हराएका वृद्ध मृत फेला
तनहुँमा हराएका एक वृद्ध मृत अवस्थामा भेटिनु भएको छ । तनहुँ देवघाट गाउँपालिका–५ माथिल्लो बगन्दी बस्ने बर्ष ७७ को आसबहादुर गुरुङ मृत भेटिनु भएको हो ।
-(1)-original-thumb.jpg)
पुरानो ल्यान्डफिलमा बन्यो गौशाला
‘पुष्करिणी परोपकार गोकुल धाम’ मा अहिले तीन सयभन्दा बढी गाई छन् । दुई वटा ठुला र दुई साना गोठ छन्, छेउमै गोदाम छ । वरिपरि बिरुवा रोपिएका छन्, चौतारी बनाइँदै छ, साना बाच्छाबाच्छी रमाउँदै दौडिन्छन् । यो रमणीय दृश्य हेर्न टाढा टाढाबाट मान्छे आउँछन् ।
बेनीमा जेसीजकप फुटबल सुरु
म्याग्दीको बेनीमा अन्तर मावि जेसीज कप फुटबल प्रतियोगिताको २१औँ संस्करण सुरु भएको छ । प्रतियोगिताको मंगलबार गण्डकी प्रदेश सभा सदस्य विमला गौचनले उद्घाटन गर्नुभयो ।
कांग्रेस गण्डकी प्रदेश सम्मेलनको तीव्र तयारी
यही पुस ३ र ४ गते सम्पन्न हुन गइरहेको नेपाली कांग्रेसको गण्डकी प्रदेश सम्मेलनको तयारी तीव्रताका साथ अगाडि बढेको छ । सम्मेलनको कांग्रेसका पार्टी सभापति एवम् पूर्व प्रधानमन्त्री एवम् शेरबहादुर देउवाले उद्घाटन गर्ने कार्यक्रम रहेको छ । सम्मेलनलाई भव्य रूपमा सम्पन्न गर्न विभिन्न उपसमिति गठन गरिएको छ ।
विनियोजित रकमको सदुपयोग गर्नुपर्छ : अर्थमन्त्री महत
अर्थमन्त्री डा. प्रकाश शरण महतले नवलपुरमा बन्न लागेको नमुना सदरमुकामको योजनालाई बहुवर्षिय योजनामा लैजान आग्रह गर्नु भएको छ । पहिला विनियोजन भएको रकम बर्सेनि फ्रिज हुँदै गएकाले यसको सदुपयोग गर्नुपर्ने बताउनु भयो ।
पृथ्वीराजमार्गको कालोपत्रे धमाधम
पृथ्वी राजमार्गको पोखरा–मुग्लिन सडक विस्तार कार्य अन्तर्गत थप पाँच किलो मिटरको कालोपत्रे सुरु भएको छ। योजना पूर्वी खण्डको काम सुरु भएको हो।
अर्जुनचौपारीमा राष्ट्रपति कप सुरु
अर्जुनचौपारी गाउँपालिकामा प्रथम राष्ट्रपति कप तथा शैक्षिक महोत्सव-२०८० मङ्गलबारबाट सुरु भएको छ । पालिका बनेको सातौँ वर्षमा गाउँपालिकाको खेल मैदानमा राष्ट्रपति कप तथा शैक्षिक महोत्सव सुरु भएको हो ।
देशको अर्थतन्त्र पुरानो लयमा फर्कँदै : अर्थमन्त्री महत
अर्थमन्त्री डा. प्रकाश शरण महतले देशको अर्थतन्त्र पुरानो लयमा फर्कन थालेको बताउनुभएको छ । हिजोको अवस्थामा धेरै ऋण प्रवाह भएको र सो अनुरूपमा प्रतिफल आउन नसक्दा यो समस्या भएको उहाँले बताउनुभयो ।
सवारी साधन दर्ता र नियमनमा प्रशासनको अवरोध
जिल्लाको अन्नपूर्ण गाउँपालिकाले स्थानीय सडकमा चल्ने सवारी साधन सूचीकृत तथा दर्ता गरी नियमन गर्न खोज्दा जिल्ला प्रशासन कार्यालयले अवरोध सिर्जना गरेकोमा जनप्रतिनिधिले गुनासो गरेका छन् ।
मुग्लिन पोखरा सडक : नौ किलोमिटर खण्ड एकतर्फी कालोपत्र
मुग्लिन पोखरा सडक विस्तारअन्तर्गत तनहुँको नौ किलोमिटर खण्डमा एकतर्फी कालोपत्र सकिएको छ । मुग्लिन पोखरा सडक विस्तार योजनाको पूर्वी खण्डअन्तर्गत आँबुखैरेनी र बन्दीपुरमा नौ किलोमिटर खण्ड एकतर्फी कालोपत्र गरिएको हो ।
हिमपातले जनजीवन कष्टकर
मनाङमा सोमबार बिहानैदेखि परेको हिमपातका कारण जनजीवन कष्टकर बन्दै गएको छ ।
अटोचालक महिलाको अनुभव : ‘इमानदार भएर काम गरे जुनसुकै पेसाले पनि सन्तुष्टि दिनेरहेछ’
नवलपरासी (बर्दघाट सुस्तापूर्व)को गैँडाकोट नगरपालिका-६ की अनिता सारुलाई हरेक दिन सबेरै घरधन्दा सक्ने हतारो हुन्छ । उहाँले भन्नुभयो “जतिसक्दो चाँडो घरको काम सक्यो, उति चाँडो अटो लिएर निस्कन पाइन्छ ।” उहाँ छोरीसँगै अटो लिएर बिहान साढे ९ बजे घरबाट निस्कनुहुन्छ । छोरीलाई स्कुल छाडेपछि अनिताको अटोको काम सुरु हुन्छ ।
कालीगण्डकी करिडोरः बागलुङ–हर्मिचौर खण्डको काम सुस्त
बजेट अभावले कालीगण्डकी करिडोर आयोजना बागलुङ–हर्मिचौर खण्डको काम सुस्त भएको छ । निर्माण व्यवसायीले कामको भुक्तानी समयमा नपाउँदा करिडोर कालोपत्रको काम सुस्ताएको हो ।
-original-thumb.jpg)
डायलासिस मेसिन बिग्रिएपछि मर्कामा बिरामी
तनहुँको सदरमुकाम दमौलीस्थित दमौली अस्पतालमा सञ्चालित शत्रुधन–मञ्जु मिर्गौला डायलासिस केन्द्रमा डायलासिस मेसिन बिग्रिएपछि बिरामी मर्कामा परेका छन् । मिर्गौलाको डायलासिस गराउने मेसिन बिग्रिएपछि बिरामी र बिरामीका परिवार चिन्तामा परेका छन् । दमौली अस्पताल व्यवस्थापन समितिका अध्यक्ष देवेन्द्र थापाले डायलासिस केन्द्रमा रहेका ११ वटा मेसिनमध्ये सात वटा बिग्रिएका बताउनुभयो । अध्यक्ष थापाका अनुसार विभाग, मन्त्रालयलगायत सम्बन्धित निकायमा यसबारे पटक पटक ध्यानाकर्षण गराइएको छ ।
डाँडाकी भगवती ओझेलमा
पर्वतमा थुप्रै धार्मिक पर्यटकीय महत्वका मठमन्दिर, देवालय, गुफा र शक्तिपीठ छन् । उचित प्रचारप्रसारको अभावमा कतिपय धार्मिक पर्यटनको सम्भावना बोकेका शक्तिपीठ ओझेलमा परेका छन् । डाँडामा रहेको भए पनि प्रसिद्ध बाटुलेचौर कालिका भगवती मन्दिर पनि ओझेलमा परेको छ । कुस्मा नगरपालिका–१२ स्थित सुन्दर र रमणीय स्थल बाटुलेचौरमा अवस्थित बाटुलेचौर कालिका मन्दिरको स्थापना १९५० सालमा गरिएको बताइन्छ ।
अन्तर्राष्ट्रिय कला कार्यशाला
जलेश्वर आर्ट फाउन्डेसन ओडिसा, भारतको आयोजनामा धम्पुसमा दुई दिवसीय कला कार्यशाला भएको छ । कास्कीको अन्नपूर्ण गाउँपालिकाको सुन्दर गाउँ धम्पुसमा भेला भएका कलाकारले हिमशृङ्खला नियाल्दै प्रकृति र जीवनका अनेक रङ्ग क्यानभासमा कोरेका छन् ।
मूल्य नपाउँदा बिकेन सुठो
अदुवा खेतीको उर्वर भूमि पूर्वी नवलपरासीका किसान यतिबेला अदुवा खन्न, सुठो बनाएर बेच्न व्यस्त छन् । मुख्य नगदेबालीका रूपमा जिल्ला अदुवा उत्पादनमा आत्मनिर्भर रहे पनि अदुवाको मूल्यमा हरेक वर्ष आउने उतारचढावले किसानलाई चिन्तित बनाएको छ ।
हिमपातले मध्यपहाडी लोकमार्ग अवरुद्ध
आज बिहानदेखि परेको हिमपातका कारण राष्ट्रिय गौरवको आयोजना मध्यपहाडी लोकमार्ग अवरुद्ध भएको छ । बागलुङ निसीखोला र पूर्वी रुकुमको सिमाना पातिहाल्नेमा परेको हिमपातले लोकमार्ग अवरुद्ध भएको हो ।
मनाङमा पुगे २० हजारभन्दा बढी पर्यटक
कोभिड महामारीपछि हिमाली जिल्ला मनाङमा सबैभन्दा धेरै विदेशी पर्यटक आएका छन् । अन्नपूर्ण संरक्षण क्षेत्र आयोजना (एक्याप) इलाका कार्यालय मनाङका प्रमुख ढकबहादुर भुजेलका अनुसार पछिल्लो ११ महिनामा २० हजार आठ सयभन्दा बढी बाह्य पर्यटक भित्रिएका छन् ।
कालीगण्डकीको सभ्यता जोगाउन पालिका सक्रिय
प्राकृतिक स्रोत साधनलाई दिगो रूपमा प्रयोग गर्ने तथा कालीगण्डकी नदीको सभ्यता र पर्यावरणलाई जोगाई राख्न कालीगण्डकी तटीय क्षेत्रका पालिकाहरू सक्रिय भएका छन् ।
जिल्ला अस्पतालमा पाँच शय्याबाट डायलासिस सेवा
पूर्वी नवलपरासीको मध्यविन्दु जिल्ला अस्पतालमा मिर्गौला रोगीहरूलाई निःशुल्क रूपमा मिर्गौलाको डायलासिस सुरु भएको छ । जिल्ला अस्पतालले पाँच शय्याबाट मिर्गौला प्रत्यारोपणको सेवा प्रदान गर्दै आएको छ ।
-original-thumb.jpg)
कहिले बन्छ तालबाराही मन्दिर ?
पोखरा घुम्न आउने सबैजसो पाहुना तालबाराही मन्दिर पुग्छन् । तालबाराही पुग्ने सबैको जिज्ञासा हुन्छ, मन्दिर कहिले बन्छ ? गएको चैत तेस्रो साता भत्काइएको तालबाराहीको पुनर्निर्माण अझै सुरु भएको छैन ।
म्याग्दे गाउँपालिकाले विपन्नको घर निर्माण गरिदिने
म्याग्दे गाउँपालिकाले विपन्न जनताको घर निर्माण गरिदिने भएको छ । गाउँपालिकाले सात वटै वडाका विपन्न परिवार छनोट गरी घर निर्माण गर्न लागेको हो ।
मुस्ताङमा हिमपात हुँदा चिसो बढ्यो
मुस्ताङमा सोमबार बिहानैदेखि हिमपात भएको छ । हिमपात भएपछि चिसो अत्यधिक बढेको छ । चिसो बढेका कारण जनजीवन प्रभावित भएको छ ।
बुट्टेनली जोगाउन पुस्तान्तरणको प्रयास
बागलुङको पहिचान रहेको बुट्टेनली जोगाउन १२ वर्षपछि पुस्तान्तरणको पहल थालिएको छ । दुई सय वर्ष पुरानो बुट्टेनली संरक्षण तथा पुस्तान्तरणको अभावमा हराउन थालेको भन्दै युवा पुस्तालाई यसको महत्व जगाउन सीप प्रदान गर्न थालिएको हो ।
