युवापुस्तामा कपाल रँगाउने बढ्दो फेसन
कपालमा रातो, नीलो, हरियो, पहेँलो रङ लगाउनु फेसनका रूपमा लोकप्रिय हुँदै छ । अहिलेका युवा वर्ग आफ्नो कपाललाई विभिन्न रङ लगाउने गरेको पाइन्छ । बजारमा देखिएका नयाँखालका कपालको रङ (हेयर कलर) लगाउने प्रतिस्पर्धा नै चलेको छ । सहर बजारमा रातो, नीलो, बैजनी, खैरो रङको कपाल पार्ने युवाको जमात भेटिन्छ । “विगतलाई हेर्दा अहिले हेयर कलरप्रति मानिसको सोचाइमा परिवर्तन भएको छ,” सौन्दर्यकर्मी ओसिका मुल्मीले भन्नुभयो, “केही समयअघिसम्म हेयर कलर महिलाले नै बढी
चलचित्र अवार्ड आयोजना हुने
सर्ट फ्लाएर्स चलचित्र अवार्ड–०७९ आयोजना हुने भएको छ । स्थानीय निर्वाचनका कारण स्थगित गरिएको अवार्ड अब आगामी कात्तिक ५ गते विराटनगरमा आयोजना गरिने भएको छ ।
'मिस नेपाल वर्ल्ड' : 'ओपनिङ राउण्ड'मा 'आईआईएफटी'को पहिरनमा
काठमाडौं, जेठ २४ गते । 'मिस नेपाल वर्ल्ड-२०२२'का प्रतियोगीहरु हिजोआज प्रशिक्षणमा व्यस्त छन् । ‘मिस नेपाल वल्ड’को यस संस्करणमा २४ जना सुन्दरी ताजका लागि प्रतिस्पर्धा गर्दैछन् ।नेपालको सौन्दर्य प्रतियोगितामध्येकै उत्कृष्ट ‘मिस नेपाल वर्ल्ड-२०२२’को ग्राण्ड फिनाले यही १८ जुन अर्थात् असार ४ गते हुँदैछ । हरेक सौन्दर्य प्रतियोगिताको ‘ओपनिङ राउण्ड’लाई महत्वका साथ लिइन्छ, किनकि पहिलो राउण्डसँगै दर्शकमाझ प्रतियोगीकाे पहिलो परिचय खुल्छ । त्यसैले प्रतियोगीहरुले ‘ओपनिङ राउण्ड’मा पहिरनले ड्रेसको बेग्लै महत्व राख्छ ।यसपटक ‘मिस नेपाल वल्र्ड’का प्रतियोगीहरु पहिलो राउण्डमा 'आईआईएफटी'बाट फेसन डिजाइनिङ ग्राजुएट गरेका डिजाइनरहरुले तयार पारेको डिजाइनिङ पहिरनमा प्रस्तुत हुने भएका छन् ।आईआईएफटी अर्थात् इन्टरनेशनल इन्स्टिच्युट अफ फेसन टेक्नोलोजीबाट ग्राजुएट गरेका १० जना फेसन डिजाइनरहमा पेशल खड्का, पम्फा श्रेष् मगर, संगीत आचार्य, गीता मिश्र, सविता महर्जन, सरिता श्रेष्ठ, दिलमाया मगर, राजन शाह, सविता चेम्जोङ र सुनैना शाहीले आईआईएफटीका निर्देशक विपना थापाको निर्देशन र एकेडेमिक हेड सविन ढुंगाना हुनुहुन्छ ।डिजाइनरहरुले चार वटा थिममा पहिरन तयार गरिरहेको आईआईफटीले जनाएको छ । तर, के कस्तो थिम भने खुलाइएको छैन ।
असार ३१ म पुजा र आकाशको 'सम्झना बिर्सना'
काठमाडौं, जेठ २४ गते । अभिनेत्री पुजा शर्मा र आकाश श्रेष्ठ अभिनित फिल्म 'सम्झना बिर्सना' को नयाँ प्रदर्शन मिति तय गरिएको छ । यसअघि जेठ ६ गते प्रदर्शन हुने तयारीमा रहेको फिल्मलाई अब ३१ असारको लागि प्रदर्शन घोषणा गरिएको हो । फिल्मलाई निमेष प्रधानले निर्देशन गर्नुभएको हो भने अद्वितीय प्रधानको प्रस्तुति र रेबिका प्रधान निर्माता रहेको सिनेमामा पूजा, आकाशका अलवा सुनील थापा, छुल्ठिम गुरुङ र शिशिर राणाको अभिनय छ ।निर्देशक निमेषकै कथा, पटकथा रहेको फिल्ममा संवाद लेखनमा अभिनेता राणा र शिव ढकालले खिच्नुभएको हो। यस्तै, राजन इशान र सुदर्शन तामाङको सङ्गीतसँगै कमल राईको कोरियोग्राफी र तारा थापा ‘किम्भे’ को सम्पादन छ । आदित्य फिल्म्स्को प्रस्तुति रहेको सिनेमाको क्रिएटिभ हेड स्वर्गीय विशारद बस्नेत हुन् ।
'द सिक्रेट्स अफ राधा'को प्रदर्शन मिति सार्वजनिक
काठमाडौं, जेठ २४ गते । सृष्टि श्रेष्ठ अभिनित चलचित्र 'द सिक्रेट्स अफ राधा'को प्रदर्शन मिति पनि घोषणा गरिएको छ । चलचित्रले मंगलबार नयाँ पोस्टर सार्वजनिक गर्दै भदौ १० गतेलाई नयाँ रिलिज मितिको रुपमा तय गरेको हो।सुवर्ण थापा निर्देशित चलचित्रमा अभिनेत्री श्रेष्ठले एकल आमाको भूमिकामा अभिनय गर्नुभएको छ । फिल्ममा सौगातसहित खगेन्द्र लामिछाने, मेनुका प्रधान, पशुपति राई, दिव्यदेव पन्त, पुष्कर गुरुङ, लोकेन्द्र लेखक लगायतको अभिनय छ ।
'सम्राट पृथ्वीराज'ले कमायो तीन दिनमा ४० करोड
काठमाडौं, जेठ २४ गते । अभिनेता अक्षय कुमार र मानुषी छिल्लर अभिनित फिल्म 'सम्राट पृथ्वीराज'ले बक्स अफिसमा पहिलो साता राम्रो कमाई गरेको छ । फिल्मले भारतबाट मात्र तीन दिनमा ४० करोड कमाएको हो । पहिलो र दोस्रो दिनको तुलनामा तेस्रो दिन फिल्मको कलेक्सनमा ५० र २० प्रतिशतले वृद्धि भएको छ । भारतीय सञ्चार माध्यमले जनाए अनुसार फिल्मले तेस्रो दिन १६.१० करोड कमाएको छ ।तीन सय करोडको मेगा बजेटमा बनेको फिल्मले तेस्रो दिन १६ करोड १० लाख रुपैयाँ कलेक्सन गरेको बताइएको छ । यस अनुसार ३ हजार ७५० भन्दा बढी स्क्रिनमा रिलिज भएको फिल्मले पहिलो साता अर्थात् ३ दिनमै भारतबाट ३९.४० करोडको बक्स अफिस कलेक्सन गरेको छ भारतीय सञ्चार माध्यमले उल्लेख गरेको छ । योसँगै 'वर्ल्ड वाइड' फिल्मले ६० करोडभन्दा बढी कमाएको छ ।
खगेन्द्रको 'पानीफोटो' साउनमा
काठमाडौं, जेठ २४ गते । अभिनेता खगेन्द्र लामिछानेको निर्देशनमा बन्ने फिल्म 'पानीफोटो'को प्रदर्शन मिति परिवर्तन भएको छ । आगामी भदौ १० मा प्रदर्शनमा आउन लागेको फिल्म सरेर १३ साउनका लागि तय गरिएको हो।अभिनेता खगेन्द्रले आफू लिखित नाटक 'पानीफोटो'लाई फिल्मको स्वरुपमा ढालेका हुन् । माओवादी जनयुद्धको समयमा झन्डै डेढ दशक अगाडि बेपत्ता भएको छोराको पर्खाइमा बसेका बा–आमाको कथालाई फिल्ममा प्रस्तुत गरिएको छ । फिल्ममा खगेन्द्रसँगै सुनिल पोखरेल, अनुप बराल, मेनुका प्रधान, प्रकाश घिमिरे, माओत्से गुरुङ, बुद्धि तामाङ्ग, मलिका महत, अशान्त शर्मालगायतको अभिनय छ ।फिल्मलाई दीपक बज्राचार्यले छायाङ्कन गरेका हुन् भने निमेष श्रेष्ठ र अर्जुन कार्कीले सम्पादन गर्नुभएको हो । टुकी आर्ट्स र मन्जुश्री फिल्म्सले निर्माण गरेको फिल्ममा खगेन्द्र स्वयंको लेखन छ । फिल्ममा पुष्पा सङ्गमको पाश्र्व सङ्गीत छ ।
फेसन सोका लागि आवेदन खुला
‘आईसी डिजाइनर रनवे ११’ले फेसन सोमा सहभागी हुने मोडलका लागि आवेदन खुला गरेको छ । नेक्स्ट मोडल्स नेपालले जेठ २८ गते आयोजना गर्ने फेसन सोमा कम्तीमा पाँच फिट छ इन्च उचाइ भएका महिलाले आवेदन दिन सक्ने जनाइएको छ ।
'छक्कापञ्जा ४' निर्देशन गर्दै हेमराज बीसी
काठमाडौं, जेठ २३ गते । ‘छक्का पन्जा’ टिमको आगामी फिल्मलाई हेमराज विसीले निर्देशन गर्ने भएका छन् । निर्माता एवं अभिनेता दीपकराज गिरी र निर्देशक बीसीले मिलेर पटकथा लेखिरहेका छन् । ‘निर्देशकको रुपमा हेमराज बीसी आउने भएको हो । यसअघिका तीन वटा सिक्वेललाई दीपाश्री निरौलाले निर्देशन गर्नुभएको हो ।‘छक्कापञ्जा’को चौथो सिक्वेलमा दीपाश्री निरौला अभिनेत्रीको रुपमै देखिने भएको छ । सन् २०१३ मा ‘होस्टेल’ निर्देशनसँगै नेपाली फिल्ममा करिअर थालेका बीसीले सम्बोधन, गाजलु, द ब्रेकअप, ग्याङस्टर ब्लुज र घामड शेरे निर्देशन गर्नुभएको हो ।
दयाराम दाहालको दुई वर्षे कार्यकाल सम्पन्न
२०७७ साल जेठ २७ गतेबाट चलचित्र विकास बोर्डमा अध्यक्षको पद सम्हाल्नुभएका दयाराम दाहालले आफ्नो दुई वर्षे कार्यकाल टुङ्ग्याउनुभएको छ । यसबीचमा दाहालले उपलब्धिमुलक कार्यक्रमको सुरुवात गरेको जानकारी दिनुभयो । आफ्नो कामको सूची बनाउँदै दुई वर्षे कार्यकाललाई कोभिड १९ महामारीले असर गरेको भएपनि विषम परिस्थितिमा नेपाली चलचित्रलाई दीर्घकालीन हित गर्ने कार्यक्रमको थालनी गरेको समेत उहाँले दावी गर्नुभयो ।
नेवार समुदायमा विशेष महत्त्व राख्ने चाड सिथि नखः
काठमाडौँ, जेठ २३ गते । बिहान पानीको स्रोत सरसफाइ गरी विभिन्न परिकार बनाई नेवार समुदायले आइतबार सिथि नखः पर्व मनाएका छन् । गर्मी मौसम सकेर वर्षायाम सुरु भएका बेला ज्येष्ठ शुक्ल पक्ष षष्ठी तिथिका दिन यो पर्व मनाइन्छ । सिथि नखः पर्वका दिन आफ्नो टोल वरपर रहेका पानीको परम्परागत स्रोत इनार, कुवा, पोखरी र ढुङ्गेधाराको सरसफाइ गर्ने चलन रहेको छ । संस्कृतविद् ओम धौभडेलले बिहान सबेरै नुहाई धुवाई गरी विभिन्न परिकार पकाएर कार्तिके देवतालाई चढाएर खानुपर्ने बताउँदै घरको मूल ढोका बाहिरको (पिखालखु) अर्थात् क्षत्रपाल कुमारलाई सिथि द्योः अर्थात् सिथि देवताका रूपमा पूजा गर्ने परम्परा रहेको बताउनुभयो । भगवान् कुमारको जन्म दिनसमेत भएकाले यस दिन कुमारको पूजा गरी मास, मुगी, केराउलगायतबाट बनेका विशेष प्रकारका पकवान ‘बारा’ खाने प्रचलन छ । त्यसैगरी घरमा भर्खर भित्रिएको नयाँ गहुँको म्हुछ्यामरी (मुठ्ठी पारी बनाइएको विशेष खालको रोटी)समेत खाने गरिन्छ ।नेवार समुदायमा ऋतुअनुसार मनाइने चाडपर्वमा विशेष पक्वान्न खाने प्रचलन छ । त्यसैले नेवार समुदायका चाडपर्व खानेकुराको नामले समेत प्रसिद्ध छ, धौभडेलले भन्नुभयो, “सिथि नखःको दिन नेवार समुदाय पानीको स्रोत सरसफाइ गर्छन् । वर्षाको बेला बगेर आउने भेल र फोहोर पानी खानेपानीको मुहानमा मिसिएर पानी दूषित नहोस् भनी पानीको मुहान र स्रोतको वरिपरिसमेत सरसफाइ गरी निकास खोल्नु यसको विशेषता हो ।” उहाँले हिउँदमा पुरिएको, थुनिएको र सुकेको मूललाई वर्षातको पानीले फुटाउने भएकाले पनि सिथि नखःको दिन पानीको मूलको सफाइ गर्ने गरेको प्रस्ट पार्नुभयो । यसैगरी भाषा तथा संस्कृतिविद् गणेशराम लाछीले सिथि नखः पर्वले नेवार समुदायमा विशेष महत्त्व राख्ने जानकारी दिँदै भन्नुभयो, “यस चाडसँगै वर्षा सुरु हुने र वर्षामा महत्वपूर्ण कार्य सिन्या ज्याः (धान रोपाइँ) सुरु हुने भएकाले यस चाडलाई वर्षाअघिको अन्तिम चाडका रूपमा लिइन्छ ।नेवार समुदायमा सिथि नखःको दुई कारणले विशेष महत्त्व राख्ने गरेको लाछी बताउनुहुन्छ । पहिलो सिथि नखः महादेव पार्वतीका ज्येष्ठ सुपुत्र कुमारको जन्म दिन भएकाले पनि धार्मिक महìव छ, गणेश देवताका गणनायक र कुमार देवगणका सेनापति हुनुहुन्छ । देवी देवतामध्ये सबैभन्दा पहिला कुमारको पूजा आराधना गर्नाले वर्षाका बेला धान रोपाइँजस्तो कृषि कार्य गर्न शरीरमा बल र शक्ति प्राप्त हुने विश्वास गरिन्छ, लाछीले भन्नुभयो ।नेवारीमा प्रचलित एउटा भनाइ, ‘मनु स्युसाः लप्ते कुसाँ तपुया साँ न्हापाँ सिना ज्याः सिद्यके माः’ अर्थात् ‘मान्छे मरे घुमले छोपेर भए पनि पहिला धान रोपाइँ सक्नुपर्छ’ ले पनि धान खेतीको महत्व र प्राथमिकतालाई झल्काउँछ । यस्तो अवस्थामा किसानलाई जात्रा पर्व सबै थाती राखेर अन्न उत्पादनका लागि मानसिक र शारीरिक रूपले पनि तयार पार्ने चाडका रूपमा सिथि नखःको विशेष महत्व रहने गरेको लाछीको जानकारी दिनुभयो । धान खेती धेरै मिहिनत र परिश्रमयुक्त खेती हो । वर्षाको झरीमा रुझेर, हिलो माटोसँग पाैंठेजोरी खेल्दै गरिने धान रोपाइँलाई अन्य खेतीपातीमा भन्दा बढी नै शक्ति र तागत आवश्यक पर्छ । यही तथ्य बुझेर नेवार समुदायले सिथि नखःको दिन शरीरमा तागत उत्पन्न गराउने मास र मुगीका बारा, चामलको चटामरी, पापड, गहुँको मालपुवालगायतका पकवान खाने चलन रहेको उहाँले बताउनुभयो । लिच्छविकालदेखि सुरु भएको जनविश्वास रहेको सिथि नखःका दिन नित्य पूजा गर्नुपर्ने देवीदेवता तथा आफ्ना दिवंगत पूर्वजलाई विभिन्न परिकार चढाउने तथा परिवारका सबै सदस्य एक ठाउँमा बसेर खाने गर्छन् ।संस्कृतिविद् लाछीका अनुसार पानीको मुहान, इनार र कुवाका साथै आफू बस्ने घरटोल वरपर सरसफाइ गरी मनाइने भएका कारण नेवार समुदायले सयौँ वर्षदेखि धार्मिक हिसाबले आफू वरपर सरसफाइ गर्दै आएको छ । उहाँ भन्नुहुन्छ– “विश्व सरसफाइ दिवस मनाउने चलन अहिले मात्र आएको हो, यो परम्परा नेवारी समुदायमा सयौँ वर्षअघिदेखि नै छ ।”सिथि नखःका दिन काठमाडौँको जैसीदेवलमा सिथिद्यः (कुमार देवता) प्रदर्शन गर्ने तथा भक्तजनले समेत चिउरा राखी पूजा गर्ने चलन रहेको छ । त्यसको भोलिपल्ट सिथिद्यःलाई रथमा राखेर काठमाडौँमा सहर परिक्रमा गरी जात्रा मनाइन्छ । बौद्धमार्गीका लागि पनि यो दिनले ठूलो महìव राख्छ । बुद्ध महासत्व भई जन्म लिएको बेला नमोबुद्ध भन्ने स्थानमा बच्चा जन्माई अशक्त भएको बाघलाई बुद्धले आफ्नो शरीरको मासु काटेर बाघलाई खुवाएको र बुद्धले निर्वाण प्राप्त गरेको दिनका रूपमा सिथि नखःलाई लिन्छन् । त्यसैले यो दिन महासत्व राजकुमारको गीत गाउने प्रचलन छ ।
कलाकार शाहलाई थुनामै राख्न आदेश
नाबालिकाको यौन शोषण गरेको अभियोगमा तनहुँ कारागारमा पूर्पपक्षको लागि थुनामा रहनुभएका नायक पूर्णविक्रम शाहलाई उच्च अदालत पोखराले पनि थुनामै राख्न आदेश दिएको छ । शाहलाई पुर्पक्षका लागि थुनामा पठाउने तनहुँ र पुर्वी नवलपरासी जिल्ला अदालतको आदेशलाई उच्च अदालत पोखराले सदर गर्दै थुनामा राख्न आदेश दिएको हो ।
शाहरुख खानको एक्सन फिल्म 'जवान'
काठमाडौं, जेठ २१ ग्ते । बलिउडका बादशाह शाहरुख खानको आगामी फिल्म 'जवान'को टिजर सार्वजनिक भएको छ । रेड चिलिज इन्टरटेनमेन्टको युट्युबमार्फत फिल्मको टिजर सार्वजनिक गरिएको हो । बहुप्रतिक्षित फिल्म ‘जवान’को टिजर सार्वजनिक भएसँगै शाहरुखले लेख्नुभएकाे छ, "एउटा एक्सनले भरिएको फिल्म २ जुन २०२३ मा सिनेमाघरमा हामी लिएर आउँदै छौं।"फिल्मलाई एटली कुमारले निर्देशन गर्नुभएको हो । २०२३ मा प्रदर्शनमा आउन लागेको यो फिल्म हिन्दीसँगै तमिल, तेलुगु, मलयालम र कन्नड भाषामा प्रदर्शन हुने बताइएको छ।
प्रविशा र सजलको 'अलिअलि तिमीसँग'
काठमाडौं, जेठ २० गते । प्रविशा अधिकारी र सजल न्यौपानेको स्वर रहेको 'अलिअलि तिमीसँग' बोलको गीत सार्वजनिक भएको छ । सक्रिय श्रेष्ठको शब्द र सजल न्यौपानेको संगीत रहेको गीतको एरेन्ज रिदम कँडेलले गर्नुभएको हो ।निकेश खड्काले निर्देशन गर्नुभएको भिडियोमा आकाश श्रेष्ठ र पूजा गिरीको अभिनय देख्न सकिन्छ । यस्तै, भिडियोमा विकास धमलाकाे सम्पादन रहेकाे छ ।
'लण्डन टु पेरिस'मा साम्राज्ञीको जोडी निश्चल
काठमाडौं, जेठ २० गते । एबी इन्टरनेश्नलको ब्यानरमा निर्माण हुने 'लण्डन टु पेरिस'मा निश्चल खड्का र अभिनेत्री साम्राज्ञीराज्य लक्ष्मीशाहसँगै देखिने भएका छन् । यात्रामय आधुनिक प्रेमकथामा निर्माण हुने फिल्ममा यसअघि नै अभिनेत्री साम्राज्ञी राज्यलक्ष्मी शाह, गरिमा शर्मा र कबिर खड्का फाइनल हुनुभएको हो । घनश्याम लामिछानेको निर्देशनमा बन्ने फिल्मको कथा, पटकथा तथा संवाद प्रदीप भारद्धाजले लेख्नुभएको छ । अमित बस्नेत, अजित कुमार थापा, परी राना, अंकित गौतम, सनिश खकुरेल निर्माता रहेको सिनेमाका सह–निर्माता अजित सिंह हुन् ।
कुइनेटो र ऐना उत्कृष्ट चलचित्र
दसौँ नेपाल–अफ्रिका फिल्म फेस्टिभल २०२२ मा अन्तर्राष्ट्रिय विधातर्फ सेकोउ त्राओरी निर्देशित बुर्किना फोसोको फिल्म ‘आई अफ द स्ट्रोम’ले उत्कृष्ट चलचित्रको अवार्ड जितेको छ । यसैगरी करिम ताजोआउट निर्देशित मोरक्कोको फिल्म ‘घोस्ट अफ स्पेसटाइम’ले उत्कृष्ट लघु चलचित्रको अवार्ड पायो ।
शिरीष देवकोटाको 'कहाँ हो तिम्रो मावल ?'
काठमाडौं, जेठ १९ गते । गायक शिरीष देवकोटा र गायिका रितु कंडेलको स्वरमा नयाँ रोइला (खेली) गीत 'कहाँ हो तिम्रो मावल' सार्वजनिक भएको छ । गीतमा शिरीष देवकोटाकै शब्द एवं संगीत, कृष्ण बि.क (भान्जा)को एरेन्ज रहेको छ । काजिश श्रेष्ठको निर्देशनमा तयार गीतको भिडियोमा अञ्जली अधिकारी र लोमश शर्माको नृत्य एवं अभिनय देख्न सकिन्छ । रोइला गीतबाट ख्याती कमाउनुभएका शिरीषले एक वर्षको अन्तरमा आफ्नो स्वरमा नयाँ रोईला गीत सार्वजनिक गर्नुभएको हो । उहाँका 'खरबारीमा जान्छु, मुठ्ठी लिन्छु टोलाउँछु, पात बजाउँदै बोलाउँछु’, ‘म त आउने थिइनँ, यही चाल होला भन्या भा’, ‘दुर्गा हौ कि भवानी, बढ्दै गा‘को जवानी’, ‘अहिले टारी खेतमा गहुँ नछर तिल छर, माया लाउन मिल्छ र’ जस्ता रोइला गीत निकै चर्चित मानिन्छन् । यस्तै, गीतको भिडियोलाई अजय रेग्मीले खिच्नुभएको हो भने दीपक विष्टले सम्पादन गर्नुभएको हो ।
मैथिली रङ्गमञ्चका सशक्त कलाकार अनितारानी
जीवन्त र चरित्रसङ्गत अभिनय तथा सशक्त र प्रभावोत्पादक संवाद प्रवाहीकरणबाट मैथिली रङ्गमञ्चमा उपस्थिति जनाउने थोरैमात्र महिला कलाकारमा अग्रणी हुनुहुन्छ – अनितारानी मण्डल । रङ्गमञ्चमा महिलाको उपस्थिति न्यून भएका बेला पनि प्रभाव, पहुँच र निकटताका आधारमा अवसर पाउने दुर्नियतिकाबीच रङ्गकर्ममा मण्डलको प्रवेश प्रतिभा र क्षमतालाई निरन्तर तिर्खादै जाने मिहिनेतका कारण सम्भव भयो ।
भारतका चर्चित गायक केकेकाे हृदयाघातको कारण निधन
भारतका चर्चित गायक ५३ वर्षीय केके (कृष्णकुमार कुन्नथ) मंगलबार राति हृदयघातको कारण निधन भएको छ । कोलकातामा लाइभ कन्सर्टमा प्रस्तुति दिएलगत्तै उहाँको हृदयाघातको कारण निधन भएको टाइम्स अफ इन्डियाले जनाएको छ ।
परिवर्तनको बाटोमा नेपाली चलचित्र
पछिल्लो समयमा बनेका र बन्दै गरेका नेपाली चलचित्र हेर्दा लाग्छ नेपाली सिनेमा क्षेत्रमा विस्तारै गुणस्तरमा आएको सुधार र आर्थिक गतिविधिले गति लिन थालेको परिणाम यस क्षेत्रमा शुभसङ्केत देखिँदै छन् । अभिनय लगायतका कुनै विषयवस्तु
नायिकामाथि दुर्व्यवहारको आरोपमा पक्राउ परेका लामा रिहा
काठमाडौं, जेठ १७ गते । 'कबड्डी ४' फिल्मका अभिनेत्री मिरुना मगरलाई दुर्व्यवहार गरेको आरोपमा पक्राउ परेका फुर्वा लामा रिहा भएका छन् । जिल्ला प्रशासन कार्यालय काठमाडौंले मुगुका लामालाई मङ्गलबार रिहा गरेको महानगरीय प्रहरी परिसर टेकुका प्रमुख सुदीप गिरीले जानकारी दिनुभएको हो ।मिरुनाले आइतबार सुन्धारास्थित सिभिल मलमा आफूमाथि दुर्व्यवहार भएको भन्दै प्रहरीमा उजुरी दिनुभएको हो । उहाँको मौखिक उजुरीपछि प्रहरीले लामालाई नियन्त्रणमा लिएको थियो । यस्तै, उक्त घटनापछि लामाको रिहाइ र मिरुनाले सार्वजनिक रूपमा माफी माग्नुपर्ने माग गर्दै विरोध प्रदर्शन भइरहेको छ । उजुरीपछि लामालाई पक्राउ गरी जनसेवा प्रहरी वृत्तमा राखिएको थियो ।
फिल्म 'आँखा'को घोषणा
काठमाडौं, जेठ १७ गते । निशा अधिकारीको मुख्य भूमिका रहने फिल्म 'आँखा'को घोषणा गरिएको छ । जोन योञ्जनको निर्देशनमा बन्न लागेको फिल्ममा नेपाली समाजको एउटा पाटोलाई चित्रण गरिएको हो ।योञ्जनकै पटकथा रहने फिल्ममा निशाका साथै आरके मेहता, अस्मिता लामिछाने, सरोज खनाल, बुद्धि तामाङ, विजय बराल लगायतको अभिनय रहने जनाइएको छ ।साथै पशुपति राई, कृष्णभक्त महर्जन, राजन खतिवडा, प्रवीण खतिवडा, लुनिभा तुलाधर, रवीन्द्र झा, रेनुका कार्की, अभय बराल, सरोज लामिछाने, मोहन अभिलाषीको अभिनय रहनेछ । आकोश शुक्लाले छायाङ्कन गर्ने फिल्ममा सङ्गीत दीपक आरजेको रहनेछ भने द्वन्द्व निर्देशन रेवन्तविक्रम थापाको हुनेछ । फिल्मले २०८० मा प्रदर्शनको लक्ष्य राखेको छ ।
हाँस्य कलाकार उत्तम केसी : 'जोइटिङ्ग्रे' देखि 'चुँईचुँई' सम्म
रंगमञ्चदेखि चलचित्रसम्मको यात्राको तय गर्नुभएका कलाकार हुनुहुन्छ उत्तम केसी । उहाँ नेपालमा टेलिभिजनको स्थापना अघिदेखि नै रंगमञ्चमा नाटक गर्ने कलाकार हुनुहुन्छ । बाल्यकालदेखि कला क्षेत्रमा रमाएका केसीले विद्यालय पढ्दादेखि नै अभिनय यात्रा सुरु गर्नुभएको हो ।
'मन परेरै हो' सार्वजनिक
काठमाडौं, जेठ १६ गते । लोक गायक नविन पौडेल र मेलिना राईको स्वरमा 'मन परेरै हो' गीत सार्वजनिक गरिएको छ । गीतमा गायक नविन पौडेलकै संगीत र कृष्ण विकको एरेन्ज रहेको छ । गीतको भिडियोमा दिनेश पौडेल, विवेक खड्का, सविना गुरुङ, सरु राई, रचना दर्नाल, सोनी विक र नवराज मगरको अभिनय देख्न सकिन्छ । गीतमा विवेक खड्काले सम्पादन तथा निर्देशन रहेको छ ।
आमिरको 'लाल सिंह चड्डा'
काठमाडौं, जेठ १६ गते । चलचित्र 'लाल सिंह चड्डा' को ट्रेलर सार्वजनिक गरिएको छ । कोरोना महामारीका कारण राेकिएको यो फिल्मले प्रदर्शन मिति पनि सार्वजनिक गरेको हो । ब्लकबस्टर चलचित्र '३ इडियट्स' पछि 'लाल सिंह चड्डा' मा करिना र आमिरको जोडी जमेको छ । चलचित्रमा आमिर र करिनाकासाथै मोना सिंह र चैतन्य अक्किनेनीको पनि मुख्य भूमिका रहेको छ । चलचित्र अगस्ट ११ तारिखमा रिलिज हुने भएको छ ।
