कर्णालीको बजेट खर्च सोह्र प्रतिशत
कर्णाली प्रदेश सरकारले चालू आर्थिक वर्षको सात महिनामा १६ प्रतिशत बजेट खर्च गरेको छ । आव २०७९/८० को साउनदेखि माघसम्ममा चालू र पुँजीगत गरी १६ दशमलव ३३ प्रतिशत बजेट खर्च भएको हो । पुस मसान्तसम्म १३ दशमलव ४ प्रतिशत बजेट खर्च भएको थियो ।
‘नेपालको राजनीति विदेशीको इसारामा चल्नु हुँदैन’
नेकपा (एमाले) का नेता भीमबहादुर रावलले नेपालको राजनीति नेपाली जनताको भलाई र हितमा चल्नुपर्ने बताउनुभएको छ । पछिल्लो समय नेपालको राजनीति विदेशीको इसारामा चलेको छनक मिलेकोभन्दै उहाँले चिन्ता व्यक्त गर्नुभयो ।
बारेकोटमा फोरजी सेवा
नेपाल टेलिकमले बारेकोटमा फोरजी सेवासहितको टेलिफोन टावर सञ्चालनमा ल्याएको छ। बारेकोट गाँउपालिका–८, जन्तेलेकमा फोरजी सेवासहितको टावर सञ्चालनमा आएपछि स्थानीयलाई सहज भएको छ। कर्णाली प्रदेश सभा सदस्य वेदराज सिंहले टावर उद्घाटन गर्नुभएको छ।
सामुदायिक विद्यालय राजनीतिक थलो बन्दै
डुँगेश्वर गाउँपालिका–२ स्थित सीता जनसहयोग माध्यमिक विद्यालय व्यवस्थापन समितिको बिहीबार सम्पन्न निर्वाचनले दलगत प्रतिनिधि निर्वाचित गरेको छ। नेकपा (एमाले) र नेपाली कांग्रेसले व्यवस्थापन समितिमा दलगत उम्मेदवार उठाएका थिए। विद्यालयका प्रधानाध्यापक तेजकुमारी थापाका अनुसार व्यवस्थापन समितिमा सहमति नजुटेपछि दलगत प्यानल चुनावी मैदानमा उत्रिएका थिए।
भूकम्पले बाजुराका चार घर र एक बाल विकास केन्द्रमा क्षति
बुधबार बाजुरामा गएको भूकम्पले चार घर र एक बाल विकास केन्द्रको भवनमा क्षति गरेको छ।
चैतलो मेलाका लागि सिमकोट गाउँपालिकामा सार्वजनिक बिदा
सिमकोट गाउँपालिकाले हुम्लाको चर्चित चैतलो मेलाका लागि सार्वजनिक बिदा दिएको छ। सिमकोट गाउँपालिकाका चार वटा वडामा धूमधामका साथ यो मेला मनाउने भएको कारण गाउँपालिका सार्वजनिक बिदा दिने निर्णय गरेको हो।
प्रमुख सचेतकमा परियार र सचेतकमा खड्का
नेकपा (माओवादी केन्द्र) कर्णाली प्रदेश संसदीय दलको प्रमुख सचेतकमा रनसिङ परियार मनोनीत हुनुभएको छ ।
एमालेको उम्मेदवार राष्ट्रपति नभए सरकारमा बस्दैनौँ : सचिव भट्टराई
नेकपा (एमाले) का सचिव योगेश भट्टराईले एमालेले प्रस्ताव गरेको व्यक्ति राष्ट्रपति नभएमा सत्ता गठबन्धनबाट बाहिरिने बताउनुभएको छ । पुस १० गते वर्तमान सत्ता साझेदार सात दलहरुबीच भएको सहमतिअनुसार एमालेले प्रस्ताव गरेको व्यक्ति राष्ट्रपति हुनुपने उहाँको भनाइ छ ।
पर्यटन प्रवर्द्धनमा नै कर्णालीको समृद्धि
कर्णाली प्रदेश सरकारका उद्योग पर्यटन वन वातावरणमन्त्री जीतबहादुर मल्लले पर्यटन प्रवर्द्धनमार्फत नै कर्णालीको समृद्धि सम्भव रहेको बताउनुभएको छ ।
ट्रक दुर्घटना हुँदा चालकको मृत्यु
कर्णाली मार्ग कालिकोटको तिल गुफा सडक खण्डमा मिनी ट्रक दुर्घटना हुँदा एक जनाको मृत्यु भएको छ । कालिकोटको तिल गुफा नगरपालिका वडा नं ५ को धनडामा मिनीट्रक दुर्घटना हुँदा चालकको मृत्यु भएको हो ।
गोली लागेर प्रहरी जवान मृत फेला
कर्णाली प्रदेश प्रहरी गण सुर्खेतमा कार्यरत एक जवान मृत भेटिएका छन् । बिहीबार बिहान करिब तीन बजेतिर प्रहरी जवान कवीन्द्र राम कामी गोली लागेको अवस्थामा मृत भेटिएका हुन् ।
कालिकोट खुलालु–हुम्ला सलीसल्ला सडक कालोपत्रे हुने
कर्णाली कोरिडोरको कालिकोटको खुलालुदेखि हुम्ला जिल्लाको सलीसल्लासम्मको सडक कालोपत्रे हुने भएको छ । उक्त सडक खण्डको सडक निर्माण भएर स्तरोन्नति कार्य पुरा भएपछि सडक विभागले कालोपत्रे गर्ने कार्य अगाडी बढाएको हो ।
प्राथमिकतामा परेनन् बालबालिका
पञ्चपुरी नगरपालिकाले बालबालिकाका लागि आवश्यक एउटा पनि कानुन निर्माण गरेको छैन। स्थानीय तहले बालबालिकासम्बन्धी आवश्यक कानुन बनाएर कार्यान्वयन गर्नुपर्ने भए पनि यो पालिकाले आलटाल गर्दै आएको हो। स्थानीय तहको दोस्रो कार्यकाल सुरु भइसक्दा पनि बालबालिकाका नीति तथा कार्यक्रमले प्राथमिकता पाउन सकेका छैनन्। पञ्चपुरीमा बल्ल बालबालिकासम्बन्धी ऐन निर्माणका लागि गृहकार्य थालिएको छ। नगरपालिकाका उपप्रमुख मुक्तिदेवी रेग्मीले त्यसका लागि बालबालिकाको विवरण सङ्कलन थालिएको जानकारी दिनुभयो। बेसहारा र लक्षित वर्गका बालबालिकाको तथ्याङ्क सङ्कलनको काम अघि बढाइएको छ।
छपन्न वर्ष ढुङ्गाखानीमै
बिहानै उठेर छिनो, गल र घन समाउनु ७१ वर्षीय धनसिंह पुनको दैनिकी बनेको छ। यो कर्म ५६ वर्षदेखि निरन्तर चलिरहेको छ। घरनजिकै रहेको गोइरीको ढुङ्गाखानीबाट ढुङ्गा निकाल्नु र विभिन्न आकारमा ढाल्नु धनसिंहको दैनिकी बन्दैआएको छ। रुकुमपश्चिमको चौरजहारी नगरपालिका–८, गोइरीका धनसिंहले ढुङ्गा निकाल्ने कर्मबाट प्रशस्तै धन नकमाए पनि रोजगारीका लागि विदेश धाउनु परेको छैन। यही ढुङ्गा निकाल्ने कर्मबाटै धनसिंहले परिवारको लालनपालन, घरखर्च, छोराछोरीको उच्च शिक्षा खर्च जुटाउँदै आउनुभएको छ। घरको छानो छाउन, भान्छामा सिलौटोका रूपमा प्रयोग गर्न र सजावटका सामग्री बनाउन प्रयोग भइरहेको छ। यसका साथै पछिल्लो समय मार्बल र टायलका रूपमा प्रयोग हुन थालेको छ।
किसानबाट जडीबुटी किनेर औषधि बनाइँदै
वीरेन्द्रनगरस्थित प्रदेश आयुर्वेद अस्पताल तथा अनुसन्धान केन्द्रले ११ प्रकारका आयुर्वेदिक औषधि उत्पादन तथा वितरण गर्दै आएको छ। उत्पादित आयुर्वेदिक औषधि कर्णाली जिल्लाका आयुर्वेदिक संस्थाबाट निःशुल्क वितरण गरिँदै आएको छ। सो अनुसन्धान केन्द्रले कृषकबाट जडीबुटीसमेत खरिद गर्दै आएको छ। केन्द्रले ग्यास्टिक, पेटको रोग, बाथलगायतका औषधि २०७७ सालबाटै उत्पादन गर्दै आएको छ। औषधि उत्पादनका लागि केन्द्रलाई कर्णाली प्रदेश सरकारले सहयोग गर्दै आइरहेको छ। प्रदेश आयुर्वेद अस्पताल तथा अनुसन्धान केन्द्रका प्रमुख डा. शङ्कर रिजालका अनुसार वार्षिक १० देखि १५ लाखसम्म बजेट केन्द्रलाई प्राप्त हुँदैआएको छ।
फुकोट कर्णालीमा एनएचपीसीको साझेदारी खोजिँदै
सरकारले फुकोट कर्णाली अर्धजलाशययुक्त जलविद्युत् आयोजनामा भारतीय लगानी भित्र्याउने तयारी गरेको छ । नेपाल सरकारले भारत सरकारको स्वामित्वको विद्युत् उत्पादन कम्पनी एनएचपीसी इन्डिया लिमिटेडलाई लगानी गर्न आग्रह गरेको हो । ऊर्जा, जलस्रोत तथा सिँचाइ मन्त्रालयका सूचना अधिकारी बाबुराज अधिकारीले भारत सरकारको स्वामित्वको एनएचपीसी इन्डिया लिमिटेडलाई फुकोट कर्णालीमा सहलगानी गर्न आग्रह गरिएको बताउनुभभयो । उहाँले नेपाली कम्पनीसँग लगानीका लागि समझदारीपत्र (एमओयू)को मस्यौदा तयार भइरहेको बताउनुभयो ।
भूकम्पबाट हुम्लामा दुई घरमा क्षति
आज बुधवार दिउँसो बाजुरा जिल्ला केन्द्रबिन्दु बनाएर गएको भुकम्पबाट हुम्ला जिल्लाका दुई वटा घरमा क्षति पुगेको छ । यसरी भुकम्पबाट क्षति पुग्नेमा विद्यालय र ब्यक्तिका घरहरु रहेका छन् ।
एमालेले अघि सारेकै व्यक्ति राष्ट्रपति : सचिव भट्टराई
नेकपा (एमाले)का सचिव योगेशकुमार भट्टराईले एमालेले अघि सारेकै उम्मेदवार राष्ट्रपति बन्ने दाबी गर्नुभएको छ।
मुगु कर्णाली जलाशययुक्त जलविद्युत् आयोजना : पूरा भयो क्षेत्र निर्धारण
मुगु कर्णाली जलाशययुक्त जलविद्युत् आयोजनाको क्षेत्र निर्धारणको काम सम्पन्न भएको छ । सो कार्यका लागि परामर्शदाता छनोट भएर स्थलगत काम पूरा गरेपछि उक्त विद्युत आयोजनाको क्षेत्र निर्धारण काम पूरा भएको हो ।
अक्सिजन प्लान्ट स्थापना
आठबिस नगरपालिका–४ मा रहेको आधारभूत अस्पतालमा अक्सिजन प्लान्ट स्थापना गरिएको छ । गैरआवासीय नेपाली सङ्घ र आठबिस नगरपालिकाको संयुक्त लगानीमा ए
कर्णालीमा बालगृह नहुँदा समस्या
कर्णाली प्रदेशमा बालगृह नहुँदा जेल सजाय भोगिरहेका आमाबुबासँग दश जना बालबालिकाले कारागारमा आश्रित जीवन बिताइरहेको पाइएको छ । मानव अधिकारका क्षेत्रमा काम गर्दैआएको अनौपचारिक क्षेत्र सेवा केन्द्र (इन्सेक) कर्णालीद्वारा प्रकाशित मानव अधिकार वर्ष पुस्तक– २०२३ मा बालबालिकाहरू विभिन्न आपराधिक घटनामा जोडिएका बाबुआमासँगै कारागारमा बस्नेगरेको पाइएको हो ।
कर्तव्य ज्यान मुद्दाका फरार प्रतिवादी पक्राउ
कर्तव्य ज्यान मुद्दामा दुई वर्षदेखि फरार रहेका प्रतिवादी पक्राउ परेका छन् । कोपिला बुढा मगरको जाहेरीमा कर्तव्य ज्यान मुद्दामा फरार रहेका प्रतिवादीलाई पक्राउ गरिएको जिल्ला प्रहरी कार्यालय दैलेखले जानकारी दिएको छ ।
-original-thumb.jpg)
गाईघाट–कुइने जोड्ने झोलुङ्गे पुल उद्घाटन
सुर्खेतको भेरीगंगा नगरपालिका १३ गाईघाट र लेकवेशी नगरपालिका ७ कुइनेलाई जोड्ने भेरी नदी झोलुङ्गे पुलको औपचारिक उद्घाटन गरिएको छ। सहरी विकास मन्त्रालयका सचिव सुरेश आचार्यले मंगलबार पुलको उद्घाटन गर्नुभएको हो।
एमाले सत्ता गठबन्धन टुटाउने पक्षमा छैन : नेता भट्टराई
नेकपा (एमाले) का सचिव योगेश भट्टराईले सत्ता गठबन्धन टुटाउने पक्षमा एमाले नरहेको बताउनुभएको छ । मङ्गलवार प्रेस चौतारी दैलेखले आयोजना गरेको पत्रकार भेटघाट कार्यक्रममा भट्टराईले एमाले गठबन्धन तोड्ने बिजनेस नगर्ने बताउनुभएको हो ।
आत्महत्या दुरुत्साहन गरेको आरोपमा पक्राउ
तीन दिनअघि आत्महत्या गरेर मृत्यु भएकी एक जना महिलाका श्रीमानलाई प्रहरीले नियन्त्रणमा लिएको छ । आत्महत्या गरेको भनिएकी महिलाका माइती पक्षले छोरीलाई आत्महत्या गर्न दुरुत्साहन गरेको भन्दै प्रहरीकहाँ उजुरी दिएपछि श्रीमानलाई प्रहरीले अनुसन्धानका लागि नियन्त्रणमा लिएको जनाएको छ ।
