फुटबल खेलाडीलाई एक लाखको बिमा
गुल्मीमा फोर्टिन स्टार युवा क्लबले फुटबल खेलाडीहरुकोे बिमा गरिदिने भएको छ । आगामी पुस ७ गते देखी १० गतेसम्म तम्घासको चिदिचौरमा सञ्चालन हुने जिल्ला स्तरीय माध्यमिक तहका छात्र फुटबल प्रतियोगिताका खेलाडीहरूको बिमा गरिदिने क्लबले जनाएको छ ।
सहकारीलाई उत्पादनसँग जोड्नु आवश्यक छ: मुख्यमन्त्री चौधरी
इमान सिं रानापाल्पा, मङ्सिर २४ गते । लुम्बिनी प्रदेशका मुख्यमन्त्री डिल्ली बहादुर चौधरीले सहकारीलाई उत्पादनसँग जोड्नु आवश्यक रहेको बताउनुभएको छ । जनतालाई उत्पादन र रोजगारसँग जोड्न प्रदेश सरकार पनि प्रतिबद्ध भएर लागेको बताउनुभयो । रामपुर बचत तथा ऋण सहकारी संस्थाको १६ औँ वार्षिक साधारण सभाको उद्घाटन गर्दै मुख्यमन्त्री चौधरीले सहकारीका शेयर सदस्यहरूलाई उत्पादन सदस्य कसरी बन्ने भन्ने सोचका साथ अगाडी बढ्न आग्रह गर्नुभयो । “तपाईँहरू शेयर सदस्य होइन उत्पादन सदस्य कसरी बन्ने सोचका साथ अघि बढ्नु पर्छ । याहाँहरुलाई उत्पादनसँग जोड्नको लागि लुम्बिनी प्रदेश सरकार तयार छ ।” उहाँले भन्नुभयो । सहकारीलाई उत्पादनसँग जोड्न सकिएन भने थप समस्या उत्पन्न हुने उल्लेख गर्नुभयो । “सहकारीलाई उत्पादनसँग जोड्न सकेनौ भने हामीले बचत गरेको पैसा पाउन मुद्दा हाल्नु पर्ने स्थिति आउन सक्छ ।” उहाँले भन्नुभयो । देशमा ठुला ठुला उद्योगको कल्पना गर्नु भन्दा पनि स्थानीय उत्पादनको वृद्धि र बजारीकरण महत्त्वपूर्ण रहने बताउनुभयो । साथै उहाँले भन्नुभयो “देशमा ठूलाठूला फ्याक्ट्रीको कल्पना होइन । गाउँलाई नै कसरी फ्याक्ट्री बनाउने भन्ने सोचका साथ अगाडी बढ्यौ भने हामीले लक्ष्य प्राप्ति गर्न सक्छौँ ।” स्थानीय उत्पादन बजार सम्म पुर्याउने वातावरण तयार गर्नु आवश्यक रहेको रहेको बताउनुभयो । २ लाख जनतालाई प्रदेश सरकारले रोजगारी दिने लक्ष्य लिएको बताउँदै महिला, युवा किसानलाई कसरी जोड्ने मुख्य विषय रहेको बताउनुभयो । समुदायमा भएको संस्कृतिलाई कसरी पर्यटन सँग जोड्न सकिन्छ भन्ने तर्फ सोच्नु आवश्यक रहेको बताउनुभयो । कार्यक्रममा लुम्बिनी प्रदेश सभा सदस्य राजु प्रसाद श्रेष्ठले रामपुर बचत तथा ऋण सहकारीले रामपुरको विकासमा महत्त्वपूर्ण टेवा दिएको बताउनुभयो । रामपुर नगरपालिकाका नगर प्रमुख रमण बहादुर थापाले सहकारीलाई उत्पादन सँग जोडेर अघि बढाउन नगरपालिका समन्वय गरेर अघि बढ्ने तयारी गरिरहेको बताउनुभयो । संस्थाका अध्यक्ष गुरु प्रसाद रेग्मीले सहकारीले सेवा विस्तारसँगै डिजिटल प्रविधिको प्रयोगमा जोड दिँदै आएको बताउनुभयो । रामपुरमा स्थापना भएको सहकारीले आफ्नो कार्यक्षेत्र जिल्लाभर विस्तार गरेको छ । सहकारीमा हाल ४ हजार ५ सय ५७ शेयर सदस्य रहेका छन् ।
फलाम उत्खननका लागि अध्ययन
रुकुमपूर्व जिल्लाको भुमे गाउँपालिकामा फलाम खानी पत्ता लागेपछि भूगर्भविद्ले बिहीबारबाट उत्खननका लागि विस्तृत अध्ययन सुरु गरेका छन् । खानी तथा भूगर्भ विभागका भूगर्भविद् सुजन देवकोटा र सौनक भण्डारीको टिमले भुमे गाउँपालिका–३, झुम्लाबाङमा पत्ता लागेको फलाम खानीको अध्ययन सुरु गर्नुभएको हो ।
फेरियो तानसेन डबलीको मुहार
तानसेनको बतासेडाँडाको ‘श्रीनगर सांस्कृतिक डबली’ चिटिक्क बनेको छ । गोरखापत्रमा प्रकाशित समाचारपछि तानसेन नगरपालिकाले डबलीको सरसफाइ गरेपछि डबलीको मुहार फेरिएको हो ।
अभियानले आशाको सञ्चार गरेको छ : महासचिव गुरुङ
नेकपा (माओवादी केन्द्र) का महासचिव देवप्रसाद गुरुङले पार्टीले सञ्चालन गरेको जनतासँग माओवादी रुपान्तरण अभियानले जनतामा नयाँ आशा र उत्साह सञ्चार गरेको बताउनुभएको छ ।
भ्रष्टाचारविरुद्ध ‘नेपालगन्ज वाकाथन’ आयोजना
भ्रष्टाचारविरुद्धको अन्तर्राष्ट्रिय दिवसका अवसरमा भ्रष्टाचारविरुद्ध सर्वसाधारणलाई सचेत पार्ने उद्देश्यले बाँकेको नेपालगन्जमा ‘नेपालगन्ज वाकाथन’ आयोजना गरिएको छ ।
खानेपानी परीक्षणका लागि नमुना सङ्कलन
बाँकेका विभिन्न स्थानमा रहेका विद्यालय, अस्पताल तथा सार्वजनिक स्थानमा खानेपानी संस्थानले वितरण गर्दै आएको खानेपानी परीक्षणका लागि नमुना सङ्कलन गरिएको छ।
जोखिम मोलेर मेला महोत्सवमा काम गर्दै महिला
बागलुङ बुर्तिबाङ कि दिव्या थापा सुत्केरी भएको १५ दिन मै छोरी बोकेर काममा निस्कनुभयो। अप्रेसन गरेर प्रसूति गराए पनि उहाँलाई पारिवारिक बाध्यताले लामो समय आराम गर्न दिएन।
राजनीतिक दल सच्चिन आवश्यक
गुल्मीको तम्घासमा भएको एक कार्यक्रमका सहभागीहरूले नेपालका राजनीतिक दल सच्चिन आवश्यक रहेको बताएका छन् । मानव अधिकार तथा शान्ति समाज गुल्मी शाखाद्वारा आयोजित नागरिक संवाद कार्यक्रमका सहभागीहरूले राजनीतिक दल नसच्चिए नेपालको वर्तमान व्यवस्था कमजोर हुने बताएका हुन् ।
६९ जनाले लिए स्थायी बन्ध्याकरण सेवा
स्वास्थ्य कार्यालय बाँकेले जिल्लाका विभिन्न स्थानमा सञ्चालन गरिरहेको परिवार नियोजनको स्थायी बन्ध्याकरण घुम्ती शिविरमा ६९ जना नागरिकले सेवा लिएका छन् ।
जिल्लामै आँखाको शल्यक्रिया
प्युठान नगरपालिका वडा नम्बर ९ मरन्ठानाकी ८७ वर्षीया डोरा गिरीको एउटा आँखामा मोतीबिन्दु थियो । जिल्लामै शल्यक्रिया सहितको शिविर हुने थाहा पाएपछि उहाँका छोरा रमेश गिरीले आमालाई उपचारका लागि प्रस्तावित नरेन्द्र गायत्री आँखा अस्पताल, आँखा उपचार केन्द्र विजुवारमा पुर्याउनुभयो । उहाँको जिल्लामै नि:शुल्क शल्यक्रिया भयो ।
रिब्दिकोटमा घुम्ती सेवा शिविर सुरु
पाल्पाको रिब्दीकोट गाउँपालिकाले स्थानीयलाई सहजै सेवा प्रदान गर्न पालिका स्तरीय घुम्ती सेवा शिविर सञ्चालन गरेको छ ।
बाँकेमा थारु सङ्ग्रहालयको माग
थारु समुदायको इतिहास, कला र संस्कृतिको संरक्षण तथा संवर्द्धनका लागि बाँके जिल्लामा थारु सङ्ग्रहालय बनाउन माग गरिएको छ ।
राष्ट्रिय अनुसन्धानमा जागिर लगाईदिन्छु भनी ठगी गर्ने खाँ पक्राउ
बाँके प्रहरीले राष्ट्रिय अनुसन्धानमा जागिर लगाइदिन्छु भनी ठगी गरेको आरोपमा फहद खाँलाई पक्राउ गरेको छ ।
नवलपुरमा मिटरब्याज पीडित र पीडकको जुहारी
गोरखापत्रले गत भदौ १४ गते जिल्लामा मिटरब्याजीको पोल खोलिदिएपछि अहिले यो व्यापक चर्चाको विषय हुन पुगेको छ ।
नेपाल-भारत सांस्कृतिक महोत्सव
नेपालस्थित भारतीय राजदूतावासले लुम्बिनी विकास कोष र लुम्बिनी बौद्ध विश्वविद्यालयसँगको सहकार्यमा लुम्बिनीमा नेपाल-भारत सांस्कृतिक महोत्सव आयोजना गरेको छ ।
‘नेपालगञ्ज वाकाथन’ सुरु
भ्रष्टाचारविरुद्धको अन्तर्राष्ट्रिय दिवसका अवसरमा बाँकेको नेपालगञ्जमा ‘नेपालगञ्ज वाकाथन’ आयोजना भएको छ । बास नेपालले आयोजना गरेको ‘वाकाथन’ आज बिहान ९ बजे स्थानीय गणेशमान चोकबाट सुरु भएको हो ।
कपिलवस्तुको गुजरात शैलीको कालिका मन्दिर (फोटो फिचर)
कपिलवस्तुको कृष्ण नगर नगरपालिकाको बहादुरगंजमा अवस्थित गुजरात शैलीको कालिका मन्दिर । निकै नै आकर्षक र कलात्मक गुजरात शैलीको यो कालिका मन्दिर काठमाडौँबाट पुवै पश्चिम राजमार्ग हुँदै पश्चिम जाँदा करिब ३३८.८ कि.मि दुरीमा रहेको चन्द्रौटाबाट दक्षिणतर्फको केही दुरीमा राजमार्गको दाहिनेतर्फ रहेको छ।
भैँसीपालनमा यादव समुदायको आकर्षण
भैँसीपालन यहाँका स्थानीय यादव समुदायको पुख्र्यौली पेसा हो । भैँसीपालन गर्ने र दुधबाट दही र घिउ बनाएर बिक्री गर्दै घर व्यवहार चलाउँदै आएका छन् । देउखुरीका गढवा र राजपुर गाउँपालिकामा यादव समुदायले भैँसीपालनबाटै जीविकोपार्जन गर्दै आएका छन् । दैनिक रूपमा दुध, दही बेच्ने किसानले पछिल्लो समय गाउँकै डेरी वा नजिकै बजारमा बिक्री गरे पनि देउखुरी राजपुर क्षेत्रका यादव समुदाय दैनिक करिब ५० किलोमिटर दुरी यात्रा गर्दै घोराहीसम्म दही, घिउ बिक्रीका लागि आउने गरेका छन् । त्यहीमध्येका एक हुनुहुन्छ देउखरी राजपुर गाउँपालिका–३, खरदरिया निवासी लक्ष्मण यादव । उमेरले ५५ वर्ष पुग्नुभएका यादव दिनहुँ दही बिक्रीका लागि घोराही आउने गरेको बताउनुहुन्छ । घरमा छ वटा भैँसी पाल्नुभएका उहाँ हरेक दिन बिहान ४ बजे दहीको भाँडा टाउकोमा बोकेर ५० किलोमिटर टाढा घोराही आइपुग्ने र घोराहीका प्रत्येक घर घर गएर दही बिक्री गर्दै आएको बताउनुहुन्छ ।
सुत्केरीलाई भाले कोसेली
गुल्मीको कालीगण्डकी गाउँपालिकाले सुत्केरीलाई भाले वितरण गरेको छ । उपाध्यक्ष मञ्जुकुमारी दर्लामीले सुत्केरी अवस्थामा झोलिलो र पोसिलो खाने कुरा आवश्यक पर्ने भएकाले सुत्केरीलाई भाले कोसेली दिने गरेको बताउनुभयो । गर्भवती र सुत्केरीको साथमा उपाध्यक्ष कार्यक्रममार्फत यस आर्थिक वर्षको हालसम्म पालिकाभित्रका ६८ जना सुत्केरीलाई भाले वितरण गरिएको दर्लामीले बताउनुभयो । सुत्केरी अवस्थामा बढी आराम गर्नुपर्ने, झोलिलो र पोसिलो खानेकुरा खानुपर्ने, स्वास्थ्यको एकदमै ख्याल गर्नुपर्ने भन्दै सम्झाउने गरेको दर्लामीले बताउनुभयो । पहिलो प्राथमिकता भाले र भाले उपलब्ध नभएमा घिउ लिएर जाने गरेको उहाँको भनाइ छ । यसका साथै परिवारका सदस्यलाई पनि साथमै राखी स्वास्थ्यकर्मीले स्वास्थ्यका बारेमा सम्झाउने र बुझाउने गरेको स्वास्थ्य शाखा प्रमुख चन्द्रबहादुर थापाले जानकारी दिनुभयो ।
पत्रकारिता पेशालाई मर्यादित बनाउन जरुरी
गुल्मीमा सहभागी एक कार्यक्रमका सहभागीहरुले पत्रकारिता पेशालाई मर्यादित बनाउन जरुरी देखिएको बताएका छन् । तम्घासमा प्रेस काउन्सिल नेपालद्वारा आयोजित पत्रकारहरुका लागि आचारसंहिता जागरण कार्यक्रममा सहभागीहरुले यस्तो बताएका हुन् ।
आकाशे पुल निर्माण योजना अलपत्र
पन्ध्र महिनामा आकाशे पुल निर्माणको काम सम्पन्न गर्ने सम्झौता भएको १३ महिना हुँदासमेत काम सुरु हुन नसक्दा नेपालगन्ज र कोहलपुरमा निर्माण गरिने आकाशे पुल निर्माण योजना अलपत्र परेको छ ।
भारतबाट ल्याइएका अवैध राँगा नियन्त्रणमा
बाँके प्रहरीले अवैध रुपमा भारतबाट भन्सार छलीगरी ल्याइएका राँगा बरामद गरेको जनाएको छ । जिल्लाको डुडुवा गाउँपालिकाबाट भारतबाट अवैध रुपमा नेपालतर्फ ल्याइएका चार राँगा बरामद गरिएको जिल्ला प्रहरी कार्यालय बाँकेका सूचना अधिकारी प्रहरी नायव उपरीक्षक नारायण डाँगीले जानकारी दिनुभयो ।
-original-thumb.jpg)
सडक निर्माण सुरु गराउन समिति निर्माण
बाँकेको कोहलपुर चप्परगौडीबाट खड्कवार हुँदै सल्यानको घुइयाबारी जोड्ने अन्तरप्रदेश सडक निर्माणका लागि दवाव सिर्जना गर्न समन्वय र सहकार्य समिति गठन गरिएको छ ।
हजार जनाको आँखा परीक्षण गर्दा १४९ जनामा मोतिबिन्दु
बाँकेको राप्तीसोनारी गाउँपालिकामा आँखाका बिरामीका लागि सञ्चालन गरिएको निःशुल्क मोतिबिन्दु छनौट तथा आँखा शिविरमा एक हजार चार जनाको आँखा जाँच गरिएको छ।
