । यसरी निर्यात हुँदा वर्तमान मूल्य संरचना दैनिक १० करोड रुपियाँ बराबरको विदेशी मुद्रा नेपाल भित्रिन सक्छ ।
चित्रकलामै व्यस्त डिल्लीकृष्णको सेवानिवृत्त जीवन
धनकुटाका डिल्लीकृष्ण आले । ६५ वर्षीय आले आफूले देखे भोगेका जीवन र जगत्का चित्रहरुमा अनेक रंग भरेर सेवानिवृत्त जीवन सजाइरहेका छन् ।
बूढीगङ्गाको चुनाव अझै अनिश्चित
काठमाडौँ, जेठ २७ गते । बाजुराको बूढीगङ्गा नगरपालिकाको पुनः मतदान अझै निश्चित भएको छैन । गत वैशाख ३० गते भएको मतदानमा धाँधली हुँदा निर्वाचन आयोगको जेठ १२ गतेको पदाधिकारी बैठकले बूढीगङ्गा नगरपालिकामा पुनः मतदान गर्ने निर्णय गरेको थियो । निर्वाचन आयोगका प्रवक्ता शालिग्राम शर्मा पौडेलले पुनः मतदानका लागि सहमति जुटाउन पटक-पटक सर्वपक्षीय बैठक भए पनि हालसम्म मतदानको मिति तय भइनसकेको बताउनुभयो । सर्वसम्मतले पुनः मतदानको मिति तोक्न निर्वाचन अधिकृतको कार्यालयले एक साताभित्र चार पटक बैठक बोलाएको छ तर नेकपा एमाले पक्षको अडानले अझै सहमति हुन सकेको छैन । सर्वदलीय बैठकमा नेकपा एमालेका प्रतिनिधि उपस्थितसमेत हुने गरेका छैनन् । निर्वाचन अधिकृत लक्ष्मणबहादुर कठायतले जेठ २७ गते शुक्रबारका लागि बोलाइएको बैठकमा सहमति हुने विश्वास लिएको बताउनुभयो । तर नेकपा (एमाले)का जिल्ला अध्यक्ष कालीबहादुर शाहीले आफूहरू मतगणना नै हुनुपर्ने अडानमा यथावत् रहेको बताउनुभयो । उहाँले निर्वाचन आयोगको पुनः मतदान गर्नुपर्ने निर्णयविरुद्ध मुद्दा दायर गरेको जानकारी दिँदै उक्त मुद्दाबारे अदालतले केही नबोलेसम्म चुनाव हुन नदिने दाबी गर्नुभयो । निर्वाचन अधिकृत कठायतले भन्नुभयो, “लामो समयसम्म पर्खिने कुरा हुन्न, अडान राखेको पक्षले अदालतमा अग्राधिकार प्राप्त गर्न रिट दायर गरेको जानकारी गराएको हुनाले केही समय पर्खेका हौँ, तर सधैँ कुरेर बस्न सकिन्न ।” स्थानीय तह निर्वाचन ऐन २०७३ ले मतदान केन्द्र अनधिकृत कब्जा भएको अवस्थामा निर्वाचन आयोगले सम्बन्धित मतदान केन्द्रको मतदान रद्द गर्न पाउने व्यवस्था गरेको छ । वैशाख ३० गते सम्पन्न निर्वाचनमा बूढीगङ्गा नगरपालिकाका छवटा मतदान केन्द्र कब्जा गरिएपछि मतदान स्थलबाट सुरक्षाकर्मी हिँडेका थिए । उक्त घटनापछि निर्वाचन आयोगले तत्कालीन प्रमुख जिल्ला अधिकारीसहित नेपाल प्रहरी र सशस्त्र प्रहरीका प्रमुखलाई विभागीय कारबाहीका लागि गृह मन्त्रालयलाई निर्देशन दिएको थियो । मन्त्रालयले तीनै जना सुरक्षा प्रमुखलाई हटाइसकेको छ । निर्वाचन आयोगले भने चुनाव सुरु हुनुभन्दा अघिदेखि हालसम्म चार पटक उक्त पालिकाको निर्वाचन अधिकृत फेरिसकेको छ । बाजुराका प्रमुख जिल्ला अधिकारी प्रकाशचन्द्र अधिकारीले जुनसुकै दिन मतदानको मिति तोकिए जिल्ला सुरक्षा समिति चुनाव गराउन पूर्ण तयारी अवस्थामा रहेको बताउनुभयो । पुनः मतदानका लागि बूढीगङ्गा नगरपालिकाको १० मतदान स्थलको १९ केन्द्रका लागि करिब १७ हजार मतपत्र प्राप्त भएको निर्वाचन अधिकृत कठायतले जानकारी दिनुभयो । स्थानीय निर्वाचन २०७९ मा ७५२ पालिकाको मतदान भएर मतपरिणाम आइसकेको छ । २८ पालिकाको ८५ मतदान केन्द्रमा निष्पक्ष र भयरहित वातावरणमा चुनाव नभएकोेमा बूढीगङ्गाका १९ केन्द्रबाहेक सबैमा पुनः मतदान भई मतपरिणाम समेत सार्वजनिक भइसकेको छ ।
माओवादीको केन्द्रीय समिति बैठक असार १५ गते
काठमाडौं, जेठ २६ गते । नेकपा (माओवादी केन्द्र)को केन्द्रीय कार्य समितिको बैठक असार १५ गते बस्दैछ । माओवादी केन्द्रीय कार्यालयका मुख्य सचिव श्रीराम ढकालले काठमाडौंमा बस्ने सो बैठकमा मुख्यगरी पार्टी संगठन, कार्यविभाजनका विषयमा छलफल हुनेछ । केन्द्रीय समितिको बैठक यी नै विषयमा केन्द्रित हुने ढकालले बताउनुभयो । उहाँले बैठकमा वैशाख ३० गते सम्पन्न स्थानीय तहको निर्वाचनको समीक्षा हुने बताउनुभयो । आगामी हुने प्रदेश र प्रतिनिधिसभाको निर्वाचनको तयारीबारे पनि छलफल हुनेछ । यदि त्यस्तो भयो भने त्यसबारे पनि केन्द्रीय समितिको बैठकमा छलफल होला ।” उहाँले भन्नुभयो ।
बिहीबार काठमाडौंमा दुई शव भेटिए
काठमाडौं उपत्यकामा बिहीबार दुई वटा शव भेटिएका छन्।
सूर्योदयको कार्यपालिका बैठक डिजिटल डिस्प्लेमा
इलामको सूर्योदय नगरपालिकाको पहिलो कार्यपालिका बैठक ‘डिजिटल डिस्प्ले’ मार्फत बसेको छ । प्रविधिमा फड्को मारेको सूर्योदय नगरपालिकाको बैठकलाई जनतामाझ पारदर्शी बनाउन सबैले सुन्ने र देख्नेगरी कार्यपालिका बैठक डिजिटल डिस्प्लेमा सार्वजनिक गरेको हो ।
राष्ट्रपतिद्वारा कतारका लागि नेपालको आवासीय राजदूतमा ढकाल नियुक्त
कतारका लागि नेपालको आवासीय राजदूतमा डा. नरेशविक्रम ढकाल नियुक्त हुनुभएको छ । राष्ट्रपति विद्यादेवी भण्डारीले मन्त्रिपरिषदको सिफारिसमा उहाँलाई बिहीबार सो पदमा नियुक्त गर्नुभएको हो ।
