गणतन्त्र दिवसमा अशक्त ४८ वर्षीया महिलालाई नागरिकता प्रदान
तिलाचन पाण्डे तम्घास, जेठ १५ गते । जिल्ला प्रशासन कार्यालय गुल्मीले पूर्ण अशक्त ४८ वर्षीया पुनीकला आचार्यलाई घरमै गएर नागरिकता प्रदान गरेको छ । गणतन्त्र दिवसको अवसर पारेर आइतबार रेसुंगा नगरपालिका वडा नम्वर १४ मा रहनुभएकी ४८ वर्षीया पूर्ण अशक्त पुनीकला आचार्यलाई घरमै गएर नागरिकता प्रदान गरिएकाे गणतन्त्र दिवस नागरिकले अनुभूति गर्ने खालको होस् भनेर घरमै गएर नागरिकता प्रदान गर्ने योजना बनाएको जिल्ला प्रशासन कार्यालय गुल्मीले जनाएको छ । घरमै आएर नेपाली नागरिकता प्रदान गर्ने जिल्ला प्रशासन कार्यालय गुल्मीको सम्पूर्ण टोलीलाई आचार्यले धन्यवाद दिँदै सरकारको अनुभूति ढिलै भए पनि पाएको बताउनुभयो । गणतन्त्र दिवसको अवसरमा जिल्ला प्रशासन कार्यालय गुल्मीले कार्यालय परिसरमा सरसफाइ गरेको छ ।गणतन्त्र दिवसको अवसरमा रचानात्मक कार्य गर्ने उद्देश्यले कार्यालयको परिसरमा सरसफाई गरिएको जिल्ला प्रशासन कार्यालय गुल्मीले जनाएको छ ।यस्तै दिवसरको अवसरमा जिल्लामा रहेका सबै सरकारी कार्यालयमा शनिबार साँझदेखि सोमबारसम्म तीन दिन दीपावली गर्ने र रचानात्मक कार्यक्रमहरु गर्ने कार्यक्रम तय गरिएको गुल्मी जिल्लाका प्रमुख जिल्ला अधिकारी पुण्यविक्रम पौडेलले जानकारी दिनुभयो ।
थासाङ क्षेत्रमा हराएको विमान खोज्दै सेनाको हेलिकोप्टर
मुस्ताङ जिल्लाको थासाङ गाउँपालिकाका पूर्व अध्यक्ष बुद्धिप्रसाद शेरचनका अनुसार, यस क्षेत्रमा तारा एयरको विमान हराएको कुरा आएको छ तर यहाँ नै छ भनेर भन्ने ठोस जानकारी प्राप्त भएको छैन ।
बागलुङ नगरपालिकामा नयाँ सडक खन्न निषेध
बागलुङ नगरपालिकामा बागलुङमा नवनिर्वाचित जनप्रतिनिधिले नगर क्षेत्रको कुनै पनि स्थानमा नयाँ सडक विस्तार गर्न कामलाई निषेध गरेका छन् ।
हराएकाे विमान खोजीका लागि नेपाली सेनाको हेलिकोप्टर सम्भावित क्षेत्रमा
पोखरादेखि जोमसोम उडेको तारा एयरको जहाज सम्पर्कविहीन भएपछि खोजी कार्य जारी छ । जहाज खोजीका लागि दुर्घटना आशङ्का रहेको क्षेत्रमा नेपाली सेनाको हेलिकोप्टर पोखराबाट मुस्ताङतर्फ उडेको छ ।
-original-thumb.jpg)
पोखरा विमानस्थलमा आफन्तको भीड
सम्पर्कविहीन विमानमा सवार आफन्तका परिवार पोखरा विमानस्थलमा जम्मा भएका छन् । नेपाली सेनाको हेलिकोप्टर खोजी तथा उद्धारका लागि जोमसोम तर्फ प्रस्थान गरिसकेको छ ।
विमान खोज्न गएको फिस्टेलको हेलिकोप्टर फर्कियो
पोखराबाट जोमसोमका लागि उडेर सम्पर्कबिहीन भएको तारा एयरको विमान खोज्न गएको फिस्टेल एयरको हेलीकोप्टर जोमसोम विमानस्थल फर्किएको छ । विमान हराएको क्षेत्रतर्फ खोजीका लागि गएको हेलिकोप्टर त्यस क्षेत्रमा मौसम विग्रेको कारण हेलिकोप्टर फर्केको मुस्ताङका प्रमुख जिल्ला अधिकारी नेत्रप्रसाद शर्माले बताउनुभयो ।
बेपत्ता विमान खोजीमा पोखराबाट सेनाको हेलिकोप्टर जाँदै
पोखराबाट मुस्ताङको जोमसोम विमानस्थलका लागि उडेको तारा एयरको (९एन एइटी) कल साइनको ट्विनअटर विमान मुस्ताङको लेते भन्ने स्थानमा ठोक्किएको आशङ्का गरिएको छ । यसको औपचारिक पुष्टि भने हुन सकेको छैन । स्थानीय नरसिंह शेरचनले लेते र घासा क्षेत्रको बीचबाट आवाज भएको भन्ने जानकारी दिनुभयो ।
लेतेमाथिको पहाडमा ठूलो आवाज आयो : स्थानीयवासी
‘‘ठूलो आवाज आएको स्थानीयवासीहरुले बताएका छन् ।,’’ म्याग्दीका प्रहरी नायव उपरीक्षक तिलक भारतीले भन्नुभयो’ ‘‘आवाज आएको स्थानसम्म पुग्न लेतेबाट करिब १० घण्टा लाग्छ ।’’
सम्पर्कविहीन तारा एयरको विमानमा सवार २२ यात्रुको नामावली
पोखराबाट मुस्ताङको जोमसोम विमानस्थलका लागि उडेको तारा एयरको (९एन एइटी) कल साइनको ट्विनअटर विमान मुस्ताङको लेतेमा ठोक्किएको आशङ्का गरिएको छ । तीन जना चालकदलका सदस्य, छ जना विदेशी र १३ जना नेपालीसहित २२ जना सवार विमान लेतेको भीरमा ठोक्किएर ठुलो आवाज आएको थियो । घटनाको पुष्टी हुन बाँकी रहेको छ ।
जबर्जस्ती करणी गरेको आरोपमा युवक पक्राउ, एक महिला मृत फेला
रेखीराम रानापाल्पा, जेठ १५ गते । जिल्ला प्रहरी कार्यालय पाल्पाले जबर्जस्ती करणी गर्ने एक जना युवकलाई पक्राउ गरेको छ । पक्राउ पर्नेमा पूर्वखोला गाउँपालिका–३, का ३१ वर्षका श्यामबहादुर दर्जी छन् । घरमा कोही नभएको मौका छोपेर स्थानीय २५ वर्षकी महिलालाई जबर्जस्ती गरेको भन्दै दर्जीलाई प्रहरीले पक्राउ गरेको जिल्ला प्रहरी कार्यालय पाल्पाका प्रहरी नायव उपरीक्षक वीरेन्द्र थापाले जानकारी दिनुभयो । गएको शुक्रबार राति १० बजे घरमा कोही नभएको अवस्थामा दर्जी महिलाको घरमा पुगेर जबर्जस्ती करणी गरेको पीडित महिलाको उजुरीका आधारमा निज दर्जीलाई पक्राउ गरिएको थापाले बताउनुभयो । दर्जीमाथि थप अनुसन्धान कार्य भइरहेको प्रहरीले जनाएको छ । कालीगण्डकीमा नदीमा युवती मृत फेला जिल्लाको रम्भा गाउँपालिका–१, हुँगीस्थित कालीगण्डकी नदीमा एक जना युवती मृत फेला परेकL छन् । रम्भा गाउँपालिका–१, अमली बस्ने २२ वर्षकL अस्मिता विश्वकर्मा कालीगण्डकी नदीमा मृत फेलाा परेको जिल्ला प्रहरी कार्यालय पाल्पाले जनाएको छ । गएको जेठ ११ गते घरदेखि एक्लै हिँडेका विश्वकर्मा घरदेखि तीन किलोमिटर टाढा कालीगण्डकी नदी किनारमा मृत अवस्थामा फेला परेको प्रहरीले जनाएको छ । खोजतलास गर्ने क्रममा युवतीको शब शनिबार फेला परेको प्रहरीले जनाएको छ । युवतीको के कारणले मृत्यु भएको भन्ने विषयमा अनुसन्धान भइरहेको पाल्पाका प्रहरी नायa उपरीक्षक थापाले जानकारी दिनुभयो ।
![तारा एयरको विमान मुस्ताङको लेतेमा ठोक्किएकाे आशङ्का [यात्रुको विवरणसहित]](https://gorkhapatraonline.com/storage/media/9218/conversions/tara-air-aet_aa-original-thumb.jpg)
तारा एयरको विमान मुस्ताङको लेतेमा ठोक्किएकाे आशङ्का [यात्रुको विवरणसहित]
पोखराबाट मुस्ताङको जोमसोम विमानस्थलका लागि उडेको तारा एयरको (९एन एइटी) कल साइनको ट्विनअटर विमान मुस्ताङको लेतेमा ठोक्कियो छ । ६ विदेशी १३ जना नेपाली सहित १९ जना लिएर उडेको जहाज लेतेमा ठोक्किएको छ ।
जोमसोम उडेको तारा एयरको जहाज सम्पर्कविहीन
पोखराबाट मुस्ताङको जोमसोम विमानस्थलका लागि उडेको तारा एयरको (९एन एइटी) कल साइनको ट्विनअटर विमान विहान ९ः५५ बजे देखि सम्पर्कविहीन भएको छ ।
सुशासन र समृद्धिका लागि सरकार प्रतिबद्धः मुख्यमन्त्री पोखरेल
गण्डकी प्रदेशका मुख्यमन्त्री कृष्णचन्द्र नेपाली पोखरेलले सुशासन र समृद्धिका लागि सरकार प्रतिबद्ध रहेको बताउनुभएको छ ।गणतन्त्र दिवसका अवसरमा शुभकामना सन्देश व्यक्त गर्दै उहाँले युवाशक्तिलाई स्वदेशमै रहने वातावरण सिर्जना गरी रोजगारीसँगै उत्पादन बढाउने र पारदर्शीताका साथ सुशासन कायम गर्न सकेमा मात्र शासन व्यवस्था सुदृढ र प्रभावकारी हुने बताउनुभयो ।
पोखराका नवनिर्वाचित प्रमुख आचार्यलाई २४ घण्टे स्पष्टीकरण
निर्वाचन आयोगले पोखराका नवनिर्वाचित प्रमुख धनराज आचार्यलाई २४ घण्टे स्पष्टीकरण सोधेको छ । आचार्यले निर्वाचित कार्यालयको बदनियतका कारण ठूलो संख्यामा मत बदर भएको बताउनुभएको थियो ।
लमजुङका विद्यालयमा पूराना पाठ्यपुस्तकबाट पठनपाठन
लमजुङका सामुदायिक विद्यालयहरुमा पाठ्यपुस्तक अभाव भएको छ । जेठ १ गतेबाट नयाँ शैक्षिक सत्र सुरु भएपनि हालसम्म विद्यार्थीहरुले पाठ्यपुस्तक पाएका छैनन् ।
६३५ घरेलु उद्योग दर्ता
घरेलु तथा साना उद्योग कार्यालय लमजुङमा ६३५ वटा घरेलु उद्योग दर्ता भएका छन् । आर्थिक वर्ष २०७८/०७९ को साउनदेखि वैशाख महिनाको अवधिमा सो सङ्ख्यामा घरेलु उद्योग दर्ता भएका कार्यालय प्रमुख मीताकुमारी थापाले बताउनुभयो ।
-original-thumb.jpg)
चन्द्रकोटका कृषकलाई कृषि औजार
रमेश विश्वकर्मागुल्मी, जेठ १४ गते । गुल्मी जिल्लाको चन्द्रकोट गाउँपालिकाका कृषकहरुलाई कृषि औजार वितरण गरिएको छ । गाउँपालिकाका गाउँपालिका अध्यक्ष युवराज केसी, कृषि ज्ञान केन्द्र गुल्मीका प्रमुख नवराज भण्डारीलगायतले एक औपचारिक कार्यक्रमकाबीच उक्त औजारहरु वितरण गर्नुभएको हो । औजारहरु वितरण गर्दै गाउँपालिकाका अध्यक्ष केसीले कृषिको माध्यमबाट नै गाउँपालिकालाई समृद्ध बनाउन सकिने भएकाले आधुनिक कृषितर्फ लाग्नुपर्ने बताउनुभयो । उहाँले कृषिमा आधुनिकीकरण र यान्त्रिकीकरण गरी आर्र्थिक आय–आर्जन वृद्धि गर्ने सकिने उल्लेख गर्नुभयो । आगामी दिनमा पनि सबै कृषकलाई पुग्नेगरी औजार वितरण गर्ने कार्यक्रम रहेको उहाँले बताउनुभयो । गाउँपालिकामा आ.व.२०७७/०७८ देखि शुरु भएको स्मार्ट कृषि गाउँ कार्यक्रमलाई निरन्तरता दिँदै प्रदेश सरकार र चन्द्रकोट गाउँपालिकाको संयुक्त साझेदारीमा गाउँपालिका भित्रका वडाहरु ३, ४ र ६ मा लागू भइरहेको छ । चक्रेश्वर स्मार्ट कृषि बाख्रा तथा तरकारी पकेट समूह गठन भई समूहमा कार्यक्रम सञ्चालनमा आएकोमा चालू आ.व.को प्रविधि हस्तान्तरण कार्यक्रम अन्तर्गत कृषकहरुलाई मिनी टीलर, च्याप कटर, तौल मेसिन, सिंचाई पाईप, दाना खुवाउने डुडलगायतका औजार उपकरणहरु वितरण गरिएको हो ।
प्रदेश सरकारको नीति तथा कार्यक्रम : पूर्वपदाधिकारीलाई सुविधा दिन विधेयक
गण्डकी प्रदेश सरकारले पूर्वपदाधिकारीलाई सुविधा दिने गरी कानुन निर्माण गर्ने भएको छ । सरकारका प्रवक्ता कुमार खड्काले मन्त्रिपरिषद् बैठकको निर्णय सार्वजनिक गर्ने क्रममा सो कुराको जानकारी दिनुभएको हो ।
सुध्रिएन बेनी–भकुण्डे सडकको अवस्था
म्याग्दीको बेनी नगरपालिकाको प्रवेशद्वारदेखि नगरपालिका–२ भकुण्डेचौरको वडा कार्यालयसम्म जोड्ने मोटरबाटोको ट्र्याक खुलेको १४ वर्ष भयो । विसं २०६५ मा ट्र्याक खुलेको सात किलोमिटर दूरीको यो सडक स्तरोन्नति नहुँदा यातायातका साधन सञ्चालन हुन सकेका छैनन् ।
सिमान्तकृत समुदायका उपप्रमुख दरैको समुदायको शैक्षिक स्तर उकास्ने धोको
अमरराज नहर्की तनहुँ, जेठ १३ गते । स्थानीय तहको निर्वाचनमा तनहुँमा सिमान्तकृत तथा अल्पसङ्ख्यक समुदायबाट एक महिला उपप्रमुख बन्नुभएको छ । नेपाली काँग्रेसको उम्मेदवार इन्दिरा दरै अत्याधिक मत ल्याई उपप्रमुख बन्नुभएको हो । दरै उपप्रमु्ख बनेपछि सिमान्तकृत समुदायको आर्थिक, सामाजिक, शैक्षिक क्षेत्रमा फड्को मार्ने विश्वास लिइएको छ । उहाँले एमालेका बसुन्धरा घर्तिले भन्दा ३ हजार ४५६ मत प्राप्त गर्नुभएको थियो । उहाँले १३ हजार ४९८ मत प्राप्त गर्नुभयो भने घर्तिले दश हजार ४२ मत प्राप्त गर्नुभएको छ । उपप्रमुख दरैले आर्थिक कठिनाई भएर पढ्न नपाएका बालबालिकाहरुलाई पठनपाठनमा सहयोग गर्ने बताउनुभएको छ । ‘शिक्षाको उज्यालो घामबाट कोही पनि बालबालिका बञ्चित नहोस् भनेर विद्यालयमा भर्ना गराई पठनपाठनमा सहयोग पु¥याउने आफ्नो पहिलो लक्ष्य रहेको छ’ उहाँले भन्नुभयो । घरेलु हिंसापीडित महिलाको उद्धारमा टेवा पु¥याउने उहाँको भनाइ छ । व्यास नगरपालिकाको १४ वटै वडामा पुग्दा महिलाले भोग्नु परेको खानेपानी समस्याको समाधानका लागि बजेट विनियोजनाको लागि पहल गर्ने उहाँले बताउनुभयो । महिलाको क्षमता र नेतृत्व विकासका लागि समेत कटिबद्ध भएर लाग्ने उहाँको प्रतिबद्धता राख्नुभयो ।
-original-thumb.jpg)
१५ रोपनी क्षेत्रफलमा लगाइएको अफिम नष्ट
हिमाली जिल्ला म्याग्दीको प्रहरीले जिल्लाको पश्चिम भेकको विभिन्न स्थानमा १५ रोपनी क्षेत्रफलमा लगाइएको अफिम खेती पछिल्लो २० दिनको अवधिमा नष्ट गरेको छ ।
६४ जनाको आँखाको शल्यक्रिया
बेलिना थापा लमजुङ, जेठ १२ गते । हिमाली जिल्ला मनाङको चामेमा सञ्चालन गरिएको आँखा शिविरमा ६४ जनाको आँखाको शल्यक्रिया गरिएको छ ।मनाङको सदरमुकाम चामेस्थित सामुदायिक आँखा केन्द्रमा सञ्चालित शिविरमा मङ्गलबार र बुधबार गरी ६४ जनाको आँखाको शल्यक्रिया गरिएको हो । ६३ जनाको मोतियाबिन्दुको अत्याधुनिक तरिकाबाट शल्यक्रिया गरिएको छ । एक जनाको आँखामा मासु पलाएकाले शल्यक्रिया गरिएको छ ।शिविरमा तिलगङ्गा आँखा प्रतिष्ठान काठमाडौंका कार्यकारी निर्देशक वरिष्ठ आँखा रोग विशेषज्ञ डा. सन्दुक रुइतको नेतृत्वमा तिलगंगा आँखा प्रतिष्ठान काठमाडौंका ११ जना प्राविधिक र अन्य स्वास्थ्यकर्मी शिविरमा खटिएका थिए । डा= रुइतले ६४ जना वृद्धवृद्धाका आँखाको शल्यक्रिया गर्नुभएको थियो । आँखा शिविरमा चारै गाउँपालिकाका नागरिक आएका थिए ।विकट नार्पाभूमि गाउँपालिकाको नारगाउँबाट दुई दिन हिँडेर सेवा लिन आएका थिए । आँखासम्बन्धी सेवा कहिल्यै नपाएका नागरिक पनि आएका थिए । चामे गाउँपालिकासँगै नासो गाउँपालिका मनाङ ङिस्याङ गाउँपालिकाका नागरिक पनि लाभान्वित भएका छन् । तिलगङ्गा आँखा प्रतिष्ठान, तेज कोहली एण्ड रुइत फाउन्डेशन र सामुदायिक आँखा केन्द्र मनाङको आयोजनामा सञ्चालित शिविरमा करिब नौ सयजनाको आँखा परीक्षण गरिएको थियो । एक सातासम्म गाउँगाउँ पुगेर आँखा जाँच गरिएको थियो । आँखा परीक्षणपछि शल्यक्रिया गर्नुपर्ने आँखाका बिरामीको चामेमा शिविर सञ्चालन गरेर आँखाको शल्यक्रिया गरिएको छ । तिलगंगा आँखा प्रतिष्ठानका बाह्य कार्यक्रम अधिकृत नामखेन लामाका अनुसार शल्यक्रियाका लागि लमजुङ र गोरखाबाट बिरामी आएका थिए ।मनाङमा पहिलो पटक बहत् आँखा शिविर सञ्चालन भएको हो । स्थानीयले पहिलो पटक यस्ता खाले शिविर पाउँदा खुसी व्यक्त गरेका छन् । शिविरमा शल्यक्रियापछि बिरामीलाई गाउँगाउँमा पु¥याउन भ्राकाका कालु घलेले सहजीकरण गर्नुभएको छ । चामेको आमा समूहले अन्य सहजीकरण गरेको थियो ।
तनहुँमा दुई दलित उम्मेदवार बने उपप्रमुख
अमरराज नहर्की तनहुँ, जेठ १२ गते । स्थानीय तहको निर्वाचनमा तनहुँमा दलित समुदायबाट दुई जना उपप्रमुखमा निर्वाचित हुनुभएको छ । एक नेपाली कांग्रेस र अर्को माओवादी केन्द्रको तर्फबाट उम्मेदवार बन्नुभएको व्यक्ति उपप्रमुख बन्न सफल हुनुभएको हो । भानु नगरपालिकामा काँग्रेसका उमा गोतामे र शुक्लागण्डकी नगरपालिकामा माओवादी केन्द्रका राजु विश्वकर्मा उपप्रमुखमा विजयी हुनुभएको हो । दलित समुदायबाट पालिकाको प्रमुखमा भने शुन्य रहेको छ । नेपाली कांग्रेसबाट उम्मेदवार बन्नुभएका गोतामे झण्डै दोब्बर मत ल्याई निर्वाचित हुनुभयो । गोतामेले १० हजार ५४७ मत ल्याएर विजयी हुनुभयो भने उहाँको निकटतम प्रतिद्वन्द्वी स्वतन्त्र उम्मेद्वार केशरबहादुर गुरुङले पाँच हजार ८१७ मत प्राप्त गर्नुभयो । सीप विकास तालिम प्रदान गरी महिलालाई स्वरोजगारबाट आत्मनिर्भर बनाउने, दलित, सिमान्तकृत समुदायको महिलालाई नेतृत्व विकासको तालिम दिने, अध्ययनमा समस्या भएका विपन्न अभिभावकका बालबालिकालाई मद्दत गर्नेलगायतलाई प्राथमिकतामा राखिएको गोतामे बताउनुहुन्छ । साथै, उहाँले दलित तथा पिछडिएको वर्गलगायतको हितमा काम गर्ने बताउनुभएको छ । यस अघि उहाँ स्थानीय तहको निर्वाचनमा भानु नगरपालिका–५ को वडा सदस्य भई काम गर्नुभएको थियो । जिल्ला समन्वय समिति तनहुँका सदस्य अर्जुनबहादुर अधिकारीले गोतामे गण्डकी प्रदेशमै दलित महिलाबाट उपप्रमुख बन्ने एक मात्र महिला भएको बताउनुभयो । दलित समुदायबाट उपप्रमुखमा गोतामेलाई काँग्रेसले उम्मेवार प्रमुखलाई समेत मत धेरै प्राप्त भएको अधिकारीले बताउनुभयो । ‘दलित महिलालाई अवसर दिएपछि अधिकांश समुदायले प्रमुख तथा उपप्रमुख दुवैलाई भोट दिएकाले दुवैले अत्याधिक मत ल्याएर विजयी हुनुभयो’ अधिकारीले भन्नुभयो । शुक्लागण्डकी नगरपालिकाको उपप्रमुखमा विकले १० हजार २६२ मत ल्याएर विजयी हुनुभयो । विकको निकतम प्रस्तिपर्धी एमालेका फुलमाया वाग्लेले नौ हजार ९५७ मत पाउनुभयो । उपप्रमुख विक विकासमा पछि परेको समुदाय, भूगोललाई प्राथमिकता दिएर बजेट विनियोजनको लागि पहलकदमी गर्ने बताउनुहुन्छ । यस अघिको वि.सं २०७४ को निर्वाचनमा दलित समुदायबाट शुक्लागण्डकीको नेकपा एमालेको तर्फबाट उम्मेदवार बन्नुभएका सविता रसाइली उपप्रमुखमा विजयी हुनुभएको थियो ।
नवलपुरमा एमाले पहिलो र कांग्रेस दोस्रो
स्थानीय तह निर्वाचन–२०७९ पछि पूर्वी नवलपरासीमा नेकपा (एमाले) पहिलो पार्टी बनेको छ । आठ स्थानीय तहका ९२ वडा रहेको नवलपुरमा एमालेले २६० पदमा जित हासिल गरेको छ ।
-original-thumb.jpg)
धुर्कोटमा पदभार ग्रहण गर्दाको निर्णय कार्यान्वयनतर्फ
तिलाचन पाण्डेतम्घास, जेठ ११ गते । धुर्कोट गाउँपालिकाले जेठ ९ गते पदभारग्रहण गर्दा गरेको निर्णयलाई कार्यान्वयनतर्फ लागेको छ । नवनिर्वाचित अध्यक्ष र उपाध्यक्षले जेठ ९ गते पदभारग्रहण गर्दा गाउँपालिकाका अभिभावकविहीन र अति विपन्न बालबालिकका लागि आवास सुविधासहित कक्षा १२ सम्म अध्ययन गराउने निर्णय गर्नुभएको थियो ।सोही निर्णयअनुसार जेठ १० गते निर्णय कार्यान्वयन गर्न गाउँपालिकाले एक सूचना जारी गर्दै अभिभावकविहीन वालवालिकाहरुको लगत संकलन र छनोट गर्नका लागि सूचना जारी गरेको हो । गाउँपालिका भित्रका कच्ची घरहरुको वीमा गर्ने निर्णयअनुसार कार्यान्वयनका लागि जेठ ११ गते १५ दिने सूचना जारी गरेकोे छ । सूचनामा गाउँपालिक भित्र रहेका कच्ची घरहरुको वीमा गर्ने कार्यक्रममा सहभागी हुन चाहने निर्जीवन वीमा कम्पनीहरुका लागि प्रस्ताव पेश गर्नका लागि १५ दिने सूचना जारी गरेको छ ।प्रस्तावमा घर वीमा गर्दा लाग्ने शुल्क र घर वीमा गर्दा हुने फाइदाहरुको बारेमा स्पष्ट खाकासहित पेश गर्नुपर्ने सूचनामा उल्लेख गरिएको छ । गाउँपालिकाले घर वीमा गर्दा लाग्ने खर्चको ५० प्रतिशत अनुदान दिने निर्णय गरेको थियो ।पछिल्लो समयमा प्राकृतिक विपत्तिबाट घरमा हुने गरेको क्षतिहरुलाई राहत स्वरुप उपलब्ध गराउन यस्तो निर्णय गरिएको गाउँपालिका अध्यक्ष भुपाल पोखरेलले बताउनुभयो । गाउँपालिकाले विद्युतीय चुल्होमा पचास प्रतिशत छुट दिने निर्णय पनि गरेको छ । गाउँपालिकाका दलित परिवारका १० जना छोराछोरीलाई एसईईपछिको तीन वर्षे प्राविधिक शिक्षामा छात्रवृत्तिको व्यवस्था गर्ने निर्णय गरेकोे छ । धुर्कोट गाउँपालिकाले नागरिकहरुलाई आत्मनिर्भर बनाउन व्यवसायिक रुपमा कृषि र पशुपालनलाई पहिलो प्राथमिकता दिएको छ ।
