• गोरखापत्र अनलाइन
• १४ माघ २०८०, आइतबार

डुङ्गा चढ्ने मानिसको पर्खाइमा माझी

पश्चिम नवलपरासीको बर्दघाट बजारबाट २५ किलोमिटर पूर्वदक्षिण तथा पूर्वी नवलपरासीको दुम्कीबासबाट करिब १५ किलोमिटर दक्षिणतर्फ अवस्थित गजेन्द्र मोक्षधाम पछिल्लो पटक आन्तरिक र बाह्य पर्यटकको रोजाइ बन्न थालेको छ । त्रिवेणीमा डुङ्गा चलाउने माझीको पेसा भने सङ्कटग्रस्त बन्दै गएको छ । विकल्पमा अन्य पेसा खोज्न माझी लागिपरेका छन् । विगत दुई दशकअघिदेखि बिहान झिसमिसे नहुँदै त्रिवेणीधाममा पुग्ने र घाम डुबेपछि मात्रै फर्किने रामवृस सहनीको दिनचर्या बनेको छ । उमेर बुढो भए पनि शरीरमा जोस भने जवानसरह नै छ ।