अन्य प्रदेशको तुलनामा मधेशमा रास्वपा सङ्गठन कमजोर : सभापति लामिछाने
राष्ट्रिय स्वतन्त्र पार्टीका सभापति रवि लामिछानेले अन्य प्रदेशको तुलनामा मधेशमा सङ्गठन कमजोर देखिएकाले त्यसलाई मजबुत बनाउन सङ्गठन निर्माणमा लागेको बताउनुभयो ।
मधेसका ४३ प्रतिशत किसान परिवारलाई खाना अपुग
अन्नभण्डारका रूपमा रहेको मधेस प्रदेशमा कृषिकर्म गर्नेमध्ये ४३ प्रतिशत परिवारलाई आफ्नो उत्पादनले वर्षभरि खान नपुग्ने गरेको पाइएको छ । राष्ट्रिय कृषि गणना-२०७८ अनुसार मधेसमा सात लाख ३८ हजार तीन सय ४० कृषक परिवारमध्ये ४३ प्रतिशत परिवारलाई आफ्नै उत्पादनले वर्षभरि खान नपुग्ने गरेको पाइएको हो ।
सुक्न थाले जलाशय मासिए पोखरी
जनकपुरधामका पोखरीमा पानीको मात्रा घट्दै गएको छ । पर्यावरण प्रदूषण, प्रकृतिको उच्च दोहन र विकासका नाममा भइरहेको विनाशका कारण पोखरी र जलाशयमा पानी घटेपछि त्यसको असर मानव जीवनमा देखिन थालेको छ । ‘बाउन्न कुट्टी, बहत्तर कुण्ड’ का रूपमा परिचित जनकपुरधाममा अहिले छैनन् बहत्तर कुण्ड (पोखरी) । कतिपय पोखरी लुप्त भइसकेका छन् भने कतिको आकार सानो भएको छ । पोखरीको पानी र जमिनको अन्तरसम्बन्ध टुटेको छ । पोखरी नालाका रूपमा परिणत हुन पुगेको छ ।
शिक्षकले पाँच महिनादेखि तलब नपाएपछि विद्यालय बन्द, पाँच हजार विद्यार्थी मारमा
सर्लाहीको दक्षिण–पूर्वी भेगमा पर्ने हरि पूर्वा नगरपालिकाका शिक्षक विद्यालय बन्द गरेर धर्नामा बसेका छन् । आर्थिक वर्ष २०८०-०८१ सुरु भएको चार महिना बितिसिक्दा समेत नगर सभा हुन नसक्दा यहाँका शिक्षकले तलब पाउन सकेका छैनन् ।
कृषि औजार कारखाना सञ्चालनमा ल्याए मधेशको कायापलट हुन्छ : रवि लामिछाने
राष्ट्रिय स्वतन्त्र पार्टीका सभापति रवि लामिछानेले वीरगञ्जको कृषि औजार कारखानालाई सञ्चालनमा ल्याउन सके मधेशको कायापलट हुने बताउनुभएको छ।
तथ्याङ्कको अधारमा काम गर्दा प्रभावकारी हुन्छ : कृषिमन्त्री न्यौपाने
मधेश प्रदेशका भूमि व्यवस्था कृषि तथा सहकारीमन्त्री गोबिन्दबहादुर न्यौपानेले तथ्याङ्कको अधारमा कामकाज गर्दा प्रभावकारी हुने भएकाले हरेक क्षेत्रमा तथ्यांकको महत्व रहेको बताउनुभएको छ ।
नवनिर्मित विद्यालय भवन उद्घाटन
सप्तरीको अग्निसाइर कृष्णासवन गाउँपालिका ५ स्थित हिरावती आधारभूत विद्यालय बकधुवा–भिमारको नवनिर्मित भवनको शुक्रबार उद्घाटन भएको छ ।
सीमाक्षेत्रमा आठ लाख रुपियाँसहित दुई जना पक्राउ
नेपाल भारत सीमाक्षेत्रस्थित समसीबाट सशस्त्र प्रहरीले स्राेत नखुलेको रुपैयाँसहित ओसारपसारमा संलग्न दुई जनालाई नियन्त्रणमा लिएको छ । सशस्त्रले ८ लाख दश हजार नेपाली रुपैयाँसहित समसी गाउँपालिका ३ का २८ वर्षीय रमेशकुमार साह र रामगोपालपुर नगरपालिकास्थित सहसौलाका ३२ वर्षीय अनिल चौधरीलाई पक्राउ गरेको हो ।
‘जनमुखी कार्यलाई प्राथमिकता दिएका छौँ’
क्षेत्रफल तथा जनसङ्ख्याको आधारमा चन्द्रपुर नगरपालिका रौतहट जिल्लाकै ठुलो नगरपालिका हो । साबिकका पाँच वटा गाउँ विकास समिति चन्द्रनिगाहपुर, जुडीबेला, पौराई, सन्तपुर (मटिऔन) र डुमरियालाई गाभेर चन्द्रपुर नगरपालिका बनेको हो । पूर्वपश्चिम राजमार्गसँग जोडिएको यो नगरपालिकालाई पूर्वमा बागमती नदी, पश्चिममा धन्सार खोला, उत्तरमा मकवानपुरसँग जोडिएको चुरे पर्वत र दक्षिणमा वृन्दावन, गुजरा र गरुडा नगरपालिकाले छोएको छ । कुल
मधेशमा ‘लबान’ पर्व मनाइँदै
तराई-मधेशका जिल्लामा आज ‘लबान’ (नयाँ अन्न प्रचलनमा ल्याउने) पर्व मनाईँदै छ । अन्नबालीको उर्वर भूमि मानिने मधेसका जिल्लामा यज्ञादि होम गरेपछि वर्षभरिकै दैनिक उपभोग र शुभकार्यमा अन्नचल्ने मान्यता रही आएको छ । पूर्वीय मान्यतामा यावत अन्नलाई ‘धान्यादि’ भनिएको हुँदा मुख्य बाली धान होम गरेपछि सबै अन्न वर्षभरि प्रयोग गर्न सकिने मानिन्छ ।
सप्तरीमा लैङ्गिक हिंसा नियन्त्रण जिल्ला सञ्जाल गठन
सप्तरीमा लैङ्गिक हिंसा नियन्त्रणका लागि १९ सदस्यीय जिल्ला सञ्जाल गठन गरिएको छ । जिल्ला प्रहरी कार्यालय सप्तरीका प्रमुख एवम् प्रहरी उपरीक्षक गजु सिद्धि बज्राचार्यको नेतृत्वमा १९ सदस्यीय लैङ्गिक हिंसा नियन्त्रण जिल्ला सञ्जाल समिति गठन गरेको सप्तरी प्रहरीले जनाएको छ ।
धान उत्पादन घट्यो
सर्लाहीमा यो वर्ष धान उत्पादनमा कमी आएको छ । आकासे वर्षा कम हुँदा धान उत्पादनमा गिरावट आएको हो । मलखाद, विषादी, पप्पसेट र कामदारमा लागेको लगानी तथा आफ्नो हैरानी अनुसार धान उत्पादन राम्रो नहुँदा जिल्लाका किसान चिन्तित छन् ।
मोटरसाइकल आपसमा ठोक्किँदा तीन जनाको मृत्यु
सिरहाको सिराहा नगरपालिका–१९ सन्हैठास्थित हुलाकी राजमार्गमा बुधबार दुई मोटरसाइकल आपसमा ठोक्किएर दुर्घटना हुँदा तीन युवकको मृत्यु भएको छ । एकजना गम्भीर घाइते भएका छन् ।
मिथिलाञ्चलमा सामाचकेवाको रौनक
नेपालको पूर्वी तराई भेगमा मनाइने विभिन्न धार्मिक तथा आध्यात्मिक सांस्कृतिक पर्वमध्ये अत्यन्त लोकप्रिय पर्व ‘सामाचकेवा’ पर्व छठको एक दिनपूर्व गरिने खरना विधिको दिनबाट प्रारम्भ भएको छ । तराई मधेशमा छठपर्व आगमनसँगै चेलीबेटी र माइती पक्षबिच रहेको अटुट श्रद्धा एवं प्रेमको प्रतीक सामाचकेवा पर्व शनिबारबाट प्रारम्भ भएको हो । दाजुभाइको दीर्घायु, सुस्वास्थ्यको कामनासहित गाउँदै खेल्दै रमाउँदै लोकपर्व कात्तिक शुक्ल पञ्चमी अर्थात् छठपर्वको खरनादेखि पूर्णिमाको दिनसम्म मनाइने गरिन्छ । नौदेखि ११ औँ दिनसम्म खेलिने उक्त पर्वमा चङ्गेरा, डलिया (बाँसले बनाइएको डालो) मा माटोेले बनाइएका रङ्गीचङ्गी सामाचकेवा, चुगलालगायतका आकृति बनाई दियो बालेर चोक वा टोल, गल्ली, सडकमा गएर प्रत्येक साँझदेखि मध्यरातसम्म सामा खेलिन्छ ।
पर्सामा जंगली हात्तीको आतंक
वनबाट मानववस्ती पसेका जङ्गली हात्तीले पर्साको पटेर्वासुगौली गाउँपालिका वडा नम्बर ४ को पथलवाघाट टोलका पाँच वटा फुसको घर भत्काएको छ।
प्रदेश सभा सदस्य यादवद्वारा पद तथा गोपनीयताको शपथ
मधेश प्रदेश सभाको समानुपातिकतर्फ प्रदेश सभा सदस्यमा निर्वाचन आयोगद्वारा नियुक्त हुनु भएका जनता समाजवादी पार्टी (जसपा) का सन्जिलाकुमारी यादवले बुधबार पद तथा गोपनीयताको शपथ लिनुभएको छ ।
मन्दिरबाट चोरिएका गहनासहित एक पक्राउ
महोत्तरी जिल्लाको गौशाला नगरपालिकामा रहेको दुर्गा मन्दिरबाट चोरी भएको गहनासहित एक जनालाई प्रहरीले पक्राउ गरेको छ ।
हिरासत कक्षमा पुस्तकालय
जिल्ला प्रहरी महोत्तरीको हिरासत कक्षमा पुस्तकालय स्थापना गरिएको छ ।
फूलकोबीको भाउ नपाउँदा चिन्तित
फूलकोबी (काउली) ले मूल्य नपाउँदा सर्लाहीका किसान चिन्तित भएका छन् । उत्पादनको मुख्य समयमा कोबीको मूल्य नपाउँदा जिल्लामा तरकारी खेती गर्ने किसान मारमा परेका हुन् । यहाँका किसानले फूलकोबी अहिले मुस्किलले प्रतिकिलो १५ देखि २० रुपियाँमा बिक्री गरिरहेका छन् ।
कार्यालय प्रमुख नहुँदा सेवाग्राही प्रभावित
गृह–मन्त्रालयले इलाका प्रशासन कार्यालय बोदे बरसाइन सप्तरीका लागि शाखा अधिकृत वा कायममुकायम शाखा कार्यालय प्रमुख व्यवस्था नगर्दा असोज २६ गतेदेखि सेवा प्रवाह रोकिएको छ । इलाका प्रशासनको कामकाजका लागि यसअघि गृह मन्त्रालयले नायब सुब्बा दिनेशकुमार राउतलाई कायम मुकायम शाखा अधिकृतको जिम्मेवारी दिएको समयावधि गत असोज २६ गते सकिएको हो । मन्त्रालयले अर्को व्यवस्था नगर्दा नागरिकता वितरण, मधेसी, दलित, जनजाति प्रमाणीकरण तथा सिफारिस गर्नेलगायतका सेवा रोकिएको जनाइएको छ ।
पोखरियालाई नमुना सहरका रूपमा विकास गर्नुपर्छ : अध्यक्ष ओली
नेपाल कम्युनिस्ट पार्टी (नेकपा) एमाले अध्यक्ष केपी शर्मा ओलीले पर्साको पोखरियालाई नमुना स्मार्ट सिटीका रूपमा विकास गरिनुपर्ने बताउनुभएको छ।
स्कुल बसले किचेर विद्यार्थीको मृत्यु, राजमार्ग अवरुद्ध
नवलपुर–मलङ्गवा सडक खण्डअन्तर्गत सर्लाहीको हरिपुर नगरपालिका –८, जुटपानीमा मङ्गलबार अपरान्ह स्कुल बसले किच्दा एक विद्यार्थीको मृत्यु भएको छ ।
बाराको पचरौतामा झडप, ८ राउन्ड हवाई फायर
महाबिरी झन्डा मेला लगाउने विषयमा दुई समूहबिच विवाद भई भएको झडप नियन्त्रण गर्न प्रहरीले ८ राउन्ड हवाई फायर गरेका छन् ।
-original-thumb.jpg)
धान खेतमा सिला खोज्दै बालबालिका
मधेशका जिल्लामा छठ पर्वको समापन भएको छ । यसको रौनक भने अझै सकिएको छैन । सोमबार उदाउँदो सूर्यलाई अर्घ दिएपछि एकअर्काको घरमा प्रसाद पठाउने र भोजन ग्रहणपछि व्रतालु छठको थकान मेट्न लागेका छन् । अर्कोतिर धान काट्ने चटारो पनि छ । यो बेला बालबालिकाको पनि आफ्नै संसार र व्यस्तता छ । दसैँतिहार लागेदेखि मधेशका विद्यालयमा छुट्टी छ । यही मौका पारेर बालबालिकाको जमात अहिले धानको सिला खोज्न व्यस्त देखिन्छ ।
-original-thumb.jpg)
कुलो मर्मत नहुँदा खेत बाँझै
बर्दीबासको सुदूर उत्तरी क्षेत्रमा पर्ने भब्सी खोलाको कुलो मर्मत नहुँदा राइमण्डल गाउँमा खाद्यान्नको समस्या बढेको छ । चुरेको फेदीमा रहेको यो पुरानो बस्तीमा जनजातिका ५४ परिवारको बसोबास छ । त्यहाँ करिब ५० बिघा खेतीयोग्य जमिन छन् । गाउँलेका अनुसार कुलोमा पानी बग्दा ती जग्गामा धान, गहुँ, मकै गरी वर्षको तीन बाली उत्पादन हुन्थे । प्रतिकट्ठा अन्न बाली तीन मन फल्ने गरेको गाउँलेले बताउनुभयो । दलहन र तरकारी पनि उत्तिकै फल्थे । प्रचुर उत्पादन र सदाबहार हरियालीले गाउँमा खुसी छाउँथ्यो ।
