तीस किलो तौलको खुकुरी
पाल्पा, माघ २६ गते । पाल्पाको रामपुर नगरपालिकामा जारी चौथो रामपुर महोत्सव तथा व्यापार मेलामा प्रदर्शनीमा राखिएको तीस किलो तौल भएको रु एक लाख एघार एक सय ११ मुल्य पर्ने खुकुरी । सन्तोष विश्वकर्माले तयार पारेको खुकुरी यतिबेला मेलाको मुख्य आकर्षण बनिरहेको छ । तीस किलो खुकुरी आठ फिट लम्बाइ छ भने दापसहित ४२ किलोको छ । तीन जना व्यक्तिको सहायता लिएर २० दिनमा खुकुरी तयार पारिएको हो । तस्बिरः रासस
बेसिसहर–चामे सडकखण्ड स्तरोन्नति गरिँदै
मनाङ, माघ २६ गते । बेसिसहर–चामे सडकखण्ड अन्तर्गत मनाङको नासो गाउँपालिकादेखि चामेसम्मको सडकखण्डको स्तरोन्नतीको गरिँदै । मनाङ मर्स्याङदी जलविद्युत आयोजनाले डुम्रेबेसिसहर-चामे-मनाङ्ग सडक आयोजनासँगको सहकार्यमा सडकको स्तरोन्नती कार्य गरेको हो । तस्बिरः रासस
जलवायु परिवर्तनका कारण हिउँ पग्लँदै
ताप्लेजुङ, माघ २६ गते । नेपाल–चीन सिमाना रहेको ताप्लेजुङको टिप्ताला क्षेत्रमा पग्लँदै गरेको हिउँ। जलवायु परिवर्तनका कारण यहाँ हिउँ पर्न कम हुँदै गएको छ। तस्बिरः रासस
पोखरा भ्रमण वर्षमा २० लाख पर्यटक
माधवप्रसाद बरालमाछापुच्छ्रे (कास्की), माघ २६ गते । पर्यटकीय राजधानी घोषण भएको एक वर्ष पुग्दै लाग्दा पोखरामा २० लाख पर्यटक भित्र्याउने लक्ष्यसहित पोखरा भ्रमण वर्ष मनाउने तयारी भएको छ । सरकारले गत वर्ष चैत ४ गते पोखरालाई पर्यटकीय राजधानी घोषणा गरेको थियो । पोखरा भ्रमण वर्ष २०२५ को औपचारिक घोषणा फाल्गुन ३ गते गरिने पोखरा महानगरपालिकाका प्रमुख धनराज आचार्यले बताउनुभयो ।पोखरा भ्रमण वर्षमा स्वदेशी तथा विदेशी गरी २० लाख पर्यटक भित्र्याउने लक्ष्य राखिएको उहाँको भनाइ छ । ‘भ्रमण वर्ष भरी नै पोखराको प्रवद्र्धन गर्ने कार्यक्रमहरू सञ्चालन गरिने छ,’ उहाँले भन्नुभयो,‘ विदेशमा पोखराको प्रवर्द्धन गर्ने गरी सद्भावना दूतसमेत घोषणा गर्ने योजना पोखरा महानगरपालिकाले बनाएको छ ।’ घोषणा कार्यक्रमलाई व्यवस्थित र भव्य बनाउन नगर प्रमुख आचार्यको संयोजकत्वमा १ हजार ५१ सदस्यीय मुलआयोजक समिति, प्रमुख आचार्यकै नेतृत्वमा ५१ सदस्यीय एक निर्देशक समिति र अर्को १५ सदस्यीय कार्य सम्पादन समितिसमेत गठान गरिएको छ । यसका साथै पर्यटन क्षेत्रको प्रतिनिधित्व हुने गरी ४३ वटा उपसमिति गठन गरिएको आचार्यले बताउनुभयो । पोखरामा क्रियाशील सरकारी र गैरसरकारी सङ्घसंस्था, ४ वटै सुरक्षा निकाय, उद्योगी व्यवसायी, सूचना तथा सञ्चार क्षेत्र, राजनीतिक दल, टोल विकास संस्था, अधिकारकर्मी र नागरिक समाजका प्रतिनिधि लगायतलाई समिति तथा उपसमितिमा सदस्य राखिएको छ । घोषण सभामा तीन वटै सरकारको सहभागिता हुने आचार्यले बताउनुभयो । घोषणा सभामा उप्रप्रधानमन्त्री तथा अर्थमन्त्री विष्णुप्रसाद पौडेल, पर्यटन मन्त्री बद्रीप्रसाद पाण्डे, गण्डकी प्रदेशका मुख्यमन्त्री सुरेन्द्रराज पाण्डे, पोखरा महानगरपालिका प्रमुख धनराज आचार्यको सहभागितामा भ्रमण वर्ष घोषण गर्ने कार्यक्रम छ । माघ २९ गते पत्रकार सम्मेलन गरी भ्रमण वर्ष घोषणा कार्यक्रम बारेको सम्पूर्ण जानकारी गराइने आचार्यले बताउनुभयो । शुक्रवार भ्रमण वर्ष तयारी मुलसमितिको बैठक बसेको थियो ।
पनौतीमा माधः हालिगु
पनौतीको त्रिवेणीघाटमा बिहानबिहानै माधः हालिगु (भजन गाउँदै नगर परिक्रमा गर्ने) का समूह भेटिन्छ ।
जाँगरिला ७६ वर्षीय पलभान, जुत्ता–चप्पल सिलाएर गुजारा
चार कोरीको आसपास पुगेपनि उहाँको जाँगर मरेको छैन । रुकुमकोटमा अझै पनि उहाँ बाटोमा बसेर जुत्ता–चप्पल सिलाउँदै आउनु भएको छ । यो काम गरेको उहाँको २० वर्ष भन्दा बढी भयो ।
पारपाचुके (कथा)
धुम्म छ मौसम । वर्तिरको पर्तिर देखिन्न भुइँकुहिरोले । उस्तै गरी बहेको छ सिरेटो ।
तिमी फेरि जन्मनु पर्छ (कविता)
तिमी जन्मँदा रक्तस्रावले छपक्क भिजेको आमाको पेटीकोट
पत्तै भएन (कविता)
पत्तै भएन जीवन आज यहाँसम्म आइसकेछ हेर्दाहेर्दै तिम्रो तस्बिर, झर्नसम्म आँसु झरिसकेछ
नेपालका निधि : महेन्द्रनारायण निधि
नेपालको प्रजातान्त्रिक आन्दोलनमा अनवरत लागिपरेर निष्ठा, इमान र समर्पणको राजनीतिका पर्याय बनेका थोरै व्यक्तित्वमध्येमा पर्नुहुन्छ– महेन्द्रनारायण निधि ।
मूर्ति खोप्न खप्पिस जेपीको आम्दानी महिनामै लाख
उमेरले करिब चार दशक पुग्नु भएका जेपी मगर मूर्तिकला सम्बन्धी काम गर्दै आउनुभएको छ । जग्गा भाडामा लिएर घोराही उपमहानगरपालिका–१७ गैरा गाउँमा सृजनशील मूर्ति उद्योग स्थापना गर्नुभएका मगरले मूर्ति बनाएर महिनामा एक लाख बढी आम्दानी गर्दै आउनुभएको छ ।
विडम्बनायुक्त कलालेखन
कलालेखन भनेको सौन्दर्य, सिर्जनशीलता र भावनात्मक अभिव्यक्तिको माध्यमद्वारा लेखिएको साहित्यिक सिर्जना हो ।
समावेशीकरणको दिशामा नयाँ फड्को : गोरखापत्रद्वारा प्रकाशित थामी भाषा
समावेशीकरणको दिशामा नयाँ फड्को : गोरखापत्रद्वारा प्रकाशित थामी भाषा
लाजको पर्दा च्यात्दै हिउँको अँगालोमा
मनाङ घुम्न जाने योजनासँगै मनमा बढेको कौतूहल र उमङ्गको कुनै सीमा थिएन । बितेको वैशाख महिनाको पहिलो हप्ता मनाङ भ्रमण गर्ने साइत जुरेको थियो ।
समावेशीकरणको दिशामा नयाँ फड्को : गोरखापत्रद्वारा प्रकाशित नेपाल भाषा
समावेशीकरणको दिशामा नयाँ फड्को : गोरखापत्रद्वारा प्रकाशित नेपाल भाषा
७० वर्ष पुरानो भवनमै पठनपाठन, जोखिममा विद्यार्थी
सन्तोष दहित दाङ (घोराही) माघ २६ गते । महेन्द्र बहुमुखी क्याम्पस दाङको भवन जीर्ण अवस्थामा पुगेको छ । ६९ वर्ष पुरानो भवनमा पठनपाठन हुने गरेकाले हजारौँ विद्यार्थी र शिक्षक कर्मचारी जोखिममा रहेका हुन् । घोराही–१५ भरतपुरमा रहेको क्याम्पसको अधिकांश भवनहरू जीर्ण भएका छन् । कक्षा कोठाका भित्ता चर्किएका छन् भने झ्यालहरूमा टुट्फूट देखिन्छ । क्याम्पस प्रशासनका भवनदेखि विद्यार्थी पढ्ने भवनहरू जीर्ण भएका छन् । वैकल्पिक भवन नहुँदा तिनै जीर्ण भवनमा पठन पाठन तथा परीक्षाहरू भइरहेको क्याम्पस प्रशासनले जनाएको छ ।६९ वर्ष पुरानो भवनमा विद्यार्थीहरू पढ्न बाध्य रहेको क्याम्पस निमित्त प्रमुख राजेन्द्र रेग्मीले बताउनुभयो । ‘२०१५ माघ ९ गते क्याम्पस स्थापना भयो’– उहाँले भन्नुभयो– ‘क्याम्पस स्थापना भएपछि २०१६ मा भवन निर्माण भएको थियो त्यसपछि केही भवन बने पनि विद्यार्थीको चापले नयाँ भवनमा पनि कक्षा कमी छ, त्यसैले विद्यार्थीलाई समेट्न सकिएका छैन । त्यही भएर अहिले पनि पुरानै भवनमा विद्यार्थीलाई पठनपाठन गराउनुपर्ने बाध्यता छ ।’क्याम्पसको भवन मर्मत सम्भार र नयाँ भवनका लागि पटक–पटक शिक्षा मन्त्रालय र त्रिभुवन विश्वविद्यालयलाई भनिए पनि खासै सुनाइ नभएको क्याम्पसले जनाएको छ । अहिले सङ्घीय सरकारको सहयोगमा एउटा भवन बनि रहेको छ, तर त्यसमा सबै विद्यार्थीहरूलाई पठनपाठन गराउन नसकिएको उहाँले बताउनुभयो । ‘नयाँ भवन निर्माणको लागि प्रस्तावना पेस गर्ने तयारीमा छौँ’– क्याम्पस निमित्त प्रमुख रेग्मीले भन्नुभयो– ‘आशा गरौँ यस पटक सुनुवाइ हुन्छ कि ?’ जीर्ण भवनमा पढाउँदा र पढ्ने विद्यार्थीलाई समेत तनाव सिर्जना हुने गरेको उपप्राध्यापक दिनेश भट्टराईले बताउनुभयो । ‘जीर्ण भवनले विद्यार्थी भयभीत हुन्छन्’– भट्टराईले भन्नुभयो– ‘शिक्षा लिने ठाउँ नै ढुक्कसँग बस्ने अवस्था छैन विद्यार्थीले कसरी सिक्छ ?’‘यस क्याम्पसबाट हजारौँ मानिसले आफ्नो जीवन बदले तर क्याम्पसको जीवन बदल्न खासै कसैले ध्यान दिएनन्’– भट्टराईले भन्नुभयो– ‘साबिक रापतीकै पुरानो र ठुलो क्याम्पसको गरिमा बढाउन अब सबैले सुविधा सम्पन्न भवन बनाउन ध्यान दिनुपर्छ ।’प्रशासनिक भवन पनि जीर्णक्याम्पस प्रशासनको भवन पनि जीर्ण अवस्थामा छ । जीर्ण भवनबाट क्याम्पस प्रशासनले सेवा दिँदै आएको छ । महेन्द्र बहुमुखी क्याम्पस प्रशासनमा २७ जना कर्मचारी छन् भने ८२ जना प्राध्यापक र उपप्राध्यापक रहेको क्याम्पस प्रशासनले जनाएको छ । भवन अभावले एउटै कोठामा चार जना बसेर सेवा दिँदै आएको प्रशासनले बताएको छ ।
फोक्सुन्डोका अविस्मरणीय क्षण
दसैँतिहारको बिदामा म धेरै टाढा जान नसके पनि कतार, दुबई या भारतकै कुनै सहरको भ्रमण गर्ने गर्थें ।
बैङ्क खाता रोक्का हुँदा उदयपुर सिमेन्ट सङ्कटमा
सरकारी स्वामित्वमा सञ्चालित उदयपुर सिमेन्ट उद्योगका सम्पूर्ण बैङ्क खाता रोक्का भएका छन् । स्थानीय रौता सप्लायर्सले यसअघि उद्योगमा आपूर्ति गराएको सामानको भुक्तानी नपाएको भन्दै काठ
समावेशीकरणको दिशामा नयाँ फड्को : गोरखापत्रद्वारा प्रकाशित ताजपुरिया भाषा
समावेशीकरणको दिशामा नयाँ फड्को : गोरखापत्रद्वारा प्रकाशित ताजपुरिया भाषा
विराटनगर जुट मिलको जग्गामा बन्दै छन् संरचना
विराटनगर जुट मिलको जग्गा हडपेर संरचना बनाउने समूह पुनः सक्रिय भएको छ । विराटनगर–१६ स्थित जुट मिल दक्षिण सुगर मिल जाने बाटो तथा पूर्वतर्फ हनुमान मन्दिर भएको क्षेत्रमा साना साना झुपडी बनाएर अतिक्रमण गरिएको हो ।
खानेपानीको सुविधा विस्तार हुँदै
खानेपानीमन्त्री प्रदीप यादवले शुद्ध खानेपानीमा नागरिकको पहँुच वृद्धि गर्न सरकारले काम गरिरहेको बताउनुभएको छ । सिन्धुपाल्चोकको सदरमुकाम चौता
-original-thumb.jpg)
प्रविधिमैत्री बन्दै स्थानीय सरकार
गाउँगाउँमा सिंहदरबार भन्ने नारा अब नारामै मात्रै सीमित रहेन, यसको कार्यान्वयनसमेत हुन थालेको देखिन्छ । स्थानीय तह प्रविधिमैत्री हुन थालेको देखिन्छ ।
-original-thumb.jpg)
बनारसी मेलाका मुख्य पुजारी दलित
दलित समुदायका व्यक्ति मुख्य पुजारी हुने बैतडीको प्रसिद्ध विश्वनाथ ज्योर्तिलिङ्ग बनारसीधामको मेला सम्पन्न भएको छ । सो मेलाका लागि पाटन नगरपालिकाले शुक्रबार सार्वजनिक बिदासमेत दिएको थियो ।
ठुला खानेपानी आयोजना निर्माण हुँदै
प्रदेश सरकारले यो वर्ष तीन वटा ठुला खानेपानी आयोजना कार्यान्वयन गर्न लागेको छ । दैलेख र सल्यान जिल्लामा तीन वटा ठुला खानेपानी आयोजना कार्यान्वयन गर्न लागिएको हो ।
लेखन तथा सम्पादन शैलीले नै अलमल्याएपछि
नेपाल प्रज्ञा–प्रतिष्ठान (प्रज्ञा) को पछिल्लो शब्दकोशमा ‘शैली’ को परिभाषा यसरी दिइएको छ, विशेष किसिमले कुनै काम गर्ने प्रणाली, सिप वा पद्धति; काम गराइको ढङ्ग र प्रज्ञा शब्दकोश अनुसार नै, शैलीपुस्तक ‘शैली निर्देश गर्ने पुस्तक’ हो ।
