'मोडल हन्ट नेपाल'को सातौं संस्करण सुरु
काठमाडौं, जेठ १६ गते । 'मोडल हन्ट नेपाल २०२२'का लागि आवेदन खुला गरिएको छ । आयोजक नेक्स्ट मोडल्स नेपालले विज्ञप्ति जारी गर्दै सन् २०२२ को सातौं संस्करण संस्करणको लागि आवेदन खुला भएको जानकारी दिएको हो ।प्रतियोगिताको अडिसन असार ४ गतेदेखि साउन अन्तिम सातासम्म हुनेछ । फाइनल प्रतिस्पर्धाका लागि छानिएका प्रतियोगीलाई व्यक्तित्व विकास, शारीरिक बनावट, -याम्प वाक, बडी ल्याङ्ग्वेज, फोटोसुट, एक्सप्रेसन लगायतका ग्रुमिङ कक्षामा सहभागी गराइनेछ ।१८ देखि २८ वर्ष उमेर समूहका युवायुवतीले सहभागिता जनाउन सक्ने प्रतियोगितामा युवकको हकमा कम्तीमा ५ फिट ६ इन्च र युवतीको हकमा कम्तीमा ५ फिट २ इन्च उचाइ हुनुपर्ने प्रावधान छ ।प्रतियोगिताको विजेताले ५ लाख रुपैयाँ बराबरको उपहारसहित १ देखि १५ सेप्टेम्बरसम्म थाइल्याण्डमा आयोजना हुने अन्तर्राष्ट्रिय मोडलिङ प्रतियोगिता ‘सुपर मोडल इन्टरनेसनलमा’ नेपालको प्रतिनिधित्व गर्ने अवसर प्राप्त गर्नेछन् ।
बेलायतमा नेपाली फिल्म फेस्टिभल
थर्ड आईको आयोजनामा बेलायतको राजधानी लन्डनमा पाँच दिने ‘नेपाली फिल्म फेस्टिभल इन लन्डन २०२२’ आयोजना हुने भएको छ । युट्युबमा नआएका, विभिन्न टेलिभिजन च्यानलबाट प्रसारण नभएका तर हलमा मात्र रिलिज भएका चलचित्रहरू मध्ये
कमेडी शैलीको चलचित्र ‘कबड्डी ४’
सन् २०१४ मा प्रदर्शनमा आएको चलचित्र ‘कबड्डी’ को अन्तिम सिक्वेल हो ‘कबड्डी ४’ । कबड्डी १, २ र ३ मा काजी (नायक दयाहाङ राई)ले नायिकालाई पाउन गरेको सङ्घर्षको कथालाई उजागर गरिएको थियो भने यसको अन्तिम सिक्वेल अर्थात् ‘कबड्डी ४ द फाइन म्याच’ को कथा भने केही फरक छ ।
मिस नेपाल २०२२ का २४ प्रतिस्पर्धीलाई 'स्यास' वितरण
काठमाडौं, जेठ १५ गते । मिस नेपाल २०२२ का शीर्ष २४ प्रतिस्पर्धी घोषणा गर्दै आयोजक 'द हिडन ट्रेजर'ले आइतबार 'स्यास' वितरण गरेको छ । काठमाडौंमा आयोजित कार्यक्रममा प्रतिस्पर्धीहरुले प्रतियोगी नम्बर पनि रोज्नुभएको हो ।शीर्ष २४ प्रतिस्पर्धीमा आकृति शाह, आस्रुति सुवेदी, आयुस्नोभा ढुंगाना, ऐश्वर्य शाही ठकुरी, अनुश्का पौडेल, अनुसूर्य डाँगी, अस्मिता ढुंगाना, अस्रा श्रेष्ठ, दिलाशा डोटेल, गंगा गुरुङ, ह्रतुल पौडेल, ममता ढकाल, मानसी चन्द, मेरिका बास्कोटा, न्यान्सी खड्का, प्रियंका रानी जोशी, रोज कँडेल, सरिसा श्रेष्ठ, स्मारिका शर्मा, साफिया श्रेष्ठ, श्रृया गजुरेल, श्रीयान्सु पिया, सुस्मिता बोगटी, यशस्वी श्रेष्ठ पर्न सफल हुनुभएको छ । कार्यक्रममा मिस नेपाल नम्रता श्रेष्ठ, मिस अर्थ सुप्रिया श्रेष्ठ, मिस नेपाल सुप्रा नेशनल सिमल कनौजियाका साथै मिस नेपाल इन्टरनेशनल सन्ध्या शर्माले प्रतिस्पर्धाीहरुलाई स्यास वितरण गर्नुभएको हो ।यस्तै, आगामी असार ४ गते मिस नेपालको अन्तिम प्रतिस्पर्धासमेत हुने जनाइएको छ ।
'बाबरी'को टिजर सार्वजनिक
काठमाडौं, जेठ १५ गते । नेपाली फिल्म 'बाबरी'को टिजर सार्वजनिक गरिएको छ । अदिति बुढाथोकी र धीरज मगरको मुख्य भुमिका रहेको फिल्मको टिजरमा धीरज र अदितिको प्रेम देखाउन खोजिएको हो ।फिल्मलाई सुरेन्द्र पौडेलले निर्देशन गर्नुभएको हो भने अदिति र धिरजसँगै बादल भट्ट, कमणमणि नेपाल, उर्मिला बस्नेत, ध्रुव कोइराला, सुनिता श्रेष्ठ, नितेश गुरुङ, त्रिशला गुरुङ, दीलिप गुरुङलगायत कलाकारको अभिनय छ।बाबरी फिल्मको प्रस्तुति र सुष्मा प्रोडक्सनको ब्यानरमा निर्माण भएको फिल्मका निर्माता गणेश बुढाथोकी र पुष्पालता बुढाथोकी हुनुहुन्छ ।यस्तै, फिल्ममा कालीप्रसाद बास्कोटा, सुजन चापागाईँ र अनमोल गरुङको संगीत र एञ्जिला खत्री र विक्रम लामाको कोरियोग्राफी र नरेन्द्र मैनालीको छायांकन रहेको छ ।
कान्समा 'लोरी'लाई स्पेशल मेन्सन अवार्ड
काठमाडौं, जेठ १५ गते । अविनाशविक्रम शाहले निर्देशन गर्नुभएको लघु फिल्म 'लोरी'ले चर्चित फिल्म फेस्टिभल कान्समा स्पेशल मेन्सन अवार्ड जितेको छ । १४ मिनेट लामो फिल्ममा बाल विवाहको विषयमा समेटिएको छ । यसअघि अविनाशकै फिल्म 'एलिफेन्ट इन दि फग' कान्सको मेन्टरसिप कार्यक्रमतर्फ छनोटमा परेको थियो । कान्सको ७५ औं संस्करणमा नेपालको प्रतिनिधि गरेको यस फिल्म पहिलो पटक कान्समा अर्वाड जित्न सफल भएको हो। अभिनेत्री सुरक्षा पन्तले सामाजिक सञ्जालमा लेख्नुभएको छ, 'बधाई छ अविनाशविक्रम शाह अनि लोरी टिम । पहिलो पटक कान्समा प्रदर्शन आएको फिल्मले स्पेशल मेन्सन अवार्ड जितेको छ ।'
लोकस्टार सिजन-२ को डिजिटल अडिसन सुरु
काठमाडौं, जेठ १५ गते । लोक गायन रियालिटी शो नेपाल लोकस्टार सिजन-२ को डिजिटल अडिसन सुरु भएको छ । सबै प्रतिभालाई पहुँच दिने उद्देश्यले लोकस्टारमा यसपटक डिजिटल अडिसन सुरुवात गरिएको हो ।अडिसनको लागि आफ्नो मोबाइलमा गीतको भिडियो रेकर्ड गरेर हिमालय टीभीको एपमा अपलोड गरी अडिसनमा सहभागी हुन सकिने छ । यस्तै, एप चलाउन नसक्ने प्रतिभाहरुले आफ्नो भिडियो सिधै लोकस्टारको मोबाइल नम्बर ९८०१२३७८८० मा भाइबर वा ह्वाट्सएपमार्फत पठाउन पनि सकिने जनाइएको छ ।आफूलाई मन परेको कुनै पनि गीतको एक मिनेटसम्मको भिडियो रेकर्ड गरी अडिसनमा सहभागी हुन सकिनेछ । अडिसनमध्येबाट छानिएका एक सय जनालाई मेगा अडिसनमा सहभागी बनाइने छ । लोकस्टारमा ८ वर्षदेखि ७० वर्षसम्मका प्रतिभाहरुले प्रतिस्पर्धा गर्न पाउनेछन् ।विजेताले २० लाख रुपैयाँ नगद पुरस्कारसहित देश तथा विदेशका कन्सर्ट र चर्चित संगीतकार तथा एरेन्जरसँग गीत रेकर्डको अवसरसमेत पाउनेछन् ।
दिगो सौन्दर्यका लागि योग : रमिला
सुन्दरता महिलाका लागि मात्र होइन सबैका लागि हुनुपर्छ भन्ने मान्यताले नेपाली समाजमा जरा गाड्न थालेको छ । के महिला के पुरुष, सबैलाई उत्तिकै आकर्षित देखिनुपरेको छ, भीडमा छुट्टै आकर्षक देखिने चाहना बढ्दो छ ।
‘दोख’ असारमा
रङ्गकर्मी अनुप बरालको निर्देशन रहेको चलचित्र ‘दोख’ असार २४ बाट प्रदर्शनमा आउने भएको छ । निर्माण युनिटले चलचित्रको पोस्टरसहित प्रदर्शन मिति सार्वजनिक गरेको हो । दुईवटा गाउँबीचको किचलोलाई मुख्य कथा बनाएर निर्माण गरिएको चलचित्रलाई शैलेन्द्र डी कार्कीले छायाङ्कन र निमेष श्रेष्ठले सम्पादन गर्नुभएको छ । चलचित्रलाई राजन कटैतले लेख्नुभएको हो ।
लघु फिल्म प्रतियोगितामा 'द बास्केट' पहिलो
काठमाडौं, जेठ १४ गते । नेपाल चलचित्र निर्देशक समाजले कानुन, न्याय तथा संसदीय व्यवस्था मन्त्रालय र युनडिपीसँग मिलेर जातीय विभेदविरुद्ध घोषणा गरेका ‘लघु फिल्म प्रतियोगिता’मा ‘द बास्केट’ले पहिलो बनेको छ । चलचित्र विकास बोर्डमा शुक्रबार आयोजित कार्यक्रममा जातीय विभेदलाई निरुत्साहित गर्ने भाव समेटिएको फिल्मले २ लाख नगदसहित पुरस्कार जितेको हो ।२० फिल्ममध्ये सुरेन्द्र प्रजापतिको ‘शुन्य’ दोस्रो र राजेश श्रेष्ठको ‘नयाँ जुत्ता’ तेस्रो भएको थियो । शर्मा क्रिएसनको ‘अछोप’ले सान्तवनामा चित्त बुझाएको थियो । उनीहरुले क्रमशः १ लाख ५० हजार, ५० हजार र २५ हजार रुपैंयाँ प्राप्त गरे । विजेता चार फिल्मसँगै निर्णायकले छानेका २० फिल्मका सहभागीलाई सहभागिताको प्रमाण पत्र दिएको थियो ।निर्देशक समाज र युनडीपीले जातप्रथा र यसको उन्मुलनका उपाय समेटिएका कथा ३ मिनेट भित्रमा प्रस्तुत गर्नुपर्ने गरी गत डिसेम्बरमा सूचना प्रकाशित गरिएकाे थियाे ।प्रतियोगिताको जुरीमा कानुन न्याय, तथा संसदीय व्यवस्था मन्त्रालयका सह–सचिव फणिन्द्र गौतम, निर्माता, निर्देशक तथा कलाकार नीर शाह, चलचित्र निर्देशक समाजका महासचिव जनकदीप पराजुली, कलाकार लक्ष्मी बर्देवा, ए टु जेड प्रोजेक्ट म्यानेजर वसन्त अधिकारी र युएनडीपीका प्रमुख सूचना अधिकृत कमलराज सिग्देल थिए ।
‘रङ्गमञ्चमा अझै गुणस्तरको कमी छ’
नेपाली रङ्गमञ्चमा व्यस्त रङ्गकर्मीका रूपमा चिनिनुहुन्छ रङ्गकर्मी भोलाराज सापकोटा । उहाँले केही वर्षअघि बलिउड कलाकार रणवीर कपुर र प्रियङ्का चोपडा अभिनित चलचित्र ‘बर्फी’ मा पनि अभिनय गर्नुभएको थियो । सापकोटाले अग्निको कथा
हरर शैलीको ‘अपीच्य’
हरर शैलीको चलचित्र ‘अपीच्य’ को पोस्टर सार्वजनिक गरिएको छ । निर्देशक प्रदीप खड्गीद्वारा निर्देशित चलचित्र पोस्टर सामाजिक सञ्जालमार्फत सार्वजनिक गरिएको हो । चलचित्रमा सनिष शाक्य, सलोना वज्राचार्य, सुरज ब्यञ्जनकार, रवि गिरी, रचना सिंह, सुरेन्द्र मानन्धर, कृष्णभक्त, राजेन्द्रकुमार, लक्ष्मी
'म हराएँ मनमनैमा' सार्वजनिक
काठमाडौं, जेठ १३ गते । गायक रामकृष्ण ढकालको स्वर रहेको गीत 'म हराएँ मनमनैमा' सार्वजनिक भएको छ । रोमान्टिक थिमको गीतमा सन्तोष भट्टराईको शब्द र हरी लम्सालको संगीत छ । गीतमा गरिमा र दीपेशको अभिनय देख्न सकिन्छ । सुरज श्रेष्ठको एरेन्ज रहेको गीतमा सुब्रत आचार्यले भिडियोको निर्देशन गर्नुभएको हो । भिडियोमा साइब्रत आचार्यको स्टोरी, उत्सव दाहालको छायांकन र विकास दाहालको सम्पादन रहेको छ ।
अमेरिकामा सङ्घर्षरत युवाको कथा ‘लाइफ इन एलए’
सुकृत नेपाल काठमाडौं, जेठ १३ गते। अमेरिकामा बसोबास गर्ने नेपाली समुदायको जीवनशैलीको चित्रण हो चलचित्र ‘लाइफ इन एलए’। अमेरिकी सहर लस–एन्जल्समा अधिकांश दृश्य छायांकन गरिएको चलचित्रको कथा व्यास बिसुको वरिपरी घुमेको छ। चलचित्रले अमेरिकामा बस्ने ९९ प्रतिशत नेपालीको वास्तविक कथालाई उजागर गरेको छ। चलचित्रले अमेरिकामा बस्दै आएका नेपाली कस्तो संघर्ष गरेर बसिरहेका छन् भन्ने कुरालाई देखाउन खोजेको छ। व्यास एक जना नेपाली केटो जो सपनाको संसार खोज्न अमेरिकामा छन्। उनी इलेक्ट्रिकल इन्जिनियर हुन्। जब उनको भेट अनुशासँग हुन्छ उनले आफनो एक्लोपनाबाट कसैको साथ पाएको महसुस गर्छन्। उनी अनुशालाई भित्रभित्रै मन पराइरहेका हुन्छन् तर अनुशालाई यो कुराको अवगत भने हुन दिदैनन्। व्यास इन्जिनियर भए पनि वर्षको एकपटक जुलाई ४ तारिखको दिन अमेरिकामा नेपाली समुदायलाई भेला गराएर एनएससीको आयोजना गर्ने गर्छन्। तर अचानक उनको जीवनले फरक मोड लिन्छ र उनको जीवनशैली उकालो उक्लिने भन्दा ओरालोतिर धकेलिन्छ। व्यासले एनएससीमा आफ्नो सबै पैसा गुमाउँछन्। उनको ग्रीनकार्डको अवधि पनि सकिन्छ र यता प्रेमी अनुशासँग पनि केही सामान्य बहस। भनाभनका कारण उनीहरु छुटिन्छन्। यही हो चलचित्र ‘लाइफ इन एलए’ भित्रको कथा। व्यास पूर्ण रुपले असफल हुँदाहुँदै पनि उसले आफनो मनोबल भने उच्च नै राखेको हुन्छ। उसलाई थाहा छ कि उ फेरि संघर्ष गरेर सबै गुमेको कुरा पाउन सक्छ। यी र यस्तै घटनाक्रमबीच चलचित्रको कथा रुमलिएको छ। मेहिनत र उच्च मनोबलले व्यासले आफूले गुमाएको सबैकुरा फेरि पाउँछन्। ती सबैकुरा उनले कसरी हासिल गरे भन्ने प्रसंग निर्देशकले चलचित्रको कथामा देखाउन खोजेका छन्। ग्रीनकार्डको म्याद सकिएपछि वा कम्पनीले एचओभी नदिएपछि एउटा युवाको अवस्था कस्तो हुन्छ भन्ने कुराले दर्शकलाई भावुक बनाउनसक्छ। ग्रीनकार्ड हासिल गर्न के कस्ता प्रकृया पूरा गर्नुपर्छ भन्ने कुरा चलचित्रले उजागर गरेको छ। अमेरिका गएपछि कति नेपाली वर्षौं नेपाल आउन पाउँदैनन्। उनीहरु किन नेपाल आउन सक्दैनन् त ? चलचित्रमा यस्ता विविध पाटोलाई पनि उठान गर्न खोजिएको छ। अमेरिकासहित नेपालको पर्यटकीय नगरी पोखरामा पनि छायांकन गरिएको चलचित्रले अमेरिकासंगै नेपालमा पनि युवाहरुले चाहे भने धेरै कुरा गर्न सक्छन् भन्ने कुरालाई प्रष्ट्याउन खोजेको छ। चलचित्रमा त्रिकोणात्मक प्रेम कथा देखाइएकोछ। एकतर्फ व्यास र अनुशाको प्रेम छ भने अर्कोतर्फ शिल्पाको व्यासप्रति एकोहोरो प्रेम। शिल्पा व्यासको प्रेम पाउन कति सफल हुन्छिन् भन्ने चलचित्रले देखाउँछ। चलचित्रको प्रमुख भूमिकामा देखिएका व्यास बिसु यसका निर्माता पनि हुन्। अभिनयको हिसाबले पहिलो चलचित्र भएको हुनाले पनि ब्यासको अभिनय नराम्रो भन्न मिल्दैन। उनको अभिनय औसत छ। नायिकामा अकेशा बिष्ट र शिल्पा मास्केको अभिनयलाई मध्यम भन्नुपर्छ। अन्य कलाकार गौरव पहारी, बुद्धि तामाङ, प्रकाश घिमिरे, लोकेन्द्र लेखकका साथै अमेरिकामा बसोबास गर्ने जारेड विलप्स, साम भुजेल, जयन्द्र चिलुवालले पनि आफ्नो ठाउँबाट राम्रै अभिनय कोशलता देखाएका छन्। पहिलो डेब्यु निर्देशन गरेका चलचित्रका निर्देशक सूर्य एन श्रेष्ठको निर्दैशकीय पक्षमा केही सानोतिनो कमजोरी त होलान तर उनले अमेरिकाको मनोरम दृश्यलाई सिनेम्याटोग्राफर मार्फत सफा र सुन्दर तरिकाले प्रस्तुत गरेका छन्।
'कबड्डी ४' आजबाट प्रदर्शनमा
काठमाडौं, जेठ १३ गते । मल्टिप्लेक्समा अहिलेसम्मकै उच्च शो पाएको फिल्म 'कबड्डी ४' आजबाट प्रदर्शनमा आएको छ । फिल्म आजबाट देशभित्र र देशबाहिर प्रदर्शनमा आएको हो । फिल्ममा दयाहाङ राई, सौगात मल्ल, मिरुना मगर मुख्य भूमिकामा छन्। सँगै, गौमाया गुरुङ, बुद्धि तामाङ, विजय बराल, कमल मनी नेपाल, जयानन्द लामा, पुस्कर गुरुङ, कविता आलेलगायतका कलाकारको अभिनय छ । फिल्मलाई सैलेन्द्र डि कार्कीले खिच्नुभएको हो । फिल्मको सम्पादन भने निमेश श्रेष्ठको रहेको छ । त्यस्तै, फिल्मको पार्श्व ध्वनी रोहित शाक्य र सैलेश श्रेष्ठले गर्नुभएको हो ।यसैबीच, यो फिल्मको बिहिबार बेलुकी काठमाडौंको बीग मुभिजमा भव्य प्रिमियर गरिएको छ । भव्य प्रिमियरमा फिल्म क्षेत्रका चर्चित कलाकार, निर्माता, निर्देशक, प्राविधिक, पत्रकार, व्यापरिक क्षेत्रका मानिसहरुकाे उपस्थिति थियाे ।यसपटक रामबाबुले 'कबड्डी ४'लाई फाइनल म्याच भनेका कारण पनि आम मानिसको चासो फिल्मप्रति छ । निर्देशकले पनि फिल्मलाई विरकाजीको बिहेकै प्रसंग वरिपरी घुमाएका छन् ।
वालेन र सुनिताको काठमाडौं महानगर यात्रा
काठमाडौं महानगरपालिकाको प्रमुख बन्नुभएका ३२ वर्षीय वालेनको चर्चाले प्रमुख राजनीतिक दललाई चिन्ता बढेको छ । वालेन अहिले युगौंदेखि चर्चा कमाएका राजनीतिक दलहरूका लागि चुनौती बन्नुभएको छ ।
फेसनेबल आउटरको लोकप्रियता
विगत केही वर्षयता लोकप्रिय बनेको फेसनेबल आउटर यस वर्ष पनि फेसनमा निकै अगाडि देखिएको छ । बच्चादेखि पाका उमेरसम्मका सबैलाई सुहाउने भएकाले पछिल्लो समय आउटर निकै प्रचलित बन्दै गएको छ ।
अनुप बरालको 'दोख' असार २४ मा
काठमाडौं, जेठ ११ गते । अनुप बरालको निर्देशनमा बनेको फिल्म 'दोख' को प्रदर्शन मिति घोषणा गरिएको छ । निर्माण टोलीले बुधबार फिल्मको पोस्टर सार्वजनिक गर्दै असार २४ गतेबाट प्रदर्शनमा आउने जानकारी गराउनुभएको हो । फिल्ममा दीया मास्के, मनिष निरौला, लोकमणि सापकोटा, माओत्से गुरुङ, रोय दिभ, कमल देवकोटा, सजन थापामगर लगायतका कलाकारको अभिनय छ । फिल्मको कथा राजन कटैतले लेख्नुभएको हो । सविन ज्ञवाली र मनोज अधिकारी निर्माता रहेको फिल्ममा भीम न्यौपाने, ओम गुरुङ, रन्जु वाग्ले कार्यकारी निर्माताको रुपमा हुनुहुन्छ ।शैलेन्द्र डी कार्कीको छायांकन गर्नुभएको फिल्मलाई निमेष श्रेष्ठले सम्पादन गर्नुभएको हो ।फिल्मको एसोसियट निर्माताको रुपमा सन्तोष पाठक, धर्म अधिकारी, प्रविन पाठक, सुमिता आचार्य, शिशिर खरेल, दिपक खनाल, युवराज भट्टराई हुनुहुन्छ ।
छाउगोठमा शरीर जल्यो, स्वर जलेको छैन
गायिका धना परियारको जीवनसँग ठ्याक्कै मेल खाने यो गीत उहाँकै मार्मिक आवाजमा गुन्जिएको छ। गीतमार्फत् उहाँले आफूले भोग्नुभएका पीडा पोख्नुभएको छ।
सलमान खानको 'द-बाङ द टुर' स्थगित
काठमाडौं, जेठ ११ गते । आगामी शनिबार दशरथ रंगशालामा हुने भनिएको बलिउड अभिनेता सलमान खानको 'द-बाङ द टुर रिलोडेड' कार्यक्रम स्थगित गरिएको छ । आयोजक संस्था 'ओडीसी इन्टरटेनमेन्ट'ले प्रेस विज्ञप्तिमार्फत कार्यक्रम स्थगित भएको जानकारी गराएको हो ।स्थानीय चुनावको कारण टिकट विक्रीमा प्रभाव परेको र वर्षाको समय सुरु भएकाले कार्यक्रम गर्न असहज हुने भएपछि कार्यक्रम स्थगित गरिएको विज्ञप्तिमा उल्लेख गरिएको छ । नेपालको पर्यटनलाई उकास्न 'द-बाङ द टुर रिलोडेड' को नयाँ मिति चाँडै तय गर्ने, वर्षा नभएको र रङ्गशाला खाली भएको मिति तोक्न कम्पनीका संस्थापक एव एमडीहरुलाई भारतीय पक्षले निमन्त्रणा गर्दै उहाँहरुले भारतबाट नयाँ मिति सार्वजनिक गर्नुहुने बताइएकाे छ ।सलमानको नेपाल टुर रोकिएको यो दोस्रो पटक हो ।
कङ्गनाको भरपुर एक्सन धाकड
बलिउडको एक्सन चलचित्रहरूमा प्रायः नायक नै हाबी भएको देखिन्छ । ती चलचित्रहरूले बक्स अफिसमा तहल्का मच्चइरहेका हुन्छन् । तर यसपटक बलिउडमा नायिकाले पनि एक्सनको दृश्य गर्न सक्छिन्् भन्ने चलचित्र ‘धाकड’ले प्रमाणित गरिदिएको छ
वज्राचार्य र श्रेष्ठ किड्स क्यापिटल–२०२२
गोरखापत्र समाचारदाताकाठमाडौँ, जेठ ११ गते ।किड्स क्यापिटल–२०२२ को उपाधि सुनम्रता वज्राचार्य र आरोन श्रेष्ठले हात पार्नुभएको छ ।ललितपुरमा आयोजित प्रतियोगितामा किड्स क्यापिटल महरू फेसन एम्बास्डरको उपाधि प्रसिन कर्माचार्य र स्टेला कडायतले जित्नुभयो भने किड्स क्यापिटल हुन्छ डटकम एम्बास्डरको उपाधि आश्रिया थापाले जित्नुभएको थियो । प्रतियोगितामा युवान श्रेष्ठ र आस्भी केसीले लिटिल स्टारको उपाधि आफ्नो नाममा पार्नुभयो भने किन्स श्रेष्ठ र नायुमा श्रेष्ठले लिटिल प्रिन्स तथा प्रिन्सेसको उपाधि प्राप्त गर्नुभयो ।नम्रता वज्राचार्यले फस्ट रनरअप, अक्षता श्रेष्ठले सेकेन्ड रनरअप, देव्यानी खड्काले थर्ड रनरअप र अनुष्का खड्काले फोर्थ रनरअपको उपाधि जित्न सफल हुनुभयो । १३ प्रतियोगितामा किड्स क्यापिटलको उपाधि जित्न सफल आरोन श्रेष्ठ र आश्रिया थापालाई गायक कृष्ण विकले आफ्नो आगामी गीतको म्युजिक भिडियोमा अभिनय गराउने जनाइएको छ ।
'घनचक्कर' को ट्रेलर रिलिज
काठमाडौं, जेठ १० गते । सौगात मल्ल, सलोन बस्नेत र जेबी डिसीको मुख्य भूमिका रहेको फिल्म 'घनचक्कर' को ट्रेलर सार्वजनिक गरिएको छ । फिल्मलाई जितेन्द्र राजोपाध्यायले निर्देशन गर्नुभएको हो । हरि भट्ट सूर्यनाथ प्रस्तुतकर्ता रहेको कमेडी जनराको फिल्ममा करुना अर्याल र सङ्गम भट्टको लगानी छ ।ट्रेलरमा फिल्मका मुख्य कलाकार सौगात र सलोनका साथै जेबी डीसी, शिशिर भण्डारी, आशान्त शर्मा, करिश्मा लामा लगायतलाई देख्न सकिन्छ । फिल्मको छायाङ्कन सुसन प्रजापतिले र सम्पादन मित्र डी गुरुङको छ । फिल्म आगामी असार १० गतेदेखि देशभरका सिनेमा हलमा प्रदर्शन हुँदैछ ।
'माग्ने बुढा' को कमेडी शाे 'कमेडी हब'
काठमाडौं, जेठ १० गते । कलाकार केदारप्रसाद घिमिरे 'माग्ने बुढा'काे निर्देशनमा 'कमेडी हब शाे' सुरु हुने भएको छ । बुधबारबाट सुरु हुने शोको काठमाडौंमा आयोजित एक कार्यक्रमका बीच शुभारम्भ गरिएको हो ।कलाकार मदनकृष्ण श्रेष्ठ र हरिवंश आचार्यसहित हास्यविधाका चर्चित कलाकारले यो शोको शुभारम्भ गर्नुभएको हो।कमेडी च्याम्पियन हिमेश पन्तसहितका १८ कमेडियनले स्ट्याण्डअप कमेडी प्रस्तुत गर्ने बताइएको छ । यस्तै, एपीवान टेलिभिजनमा प्रत्येक बुधबार राति ८ बजे कार्यक्रम प्रसारण हुने जनाइएको छ ।शोमा माग्ने बुढा, राजा राजेन्द्र पोखरेल र हिमेशसहित सुबाेध गौतम, राजेन्द्र नेपाली लट्टे, जानुका पौडेल प्याकुली, दिलीपतामाङ हुरहुर, खड्गबहादुर पुन खबपु, प्रभात लामा, सङ्गम राई लब्ली, नारिया गिरी, राधिका कँडेल, वेदना राई मैना, सीता न्यौपाने, अनिल राई आम्बो, दीपेन्द्र प्रसाईं, कल्पना खतिवडा र दीपेश घिमिरेको प्रस्तुति रहनेछ ।
'प्रेमगञ्ज'को गीत 'तरबार' सार्वजनिक
काठमाडौं, जेठ १० गते । फिल्म 'प्रेमगञ्ज'को आइटम गीत 'तरबार' सार्वजनिक गरिएको छ । मंगलबार काठमाडौंमा पत्रकार सम्मेलन आयोजना गर्दै गीत सार्वजनिक गरिएको हो ।गीतमा फिल्मकी प्रमुख अभिनेत्री बेनिशा हमाललाई आइटम डान्समा प्रस्तुत गरिएको छ । किरण भुसालको संगीत, पुरुषोत्तम ढुंगेलको शब्द रहेको गीतमा दीक्षा थापा र सुरज शाही ठकुरीको आवाज रहेको छ । परिच्छेद सेनले निर्देशन गर्नुभएको फिल्ममा बेनिशा हमाल, तेज गिरी र सम्पदा बानियाँ प्रमुख भूमिकामा हुनुहुन्छ। 'जो मनमा छ जीवनमा छैन र जो जीवनमा छ मनमा छैन' भन्ने विषयवस्तुमा आधारित 'प्रेमगन्ज' भदौ ३ गतेबाट प्रदर्शनमा आउने भएको छ ।
