तिनाउ खोलाको बाढीमा भेटियो बुद्धनगरका नेपालीको शव
बुटवलको तिनाउ खोलाको बाढीमा भेटिएको शवको पहिचान खुलेको छ । प्रगतिनगरमा फेला परेको शव बुद्धनगरका ६५ वर्षीय किशोरबहादुर नेपाली भएको प्रहरीले पुष्टि गरेको छ ।
अनोमाघाटलाई बुद्धधाम बनाउने तयारी
नवलपरासीपश्चिम (बर्दघाट–सुस्ता)को सिद्धार्थ गौतमले सन्यास धारण गरेको (महाभिनिष्क्रमण स्थल) सुस्ता गाउँपालिका वडा नं. ५ स्थित अनोमाघाटलाई बुद्धधाम बनाउन विस्तृत परियोजना प्रतिवेदन (डीपीआर) गराउने कार्य अन्तिम चरणमा पुगेको छ ।
बाँकेका ७६ हजार बालबालिकालाई कोभिड खोप दिइने
बाँके जिल्लाका पाँच वर्षदेखि ११ वर्ष उमेर समूहका ७६ हजार बालबालिकालाई कोभिडविरुद्धको खोप दिने भएको छ । असार नौ गतेदेखि ११ गतेसम्म सो समूहका बालबालिकालाई कोभिडविरुद्धको फाइजर–बायोएनटेक खोप दिन थालिएको हो । त्यसको तयारी पूरा भएको स्वास्थ्य कार्यालय बाँकेका अधिकृत खोप फोकल पर्सन नरेश श्रेष्ठले बताउनुभयो ।
रुपन्देहीमा जिससमा गठबन्धन विजयी
जिल्ला समन्वय समिती रुपन्देहीमा गठबन्धनको प्यानल विजयी भएको छ । गठबन्धनबाट नेपाली कांग्रेसका प्रमुख पदका उम्मेद्वार उमाकान्त चापागाई २० मत ल्याइ विजयी हुनुभयो ।
दाङमा पूँजीगत खर्च निराशाजनक : ४७ प्रतिशतमात्रै खर्च
जिल्लाका १० वटै पालिकामा पूर्वाधारसँग सम्बन्धित काम हुँदै आएका छन् । यसमा सिँचाइ, खानेपानी, सडक, सघन सहरी तथा पूर्वाधार विकास कार्यालय, बृहत् दाङ उपत्यका सिँचाइ आयोजना, प्रगन्ना कुलो सिँचाइ आयोजना, जनताको तटबन्धलगायत कार्यालयले काम गर्दै आएका छन् । यस्तै प्रदेशतर्फका खानेपानी, सडक पूर्वाधार कार्यालय, भवन निर्माण कार्यालय, सिँचाइ विकास डिभिजन, सामाजिक विकास डिभिजन कार्यालय, भूमिगत जलस्रोत विकास कार्यालयलगायत छन् । यी कार्यालयहरूमा हुने कामका आधारमा जिल्लामा विकास खर्चको निर्धारण हुने गरेको कोष तथा लेखा नियन्त्रक कार्यालयले जनाएको छ ।
युवकको ज्यान गएपछि स्वीमिङ पुल बन्द
पौडी खेल्नेक्रममा एक युवकको डुवेर मृत्यु भएपछि रुपन्देही प्रहरीले भैरहवास्थित होटल पौवाको स्वीमिङ पुल बन्द गराएको छ । शुक्रबार पौवा होटलस्थित स्वीमिङ पुलमा डुबेर स्थानीय सिद्धार्थनगर नगरपालिका ६ का २७ वर्षीय सुमित तुलाधरको मृत्यु भएको थियो ।
अवधी भाषाको विकासमा प्रदेश सरकार प्रतिबद्ध : मुख्यमन्त्री केसी
लुम्बिनी प्रदेशका मुख्यमन्त्री कुलप्रसाद केसीले अवधी भाषाको विकासमा प्रदेश सरकार प्रतिबद्ध रहेको बताउनुभएको छ । कपिलवस्तुको तौलिहवामा आयोजना गरिएको अवधि सम्मेलनको उदघाटनसत्रमा मुख्यमन्त्री केसीले सो कुरा बताउनुभएको हो ।
भारतीय साहित्यकारलाई नेपालगञ्जमा सम्मान
नेपाल–भारतमैत्री संघको अगुवाईमा नेपालगञ्ज आउनुभएका भारत महाराष्ट्रका दुई जना वरिष्ठ साहित्यकारलाई नेपालगञ्जमा सम्मान गर्नुका साथै साहित्यिक सम्बन्ध विस्तार विचार विमर्श गरिएको छ ।
सुस्त मनस्थितिका किशोरीमाथि सामूहिक बलात्कार
दाङमा एक सुस्त मनस्थिति भएकी युवतीमाथि सामूहिक बलात्कार भएको छ । जिल्लाको तुलसीपुर उपमहानगरपालिका –५ निवासी २५ बर्षीया युवतीमाथि असार २ गते राति सामुहिक बलात्कार भएको घट्ना बाहिरिएको छ ।
हजयात्रीको भिसा आयो
यस वर्ष नेपालबाट हजयात्रामा जाने मुस्लिममा सबैभन्दा बढी बाँकेबाट हुने भएको नेपाल हज समितिले जनाएको छ ।नेपाल हज समितिका केन्द्रीय अध्यक्ष शमशेर मियाँले दिनुभएको जानकारीअनुसार यस वर्ष हजयात्राका लागि भिसा प्राप्त गर्ने मुस्लिममध्ये सबैभन्दा बढी बाँके जिल्लाका ८५ जना छन् ।
डाइभर्सन बगाउँदा पूर्वपश्चिम लोकमार्ग अवरुद्ध
पूर्व पश्चिम राजमार्गको सुनवल तरिया खोलाको डाइभर्सन बाढीले बगाउँदा पूर्व पश्चिम लोकमार्ग गएको रातीदेखि अवरुद्ध भएको छ ।
बालिका करणी आरोपमा जनप्रतिनिधि पक्राउ
एक बालिकालाई करणी गरेको आरोपमा रोल्पाका एक जनप्रतिनिधि पक्राउ परेका छन । बालिकालाई करणी गरेको आरोपमा त्रिवेणी गाउँपालिका–६ का वडा सदस्य ३५ वर्षीय मोहन केसी पक्राउ परेका हुन् ।
नाबालिकालाई यौन दुर्व्यवहार गरेको आरोपमा शिक्षक पक्राउ
गुल्मीमा कक्षा तीनमा अध्यन गर्ने छात्रालाई यौन दुर्व्यवहार गरेको आरोपमा शिक्षक पक्राउ परेका छन् ।
कालीगण्डकीमा बेपत्ता भएका सात जनाको उद्धार
पाल्पाको रानीमहल नजिकै कालीगण्डकी नदीमा बेपत्ता भएका सात जनाको उद्धार भएको छ।
कोदालोले खनेर मात्र बिरुवा हुर्किन्न – मुख्यमन्त्री केसी
लुम्बिनी प्रदेशका मुख्यमन्त्री कुलप्रसाद केसीले कोदालोले खनेर मात्र बिरुवा नहुर्किने बताउनुभएको छ । कपिलवस्तुको बाणगंगा नगरपालिका ८ मधुवनधामको आठौँ चुरे दिवसको अवसरमा बोल्दै उहाँले सो कुरा बताउनुभएको हो ।
जनप्रतिनिधिलाई आँखा स्वास्थ्य सचेतना
ग्रामीण क्षेत्रका आँखाको बिरामी पहिचान गरी उपचारका लागि प्रेरित गर्न कपिलवस्तुका जनप्रतिनिधिलाई आँखा स्वास्थ्य शिक्षा प्रदान गरिएको छ । छन्दे कालेवाबु नारायणी आँखा अस्पताल बहादुरगन्जले कपिलवस्तुका नवनिर्वाचित जनप्रतिनिधिलाई सचेतना प्रदान गरेको छ । अस्पतालले शिवराज र बुद्धभूमि नगरपालिकाका सबै जनप्रतिनिधिलाई एक दिने प्रशिक्षण गरेको छ ।
प्रदेश सरकार र प्रहरीबाट अनुसन्धान
घोराही समाचारदाताघोराही, असार २ गते ।लुम्बिनी प्रदेशकी स्वास्थ्य, जनसङ्ख्या तथा परिवार कल्याण राज्यमन्त्री विमला खत्री वलीको विवादमा प्रदेश सरकार र स्थानीय प्रहरी प्रशासनले अनुसन्धान थालेका छन् । मङ्गलबार स्वास्थ्य राज्यमन्त्री वलीले तुलसीपुर उपमहानगरपालिका–५ बसपार्कनिवासी २७ वर्षीया मीना भण्डारी बस्नेत र छोरी एलिजा बस्नेतलाई अभद्र व्यवहार गरेको आरोपमा पीडितले जाहेरी दिएपछि प्रहरीले अनुसन्धान थालेको जिल्ला प्रहरी कार्यालय दाङका प्रहरी प्रमुख एवं प्रहरी उपरीक्षक सुरेशप्रसाद काफ्लेले जानकारी दिनुभएको छ । प्रदेश सरकारले पनि घटनाको छानबिनका लागि समिति गठन गरेको छ । “प्रदेश सरकारसँगै जिल्लामा हामीले घटनाको अनुसन्धान गरिरहेका छौँ,” प्रहरी प्रमुख काफ्लेले भन्नुभयो, “घटनाको तथ्य अनुसन्धानले बताउनेछ ।” बुधबार बसेको लुम्बिनी प्रदेश सरकारको मन्त्रिपरिषद् बैठकले समेत घटनाको छानबिन गर्न आन्तरिक मामिला तथा सञ्चारमन्त्री तिलकराम शर्माको नेतृत्वमा कार्यदल गठन गरेको छ । समितिका सदस्यमा महिला, बालबालिका तथा कानुनमन्त्री रमा घर्तीमगर र मुख्य न्यायाधिवक्ता श्रीकृष्ण सुवेदी रहनुभएको छ । “दाङमा घटना भएकाले प्रहरीले स्वाभाविक रूपमा आफ्नोतर्फबाट अनुसन्धान गरिरहेको छ । हामीभन्दा माथि नै प्रदेश सरकारका मन्त्रीकै नेतृत्वमा छानबिन कार्यदल गठन भइसकेको छ,” प्रहरी प्रमुख काफ्लेले भन्नुभयो, “छानबिन समितिको प्रतिवेदन आउँदासम्म पर्खनुको विकल्प छैन ।” स्वास्थ्य राज्यमन्त्री विमला वली प्रकरणले बजेट प्रस्तुतका लागि बसेको लुम्बिनी प्रदेश सभाको बैठकसमेत स्थगित हुन पुगेको छ । प्रदेश सरकारका स्वास्थ्य राज्यमन्त्री वली प्रकरणबारे सरकारले प्रदेश सभा बैठकमा जवाफ नदिँदासम्म बैठक चल्न नदिने नेकपा एमालेको घोषणासँगै बैठक २५ मिनेटलाई स्थगित भएको हो । बैठक प्रारम्भ भएलगत्तै एमाले संसदीय दलका प्रमुख सचेतक भूमिश्वर ढकालले राज्यमन्त्री वली प्रकरणमा मुख्यमन्त्रीको जवाफ माग गर्नुभएको थियो । सभामुख पूर्ण घर्तीले जवाफका लागि सरकारलाई निर्देशन गर्दै २५ मिनेटका लागि बैठक स्थगित गर्नुभएको थियो । यसअघि नेकपा एमालेले लुम्बिनी प्रदेश सभा संसदीय दलको बुधबार दिउँसो बसेको बैठकले सरकारको जवाफ नआएसम्म बैठक चल्न नदिने निर्णय गरेको थियो ।स्वास्थ्य राज्यमन्त्री वलीले मङ्गलबार बिहान तुलसीपुर–५ बसपार्कस्थित एकराज बस्नेतको घरमा गएर श्रीमती मीना भण्डारी बस्नेत र छोरी एलिजालाई गालीगलौज र अभद्र व्यवहार गरेको भन्दै पीडित भण्डारीले इलाका प्रहरी कार्यालय तुलसीपुरमा जाहेरी दिनुभएको छ । वली २०७६ मङ्सिर १४ मा भएको उपनिर्वाचनमा नेकपाबाट प्रदेश सांसद निर्वाचित हुनुभएको थियो । वली नेकपा एमालेका स्वर्गीय प्रदेश सभा सदस्य उत्तर वलीकी श्रीमती हुनुहुन्छ ।
अघिल्लो बजेटभन्दा करिब डेढ अर्ब बढी
लुम्बिनी प्रदेशका आर्थिक मामिला तथा सहकारीमन्त्री कृष्णध्वज खड्काले आर्थिक वर्ष २०७९/८० का लागि ४२ अर्ब ६३ करोड ५७ लाखको बजेट प्रस्तुत गर्नुभएको छ ।प्रदेश सभाको बुधबार भएको बैठकमा आर्थिक मामिला तथा सहकारीमन्त्री खड्काले चालूतर्फ १३ अर्ब ३२ करोड ७६ लाख ५२ हजार रुपियाँको बजेट प्रस्तुत गर्नुभयो । यो कुल बजेटको ३१ दशमलव २६ प्रतिशत रहेको छ ।
लुम्बिनी प्रदेशको बजेट ४२ अर्ब ६२ करोड ४७ लाख ७२ हजार (पूर्णपाठसहित)
लुम्बिनी प्रदेश सरकारले आर्थिक वर्ष २०७९–८० का लागि ४२ अर्व ६२ करोड ४७ लाख ७२ हजार रुपियाँको बजेट प्रस्तुत गरेको छ । प्रदेश सरकारका आर्थिक मामिला तथा सहकारी मन्त्री कृष्णध्वज खड्काले बुधबार प्रदेशसभामा सो बजेट प्रस्तुत गर्नुभएको हो ।
लुम्बिनी प्रदेशको बजेट भाषण (प्रत्यक्ष प्रसारण)
काठमाडौं, असार १ गते । लुम्बिनी प्रदेश सभाको बजेट भाषण सुरु भएको छ । आर्थिक वर्ष २०७९/८० को आय र व्ययको विवरण पेश गर्नुहुँदै लुम्बिनी प्रदेशका आर्थिक मामिला तथा सहकारीमन्त्री कृष्णध्वज खड्का:
अस्पतालको शौचालयमा नवजात शिशुको शव फेला
कपिलवस्तुको सदरमुकाम तौलिहवास्थित कपिलवस्तु अस्पतालको कर्मचारीले प्रयोग गर्ने शौचालयमा नवजात शिशुको शव फेला परेको छ । बिहान ९ः३० बजे ईनडोर रुमको (बिरामी भर्ना गर्ने कक्ष) शौचालयको डस्टविनभित्र फालेको अवस्थामा शव फेला परेको जिल्ला प्रहरी कार्यालय कपिलवस्तुका प्रमुख प्रहरी उपरीक्षक दानबहादुर कार्कीले बताउनुभयो ।
जिसस गुल्मीमा गठबन्धनको प्यानल बिजयी
जिल्ला समन्वय समिति गुल्मीमा गठबन्धनको प्यानलन बिजयी भएको छ । जिल्ला समन्वय समिति प्रमुखमा गठबन्धनको तर्फबाट नेपाली कांग्रेसका दोर्णबहादुर खत्री बिजयी हुनुभएको छ । उहाँले एमालेका युवराज न्यौपानलाई पराजित गरी निर्वाचित हुनुभएको हो । खत्रीको १५ र न्यौपानेको मत नौ रहेको छ ।
देशलाई अमेरिकी सैन्य गठबन्धनमा सहभागी गराउन खोजियो
नेकपा (एमाले) का महासचिव शङ्कर पोखरेलले सरकारले देशलाई अमेरिकी सैन्य गठबन्धनमा सहभागी गराउन खोजेको आरोप लगाउनु भएको छ । नेपालको असंलग्न परराष्ट्र नीति विपरित अमेरिकासँग स्टेट पार्टनरसीप प्रोगाम (एसपीपी) सम्झौता गर्न खोजेको बताउँदै महासचिव पोखरेलले आपत्ति जनाउनुभयो ।
अबैध काठसहित ट्याक्टर नियन्त्रणमा
जिल्ला प्रहरी कार्यालय पाल्पाले अबैध रुपमा निकासी गर्न लागेको काठ नियन्त्रणमा लिएको छ । प्रहरीले रम्भा गाउँपालिका ३ स्थित निकीचउरबाट अबैध रुपमा चिलाउने काठ ट्याक्टरमा लोड गर्ने क्रममा नियन्त्रणमा लिएको हो ।
राज्यमन्त्री वली अस्पताल भर्ना
लुम्बिनी प्रदेशका स्वास्थ्य राज्यमन्त्री विमला खत्री वली अस्वस्थ हुनुभएपछि उहाँलाई लुम्बिनी प्रादेशिक अस्पतालमा भर्ना गरेर उपचार गरिएको छ ।
.jpg)