४२ वर्षपछि सुदूरपश्चिममा उत्रै भूकम्प
बुधबार बिहान २ बजेर १२ मिनेटमा खप्तड राष्ट्रिय निकुञ्जको खप्तड बाबाको आश्रम नजिकै केन्द्र बिन्दु बनाएर गएको ६.६ रेक्टर स्केलको भूकम्प पश्चिम नेपालको चार दशक यताको सबैभन्दा ठूलो भूकम्प भएको राष्ट्रिय भूकम्प मापन तथा अनुसन्धान केन्द्र काठमाडौंले जनाएको छ ।
सिन्धुलीमा लोकप्रिय बन्दै थ्रेसर मेसिन
गाउँघरमा कृषि मजदुरको अभाव हुँदै गएपछि सिन्धुलीमा पछिल्लो समय धानबाली भित्र्याउन किसानमाझ थ्रेसर मेसिन लोकप्रिय बन्दैगएको छ । परम्परागत रुपमा खेतालाको भरमा धान भित्र्याउँदैआएका सिन्धुलीका किसानले पछिल्लो समय आधुनिक थ्रेसर मेसिनप्रति आकर्षित भएका हुन् ।
आचारसंहिताको पालना होस् : प्रमुख आयुक्त थपलिया
प्रमुख निर्वाचन आयुक्त दिनेशकुमार थपलियाले निर्वाचन आचारसंहिता र आयोगका निर्देशनहरूको अवज्ञा गर्ने दुस्साहस भएमा सैह्य नहुने बताउनुभएको छ ।
उपराष्ट्रपतिद्वारा भूकम्पको क्षतिप्रति दुःख व्यक्त
उपराष्ट्रपति नन्दबहादुर पुन ‘पासाङ’ले डोटीको पूर्वीचौकी गाउँपालिका–३, गैरिगाउँलाई केन्द्रबिन्दु बनाएर आएको भूकम्पबाट भएको मानवीय र भौतिक क्षतिप्रति गहिरो दुःख व्यक्त गर्नुभएको छ ।
निर्वाचन व्यवस्थित बनाउन आयुक्त तुलाधरको निर्देशन
निर्वाचन आयोगका आयुक्त डा.जानकीकुमारी तुलाधरले निर्वाचन व्यवस्थित बनाउन कर्मचारीहरुलाई निर्देशन दिनुभएको छ ।
निर्वाचन अवधिभरि मदिरा बिक्री निषेध
जिल्ला प्रशासन कार्यालय नवलपुरले मङ्सिर ४ गते हुने प्रतिनिधि सभा र प्रदेश सभा निर्वाचनलाई ध्यान दिँदै मदिरा बिक्री वितरण तथा सेवन निषेध गरेको छ ।
ट्याक्टर दुर्घटनामा चालकको मृत्यु
व्यास नगरपालिका –१ खकौलीमा ट्याक्टरले बारी जोत्ने क्रममा २८ वर्षीय कमल दरैको बुधबार बिहान मृत्यु भएको छ । बारी जोत्नेक्रममा ट्याक्टरले च्यापिएर चालकको मृत्यु भएको जिल्ला प्रहरी कार्यालय तनहुँले जनाएको छ ।
कैदीबन्दीका लागि कारागारमै मतदानको व्यवस्था
यस पटक कैदीबन्दीका लागि कारागारमा मतदान गर्ने व्यवस्था गरिएको छ । प्रतिनिधिसभा र प्रदेशसभा सदस्य निर्वाचनका लागि निर्वाचन आयोगले सबै कारागार कार्यालयमा निर्वाचन मतदान केन्द्र बनाउने छ ।
सुदूरपश्चिमबासीलाई सतर्क रहन भूकम्पविद्को आग्रह
राष्ट्रिय भूकम्प मापन केन्द्रका वरिष्ठ भूकम्पविद् लोक विजय अधिकारीले सुदूरपश्चिमका बासिन्दालाई एक/दुई दिन सतर्क रहन आग्रह गर्नुभएको छ । उहाँले पछिल्लो पटक ६.६ म्याग्नीच्यूडको भूकम्प गएको र त्यो भन्दा पहिलाका पूर्व कम्पन भएको बताउनुभयो । भूकम्प गई सकेपछि त्यसको असर केही दिन रहने हुँदा सतर्क रहन उहाँ आग्रह गर्नुभएको हो ।
‘निर्वाचनपछि अर्थतन्त्र सकारात्मक दिशातर्फ’
प्रमुख निर्वाचन आयुक्त दिनेशकुमार थपलियाले निजी क्षेत्रका व्यवसायीलाई चुनावको थप माहोल बनाउन सहयोग गरिदिन आग्रह गर्नुभएको छ । मङ्गलबार आयोगको कार्यालयमा आयोजित निजी क्षेत्रसँग अन्तक्र्रिया कार्यक्रममा उहाँले यस्तो आग्रह गर्नुुभएको हो ।
कोटेश्वरमा अन्डरपास, पेप्सीदेखि सिनामङ्गलसम्म सुरुङमार्ग
पूर्वसभामुख एवं लोकतान्त्रिक वाम गठबन्धनको काठमाडौँ–२ को प्रतिनिधि सभा सदस्यका उम्मेदवार ओनसरी घर्तीले आफ्नो प्रतिबद्धता सार्वजनिक गर्नुभएको छ । निर्वाचत क्षेत्र केन्द्रित रहेर उम्मेदवार घर्तीले मङ्गलबार घोषणापत्र सार्वजनिक गर्नुभएको हो । घोषणापत्रमा पूर्वाधार, शिक्षा, स्वास्थ्य, रोजगारी, सामाजिक सुरक्षालगायतका विषय समावेश छन् ।
विशेषको फैसलामा अख्तियारको पुनरावेदन
अख्तियार दुरुपयोग अनुसन्धान आयोगले भ्रष्टाचार मुद्दामा विशेष अदालतले गरेका फैसलामा असन्तुष्टि जनाएको छ। फैसलाका क्रममा विशेषले प्रमाण ऐनका व्यवस्था, सर्वोच्चबाट प्रतिपादित नजिर, स्थापित मान्यता तथा कतिपयमा कानुनी आधारबिना नै अनुमानमा फैसला गरेको गम्भीर आरोप अख्तियारले लगाएको छ। असफलता दर बढ्नुमा प्रमाणको सही विश्लेषण हुन नसकेकोसमेत अख्तियारको निष्कर्ष छ। अख्तियारले असारदेखि कात्तिक २१ गतेसम्म १२४ थान मुद्दा सर्वोच्चमा पुनरावेदन गरेको छ।
सरकार र चन्द समूहबीच छलफल
गृहमन्त्री बालकृष्ण खाणले नेत्रविक्रम चन्द नेतृत्वको नेकपालाई शान्तिपूर्ण मतदानमा सहभागी गराउन सरकार निरन्तर छलफलमा रहेको बताउनुभएको छ ।
डोटी केन्द्रबिन्दु भएर ५ दशमलव ७ म्याग्निच्यूडको भूकम्प
प्रेमराज सिम्खडा कालीकोट, कात्तिक २२ गते। डोटी केन्द्रबिन्दु भएर मंगलबार राति ५ दशमलव ७ म्याग्निच्यूडको भूकम्प गएको छ। राति ९ बजेर ७ मिनेटमा डोटीको खप्तड राष्ट्रिय निकुञ्ज आसपास केन्द्र भएर ५ दशमलव ७ म्याग्निच्यूडको भूकम्प गएको राष्ट्रिय भूकम्प मापन केन्द्रले जनाएको छ। यसअघि आइतबार राति ताप्लेजुङ केन्द्र भएर ५ दशमलव ३ म्याग्निच्यूडको भूकम्प गएको थियो। कालीकोटसहित सुदूरपश्चिम प्रदेशका सबै जिल्लामा भूकम्पको ठूलो धक्का महसुस गरिएको छ । कालीकोटका प्रमुख जिल्ला अधिकारी रामहरि शर्माले तीनदेखि चार सेकेण्डसम्म भूकम्पको महसुस भएको जानकारी दिनुभयो । भूकम्पले क्षति गरेको विवरण भने आइनसकेको उहाँको भनाइ छ ।
‘निर्वाचनको बेला सञ्चार माध्यम झनै अन्तरक्रियात्मक हुनुपर्छ’
प्रेस काउन्सिल र नेपाल पत्रकार महासङ्घका पूर्व अध्यक्षहरूले निर्वाचनका समयमा सञ्चार माध्यम उम्मेदवार र दलका विषयमा अन्तरक्रियात्मक हुनुपर्ने सुझाव दिएका छन् ।
काठमाडौंबाट देखिएको खग्रास चन्द्रग्रहण (फोटो फिचर)
मङ्गलबार ग्रस्तोदित खग्रास चन्द्रग्रहण लागेको छ। मंगलबार साँझ ५ बजेर ११ मिनेटमा चन्द्रोदय हुँदादेखि नै ग्रहण लागेको हो।
मङ्सिर १५ देखि चालकलाई अनिवार्य सचेतना कक्षा
ट्राफिक प्रहरीले मङ्सिर १५ देखि तीव्र गतिमा सवारी साधन चलाउने चालकलाई अनिवार्य सचेतना कक्षा सञ्चालन गर्ने भएको छ । मादक पदार्थ सेवन (मापसे) गरेर सवारी साधन चलाउने, लेन मिच्नेलाई नियमअनुसार कारबाही गरी अनिवार्य सचेतना कक्षा लिनुपर्ने भएको हो ।
दलका झण्डा बनाउन भ्याई नभ्याई (फोटो फिचर)
निर्वाचन प्रचारप्रसारमा दलका झण्डाको प्रयोग धेरै हुने हुनाले झण्डा र प्रचारसामग्री बनाउनेहरु पनि अहिले व्यस्त छन् । अचेल काठमाडौंका आर्टस् पसलहरुमा झण्डा, गम्छा, ब्याजलगायतका सामग्री बनाउनेको भीड छ ।
कर्णालीको विकास पहिलो प्राथमिकतामा परेकाे छ: अध्यक्ष प्रचण्ड
नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले कर्णालीको विकास प्राथमिकतामा परेको बताउनुभएको छ ।
म्याग्दी खोला जलविद्युत निर्माणका लागि पाँच बैंकबीच आठ अर्ब लगानी सम्झौता
५७.३ मेगावाटको म्याग्दी खोला जलविद्युत आयोजना निर्माणको लागि पाँच बैङ्कले करिब आठ अर्ब रुपियाँ लगानी गर्ने प्रतिबद्धता जनाएका छन् ।
मतदानमा सहभागी गराउन सरकार–चन्द समूहबीच निरन्तर वार्ता
गृहमन्त्री बालकृष्ण खाँणले नेत्रविक्रम चन्द नेतृत्वको नेकपालाई शान्तिपूर्ण मतदानमा सहभागी गराउन उक्त समूह र सरकारबीच निरन्तर छलफल भइरहेको बताउनुभएको छ । उहाँले राजनीतिक मूलधारमा ल्याउन सरकार र उक्त समूहबीच द्विपक्षीय वार्ता भएको पनि जानकारी दिनुभयो ।
नेपाल प्रहरी निर्वाचनका लागि विभिन्न जिल्लामा जाँदै (फाेटाे फिचर )
मङ्सिर ४ गते हुने प्रतिनिधिसभा र प्रदेशसभा सदस्यको निर्वाचनको सुरक्षार्थ सुरक्षाकर्मीहरू तैनाथ भइसकेका छन् ।
अदातलको निर्णयलाई अपहेलना ओलीले गरे: मन्त्री पौडेल
शिक्षा, विज्ञान तथा प्रविधिमन्त्री देवेन्द्र पौडेलले पूर्वप्रधानमन्त्री केपी शर्मा ओलीले अदालतको निर्णयलाई अपहेलना गरेको आरोप लगाउनुभएको छ।
किन आकर्षित भयो नयाँ पुस्ता
प्रतिनिधिसभा र प्रदेशसभाको निर्वाचन आउन अब १२ दिन मात्रै बाँकी छ । निर्वाचन नजिकिएसँगै उम्मेदवारहरू चुनावी एजेण्डा मतदाताका घर-घर पुर्याउन दिनरात खटिएका छन् ।
'निर्वाचनको भीडभाडले नयाँ भेरियन्ट फैलिन सक्छ'
स्वास्थ्य तथा जनसङ्ख्या मन्त्रालयले कोभिड १९ को सङ्क्रमण कायम रहेकाले निर्वाचन केन्द्रित गतिविधिमा भीडभाड गर्दा सावधानि अपनाउन आग्रह गरेको छ ।
