लुम्बिनीमा नयाँ सरकार गठनका लागि एमालेले लियो अग्रसरता
लुम्बिनी प्रदेशमा नयाँ सहमतिको सरकार बनाउन नेकपा (एमाले)ले अग्रसरता लिएको छ । एमालेले लुम्बिनीमा सहमतिको सरकार बनाउने भन्दै प्रदेश प्रमुख अमिक शरेचनलाई औपचारिकरुपमा पत्र बुझाएको छ ।
बँधिया भाले पाल्ने किसानलाई अनुदान
दाङको राप्ती गाउँपालिकाले बँधिया (बन्ध्याकरण) गरिएको भाले पाल्ने किसानलाई अनुदान दिन थालेको छ । गाउँपालिकाले साना किसानलाई हौसला बढाउन पहिलो पटक बँधिया भाले पाल्ने किसानलाई बार्षिक रुपमा प्रतिभाले एकसय रुपियाँका दरले अनुदान उपलव्ध गराउन थालेको हो ।
एसइईमा उत्कृष्ट अङ्क ल्याउन सफल विद्यार्थीलाई सम्मान
पाल्पाको रामपुर नगरपालिकाले माध्यमिक शिक्षा परीक्षा (एसइई) मा उत्कृष्ट अङ्क ल्याउने विद्यार्थीलाई सम्मान गरेको छ । केही दिन अघि प्रकाशित नतिजा अनुसार दरैठाँटी माध्यमिक विद्यालय रामपुर–६, बाट ४ जीपीए ल्याउन सफल पूर्णिमा लक्ष्मी कुँवरलाई नगरपालिकाले सम्मान गरेको हो ।
छत्रकोटले निःशुल्क पशु चिकित्सा पढाउने
गुल्मीको छत्रकोट गाउँपालिकाले निःशुल्क रुपमा पशु चिकित्सा विषय पढाउने भएको छ । छत्रकोट गाउँपालिका अध्यक्ष रामप्रसाद पाण्डेयले देशभर पशु चिकित्सकको माग बढ्दै गएको भन्दै गाउँपालिकाले यस्तो निर्णय गरेको जानकारी दिनुभयो ।
सडक निर्माणमा ढिलासुस्ती, ठेक्का तोड्ने प्रक्रिया सुरु
दाङमा हुलाकी सडक निर्माणमा ढिलासुस्ती भएपछि ठेक्का तोड्ने प्रक्रिया सुरु भएको छ । हुलाकी राजमार्ग आयोजना कार्यालय नेपालगन्जले सडक निर्माण तथा कालोपत्रे गर्ने काममा ढिलाइ गर्ने ठेकेदारसँग ठेक्का प्रक्रिया तोड्ने जनाएको छ । हुलाकी सडक अन्तर्गत गढवा गाउँपालिकाको वनघुर्सीदेखि गढवासम्मको करिब २० किलोमिटर सडक कालोपत्रे गर्न निर्माण कम्पनीले ढिलासुस्ती गरेपछि आयोजना ठेक्का तोड्ने प्रक्रियामा अघि बढेको हो । सडक विस्तारसँगै कालोपत्रेको काम सक्ने गरी ६५ करोडको लागतमा २०७६ कात्तिक २९ मा वज्रगुरु कान्छाराम जेभीसँग ठेक्का सम्झौता भएको थियो । सो सम्झौता अनुसार तोकिएको समयमा काम सम्पन्न हुन सकेन । २
शङ्खे किरा सङ्कलन गर्नेलाई १५ रुपियाँ दिने
प्युठानको माण्डवी गाउँपालिका वडा नम्बर ३ ले शङ्खे किरा समातेर ल्याउनेलाई नगद रकम दिने घोषणा गरेको छ । वडाका विभिन्न ठाउँमा शङ्खे किराको प्रकोप देखिएपछि नियन्त्रणका लागि वडाले यस्तो जुक्ती निकालेको हो।
पावर टिलरले धानरोप्न तयारी गर्दे किसान
गुल्मीमा मिनिटिलरको सहायताले खेत जोत्दै कृषक । जिल्लामा पछिल्लो समय गाउँमा गोरू पाल्न छाडेपछि खेतबारी जोत्नका लागि कृषकले आधुनिक प्रविधि प्रयोग गर्न थालेका छन्।
एसइई पुरक परीक्षा दिने विद्यार्थीलाई निःशुल्क कक्षा
नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले एसइईको पुरक परीक्षा दिने विद्यार्थीका लागि निःशुल्क अनलाइन कक्षा सञ्चालन गर्न लागेको बताउनुभएको छ ।
लुम्बिनी सरकारलाई दिएको समर्थन एमालेले लियो फिर्ता
लुम्बिनी प्रदेशमा नेकपा (एमाले)ले सरकारलाई दिएको समर्थन फिर्ता लिएको छ। केन्द्रमा नेपाली कांग्रेस र एमालेको नयाँ समीकरण बनेसँगै लुम्बिनी प्रदेशमा सरकारलाई दिएको समर्थन फिर्ता लिएको हो।
७० प्रतिशत अनुदानमा छ सय विद्युतीय चुलो वितरण
कालीगण्डकी गाउँपालिकामा छ सय विद्युतीय चुलो वितरण गरिएको छ । वैकल्पिक ऊर्जा प्रवर्द्धन केन्द्रको ७० प्रतिशत आर्थिक सहयोग र गाउँपालिकाको सहजीकरणमा छ सय विद्युतीय चुलो वितरण गरेको प्रशासकीय अधिकृत नरेश गिरीले जानकारी दिनुभयो ।
वन्यजन्तु प्रभावित क्षेत्रका छ हजार बढीको क्षति बिमा
लुम्बिनी प्रदेश वन तथा वातावरण मन्त्रालयले बर्दिया जिल्लाका वन्यजन्तु प्रभावित क्षेत्रका छ हजार बढी स्थानीय नागरिकको क्षति बिमा गरेको छ ।
-original-thumb.jpg)
सेज ऐन कार्यान्वयन नहुँदा आकर्षण देखिएन
उद्योगीहरूले विशेष आर्थिक क्षेत्र (सेज) सम्बन्धी ऐन प्रभावकारी कार्यान्वयन नहुँदा समस्या देखिएको बताएका छन् ।
परीक्षा प्रणाली सुधार गर्दा नतिजा खस्कियो : नगर प्रमुख आचार्य
बाँकेको कोहलपुर नगरपालिकाभित्रका कुनै पनि सामुदायिक विद्यालयले विक्रम संवत् २०८० सालको एसइई परीक्षामा शतप्रतिशत नतिजा ल्याउन सकेका छैनन् । कोहलपुर नगरपालिकामा संस्थागत र सामुदायिक गरेर ३८ वटा विद्यालय छन् ।
गाईपालनमा रमाएकी शारदा
कोहलपुर नगरपालिका-१२ चप्परगौडी बाँकेकी किसान शारदा शर्माले लामो समयदेखि गाईपालन गर्दै आउनुभएको छ ।
बाँकेबाट एसईईको पूरक परीक्षामा छ हजारभन्दा बढी विद्यार्थी सहभागी हुने
सरकारले एनजी ल्याएका सबै विद्यार्थीलाई माध्यामिक शिक्षा परीक्षा (एसईई) को पूरक परीक्षामा सहभागी गराउने निर्णय गरेपछि बाँकेबाट छ हजार ३०३ विद्यार्थीले सहभागि हुन पाउने भएका छन् ।
फरार प्रतिवादी पक्राउ गर्न बाँके प्रहरीले चलायो गोली
बाँके प्रहरीले फरार प्रतिवादी पक्राउ गर्न गोली प्रहार गरेको छ । गोली प्रहार गरी फरार प्रतिवादीलाई बाँके प्रहरीले नियन्त्रणमा लिएको हो ।
ललित निबन्ध सङ्ग्रहको समीक्षात्मक विमर्श
बाँकेको कोहलपुरमा निबन्धकार मोमिलाको ललित निबन्ध सङ्ग्रहको समीक्षात्मक विमर्श कार्यक्रम गरिएको छ ।
डेङ्गु नियन्त्रण गर्न महिला स्वास्थ्यकर्मी परिचालन गरिँदै
बुटवल उपमहानगरपालिकाले डेङ्गुलगायत कीटजन्य रोगको नियन्त्रणका लागि महिला स्वास्थ्य स्वयंसेविका परिचालन गर्ने भएको छ । बर्खायाममा धेरै हुने डेङ्गु नियन्त्रणका लागि बुटवलमा सचेतनामूलक अभियानसमेत सुरु भएको छ । बर्खायाम सुरु भएसँगै एडिस जातको लामखुट्टे सक्रिय हुने र टोकाइबाट डेङ्गु रोग सर्ने भएकाले नियन्त्रणका लागि बुटवल उपमहानगरले स्वास्थ्य स्वयंसेविकालाई अभिमुखीकरणसँगै सचेतनामूलक कार्यक्रम सुरु गरेको हो ।
अविवाहितलाई निर्वाह भत्ता
गुल्मी दरबार गाउँपालिकाले पालिकाभित्रका ३४ जना अविवाहित महिला र पुरुषलाई निर्वाह भत्ता प्रदान गरेको छ । पालिकाको नीति तथा कार्यक्रम अनुसार चालु आर्थिक वर्षमा ४० वर्ष उमेर कटेका महिला र ४५ वर्ष उमेर कटेका अविवाहित पुरुषलाई मासिक एक हजार रुपियाँका दरले निर्वाह भत्ता प्रदान गरेको सूचना अधिकारी नवराज घिमिरेले जानकारी दिनुभयो । निर्वाह भत्ता प्राप्त गर्नेमा महिला १६ र पुरुष १८ जना छन् । सोही कार्यक्रमलाई आगामी आर्थिक वर्षका लागि पनि निरन्तरता दिने नीति तथा कार्यक्रम रहेको उहाँको भनाइ छ ।
विपत् न्यूनीकरणको पूर्वतयारी
रुपन्देहीका पालिकाहरूले विपत्जन्य घटना न्यूनीकरण गर्न पूर्वतयारी थालेका छन् । मौसमविद्हरूले यो वर्ष भीषण वर्षा हुने पूर्वानुमान गरेकाले रूपन्देहीका पालिकाहरूले विपत्जन्य घटना नियन्त्रण तथा न्यूनीकरण गर्न बजेटमै कोष व्यवस्था गरेर तयारी थालेका हुन् । बुटवल उपमहानगर, सैनामैना नगरपालिका, कञ्चन गाउँपालिकालगायत गैहहवा, शुद्धोधन, सियारी र लुम्बिनी सांस्कृतिकलगायतका पालिकाहरूले विपत्जन्य घटना न्यूनीकरण गर्न पूर्वतयारीदेखि तालिमका कार्यक्रम गरिरहेका छन् ।
मोही बनाउँदै वृद्ध
रुकुमपूर्व सिस्ने गाउँपालिका–२ खारा लेकको एक गोठमा मही बनाउँदै वृद्ध । गोठमा यसरी नै मोही बनाएर घ्यु सङ्कलन गरी विक्री गर्ने गरिन्छ । हिजो आज गाई भैँसी र चौँरी पालन लोप हुँदै गएको छ ।
डाइभर्सन नबन्दा सवारी सञ्चालनमा समस्या
दाङको घोराही–तुलसीपुर सडकखण्डको सेवार खोलामा डाइभर्सन निर्माण नहुँदा सवारी सञ्चालनमा समस्या भएको छ । पुल निर्माणका क्रममा सेवार खोलाको पिच सडक भत्काइए पनि डाइभर्सन नबनाउँदा बर्षादको समयमा सवारी सञ्चालनमा समस्या देखिएको हो ।
दाङको सेवार खोलामा चार लेनको पुल निर्माण हुँदै
दाङको घोराही-तुलसीपुर सडकखण्डअन्तर्गत सेवार खोलामा चार लेनको पुल निर्माण सुरु भएको छ । घोराही उपमहानगरपालिका-१६ स्थित सेवार खोलामा २०८३ साल वैशाख ३० गतेभित्र पुल निर्माण सम्पन्न गर्नेगरी काम सुरु भएको हो ।
बबई नदीले बगाउँदा बेपत्ता महिला मृत फेला
दाङमा बबई नदीले बगाउँदा बेपत्ता भएकी महिला मृत भेटिएकी छन् । तुलसीपुर उपमहानगरपालिका–१४ मटेरास्थित आफन्तको घर जाने क्रममा नदी तर्न खोज्दा बुधबार बिहान बेपत्ता हुनुभएको १९ वर्षीया सृजना चौधरी दिउँसो मृत फेला पर्नुभएको हो ।
मोटरसाइकल दुर्घटना हुँदा एक जनाको मृत्यु
कपिलवस्तुको शिवराज–९ बानियाभारमा मोटरसाइकल दुर्घटना हुँदा एक जनाको मृत्यु भएको छ भने अर्का एक जना घाइते भएका छन् ।
